10/07/2026
«Манай үе, Танай үе»-ийн анхны дугаарын босгыг Та бидэнтэй хамт алхаж, ярианы ширээний маань хамгийн анхны хүндэт зочин нь болж заларсан билээ. Ахмад үеийн ухаан, туулсан амьдралын сургамж, урлагт зориулсан он жилүүдийнхээ түүхийг Та бидэнд харамгүй хайрлаж, залуу үед үлдээх үг гэж юу байдгийг үлгэрлэн үзүүлсэн юм.
Тэр өдрийн Таны налгар инээмсэглэл, тайван дуу хоолой, нүдний тань гэрэл дэлгэцнээ төдийгүй бидний зүрх сэтгэлд мөнхөрчээ.
Хорвоогийн тавилан хатуу юм. Урьтаж хэн ч мэдэхгүй энэ мөнх бусыг хүлээн авахад хэцүү ч, урласан бүтээл, ухаалаг үг, унаган сайхан сэтгэл тань үлдэж, Та үзэгч түмнийхээ дурсамжид үүрд амьд байх болно.
Уужим тэнгэрийн орондоо амгалан заларч, гэгээн сүнс тань гэрэлт замаар одох болтугай.
Ар гэр бүл, үр хүүхэд, төрөл садан, анд нөхөдөд нь чин сэтгэлийн гүн эмгэнэл илэрхийлье.
Гэрэлт дурсгалыг тань «Манай үе, Танай үе»-гийн хамт олон үеийн үед хүндэтгэн дурсах болно.
