Inner beauty with Dalai

15/10/2024

ҮГИЙН ИД ШИД

ХАЙРТАЙ ГЭДЭГ ҮГИЙГ
ХАРАМГҮЙ ИХЭЭР ХЭЛЭЭЧ
ХАЙРЫН ХҮРДНЭЭС УНДАРЧ БАЙДАГ
ХАМГИЙН ХҮЧТЭЙ ЭМ

БАЯРЛАЛАА ГЭДЭГ ҮГИЙГ
БАЙНГА ХЭЛЖ ЗАНШААЧ
БАЧУУРЧ ДАВЧИДСАН ХЭНИЙГ Ч
ТАЙВШРУУЛЖ АМРААХ РАШААН ҮГ

УУЧЛААРАЙ ГЭДЭГ ҮГИЙГ
ҮНЭН СЭТГЭЛЭЭСЭЭ ХЭЛЭЭЧ
УЙЛТАЛ ГОМДСОН НЭГНИЙ
УРМЫГ СЭРГЭЭХ УЯРАЛЫН ҮГ

ЖАРГАЛТАЙ ГЭДЭГ ҮГИЙГ
ЗУУН ТҮМДЭЭР ХЭЛЭЭЧ
ЗОВЛОН ГУНИГИЙН МӨСИЙГ ХАЙЛУУЛАХ
ЗҮЙРЛЭШГҮЙ ХАЛУУН ДУЛААН ҮГ

ХАЙХАЛТАЙ ГЭДЭГ ҮГИЙГ
ГАЛТАЙ ЦОГТОЙ ХҮЧТЭЙ ХҮЧТЭЙ ХЭЛЦГЭЭ
АМЖИЖ БҮТЭХГҮЙ БАЙГАА ҮЙЛ БҮХНИЙГ ЧИНЬ
АССАН ГАЛЫН ДӨЛ ШИГ ДҮРЭЛЗҮҮЛЖ БАДРААХ ҮГ

ДҮҮРЭН ГЭДЭГ ҮГИЙГ
ЗӨНГӨӨРӨӨ ЗӨНДӨӨ ХЭЛЭЭЧ
ДУТУУ ДУНДУУРЫГ ГҮЙЦЭЭГЧ
АГУУ ШИДЭТ ҮГ

БУЯН НЬ ДЭЛГЭРЭГ ГЭДЭГ ҮГИЙГ
БУМ БУМААР ХЭЛЭЭЧ
БУУРАЛ ХӨГШДИЙН ЗАХИАС
БИЛЭГДЭЛ ЕРӨӨЛИЙН САЙХАН ҮГ

НАСАА НЭМ ГЭДЭГ ҮГИЙГ
НАЙР ТАВИН ХЭЛЭЭЧ
НАСТАН БУУРЛААС УЛБААЛСАН
НАНДИН САЙХАН ЕРӨӨЛИЙН ҮГ

06/10/2024

Хэрэв танд хэн нэгний ямар нэгэн зан чанар таалагдахгүй байгаа бол тэр зан чанар өөрт тань байна гэж ойлго.

Өөрөө өөрчлөгд, тэр үед эргэн тойрны тань хүмүүс ч мөн өөрчлөгдөх болно.

Өөрийгөө байгаагаар нь хайрлаж, байгаагаар нь хүлээн зөвшөөр. Бусдаас зөвхөн сайныг нь анзаарч сур.

Хүмүүсээс юу анзаарч харж дассан, түүнийг бусад хүмүүс ч танд үзүүлэх болно гэдгийг санаарай.

Өвчнөө хайрла номоос…

01/10/2024

Хүн бүрийн дотоод ертөнц, оршихуй нандин бөгөөд үзэсгэлэнтэйг мэдрэх мэдрэмж…

29/09/2024

Адгуу догшин сэтгэлийн
Жотоог залахад бэрх шүү
Арга билгийн ухаанаар
Аяыг нь тааруулж номхотгоорой

Маанийн сургаалаас…

13/09/2024

Сэтгэлийг номхруулваас тэр миний шашин болой.

