18/06/2025
Өөрт олдсон туршлага, дижитал маркетингийн мэдлэгээ баталгаажуулан авсан сертификат маань 3 жил өнгөрчээ. Түүнээс өмнө Номин Электроникс салбарын маркетингийн ажилтнаар ажлын гараагаа 2014 онд эхэлж билээ. Маркетинг хэмээх том салбарт хэдийнээ 11 жилийг өнгөрүүлж эргээд харах нь ээ бичгийн ширээ, комьпютераар л эхлүүлж байсан Маркетингийн компани маань өнөр өтгөн гэр бүл болжээ. Олон ч компаний онлайн маркетингийг 0 - с амжилттай босгож хамтдаа түүх бүтээн хөл нийлүүлэн алхаж яваагаа харах бахдам сайхаан.
Энэ 11 жилийн хугацаанд маркетингийн зах зээл, хэрэглэгчийн зан төлөв, технологи гээд бүх зүйл асар хурдацтай өөрчлөгдөж байхад, өдөр бүр суралцсаар, туршлага хуримтлуулсаар ирсэн маань манай баг хамт олны хамгийн том хөрөнгө оруулалт болсон байна.
Онлайн эрин эхлэх үед фэйсбүүк пост хийх, баннер үүсгэх, сурталчилгаа тавих хэмжээнд ажилладаг байсан бол өнөөдөр бид CRM систем, өгөгдөлд суурилсан шийдвэр гаргалт, цаг захиалга, App, Вэбсайт, SEO, UI/UX, автоматжуулалт зэрэг олон чиглэлд нэвтэрч ажилладаг болжээ. Маркетинг зөвхөн сурталчилгаа биш, бизнесийн гол стратеги, ашиг орлогын эх үүсвэр гэдгийг ойлгож, мэдэрсэн он жилүүд байлаа. Мөн дижитал мэргэжил маань дижитал номад амьдралын цоо шинэ хэв маягаар амьдрах хувь тавиланг заяасанд талархаж байна.
Цаашид ч гэсэн маркетингийн эрч хүчээ алдалгүй, илүү үнэ цэнэ бүтээх, илүү олон залууст боломж өгч, өсөж хөгжих зорилготойгоор урагш алхана.
✨Маркетинг бол зүгээр нэг мэргэжил биш, харин миний амьдралын замнал, хүсэл мөрөөдлийн минь үндэс юм.
Webhiine.com admin А.Баянбат
https://www.youtube.com/ - далайд дусал нэмэр Бүүст, Вэб, CRM гээд дижитал маркетингийн мэдлэгээ хуваалцдаг суваг.
#11ЖилийнТүүх #МаркетингийнАмьдрал #Баярлалаа