SPY.MN, Ulaanbaatar (2025)

07/07/2025

БОРДООНЫ УРАМШУУЛЛЫН ХҮСЭЛТИЙГ 8 ДУГААР САРЫН 31-НИЙ ӨДРИЙГ ДУУСТАЛ ХУГАЦААНД ХҮЛЭЭН АВНА

Тариаланч хүн, хуулийн этгээдийн хөрсний үржил шимийг сайжруулж, ургацыг нэмэгдүүлэх зорилгоор тухайн жилд хэрэглэсэн эрдэс болон биологийн гаралтай бордооны үнийн дүнгийн 30 хүртэл хувьд хөнгөлөлт олгох тухай баримт бичгийг шинэчлэн баталсан тул дараах хугацаанд баримт бичгийн бүрдлийг хангаж ирүүлнэ үү.

Үүнд:
1.Бордоо импортлогч болон үйлдвэрлэгч аж ахуйн нэгжүүд тариаланч хүн, хуулийн этгээдэд худалдан борлуулсан бордооны НӨАТ-ын баримтыг тухайн жилийн 07 дугаар сарын 31-ний өдрийг дуустал үүсгэсэн байна.
2.Тариаланч хүн, хуулийн этгээдийн хэрэглэсэн бордоондоо хөнгөлөлт авах хүсэлтийн материалыг тариалангийн үйлдвэрлэлийн нэгдсэн plant.mofa.gov.mn цахим системийн “Дэмжлэг” хэсгийн “Бордоо” цэсээр 8 дугаар сарын 31-ний өдрийг дуустал хугацаанд хүлээн авна.
3.Ирүүлсэн хүсэлт материалыг тухайн оны 09 дугаар сарын 30-ыг дуустал хугацаанд хянан шалгана.
4.Хугацаа хожимдуулсан материал хүлээн авахгүй ба хөнгөлөлт үзүүлэхгүй.

Хөрсний үржил шимийг сайжруулж, ургацыг нэмэгдүүлэх зорилгоор бордоо хэрэглэсэн тариаланч хүн, хуулийн этгээдийн хэрэглэсэн бордооны үнийн дүнгийн 30 хүртэл хувьд хөнгөлөлт үзүүлэх баримт бичгийг дараах линкээр татаж авна уу

https://www.mofa.gov.mn/branch/gazar_tarialan/616fa24873bc4a5fc70f221b

https://mofa.gov.mn/.../bths.../6852245c83d7de7c1b04bb6e.pdf
И-БАРИМТ үүсгэх кодын жагсаалт
https://mofa.gov.mn/.../21fr.../6852245583d7de7c1b04bb6c.pdf

03/07/2025

Эмч нарынх нь хандлага харилцаа нэг иймэрхүү. Эмнэлэгт тусламж авах гэж очиж байхад үхэж гай болбол яахав гээд яриад байх юм юу гэсэн ч үг юм...

Нөгөө талаас энэ тохиолдол нь эмнэлгээс гарсан хүн тэр өдрөө өвдөж, бие нь муудвал эмнэлэг эргээд авах журамгүй шүү гэдэг алуурчин журам байгааг яаралтай өөрчлөх шаардлагатай байна.

Журам дүрмээ эргэж харна уу... Эрүүл мэндийн сайдаа. Монгол улсын засгийн газар, УИХ минь

02/07/2025

Сагсан бөмбөгийн 3х3 төрлөөр ДАШТ-ээс мөнгөн медаль хүртсэн эмэгтэй шигшээ багийн тамирчин О.Хулан, Б.Ариунцэцэг, Н.Нандинхүсэл, М.Цэрэнлхам нар МУГТ боллоо.

30/06/2025

🇲🇳Дэлхийн Математикийн Уралдаанд 32 орны хүүхдүүдээс 8 настай Монгол охин Г. Хүслэн алтан медалийн эзэн болжээ 👏👏👏

24/06/2025

😢Иргэн: БНСУ-д сурдаг охин маань монголд ирээд монголоос 2 дүүгээ аялуулахаар 2025 оны 6 сарын 23ны 15 цагт очтол 15, 16 настай хоёр дүүг нь саатуулаад нэвтрүүлээгүйгээс гадна эгч нь дүү нартайгаа хамт оръё төрсөн эгч нь байна, яах гэж байгаагаа хэл гэж шаардахад танд хамаагүй шалган руу орж шалгуул гээд ганцхан эгчийг нь хилээр нэвтрүүлсэн байна.