Бурхан будда

08/09/2024

Өвчин эмгэг гэдэг нь таны зарим нэгэн зан үйл, үзэл бодол, мэдрэмж нь ертөнцийн хуультай зөрчилдөж байгааг илэрхийлж буй далд ухамсрын илгээмж юм.

Тэгэхээр аливаа өвчин эмгэгээс ангижрахын тулд өөрийн бодол санаа, сэтгэл хөдлөлөө орчлон ертөнцийн хууль дүрэмтэй нийцүүлэх хэрэгтэй.

Өвчнөө хайрла номоос…

07/09/2024

Талархаж чаддаг хүнд хорвоо ертөнц сайхан бүхнийг өгдөг 💚

04/09/2024

ТАНЫ ГЭР БОЛ ТАНЫ АРИУН СҮМ БӨГӨӨД АРИУН ОРШИХУЙН ОРОН ЗАЙ ЮМ

Гэртээ сөрөг таагүй эрчим энергитэй хүмүүсийг оруулах, мөн таагүй зүйлсийг ярилцаж үйлдэх, айдас, атаархал хорсол, уйтгар гуниг гэх мэт сөрөг эрчим энергитэй зүйлсийг ухамсартайгаар үйлдэхгүй байхад анхаарах нь зүйтэй юм.

Учир нь таны гэр бол таны бие мах бодь, сэтгэл оюуны тав тухыг хангахын зэрэгцээ хамгийн аюулгүй, тав тухтай орчин байгаад зогсохгүй таны сүнс ухамсарыг тайвшруулан тайтгаруулдаг ариун оршихуй юм.
Гэрээ үргэлж цэвэрхэн, цэгцтэй, сайхан үнэртэй байхад анхаарч ийм байлгаснаар таны бие, махбодь, сүнс ухамсар ч цэвэр ариун ажил үйлс бүтэмжтэй байх нөхцлийг бүрдүүлдэг.

Гэрт ямар энерги хуримтлан цугласан байна яг л тэр энергээр тухайн гэрт амьдарч буй бүх тэтгэгдэн амьдралдаа сайн сайхныг эсвэл саар мууг бүтээх эх үндэс нь болж байдаг.

Тиймээс гэрийн эрчим энергээ тэтгэн гэртээ сайн сайхан зүйлсийг ярьж хэлж, үйлдэж, бясалгаж, арц, хүж, лаа асааж, цэвэр агаарыг үргэлж гэртээ оруулж байх нь зүйтэй юм.

27/08/2024

Дэлхий ертөнц дээрх хамгийн цэвэр, ариун хайр бол ээж, хүүхдийн хоорондын хайр юм. Энэхүү хайр нь хүмүн төрөлхтний хайрын ойлголтоос чинагч хайр юм.

Таны хүүхэд таныг өөрийн ээж болгохоор сонгосон гэдгийг үргэлж ойлгож санаарай.
Тиймээс хүүхдийн өсөлт хөгжил болон сүнсийг өөрийнх нь ертөнцөөс үргэлж хүндэтгэн хайрлахаа хэзээ ч бүү мартаарай.
Хүүхдүүдээ унаж бүтэлгүйтэх үед таны тусламж хэрэгтэй эсэхийг мэдэрч эргэн хөл дээрээ босч урагшлах үед нь ээж нь үргэлж туслахад бэлэн байгаа гэдгийг сануулж дэмнэн босгож байгаарай.

Харин хүүхэд тань нэгэнт өсч торниж бие хүн болсон цагаас тэд өөрсдийн акашийн товчоонд бичигдсэн амьдралын зам мөрөөрөө амьдрах учиртай билээ.

Ээж, хүүхдийн ариун нандин хайрын холбоо хэзээ ч гэмтэж бохирдож устахгүй мөнхийн холбоо гэдгийг үргэлж санууштай юм.

Эх сурвалж: Healing world

Орчуулсан: О.Далай

26/08/2024

ХҮН БҮР ЭНЭ САЙХАН ХОРВОО ЕРТӨНЦӨД ӨӨРИЙН ГЭРЛЭЭ ТҮГЭЭХ ЗОРИЛГОТОЙ ДЭЭДИЙН ХҮМҮН ЗАЯАГ ОЛЖ ТӨРДӨГ БИЛЭЭ

Би жил бүрийн төрсөн өдрөөрөө өмнөх жилийн төрсөн өдрөөс хойш энэ жилийн төрсөн өдөр хүртэлх хугацаанд юунд, хэнд цаг заваа зориулсан тухайгаа дүгнэн цэгнэдэг билээ.

