22/06/2025
Уухгүй байх эрх чөлөөг
Эрүүл саруул байх хайрыг өөрөө өөртөө өгсөндөө үргэлж баярладаг☺️🌸
Аж жаргалын гармоныг натуралаараа үйлдвэрлэж мэдрэх нь жинхэнэ кайф юм 🤗
Архиар биш эхийн сүүгээр л амлуулсан юм чинь бид уухгүй амьдарч угаасаа чадна. 💪🏻
ЧИ УУХ ДУРТАЙ ЮУ?
Алкохолны асуудал биднийг удаанаар живүүлдэг. Үгүйсгэх гэдэг нэр томъёо бий- үнэнийг юм уу бодит байдлыг хүлээн зөвшөөрөхөөс татгалзах. Ингэсэнээр хүмүүс хамааралтай болж байгаа шинж тэмдэгүүдээ анзаарахгүй байх зөвшөөрөл өөртөө олж авдаг. Жишээлбэл, чи өөртөө ингэж хэлнэ, надад асуудал байхгүй ээ, би уугаад унаж тусаад явдаггүй, манай найзууд надаас хамаагүй их уудаг, би зөвхөн пиво, вино л уудаг гэх мэт. Энэ хооронд, чи тогтмол уусаар л, чиний тархи өөрийгөө шинээр командлан чи ямар нэг гэмшил, ичгүүр сонжуургүйгээр хор хохиролыг үл тоон улам их уух хүсэл рүү хөтлөгдөнө.
Алкохолны хэрэглээний эмгэг хөнгөн, дунд, хүнд байж болно. Асуудалтай хүмүүсийн ихэнхэд нь бие мах бодын эрүүл мэнд, сэтгэцийн эрүүл мэнд, нийгэмшлийн (ажил, гэр бүл, найз нөхөд) холбоо сүлбээ, спиритуал түвшинд шинж тэмдэг илэрдэг. Эмнэлэг дээр очоод өөрийгөө хамааралтай эсэхийг мэдэх тестүүд олон бий. Дараах 12 тохиолдолууд бол чи асуудалтай байна уу, эсвэл асуудалтай болох тун ойрхон байгаа үгүйгээ мэдэж болох хөнгөн тест.
АЛКОХОЛНЫ АСУУДАЛТАЙ БАЙГААГ ИЛТГЭХ 12 ШИНЖ ТЭМДЭГ
1. Чи төлөвлөж байснаасаа илүүг уудаг.
Чи ажлынхантай уулзахаар явж байв, чи ганц пиво уучаад гэртээ эртхэн ирж унтахгүй бол өглөө эрт ажилтай гэж бодон алхана. Мексик ресторанд очтол, бөөн шил маргарита захиалсан байна. Чи нэгийг ууна, за дахиад нэгийг уухад яахав дээ, юу л болов гэж гээд бодон гудрана. Дараа нь хэн нэгэн хүн болгонд такила шот авч өгнө, авч өгсөн юм чинь уухаас яахав дээ. Ингээд аймар шоудалт болно. Чи гэртээ үүр цүүрээр харина. Өглөө нь новшийн сэрнэ, ажил дээрээ ямар ч бүтээмжгүй зэвхий царайлан сууна.
2. Алкохол чиний амьдралд том байр суурь эзлэнэ, чи уух тухай, юу уух тухай, ууж байгаа тухай, шарталтын тухай бодоход их цаг хугацааг зарцуулдаг.
Чи уудаг хүнд гарын найзуудынхаа зохион байгуулагч, уриалагч. Чи покер тоглох орой, оройн хоол, аялал зугаалга, тоглох өдөрт зориулан сайн вино юм уу брэндийн гоё уух юм олж авахад их цаг хугацаа мөнгө зарна. Ням гараг чиний хувьд шартаж өнгөрүүлэх өдөр болно гэдэг нь ойлгомжтой байдаг.
3. Уусаны маргааш тархи толгой өвдөн гөлийнө, бачууран эвгүйцэнэ, ядран сульдаж юу ч хийх хүсэлгүй болно.
Тавдахын орой найзуудтайгаа хэдэн пиво ууна, маргааш нь новшын үхээнц юм сэрнэ. Чи бүх төлөвлөгөөгөө цуцалж, гэртээ үлдэн, хийх ёстой байсан ажлуудаа хийлгүйгээр өөрийгөө тусгаарлан ганцаардан хэвтэнэ.
4. Чиний харилцаануудад асуудал үүснэ.
