ХЭН ЮУ ХЭЛЭВ

03/06/2025

03/06/2025

УИХ-ын гишүүн М.Нарантуяа-Нара гишүүдээ бут ниргэв

02/06/2025

Л.Мөнхбаясгалан: Ерөнхийлөгч УИХ-ыг сүрдүүллээ, өөрөө огцрох болзлоо хангалаа

Ерөнхийлөгч сая тааллаараа орж ирлээ. Гэхдээ Зэвсэгт хүчний ерөнхий командлагчийн хувьд парламентыг сүрдүүллээ. Ерөнхийлөгч эв нэгдлийн илэрхийлэгч байх ёстой. Ийм учраас Ерөнхийлөгчийг огцруулах асуудлыг санаачилна. Би Х.Баттулга гишүүнтэй уулзаагүй

02/06/2025

Ерөнхийлөгч У.Хүрэлсүх улс төрд үүссэн нөхцөл байдалтай холбогдуулан нэгдсэн чуулганд үг хэллээ. Онцлох хэсгээс хүргэе.

1. Монголд хүн засаглахгүй, хууль засаглана. Намайг Ерөнхийлөгчөөр ажиллаж байх хугацаанд үндсэн хуульд өөрчлөлт орохгүй. Би дахин зургаан жилээр өөрийгөө сонгохгүй. Ийм "дабл стандарт" байж болохгүй. Би парламентын засаглалыг дэмжиж ирсэн, цаашдаа ч дэмжинэ гэдгээ албан ёсоор мэдэгдье.

2. Би МАН-ын даргаар ажиллаж байхдаа нөхөдтэйгөө хамтраад Баялгийн санг санаачилж байсан юм. Баялгийн сан ямар байдгийг очоод судлаад ир гээд Л.Оюун-Эрдэнэд томилолт өгөөд явуулж байлаа.

3. Залуучууд талбай дээр гарч ирээд 20 хоног жагслаа. Та нар энэ ард түмнээ сонсооч ээ. Маш тодорхой шаардлага тавьж байхад яагаад сонсоогүй, хараагүй юм шиг явж байна вэ. Яагаад энэ дотор тэс өөр юм яриад сууцгааж байгаа юм.

4. Би дөрвөн удаа албан тушаалаас татгалзаж байлаа. Албан тушаалд битгий шигд. Удирдагч хүн ухрах үедээ ухарч, урагшлах үедээ урагшилдаг юм.

5. Би хэзээ ч хулгай хийж байгаагүй, би ерөнхийлөгчийн өндөр сэнтийг гаднынханд 50 сая вонноор зарж байгаагүй, би таван нам дамжиж яваагүй, би анд нөхдөөсөө урваж байгаагүй шүү. Би хэзээ ч ард түмнээс урвахгүй, үргэлж ард түмний талд зогсоно.

6. Хамтарсан засгийн газар өнөөдөр ингээд өндөрлөж байгаад харамсаж байна. Яагаад энэ засгийн газар тарах болсныг надаас биш ерөнхий сайдаас асуугаарай. Хэн үүнийг санаачилсныг та нар бүгд мэдэж байгаа.

7. Бусдыг гүтгэж доромжлохоо одоо зогсоо. Арай дэндэж байгаа юм биш үү. Эр, эмгүй ямар муухай доромжилж байна.

8. Хэрвээ та нар ард түмний хүсэл сонирхлыг хангаж чадахгүй, залуусын үгийг сонсохгүй бол ард түмэн тэс өөрөөр бас ярьж чадахаар байна шүү.

9. Тайван жагсаж, үзэл бодлоо чөлөөтэй илэрхийлж байгаа залуустаа баярлалаа. Залуус соёлтой, тайван, ухаалаг тэс өөр болсон байна.

