02/07/2025
Олон улсын Улаанбаатарын их сургуулийн Монгол-Солонгосын эрх зүйн хүрээлэнгийн судлаачдын зөвлөлийн гишүүн БНСУ-ын Ажү (Ajou University) их сургуулийн Хууль зүйн сургуулийн профессор, доктор И Жинь Күг тус улсын Ерөнхийлөгчийн хууль зүйн тогтолцооны шинэчлэлийн асуудал хариуцсан нарийн бичгийн даргаар томилогдсон байна.
И Жинь Күг профессор 2023 оноос Монгол-Солонгосын эрх зүйн хүрээлэнгийн судлаачдын зөвлөлийн гишүүнээр ажиллаж байгаа бөгөөд БНСУ-ын Эрүүгийн эрх зүй судлаачдын холбооны Ерөнхийлөгчөөр сонгогдон ажиллаж байсан туршлагатай судлаач юм.
БНСУ-ын хууль зүйн тогтолцооны шинэчлэлийг хэрэгжүүлэх ажилд нь өндөр амжилт хүсье.