Чи оройн хоолонд гарах болгондоо вино уусанаас болж эхнэр нөхөртэйгээ маргалдана. Дөрөвдөхийн орой болгон андуудтайгаа уулзахдаа дандаа оройтож хэт согтуу ирдэг. Маргааш партнер чинь чамтай ярилцахгүй дуугаа хураана. Чиний хариуцлагагүй байдлаас, өөрийгөө хайхардаггүй зангаас чинь болж түүний ой гутна.
5. Чи ажил дээрээ, сургууль дээрээ, мөнгөн дээр, эсвэл хуулийн асуудалд орно.
Банкнаас чамруу хоцорсон төлбөрийг чинь нэхэн залгана, чи утасаа авахгүй. Чи шарталтаас болж ажлаа таслана, халагдахаас айна. Хэт их партидсанаас болж гэрийн даалгаваруудыг хийгээгүй, шалгалтуудаа муу өгсөн учраас сургуулиасаа хөөгдчихвий гэж айна. Чи машин барих эрхээ хасуулсанаас болж хөл дүүжлэх унаагүй болсон.
6. Чи бие мах бодиороо ч, сэтгэлзүйгээрээ ч өвчилж эхлэнэ.
Чиний даралт өндөрсөнө, чи сэтгэл түгшил, хоосрол, итгэл найдваргүй, утгагүй болсон энэ эвгүй мэдрэмжүүдийг давж дийлж чадахгүй учраас ууж л өөрийгөө тайвшруулна. Уухаа болих үед бүр их түгшиж, сэтгэл гутралд орно. Нэгдэхийн өглөө ажилдаа очиж бодит байдалтай нүүр тулахыг хүсэхгүй.
7. Чи амьдралаас, хоббинуудаасаа холдоно.
Амралтын өдрөөр найзуудтайгаа теннис тоглодог байсан бол очихоо болиж эхлэнэ. Хүмүүсээс зугтааж гэртээ ганцаараа үлдэхийг сонгоно, заримдаа ууна.
8. Уусан үедээ өөрийгөө болон бусдыг аюултай эрсдэлд оруулна, машин барих, цанаар гулгах, сэлэх гэх мэт.
Хагассайн өдрийн өглөө сэрлээ, чи яаж гэртээ ирсэнээ сайн санахгүй. Тэгэж байтал кадр орж ирнэ, чи найзуудыгаа машинаараа хүргэж өгсөнөө санана, өөрийгөө ч бусдыг ч эрсдэлд оруулжээ.
9. Уухаараа чи хүн биш болж, шал өөр хүн болно, ичиж үхмээр үйлдлүүд хийж, үгнүүд хэлсэн байх болно.
Чи найз охидуудтайгаа партидахаар гарна. Партины үеэр чи нэг залуутай аальгүйтэж найзуудыгаа тоохгүй. Партиг орхиж, тэр залуугийнд очиж хононо, өглөө сэрээд, танихгүй залуутай сексдэж, найзуудыгаа орхиж явсандаа ичиж зовно.
10. Чи сайн даадаг болж, адилхан үйлчлэл авахын тулд илүү их уух шаардлагатай болно.
Урьд нь нэг хундага вино уугаад хөөрхөн халчихдаг байсан бол одоо нэг шилийг ууж байж л тийм мэдрэмж авдаг болсон байна.
11. Уултаа багасгах гэж хичээх боловч амжилтгүй.
Чи яг л чухал өдрүүдээр хаа нэг пиво, нэг хундага вино ууна гэж өөртөө амлавч, чи яагаад ч юм мэдэхгүй өдөр болгон уусан байна. Нэг мөсөн гарах гэж хичээвч салганаж, толгой тархи өвдөнө.
12. Хор уршигийг мэдсээр байж уусаар л байх болно.
Чиний уулт бодит асуудлууд үүсгэсээр байтал чи уусаар л. Алкохол амьдралын чинь бусад асуудлаас чинь илүү чухал болсон байх болно.
УУХ АСУУДАЛТАЙ БОЛЖЭЭ, ОДОО ТЭГЭЭД ЯАХ ВЭ?
Алкохолын асуудал бол моралын доголдол биш эмчлүүлэх шаардлагатай тархины эмгэг. Цаад учир шалтгааныг олох хэрэгтэй. Траума, сэтгэцийн гэмтэл,анхаарал дутмагшлын эмгэг, сэтгэл түгшил, сэтгэл гутрал, тархи толгойн гэмтэл гээд чамайг уулгах шаардлагатай болгоод байгаа тэр учирыг ол. Учир шалтгааныг нь олж эмчилж чадвал асуудлаа шийдэж чадна.
Self love group: https://www.facebook.com/groups/1116728896278183/
Эх сурвалж: https://www.amenclinics.com/ аа-с орчуулав