Өөрийгөө таньж мэдэх гэж өмнөх жилүүдэд маш их аялж олон олон эвэнт, үйл ажиллагаануудад оролцож явдаг байсан би 2019 оны 08 сарын 01-с бясалгал хийхэд суралцаж эхэлж байсан билээ.

2019 оноос бясалгаж эхэлснээс хойшхи жилүүдэд аялалд, эвэнтэд оролцох жилүүд маань 2021 оныг хүртэл эрчимтэй үргэлжилж өөрийгөө өөр өнцгөөс олж харах аялал минь ч үргэлжилсээр байсан билээ.

Харин 2022 оноос гадаад ертөнц рүү анхаарал, цаг заваа зориулдаг аяллаа багасгаж өөрийн дотоод ертөнц рүүгээ хийх аялалд аль болох цаг заваа зориулж гадаад ертөнцийн аяллаар дамжуулж олж таньж байсан өөрийгөө дотоод ертөнцөөсөө судалж эхэлсэн билээ.

Өөрийн дотоод ертөнц рүүгээ хандан өөрийгөө судалж эхэлсэн цаг мөчөөс маш гоё эерэг өөрчлөлтүүд гарсан ч нөгөө талдаа өөртэйгээ зөрчилдсөн сөрөг мэдрэмжүүд ч мөн гарч буйг ажигласаар байсан билээ.

Учир нь тухайн цаг мөчид өмнө нь өөрөөсөө ч олж харж байгаагүй тэр л зан чанартайгаа нүүр тулж эхэлж байсан юм.
Ийнхүү өөрийн дотоод руугаа хийх аяллаа 2019 оноос хойш бага багаар ахиулан тууштай үргэлжлүүлсээр байгаа өөртөө талархдаг.

Учир нь өөрийн дотоод ертөнц рүүгээ аялж өөртэйгээ байж өөрийгөө бага багаар хүлээн зөвшөөрч эхлэх тусам яг л би хайгаад байдаг асуултынхаа хариултыг бага багаар олж буйгаа мэдэрсээр байсан.

Тиймээс ч энэхүү өөрийн дотоод ертөнц рүүгээ хийх аяллын зам маань илүү тодорсоор яг л миний хайгаад буй зүйл рүү цаг зориулах тусам хөтөлсөөр байсан юм.

2023-2024 онд энэ л өөрийн дотоод ертөнц рүү хийх аялалдаа зориулсан цаг хугацаа бүр минь үнэ цэнтэй, эрхэм нандин байсанд маш их талархаж байна.

Энэхүү өөрийн дотоод ертөнц рүүгээ хийх аялалд минь гэрэл гэгээ нэмж итгэл найдварыг илүү ихээр бэлэглэж байсан эрхэм сайхан буянтай, хайртай гэр бүлийнхэндээ, багш нартаа, эргэн тойронд маань байж сургамж дурсамжийг бүтээлцдэг хайртай найзууддаа, таних танихгүй бүхий л хүмүүстээ маш их талархаж байна.

Таны ертөнц ч бас дахин давтагдашгүй бөгөөд онцгой өнгө гэрэлтэй билээ.

Онцгой өнгө гэрлээ тодруулах аялал, сонголтыг үргэлж хийж өөрийн оршихуйгаа хүндэтгэн дээдлэж дэлхий ертөнцөө өөрийн өнгөөрөө тодоос тод гэрэлтүүлээрэй.

20/08/2024

ӨӨРИЙН БОДИТ ҮНЭНТЭЙГЭЭ ВИПИШЯНА БЯСАЛГАЛААРАА ДАМЖУУЛАН 2 ДАХЬ УДАА НҮҮР ТУЛСАН ТЭМДЭГЛЭЛ…

2022 оны 06 сарын 15–25-ны өдрүүдэд Дхамма Махаана-2 төв буюу байгалийн сайханд оршдог ВИПИШЯНА бясалгалын төвдөө 10 хоног бясалгалд сууж…