Entrepreneur Note

20/09/2025

Маргааны 80% нь хэн нэгэн юм идээгүйгээс, өлссөнөөс болж эхэлдэг.

20/09/2025

iOS 26 upgrade хийсний дараа Contact цэсэн дэх хадгалсан дугаар хайдаг хэсэг алга болчихож уу? Тэгвэл энэ тохиргоог хийгээд дугаар хайдаг хэсгийг гаргаж ирээрэй.

20/09/2025

Дуучин, жүжигчин IU уран бүтээлийнхээ 17 жилийн ойг тохиолдуулан буяны үйлсэд 516 сая төгрөг буюу 200 сая воныг хандивлалаа. Энэхүү хандив нь ховор өвчтэй хүүхдүүд, хөгжлийн бэрхшээлтэй иргэд, бие даан амьдралд бэлтгэж буй залуус болон ганцаар амьдарч буй өндөр настнуудад дэмжлэг үзүүлэхэд зориулагдах аж. IU уран бүтээлийн ой, төрсөн өдөр зэрэг утга учиртай мөчүүддээ хандив өргөдөг уламжлалтай аж. Тэрээр энэ оны 3 сард гэхэд л Солонгосын ой хээрийн түймрийн хохирогчид болон гал сөнөөгчдийн ажлын нөхцөлийг сайжруулахад 200 сая вон хандивлажээ.

19/09/2025

Японы хамгийн баян хүний жагсаалтын 4-рт бичигдсэн Nobutada Saji.

Тэрээр Suntory Holdings-ийн ТУЗ-ийн дарга. Suntory бол виски болон зөөлөн ундаагаараа алдартай томоохон групп компани бөгөөд тус групп нь АНУ-ын Beam Inc.-ийг худалдан авч, өргөжсөнөөр дэлхийн брэнд болсон. 10.5 тэрбум долларын хөрөнгөтэй.

19/09/2025

Хятад улс Alibaba, ByteDance, Baidu зэрэг компаниудад NVIDIA-ийн хиймэл оюуны чип худалдан авахаа зогсоож, өмнө захиалсан захиалгуудыг цуцлахыг мэдэгдлээ. Албаныхны хэлснээр, Хятадын дотоодын чипүүд одоо NVIDIA-тай өрсөлдөхүйц түвшинд хүрсэн гэжээ. Энэ алхам нь АНУ-ын технологид найдахаа багасгаж, өөрийн хиймэл оюуны чипийн экосистемийг хөгжүүлэх Хятадын бодлоготой нийцэж байгаа аж. Үүний зэрэгцээ АНУ ч Хятадын чипүүдэд хязгаарлах экспортын дүрмээ чангатгаж байна. Энэхүү шийдвэр нь NVIDIA-ийн Хятадад хийх борлуулалтад илүү их дарамт үүсгэж, дэлхийн чипийн дайны шинэ үе шат эхэлж буйг харуулж байна.

19/09/2025

Netflix-ийн "Physical: Asia” спортын гал гарсан өрсөлдөөнт шоу 10-р сард гарч эхлэх нь ээ.

Энэхүү биеийн хүчний дайнд: Монгол, БНСУ, Япон, Тайланд, Турки, Индонез, Австрали, Филиппин зэрэг 8 улсын баг оролцож байна. Баг тус бүр 6 оролцогчтой. 🇲🇳

18/09/2025

Японы хамгийн баян хүний жагсаалтын 3-рт бичигдсэн Takemitsu Takizaki. Тэрээр Keyence компанийн үүсгэн байгуулагч. Keyence компани мэдрэгч болон автоматжуулалтын тоног төхөөрөмж үйлдвэрлэдэг бөгөөд ашигтай байдал болон шинэлэг шийдлээрээ алдартай. 20.7 тэрбум долларын хөрөнгөтэй.

18/09/2025

Маргааш

Солонгосын бүх нисэх буудалд ажил хаялт зарлагдлаа. Инчоны нисэх буудлын үйлдвэрчний эвлэлийн газар, Үндэсний нисэх буудлын үйлдвэрчний эвлэл хамтран 9-р сарын 19-с эхлэн Чусокийн амралтын үеэр ажил хаялт хийхээр болжээ. 15 нисэх буудлын 15 мянга гаруй ажилтнууд ажил хаялтад оролцоно.

Энэхүү ажил хаялтаас шалтгаалан нислэг 3-8 цаг саатах, мөн нислэг цуцлагдаж болзошгүй аж.

Ажил хаялт хийх шалтгаан:

1. 3 баг 2 ээлжийг 4 баг 2 ээлж болгон ажиллах системийг өөрчлөх
2. Цалин болон шударга бус гэрээний нөхцлийн зөрчлийг арилгах
3. Ажиллах нөхцөл, ажилтнууд эрүүл мэндээрээ хохирч буй асуудлыг шийдвэрлэх

18/09/2025

iOS 26 дээрх тунгалаг шилэн мэт дизайн төвөгтэй санагдаж байвал, юм уншихад ядаргаатай санагдаж байвал энэ тохиргоог хийгээрэй

18/09/2025

Киотогийн их сургуулийн эрдэмтэд хулганад хийсэн туршилтаар дурсамж арилгах арга олжээ. Тэд тархины үйл ажиллагааг гэрлээр удирдах Optogenectic аргыг ашиглаж, сөрөг дурсамжтай холбоотой мэдрэлийн эсүүдийг унтрааснаар дурсамжийг арилгаж чадсан байна. Яг л Men in Black кино шиг. Энэ арга нь тархины бусад үйл ажиллагаанд нөлөөлөөгүй бөгөөд энэхүү нээлт нь PTSD, фоби, донтох өвчнийг уг үндсээр нь устгах боломжийг харуулж байна. Сэтгэцийн эрүүл мэндийн ирээдүй зөвхөн эмчилгээ бус тархины түүхийг шинээр бичдэг болж ч магадгүй байна.

18/09/2025

iOS 26 дээр Screenshot хийсэн чинь шууд хадгалагдахгүй баахан туслах цэс гарч ирээд ядаргаатай байна уу? Тэгвэл энэ тохиргоог хийгээд хуучин шиг болгоорой. 😎

17/09/2025

Японы 2 дахь баян хүн Masayoshi Son. Тэрээр SoftBank Group-ийн ТУЗ-ийн дарга, Гүйцэтгэх захирал бөгөөд дэлхий даяар технологийн томоохон хөрөнгө оруулалтаараа алдартай. Түүний Vision Fund нь шинэ дэвшилтэт гарааны компаниудад хөрөнгө оруулдаг. 28.2 тэрбум долларын хөрөнгөтэй.