02/06/2025

Л.Оюун-Эрдэнэ: Засгийн газрын кабинетын гишүүд дотроос огцруулах асуудалд хэд хэдэн хүн оролцсон байсан. Уг нь бол кабинет нэг итгэл үнэмшилтэй байх үндсэн хуулийн зарчимтай. Одоо тэр хүмүүсийн нэрийг нь энд дуудаад яах вэ дээ. Би бас сонголтдоо харамсаж байгаа.

02/06/2025

П.Сайнзориг: Ерөнхий сайдад итгэл үзүүлэх асуудлыг нууц санал хураалтаар шийдэж болохгүй. Нууцын цаана хуйвалдаан явна л гэсэн үг. Хэд сонгогдоод ирэхээр сайд болно гэж тачааддаг юм байна лээ. Намтар дээрээ ямар ч байсан сайд гэж бичиж байж бууна гэсэн жижигхэн бодол энэ улстөрчдөд байдаг юм байна лээ...

02/06/2025

Ж.Баярмаа: Улстөрчийн хувьд хүлээн зөвшөөрөгдөх лигитем чанар гэж байдаг. Судалгаагаар иргэдийн 72 хувь нь “огцрох амархан” жагсаалыг зөв гэж үзэж байна. Нийгэм таныг хүлээн зөвшөөрч байгаа юу үгүй юу гэдэг дээр та тайлбар хэлээч.
Л.Оюун-Эрдэнэ: Яг судалгаагаар 60 хувь нь төр засаг тогтвортой байхыг хүсэж байгаа шүү. Мэдээж огцрох амархан. Гэхдээ огцорсны дараах үр дагавар ямар байх вэ гэдгээ л бид нар маш сайн ярих ёстой.

02/06/2025

Э.Болормаа: Хагас, бүтэн сайнд энд тэнд олон хүмүүс уулзсан юм шиг байна. Өнөөдөр ирсэн чинь санал хураалтыг хаалттай явуул гэдэг яриа гаргачхаж. Бүр сайд нар нь өөрсдөө ийм юм яриад явж байна. Тийм юм байхгүй, хуулийн дагуу нээлттэй явах ёстой шүү. Энэ ярианы ард ордны хуйвалдаан хийх гэж байна. Би сайд болно, чи сайд бол гээд явах нь л дээ. Үүнийг далд биш ард түмний өмнө нээлттэй ярих ёстой шүү. Дээр нь Ерөнхий сайдаа би танд нэг юм хэлье. Нэг танхимд орж суучхаад ерөнхий сайдынхаа эсрэг юм хийгээд явдаг, энэ хань болдоггүй сайд нараасаа салаач ээ.

02/05/2025

С.Баяр: ОТ төсөлтэй холбоотой хилс хэрэгт хэлмэгдсэн олон хүний хэн нь ч авлигын зүйл ангиар ял аваагүй. Ял захиалсан улсын санаа тийм байсан ч сачий нь хүрч, баримт нь олдоогүй

26/03/2025

MNB-н хэлэлцүүлэгт Доктор Н.Тэгшбаяр
инээгээд суух нь аргагүй юм байна өө 🤣

-Чи ёстой аягүй тэнэг асуулт асууж байншд 😳

23/03/2025

УИХ-ын гишүүн П.Сайнзориг: Өдөр бүр “хов жив”, сенсаци дунд нийгэм яг солиорч галзуурч байна даа

Тэрбээр “Бодлогын асуудал ярилцаж, мэтгэлцэж үзэж тардаг болоосой, дээр дооргүй. Гэтэл “цус”ярьж, улаан галзуу айдасаар удирдуулсан үндэс суурьгүй хамхуул адил нэг хэсэг нь, ЗГ, ЗГ-н гишүүд нь “мөрдөгч” хийх, дотоодын хэддээ “томрох”, дотроо алалцсаар байтал энэ улс дэлхийн адаг болоход ойрхон байна шүү.

Өдөр бүр “хов жив”, сенсаци дунд нийгэм яг солиорч галзуурч байна даа” гэв.

