НХОГ - Нийслэлийн Хөрөнгө Оруулалтын Газар

10/08/2025

Явган хүний замыг шинэчлэх ажлын хүрээнд агаарын шилэн кабелуудыг сувагчлах ажлыг хийж байна. Хамгийн сүүлд 1996 онд сувагчлалыг шинэчилснээс хойш өргөтгөл хийгээгүй

08/08/2025

Иргэд сүсэгтэн олон, аялагч жуулчдын ая тухтай зорчих нөхцөлийг бүрдүүллээ
Гандантэгчэнлин хийдийн төв талбайг байгалийн чулуун хавтангаар шинэчилж, ногоон байгууламж гэрэлтүүлэг, амрах сандал гэх мэт иж бүрэн тохижуулан иргэд болон аялагч, жуулчдын зорчих ая тухтай нөхцөлийг бүрдүүллээ.

Иргэд сүсэгтэн олон, аялагч жуулчдын ая тухтай зорчих нөхцөлийг бүрдүүллээ

Гандантэгчэнлин хийдийн төв талбайг байгалийн чулуун хавтангаар шинэчилж, ногоон байгууламж гэрэлтүүлэг, амрах сандал гэх мэт иж бүрэн тохижуулан иргэд болон аялагч, жуулчдын зорчих ая тухтай нөхцөлийг бүрдүүллээ.

08/08/2025

Баянзүрх дүүрэг, Зүүн 4 замаас Офицеруудын ордны тойрог хүртэлх замын урд, хойд явган замыг чулуун хавтангаар шинэчилж байна

07/08/2025

Тасганы овооны дөрвөн замын уулзварыг хааж, шинэчилнэ

Л.Энэбишийн өргөн чөлөөний замын засвар шинэчлэлтийн хүрээнд Тасганы овооны дөрвөн замын уулзварыг хааж засвар, шинэчлэлт хийнэ.

Зам хаах хугацаа: 2025 оны 8 дугаар сарын 8 өдөр 22:00 цагаас
Зам нээх хугацаа: 2025 оны 8 дугаар сарын 9 өдөр 15:00 цагийн хооронд хааж, авто замын зорчих хэсгийн асфальтбетон хучилт, тэмдэглэгээний ажлыг хийнэ.

Иймд иргэд, жолооч та бүхэн бусад замыг сонгон хөдөлгөөнд оролцоно уу.

07/08/2025

Авилга, ашиг сонирхлыг мэдээлэх утас ☎️110

#АТГ #АвлигынЭсрэгНэгдье

06/08/2025

Урт цагаан цэцэрлэгт хүрээлэнгийн далд зогсоол болон тохижилтын ажлын нийт явц 82 хувьтай үргэлжилж байна

06/08/2025

📌 Хан-Уул дүүргийн 16 дугаар хороонд 280 хүүхдийн хүчин чадалтай бага сургууль, цэцэрлэгийн цогцолборын барилгын ажил дуусч улсын комисс хүлээн авлаа.

Тус барилга нь 24м х17.4м хэмжээтэй 2 блок, 24м х18м хэмжээтэй 1 блок нийт 3 блок 2,534.4м2 барилга бөгөөд бүлгийн өрөө, багш нарын өрөө, спорт заал, хувцас солих өрөө, гал тогоо, ариун цэврийн өрөө болон бусад өрөө тасалгаануудаас бүрдсэн зохион байгуулалттай.

Тус ажлыг Нийслэлийн төсвийн хөрөнгө оруулалтаар ЗМК Глобал ХХК хийж гүйцэтгэж, Нийслэлийн Хөрөнгө оруулалтын газар захиалагчийн техникийн хяналтыг хэрэгжүүлэн ажиллалаа.

#нхог #БүтээнБайгуулалт #сургууль #цэцэрлэг #цогцолбор

05/08/2025

Энэ онд нийслэлийн хэмжээнд 15 байршлын 186.839 ам метр явган хүний замыг шинэчилнэ. Ингэхдээ ил кабелуудыг газар доогуур хонгилын системээр явуулж буй талаар холбогдох албаныхан мэдээлэл өгч байна.

05/08/2025

📍Энэ онд нийслэлийн хэмжээнд 15 байршилд явган хүний замыг шинэчилж, чулуун хавтангаар тохижуулна.

Тус ажлын хүрээнд Чингисийн өргөн чөлөө, Энхтайвны өргөн чөлөө, Бага тойруу, Их тойруугийн гудамжны явган хүний замын трассд холбооны сувагчлал шинэчлэл, өргөтгөлийн ажил хийгдэж байна.
Ингэхдээ ил кабелуудыг газар доогуур хонгилын системээр явуулж буй талаар мэдээлэл өглөө.

#нхог #БүтээнБайгуулалт

04/08/2025

📌Баянгол дүүргийн 18 дугаар хороонд хороо, өрхийн эмнэлэг, цагдаагийн хэсгийн цогцолбор барилгын ажил өнөөдрийн байдлаар 80 хувийн гүйцэтгэлтэйгээр дотор засал болон гадна талбайн тохижилтын ажлууд үргэлжилж байна.

Нийслэлийн төсвийн хөрөнгө оруулалтаар баригдаж буй тус цогцолбор нь 1109.3 м2 талбай бүхий зоорьтой 3 давхар барилга байхаар төлөвлөгдөн гүйцэтгэгдэж байна.
Хороо, өрхийн эмнэлэг, цагдаагийн хэсгийн цогцолбор барилга ашиглалтад орсноор тус хорооны 2702 өрх айл буюу 10,453 гаруй иргэдэд эмнэлгийн анхан шатны яаралтай тусламж үйлчилгээ, нийтийн хэв журам болон төрийн анхан шатны үйлчилгээг нэг дор үзүүлэх боломж бүрдэх төдийгүй иргэдэд төрийн үйлчилгээг түргэн шуурхай, хүргэхэд чухал ач холбогдолтой юм.

Тус цогцолборын барилгыг Хөх хайрхан трейд ХХК гүйцэтгэж, Нийслэлийн хөрөнгө оруулалтын газар захиалагчийн техникийн хяналтыг хэрэгжүүлж байна.

#нхог #БүтээнБайгуулалт #хороо

03/08/2025

Явган хүний чулуун замын бүтээн байгуулалтын ерөнхий төлөвлөгөөний талаар Нийслэлийн Засаг даргын Эдийн засгийн хөгжил, дэд бүтцийн асуудал хариуцсан нэгдүгээр орлогч Т.Даваадалай мэдээлэл өгч байна

02/08/2025

Сүхбаатарын талбай орчмын явган хүний замыг монголд үйлдвэрлэсэн чулуун хавтангаар тохижуулж байна.