Дүү нараа 3 цаг хүлээх зуураа дүү нар луугаа залгаж, чат мессеж бичсэн боловч утсыг нь хураачихсан ямар ч хариу байхгүй байсан учраас 2-3 удаа иммигрэйшний ажилтныг дуудан дүү нарынхаа байр байдлыг асуухад “Таны хэрэг биш, ярилцлага авч байна, дүү нартайгаа өөрөө холбоо барь” гэх мэтийн шалтгаануудыг хэлж тодорхой хариу өгөөгүй гэнэ.

Иммигрэйшний дугаарыг олоод дүү нараа асуухад охины маань өөдөөс орилон дүү нар луугаа өөрөө холбоо бариад асуу гэж загнан үгийг нь ч бүтэн сонсохгүй утсаа тасласан. Дахин залгаад “Насанд хүрээгүй хүүхдүүдийг харгалзах хүнгүйгээр саатуулж байцаалт авч болдог юм уу?” гэж асуухад нь “Насанд хүрээгүй хүн болгон манай улсад орж ирч болдог гэж бодоо юу” гэж хэлсэн байгаа юм.

2 хүүхэд маань одоо шөнийн нислэг байхгүй, 6 сарын 24ний нислэг хүн нь дүүрчихсэн, 25ны нислэгт хүний зай гарвал явуулж магадгүй гээд Инчеон олон улсын нисэх буудалд нислэг хүлээгээд байж байна. Тэр байдаг хэсэг нь олигтой унтчих ч хэсэггүй, халуунд унтахаар толгой өвдөөд унтаж чадахгүй, тухгүй байна гэж залгаж байна.

Монгол улсын элчингээс асуухад солонгосын хүний эрхийн байгууллагат ханд гээд тийшээ нь хандсан боловч хэргийг шалгахад 7 хоног хүлээгддэг дүү нар чинь буцчихвал шалгах боломжгүй 7 хоног тэнд байх ёстой солонгосын Хууль зүйн яам руу залга гээд дугаар өгөхөөр нь тийшээ залгахаар утсаа авдаггүй юм байна. Яачихсан улс гэхээрээ ийм хүнд сурталтай байдаг байнаа??!!! Энд хүүхдийн эрх, хүний эрх зөрчигдөөд байх юм.

Монголчуудын нөгөө ярьдагаар хууль чанга лаг мундаг гэдэг улс яг үнэн хэрэгтээ ийм л байна 24 цаг боллоо толгой нь өвдөөд харшил хөдөлсөн байдалтай 2 дахь хоноглуугаа орлоо энэ тал дээр манай улсаас иргэдийнхээ эрх ашгийг хамгаалаад өгөх газрууд байна уу олон монгол иргэдийг буцааж байна эдийн засаг сэтгэл санааны хүнд байдалд оруулж байна‼️‼️‼️
Share хийгээд өгөөч‼️‼️‼️

21/06/2025

ЭЕШ АЗЫН ТОГЛООМ УУ?

21/06/2025

Наранбаяр сайдаа та Монголын ирээдүй болсон хүүхдүүдээр арай хэтэрхий тоглож байна шүү. ЭЕШ гэж юу болсныг уншаарай.

18/06/2025

Монгол Улсын 34 дэх Ерөнхий сайд Г.Занданшатар Засгийн газрын гишүүнийг томилох тухай Захирамжид гарын үсэг зурж, шинэ сайд нараа томиллоо.

13/06/2025

Монгол Улсын 34 дэх Ерөнхий сайд Гомбожавын Занданшатар Засгийн газрын тамгаа гардаж авлаа.
Монгол Улсын 33 дахь Ерөнхий сайд Л. Оюун-Эрдэнэ тамга гардуулан өгөхдөө Монгол Улсын хөгжлийн төлөөх их үйлсэд нь амжилт ерөөгөөд “Алсын хараа-2050” урт хугацааны хөгжлийн бодлогыг үргэлжлүүлэн ажиллахыг хүслээ.
Монгол Улсын шинэ Ерөнхий сайд Г.Занданшатар Ерөнхий сайд асан Л.Оюун-Эрдэнэд амжилт хүслээ. Мөн “Алсын хараа”, “Шинэ сэргэлтийн бодлого” болон хөгжлийн мега төслүүдийг амжилттай хэрэгжүүлж Монголын түүхэнд үлдэх эрхэм гавьяа байгуулсныг онцлоод цаашдын ажил үйлсэд нь амжилт хүслээ.

