20/09/2025
Балто бид 2 өдөр ажлаа дуусгачхаад Тариалан сум руу гарч давхиад эрлийн ажиллагаанд оролцож нар буутал хүүхдийг хайлцаж байгаад ирлээ. Балто ойгоор явж сурсан, үнэрийг нь сайн мэддэг, ойгоос өөр үнэр үнэртэх, элдэв чимээнд соргог болохоор хэрэг болж магадгүй гээд аваад очсон. Морьтой, явган, машинтай хүмүүс онцгойгийнхон, төрийн албан хаагч нар гээд зөндөө хүмүүс зохион байгуулалттайгаар хайж байна лээ. Бид 2 заавар, зөвлөгөө сонсоод нэрээ бичүүлж бүртгүүлчхээд Эрдэнэтийн онцгойгийнхныг дагаад уул руу гарсан. Хүүхдийн хамгийн сүүлд байсан газар нь том том модны үндэс, унасан мөчир ихтэй тийм жаахан хүүхэд битгий хэл хамаагүй явбал би ч бүдрээд унахаар газар байсан. Гэсэн ч бид 2 уулын араар нэлээн сайн явлаа. Даанч ямар ч сэжүүр гарсангүй. Хүүгийн дүү гээд 5 сартай жижигхээн хөөрхөн хүүхэд Балто бид 2-ыг харж инээд алдаад юм ярихыг харсан хүмүүс энэ 2 чинь бараг ойлголцоод байгаа юм биш үү гээд л өхөөрдөөд байсан. Балто хүүхэд рүү ойртохдоо ямар ч хүн айж сандрах үйлдэл гаргаагүй ёстой онц байсан. Дүү нарын маань жижигхэн хөөрхөн хүүхдүүдээс ялгаа юу байхав гэж санаад зовоод, 2-т Лупо минь алга болоход би ёстой хайна гэж самарснаа бодоод зүгээр хараад сууж чадсангүй ээ. Гэхдээ л минийхээр бол тэр ойд байхгүй мэдрэмж төрөөд байсан. Хэн нэг нь машинаас аваад явсан байх л гэж бодогдоод салдаггүй. Эсэн мэнд л байвал 🙏. Онцгойгийн хүн “Бүлээн амьтай л олдоосой” гэж хэлсэн нь чихэнд сонсогдоод л байна. Бид 2 бас хамаагүй явж байгаад хүн амьтны санааг зовоох вий гээд уулнаас буугаад явлаа гэдгээ мэдэгдээд явсан. Бас ээжийг, гэрийнхнийг санаа нь зовох вий гээд хэлээд явсан. Манайхан ч миний ямрыг мэдэж байгаа болохоор “болгоомжтой яваарай” гэсэн ч харанхуй болмогц ээж над руу залгаад санаа нь их зовсон гэнэ. Сүлжээ оронгуут залгаж санааг нь амраалаа. Захирал бас санаа нь зовоод залгаж. Яг чамайг тийшээ л явсан байх гэж бодсон гэнэ. Хүмүүс замд зөрөөд л яваад байна лээ, зарим нь зам асуухдаа “нөгөө газар хүрэх зам мөн үү” гээд хамаагүй үг хэлэхээс цээрлэж байгаа нь хүндэлмээр байсан. Зөндөө л юм бодлоо. За эсэн мэнд л олдоосой 🙏. Удахгүй сайхан мэдээ дуулдаасай 🙏💖. Нээрээ зарим хүмүүс мэргэлдэг хүн амьтнаас асуусныг нь хаха хихи гээд шоолоод байсан. Битгий тэгээрэй. Аргаа барсан хүмүүс бүх арга чаргыг хэрэглэдэг. Би ч тэгж л байсан.
