Зэвсэгт хүчний Агаарын цэрэг Mongolian Air Force

16/10/2025

16/10/2025

НИСЭХ ХОРООНЫ ҮЙЛ АЖИЛЛАГААТАЙ ТАНИЛЦЛАА
✅ Монгол Улсад Нисэх хүчин үүсэж хөгжсөний түүхт 100, анги үүсэн байгуулагдсаны 55 жилийн ойг тохиолдуулан Их засаг олон улсын их сургуулийн Агаарын тээврийн танхимын хоёрдугаар дамжааны оюутнуудад цэрэг эх оронч үзэл хүмүүжил төлөвшүүлэх, үндэсний бахархал, уламжлалыг түгээн дэлгэрүүлэх зорилгоор ангийн үйл ажиллагааг сурталчлан таниулах арга хэмжээг зохион байгууллаа.
✅ Нисэхийн хүслээр жигүүрлэсэн оюутнуудад ангийн захирагч хошууч Б.Батболд Нисэх хүчний үүсэл хөгжил, үүрэг, ач холбогдол болон онгоц, нисдэг тэрэгний нисгэгч, инженер, техникчдийн бүрэлдэхүүний бэлтгэл сургуулилтын талаар мэдээлэл хүргэж, оюутнуудын сонирхсон асуултад хариулан, цэрэг эх оронч сэтгэлгээ, цэрэгжилтийн боловсрол олгох чиглэлээр харилцан яриаг зохион байгуулсан юм.
✅ Хорь дугаар зууны түүхэнд тодорсон Монголын суут хүү, талын Монголчуудын хүсэл мөрөөдлийг таван тивээс өртөөлөн, сансар огторгуйн дайдад хүргэсэн гавьяаны эзэн БНМАУ баатар, ЗХУ-ын баатар, Монгол Төрийн тэргүүн дээд Чингис хаан одонт, сансрын нисгэгч хошууч генерал Жүгдэрдэмидийн Гүррагчаагийн нэрэмжит Цэргийн гавьяаны одонт Зэвсэгт хүчний 337 дугаар ангийн үйл ажиллагаатай танилцсан оюутан, залуус сэтгэл өндөр байгаагаа илэрхийлж, нисэх хүчнээр бахархаж байгаагаа уламжилсан юм.
Мэдээ бичсэн: Дэслэгч С.Баярхүү

15/10/2025

АГААРЫН ЦЭРГИЙН АЛБА ХААГЧИД ЭНХИЙГ САХИУЛАХ ҮҮРГЭЭ АМЖИЛТТАЙ ГҮЙЦЭТГЭЭД ЭХ ОРОНДОО ИРЛЭЭ
✨Бүгд Найрамдах Өмнөд Судан Улсад явагдаж буй Нэгдсэн Үндэстний Байгууллагын мандаттай энхийг сахиулах үүрэг гүйцэтгэсэн Монгол Улсын Зэвсэгт хүчний Агаарын цэргийн командлалын цэргийн алба хаагчид үүрэг амжилттай гүйцэтгээд эх орондоо эргэн ирлээ.
✨Энэхүү хүндтэй үүргээ амжилттай гүйцэтгээд ирсэн цэргийн алба хаагчид Агаарын цэргийн тугийг Агаарын цэргийн штабын дарга хурандаа Б.Энхзорголд хүндэтгэлтэйгээр буцаан гардуулан, энхийг сахиулах үүргээ нэр төртэй биелүүлсэндээ баяртай байгаагаа илэрхийллээ.
✨Бүгд Найрамдах Өмнөд Судан Улсад үүрэг гүйцэтгэх хугацаандаа тэд дэлхийн халуун цэгт энх тайвныг сахиулах хариуцлагатай болоод хүнд үүргийг амжилттай биелүүлж, Монгол Улсын нэр хүндийг өндөрт өргөснөө илэрхийлэхийн ялдамд, “Биднийг дэлхийн халуун цэгт үүрэг гүйцэтгэх хугацаанд гэр бүл, үр хүүхдүүдэд маань анхаарал халамж тавин, баяр болгонд биднийг төлөөлөн сэтгэлийн дэм, бэлэг өгч байсан Агаарын цэргийн командлалын удирдлага, хамт олондоо чин сэтгэлээсээ талархал илэрхийлье” хэмээн онцоллоо.
✨Агаарын цэргийн командлал Энхийг сахиулагчдаа угтан авч, үүргээ нэр төртэй биелүүлсэн эдгээр дайчдаар бахархаж байгаагаа илэрхийлж, Монгол Улсын Зэвсэгт хүчний Агаарын цэргийн алба хаагчид энхийг сахиулах үйл ажиллагаанд олон улсын түвшинд нэр хүндтэй байр суурь эзэлж, дэлхийн энх тайван, аюулгүй байдлын төлөө хувь нэмрээ оруулсаар байгаад талархал илэрхийллээ.