11/06/2025

Мэргэжлийн боксын дэлхийн аварга Д.ЛХАГВАА: НАДАД ТЭР ХӨДӨЛМӨРИЙН БААТАР ХЭРЭГГҮЙ ЭЭ. ТӨР НАДААС БУЛААГААД АВСАН ЗААЛ БАРИХ ГАЗРЫГ МИНЬ БУЦААГААД ӨГЧИХВӨЛ ОЛОН ОЛОН ОЛИМП ДЭЛХИЙН АВАРГУУД ТӨРҮҮЛЭХЭД БЭЛЭН БАЙНА

Өнөөдөр спортын төв ордон орчихоод буцаж ирээд бодлоо.
Би мэргэжлийн боксын WBА холбооны 2 жингийн дэлхийн аварга болж түүх бүтээлцсэний төлөө Монголын төрөөс ямар дэмжлэг шагнал хүртсэн билээ гэж бодов.

Намайг төрөөс их олон юм авч шагнуулсан гэж хүмүүс боддог. Олон жил дуугүй явж ирсэн нь миний алдаа байжээ. Ганц Лхагваагийн тухай асуудал биш мэргэжлийн спортыг төр засаг яаж дэмжиж үнэлдэг тухай асуудал юм байна. Энэ бол гомдол биш бодит үнэнг хэлж байгаа зүйл шүү.

Анх пан азийн аварга болоход баахан өргөмжлөл баярын бичиг хөдөлмөрийн гавьяаны улаан тугийн одонгоор шагнасан.
1999 онд дэлхийн аварга болоход МУГТ цол олгож тухайн үед түрээслэж бэлтгэл хийдэг байсан заалыг минь үнэ төлбөргүй өгнө гэж бүх хэвлэл мэдээллээр цацагдсан ч хотын дарга Миеэгомбын Энхболд нийслэлийн өмчийг үнэ төлбөргүй өгөхгүй гэснээр би өөрийн мөнгөөрөө худалдаж авч байсан юм.

Дараа нь өөрөө боксын заал барихаар шийдэхэд Баянголын Засаг дарга байсан С.Эрдэнэ дэмжиж газар өгсөн ч мөн л Миеэгомбын Энхболд намайг тэмцээнд орох гээд гадаадад байсан эзгүй хойгуур бас л булаагаад авсан.

2004 онд Лас Вегаст 2 дахь удаагаа дэлхийн аварга болоод ирэхэд Ерөнхий сайд Н.Энхбаяр өргөмжлөл л өгсөн байдаг юм.

Өнөөдрийг хүртэл улсаас олимп дэлхийн аваргын тэмцээнд амжилт үзүүлсэн тамирчдад сар бүр олгодог мөнгөн шагналд миний нэр байдаггүй ээ. Хүмүүс намайг сар бүр нилээн хэдэн сая авдаг гэж боддог юм байна лээ.

Мэргэжлийн бокст надаас эхлээд өнөөдрийг хүртэл бүх тамирчид дандаа гадныханы дэмжлэгээр л явж ирсэн. Үүнийг л өөрчлөх гэж би мэргэжлийн боксын анхны промошн байгуулаад ажиллаж байна. Зөвхөн эх орондоо бэлтгэл хийж монгол багш дасгалжуулсан эх орныхоо нэрийн өмнөөс тулалдах мэргэжлийн боксын дэлхийн аварга төрөөсэй гэж хүсдэг.

Монгол улсын төр засгаас мэргэжлийн спортод бодит дэмжлэг байхгүй. Олимпийн спортыг дэмждэг мөртлөө мэргэжлийн спортыг гадуурхдаг. Яг үнэндээ олимпийн спортоос илүү мэргэжлийн спорт дэлхийд илүү үнэлэгддэг шүү. Дэлхийд мэргэжлийн боксын албан ёсны 4 холбоог хүлээн зөвшөөрдөг боловч боксчид WBA, WBC- энэ 2 холбооны аварга болохыг л мөрөөддөг. Мэргэжлийн боксын аваргагүй өчнөөн улс орон бий. Гэтэл 3 сая гаруйхан хүнтэй Монгол улс мэргэжлийн боксын 2 жингийн аваргатай юмаа.