13/03/2025

Нэг ийм хэрэг гарчихаад байна...
Баян-Өлгий аймгийн Буянт суманд, сар гаруйн өмнө 25 настай Б ууланд амиа хорлосон байдалтай олдлоо. Яг тухайн өдрөө 10 цагийн турш цагдаад байцаагджээ.
Харин хүүгийн цогцос олдсон газарт цагдаагийн ахмад К.Ернар, дэслэгч А.Айболат болон жолооч нарын явсан машины мөр, татсан тамхины иш байсан байна.

Яагаад цагдаад байцаагдах болов гэвэл, өмнө нь хүүгийн хотонд малаа нийлүүлж байсан удаатай Б гэгч 20-30 тооны ямаагаа алдаад ханджээ. Хүү өөр айлын 14 мал байгааг таниад түүнд өгч. Гэтэл "Үлдсэнийг нь чи зарчихсан юм биш үү?" гэх зэргээр уцаарлаж байсан. Хожим хүү өөрийн ямааны хэсгээс нядалгаанд өгөхөөр явж байхад нь Б-гийн хамаарал бүхий этгээд зургийг нь авч баримтжуулаад, "Мал хулгайлсан, хулгайлаад нядлуулсан" гэж цагдаад өгч л дээ.

Ингээд хүүг хулгайн хэргээр 10 цагийн турш байцаасан, байцаагдсан өдрийн орой ийнхүү ууланд амиа хорлосон. Ноцтой нь, эхэнд дурдсан цагдаагийн ахмад К.Ернар, дэслэгч А.Айболат нар нь хүүг машинд суулгаад уул руу авч явснаа хүлээсэн байгаа юм. Яах гэж тэр вэ? Ээжид нь бол "Хүү чинь ямаануудын толгойг тастаад ууланд хаясан гэсэн учраас харах гэж л очсон" гэж хэлсэн байна.

Тэнд дарамт явсан юм биш биз, түүнээс айж сүрдсэндээ хүү амиа хорлохоор шийдэв үү, энэ эрүүдэн шүүлт биш үү. Хүү хамгийн сүүлд "Бүгдээрээ уучлаарай. Том хүмүүс том л байдаг юм байна. Маамуу ах аа, машин тань Төрийн банкны зогсоолд байгаа" гэж ээж рүүгээ мессеж бичжээ.

Дараагийн ноцтой зүйл, ямаагаа алдсан Б гэгчийн төрсөн ах Т.Батсүх нь Баян-Өлгий аймгийн прокуророор олон жил ажиллаад дөнгөж ноднин тэтгэвэртээ гарсан хүн байна. Энэ талаарх манай редакцын нийтлэл дор "Энэ хүн угаас ял тулган хүлээлгэдэг, дардгаараа зартай хүн" гэсэн коммент маш олон бичигдсэн нь анхаарал татлаа.

Энэ хэргээр нийтлэл бэлтгэсэн манай сэтгүүлч О.Ононгийн тодруулгад, хүүг уул руу авч явсан цагдаагийн алба хаагчид хариулт өгөхөөс эрс татгалзсан. Ерөөсөө алдсан ямааны асуудлаа нэг хүүд тохон хүлээлгэх гэсэн ажиллагаа харагдаад байгаа юм, ах нь аймгийн прокурор асан Т.Батсүх гэж бодохоор. Ууланд юу болсныг төсөөлшгүй, ямартай ч хүү харамсалтайгаар амь насаа алдаад сар гаруйн хугацаа өнгөрөхөд хохирогчийн эрх ашгийг хамгаалах нэг ч оролдлого хуулийн байгууллагад хийгдээгүй явж байна.

Саяхан ил тод, нээлттэй, шударга ажиллахаа тодотгон яриад байгаа ЦЕГ-ын дарга Т.Сүхболд Баян-Өлгий аймагт анхаарал хандуулбал яасан юм бэ?

Сэтгүүлч О.Ононгийн нийтлэлийн линк: https://eguur.mn/574866/