15/10/2025

ЭРҮҮЛ БИЕ-ЭРЧ ХҮЧ
🩺Зэвсэгт хүчний 337 ангийн Эмнэлгийн алба нь "Эрүүл бие-Эрч хүч" урианы дор Арц мед эмнэлэгтэй хамтран нийт бие бүрэлдэхүүний дунд "Түрүү булчирхай эхо", "Дотрын эхо" зэрэг оношилгоог үнэ төлбөргүй хийж гүйцэтгэлээ.

🩺Ангийн эмнэлэг нь чимээгүй тахал хэмээх чихрийн шижин өвчнөөс урьдчилан сэргийлэх ажлыг үе шаттай явуулж эхэлсэн бөгөөд бие бүрэлдэхүүнээс шээсний шинжилгээ, чихрийн шижингийн ойлголтын судалгаа авч, өлөн үеийн сахар тодорхойлох арга хэмжээг авч хянан ажиллаж байна.

15/10/2025

👉 Зэвсэгт хүчний 065 дугаар анги ахмад буурлуудаа хүндэтгэн хүлээн авч дурсамж дүүрэн өдөрлөгийг зохион байгууллаа.
👉 Энэхүү арга хэмжээнд 100 гаруй ахмадууд хүрэлцэн ирсэн бөгөөд ангийн захирагч хурандаа Г.Чулуунзагд “Өчигдөргүй өнөөдөр, өнөөдөргүй маргааш гэж үгүй” гээд ахмадууддаа баяр хүргэж, халуун дотно яриа өрнүүлж урт насалж, эрүүл энхийг хүсэн ерөөлөө.
👉 Энэ өдөр ахмад дайчдын бахархал, эв нэгдэл, залуу үеийн хүндлэл, талархлын илэрхийлэл болсон сайхан уулзалт болж өнгөрлөлөө.

15/10/2025

ЦЭРГИЙН ХӨДӨЛМӨРИЙН АЮУЛГҮЙ БАЙДАЛ НЭН ЧУХАЛ ЮМ
✨Зэвсэгт хүчний удирдах бүрэлдэхүүний цугларалттай уялдуулж, 2025 оны 10 дугаар сарын 10-ны өдөр Агаарын цэргийн командлалын удирдлага, хэлтсийн дарга нар, харьяа ангиудын захирагч нарт үүрэг чиглэл өгч, өмнөө дэвшүүлсэн зорилго, зорилтоо ханган ажиллахад болон өдөр тутмын үйл ажиллагаагаа явуулахад тулгамдаж буй асуудлуудыг талаар хэлэлцүүлэг зохион байгуулан, шийдвэрлэсэн юм
✨Зэвсэгт хүчний Агаарын цэргийн командлагч хурандаа Б.Мөнх-Ирээдүй цугларалтын үеэр хэлсэн үгэндээ: “Бид бүгд 2025 онд “Дронкон-2025”, “Хурдач радист-2025”, “Монгол Улсад Нисэх хүчин үүсэж хөгжсөний 100 жилийн ой”, “Зэвсэгт хүчний 337 дугаар ангийг Монгол Улс, ЗХУ-ын баатар, сансрын нисгэгч, хошууч генерал Ж.Гүррагчаагийн нэрэмжит болгох”, “Сэлэнгэ-2025”, “Зэвсэгт хүчний дроны оператор бэлтгэх сургалт”, “Дайчилгаатай болон орон нутгийн хамгаалалтын сургууль”, “Агаарын цэргийн тусгай тактикийн хээрийн сургууль” зэрэг томоохон арга хэмжээнүүдийг хамтын хүчээр амжилттай зохион байгуулж чадсан. Одоо бид бүхэн 2026 онд гаргасан амжилтаа бататган, байлдааны жижүүрлэлт, бэлэн байдал, цэргийн алба, сахилга хариуцлага, хөдөлмөрийн аюулгүй байдал, цэргийн сургалт бэлтгэл, бие бүрэлдэхүүний сэтгэл зүйн бэлтгэлжилт, ар тал ахуй хангалтын байдалд онцгой анхаарч ажиллаж нь нэн чухал юм” хэмээлээ.
✨Цугларалтын төгсгөлд Агаарын цэргийн командлагч хурандаа Б.Мөнх-Ирээдүй харьяа ангиудын захирагч нарт дурсгалын зүйл гардуулснаар өндөрлөсөн юм.