Би алдар нэрээ ашиглаж төр засгаас албан тушаал газар тендэр янз бүрийн төсөл юу ч гуйж байгаагүй. Хэзээ ч дарга нарт долигнож суганы үс болж явсангүй.

Би олон жил дуугүй явж ирсэн шалтгаан нь өөрийгөө магтсан дөвийлгөсөн болох байх гээд үнэнг ярьж байсангүй ээ. Гэхдээ өнөөдөр үнэнг ярихаас өөр аргагүй байна.

Монголын нэрийг гаргах сайн тамирчид бэлдэж өгөх гээд өөрийн бор зүрхээрээ зарим нэг найз нөхдийнхөө дэмжлэгээр боксын төлөө л зүтгэж байна.
Заалны өндөр түрээс багш тамирчдын цалин бусад бүх зардлыг төлөхийн тулд төлбөр төлдөг хүүхдүүдэд маш их цаг зав зарцуулах юм. Ихэнхийг нь өөрөөсөө төлсөөр ирлээ. Уг нь зөвхөн тамирчин болох хүүхдүүдтэй ажилладаг бол маш хурдан хугацаанд олон сайн боксчин гаргаж ирнэ.

Өнөөдөр намайг хөдөлмөрийн баатарт тодорхойлох тухай яриа болов. Надад тэр хөдөлмөрийн баатар хэрэггүй ээ. Харин булаагаад авсан заал барих газрыг минь буцаагаад өгчихвөл олон олон олимп дэлхийн аваргуудыг төрүүлэхэд бэлэн байна.

11/06/2025

ШВЕДИЙН ВАНТ УЛСЫН ИРГЭН, ОНЦ НОЦТОЙ ГЭМТ ХЭРЭГТЭН К.КЭЛЭСТИЙГ МУ-ААС АЛБАДАН ГАРГАЖЭЭ!

Албадан гаргах ажиллагаанд саад учруулж, Монгол Улсын хууль тогтоомжийг удаа дараа зөрчсөн Шведийн Вант улсын иргэн Cambaza Celeste-г хуяглан хүргэж, харьяалах улсынх хууль, хяналтын байгууллагад хүлээлгэн өглөө.
К.Кэлэст нь өөрийн харьяалах улсдаа хүний амь, хар тамхины гэмт хэрэгт холбогдож оргон зайлсан. Тэрбээр Монгол Улсаас гарч явахаас удаа дараа зайлсхийж, төрийн албан хаагчдын тавьсан хууль ёсны шаардлагыг эсэргүүцэх, хэл амаар доромжлох, биед нь халдах, тээврийн хэрэгслээс зугтаах зэргээр үйл ажиллагаанд нь санаатай саад учруулж, өөрийн болон бусдын амь нас, эрүүл мэндэд эрсдэлтэй үйлдлийг удаа дараа гаргасан байна. Иймд виз, оршин суух зөвшөөрлийн хугацаа хэтрүүлсэн зөрчилд Зөрчлийн тухай хуулийн дагуу торгох шийтгэл ногдуулж, Гадаадын иргэний эрх зүйн байдлын тухай хуулийн дагуу Монгол Улсад 2 жилийн хугацаанд дахин оруулахгүй байх хугацаа тогтоон албадан гаргажээ.

11/06/2025

ГАВЬЖ Д.НЯМСАМБУУ: ХОЙМОРТ ЗАЛСАН ШАВАР ГУУЛИН БУРХАН ТАНЫГ ХЭЗЭЭ Ч АВАРЧ, ТЭТГЭЖ, ХАМГААЛЖ ЧАДАХГҮЙ!

