16/07/2026
Бөхдөө хайртай Монгол түмэн хэдхэн өдрийн дотор нэг баярлаж, нэг гонсойсон нь үнэн. Үнэндээ олонх нь шинэ даян аваргаа ерөөл бодон “ харамлаж” байгаа болохоос мууг нь үзэх гэсэн хүн нэг ч байхгүй гэдгийг онцлох нь зөв.
Одоогоос 4-н сарын өмнө олон уншигчтай сэтгүүл Б.Орхонбаярын хүүгийн ээжийг анхлан танилцуулж байв.
1. Б.Орхонбаяр нь цагдаа аав, малын эмч ээжийн хоёр дахь хүү юм байна.
Нутаг усандаа нэр сайтай Баярсайханы хоёр хүү нь хар багаасаа бөхөд дурлаж, шүлэг уншиж, дуу дуулах дуртай хөвгүүд байв. Тэр тусмаа шинэхэн даян аварга эссе бичих хоббитой юм байна.
2. Бар жилтнийг бардаггүй” гэгчээр Б.Орхонбаяр өөрийн хүслээр “Аварга” сургуульд элссэн нь өдгөөгийн гайхам түүх бичигдэж эхэлсэн аж.
3. Тун удалгүй 24-насандаа Улсын арслан цол хүртсэн цагаас эхлэн түүний тухай ам дамжин яригдаж эхлэв. Бүр тодруулбал хувийн амьдралынх нь тухай жив жув гэх нь олонтаа байв.
4. Яг энэ үеэр УИХ-ын гишүүн асан Ш.Адьшаа өөрийн найзын охин Ш.Мөнхцэцэгийг туслахаар авсан төдийгүй, чамгүй бэлтэй нэгэн болохыг ордны туслахууд ярилцдаг байсан.
1991 оны хонь жилтэй энэ бүсгүй цаг бусаар өөд болсон ахынхаа ажлыг үргэлжлүүлж М Жи Өү гэх нүүрс тээврийн компанийг удирддаг байлаа.
5. Сонирхолтой нь энэ компани Улсын аварга О.Хангайг ивээн тэтгэдэг төдийгүй волейболын спортод гэр бүлээрээ цаг заваа зориулдаг тэдний хобби Ш.Мөнхцэцэгийн сонирхолтой яв цав нийцэж байлаа. Өөрөөр хэлбэл Ховд аймгийн Үенч сумынхаа волейболын багийн эзэн болсон Ш.Мөнхцэцэгийнх гэр бүлээрээ спортод хайртай айл юм санж.
6. Амьдрал зохиож хоёр хүүхэдтэй болсон бүсгүй энэ үед огцом шийдвэр гаргаж, өөрөөсөө 7-дүү Б.Орхонбаярт хайраа өгсөн нь 2021 он аж.
7. Унаган багынх нь найзууд хүртэл танихааргүй болтол өөрчлөгдсөн бүсгүй өнгөрсөн 2-р сард Интермед эмнэлэгийн жирэмсний хяналтанд байхдаа ийн дуранд өртжээ.
8. Ийнхүү 3-сард Б.Орхонбаяр даян аваргын маань хувьд анхны хүүгээ тосч авсан гайхам агшин байсан төдийгүй, монгол бөхөө дэлхийд сурталчилсан онцгой жил байв.
9. Энэ бүх баяр баяслын хажуугаар тэдний адармаатай түүх ил болох нь цаг хугацааны асуудал байсан болохоор өдгөө Монгол түмэн хайр харуусал зэрэгцүүлж байгааг буруутгах аргагүй.
Бөхдөө хайртай түмний өхөөрдөн хайрладаг Б.Орхонбаяр минь муу бүхнээс холуур явж, манлайн баясгалан болж үргэлж дүүлж яваарай гэж ерөөе!