15/10/2025

АГААРЫН ЦЭРГИЙН КОМАНДЛАЛ АХМАД
ДАЙЧДАДАА ХҮНДЭТГЭЛ ҮЗҮҮЛЛЭЭ
✨Агаарын цэргийн командлал 2025 оны 10 дугаар сарын 10-ны өдөр үе үеийн ахмадуудаа хүлээн авч, хүндэтгэл үзүүллээ.
Энэхүү арга хэмжээ нь Олон улсын ахмадын өдрийн хүрээнд зохион байгуулагдсан бөгөөд Агаарын цэрэгт залуу нас, эрдэм мэдлэг, авьяас чадвараа дайчлан ажилласан ахмад дайчдынхаа алдар гавьяаг хүндэтгэх, залуу үеийнхэнд эх оронч үзлийг түгээх зорилготой байсан юм.
✨Хүндэтгэлийн ажиллагааны эхэнд Агаарын командлагч хурандаа Б.Мөнх-Ирээдүй мэндчилгээ дэвшүүлэн, Агаарын цэргийн штабын дарга хурандаа Б.Энхзоргол 2025 оны үйл ажиллагааны тайланг танилцуулж, байгууллагын хөгжил, бүтээн байгуулалтын талаар ахмад дайчдад мэдээлэл өгч, тэдний санал, зөвлөмжийг сонссон юм.
✨Мөн Монгол Улсад Нисэх хүчин үүсэж хөгжсөний яруу алдарт 100 жилийн ойг тохиолдуулан Агаарын цэрэгт олон жил зүтгэсэн ахмад дайчдыг Агаарын цэргийн хүндэт тэмдэг болон “100 жилийн ойн медаль”-аар шагнаж, гавьяа зүтгэлийг нь хүндэтгэлтэйгээр тэмдэглэлээ.
✨Агаарын цэргийн командлалын хамт олон цаашид ч ахмад үеэ дээдэлж, тэдний туршлага, зөвлөгөөг залуу офицер, ахлагч нарт өвлүүлэх чиглэлд тогтвортой ажиллахаа илэрхийлэв.

13/10/2025

Хурандаа Б.МӨНХ-ИРЭЭДҮЙ: АГААРЫН ЦЭРГИЙН ЭГНЭЭНД ТАВТАЙ МОРИЛНО УУ!

✨2024 оны 2 дугаар ээлжээр хугацаат цэргийн албанд татагдан ирсэн түрүүч, байлдагч нарт цэргийн мэргэжил олгох сургалтыг Агаарын цэргийн Ахлагчийн хөгжлийн төвөөс 30 гаруй жилийн дараа анх удаа амжилттай явууллаа.
✨Хугацаат албаны дайчид ахлагчийн албанд элсэх хүсэлтээ илэрхийлсний дагуу Зэвсэгт хүчний 303, 337, 353 дугаар ангиудын материаллаг баазыг түшиглэн, РЛС-ын оператор-планшетчин, радиотелеграфчин, онгоц нисдэг тэрэгний механикч мэргэжил олгох сургалтыг зохион байгуулсан юм. Энэхүү сургалтад амжилттай хамрагдсан дайчдад Мэргэжлийн батламж гардуулах ёслолын ажиллагааг 2025 оны 10 дугаар сарын 10-ны өдөр Зэвсэгт хүчний 303 дугаар ангийн байрлалд зохион байгууллаа.
✨Тус ёслолын ажиллагаанд Зэвсэгт хүчний Агаарын цэргийн командлагч, хурандаа Б.Мөнх-Ирээдүй, цэргийн штабын дарга, хурандаа Б.Энхзоргол, Агаарын цэргийн ахлагч, тэргүүн ахлагч Н.Баттөмөр нар болон Агаарын цэргийн командлалын бүтцийн нэгжийн дарга, харьяа ангиудын захирагч нар, сургалтын төвийн удирдлага, сургалтад хамрагдсан хугацаат цэргийн алба хаагчид оролцлоо.
✨Зэвсэгт хүчний Агаарын цэргийн командлагч хурандаа Б.Мөнх-Ирээдүй төгсөгч нарт баяр хүргэж хэлсэн үгэндээ: "Агаарын цэргийн мэргэжлийг сонгон суралцаж, Агаарын цэргийн ахлагчийн албанд дэвшин орох болзол хангасан та бүхнээрээ бахархаж байна. Агаарын цэргийн харьяа ангиуд 1992 онд сүүлийн хугацаат албаны түрүүч, байлдагч нараа халснаас хойш анх удаа Та бүхнийг хүлээн авч цэргийн мэргэжил олгох сургалтыг зохион байгуулснаараа энэ удаагийн сургалт онцлог боллоо.
✨Эх орныхоо дуудлагаар эр цэргийн албанд татагдан ирж, албаа нэр төртэй хаахын зэрэгцээ Агаарын цэргийн мэргэжил амжилттай эзэмшсэнд баяр хүргэж, чин сэтгэлийн талархал илэрхийлье. Агаарын цэргийн тэнгэрийн өнгөтэй хөх малгайг мөнхөд тэргүүндээ залж яваарай хэмээгээд бахархалтайгаар гардуулан өглөө.
✨Тус сургалтын хугацаанд бусдыгаа манлайлан РЛС-ын оператор-планшетчин мэргэжлээр суралцсан байлдагч Т.Балжинням (Зэвсэгт хүчний 256 дугаар анги), радиотелеграфчин мэргэжлээр суралцсан байлдагч Л.Гэрэлпунцаг (Зэвсэгт хүчний 340 дүгээр анги), онгоц нисдэг тэрэгний механикч мэргэжлээр суралцсан байлдагч Г.Нямсүрэн (Зэвсэгт хүчний 336 дугаар анги), "Шилдгийн шилдэг суралцагч"-аар дэд түрүүч Я.Баасанпүрэв нарт Агаарын цэргийн командлалын хэлтсийн дарга нарын нэрэмжит шагналыг мөн гардуулсан юм.
Монгол цэргийн яруу алдар үеийн үед мандан бадрах болтугай.