Сүхбаатарын талбайд байгаа хөшөө бол Сүхбаатар биш. Ач гавьяаг нь дурсан санах гэж л хөшөө босгодог. Бодгаль байгаа гээд, өнөө бодгалийг бэлгэдээд шавар, гуулиар бүтээж буй хэрэг юм. Тэгвэл тэр бодгаль нь юу юм бэ? Яагаад мөргөх учиртай юм. Мөргөж хүндлэхийн утга учир, үнэ цэн нь юундаа байна? Энэ их чухал.
Хүмүүсийн маш түгээмэл хэлдэг нэг зүйл бий. “За нэг сайн лам олоотох” гэдэг. Сайн лам гэж ямар хүнийг хэлэх вэ гэхээр арван тохиолдлын ес нь “Маш сайн мэргэлдэг лам” л гэнэ. Энэ бурханы шашны утга учир мөн гэж үү? Маш сайн мэргэлдэг мөртлөө муу хүн байж болно.
Намайг бага байхад Гандангийн гадна Мэргэн бөөдий гэж хүн байсан. Бултаараа сүйд болно. Бид тийм хүмүүсээс сайн байх, зөв байх, ариуссан сэтгэлтэй байх гэх мэт ямар нэг ёс суртахуун хүлээдэггүй. Зөвхөн мэргэ нь оноосой гэж хүсдэг. Энэ бурханы шашны үнэт зүйл биш. Бидний хувьд сайн ламаас хүлээж буй хамгийн чухал зүйл ид шид болчихоод байна л даа. Мэргэлж, нисч, бороо оруулж байгаа хүнийг л мундаг лам гэж харж байвал бид үлгэрт гардаг хорон санаатай шидтэнг бас шүтэх ёстой.

Бид шүтэх, бишрэх, хүндлэх, дээдлэх гэсэн ойлголт яриад байгаа. Бурханы шашинтнуудын эрэмбийн дэс дараалал бол ерөөсөө л ариун сэтгэл, ёс суртахуун, энэрэл нигүүлсэл.

Мэргэлнэ гэдэг 77 дугаар асуудал. Огт мэргэлж чадахгүй байсан ч хамаагүй. Тухайн ламын явдал мөр нь сайн байх учиртай. Хүнд хорлол болохгүйсэн гэж маш их хичээдэг байх ёстой. Жишээ нь ямар ч тохиолдолд хүнийг гүтгэдэггүй байх хэрэгтэй. Бурханы шашнаас дамжиж ирж байгаа чиг баримжаа, үнэт зүйл, итгэл үнэмшил бол ерөөсөө л энэ.

Бурханы шашинтан гэхээр нэг их сэжигч хүнийг хэлэхгүй л дээ. Энэ ч болохгүй ингэвэл хийморь доройтно, энэ нь бузар, тэр нь ариун гэх мэтээр түмэн юмнаас сэжиглэсэн хүнийг бурханы шашинтан гэхэд хэцүү. Би хорих анги руу таван жилийн турш тасралтгүй явсан. Маш олон сүсэгтнээс “Тэр муу энергитэй газар руу битгий яв” гэсэн үг сонссон.

Би хувьдаа багш нараасаа тийм үгс сонсч байгаагүй. Харин ч тийш очиж бодийн сэтгэл ярих учиртай. Хүмүүс сүсэгтэй болчихоороо хэрэггүй олон юмнаас айдаг болчихдог. Тэгэх дэмий л гэх гээд байгаа юм. Улаан өнгийн юм авч болохгүй гэдгээс хиртхийтэл айдаг атлаа бодь мөрийн зэрэгт буй арван хар нүглээс маш бага айна. Ам зуургүй чалчаа үг ярьж суугаагаа, худал хэлж яваагаа, хүнийг бодохгүй амьдардгаа юман чинээ бодохгүй.

Сошиалаас анзаарахад манай монголчууд бие биенийгээ юман чинээ бодохгүй зүхнэ, шүүмжилнэ. Ямар нэг шашингүй хүн байх нь гээд харахаар үгүй. Сан даллага гээд сүйд болно. Учир начиргүй зүйлсээс айдаг болчихсон атлаа яагаад хүнийг хайрлах талаар бодохгүй байгаа юм бэ. Бурханы шашинтан хүний ёс суртахууныг эн тэргүүнд тавихгүй яваа юм бол? Бурханы шашинд хамгийн чухал зүйл бол ёс суртахуун. Бурханы шашинтан хүн сургаал номлолыг нь дагаж засарч өөрчлөгдөх учиртай. Түүнээс ид шидээр аврагдах боломжгүй. Хүн өөрөө өөрийгөө аварна.

SPY.MN

07/07/2025

03/07/2025

02/07/2025

30/06/2025

24/06/2025

21/06/2025

21/06/2025

18/06/2025

13/06/2025

11/06/2025

11/06/2025

11/06/2025

Address

Telephone

Website

Alerts

Contact The Business

Shortcuts

Share

Category