Showbiz Khovd

27/07/2022

12/07/2022

Нутгийн хайрхад түшиж, нутгийн хүчитнүүд хиймортой сайхан барилдаж Ховдчууд төдийгүй бөхөд хайртай Монголчууд азтай, одтой, буянтай сайхан наадаж байна. “МОНГОЛ УЛСЫН ЗААН”хэмээх эрхэм сайхан цолны эзэн болсон Ховд аймгийн Зэрэг сумын харьяат Баярхүүгийн Бат-Өлзийдөө чин сэтгэлийн халуун баяр хүргэе.

Ховд аймгийн Буянт сумын харьяат Оргихын Хангай Төрийн наадмынхаа үзүүр түрүүнд үлдэж, заан, гарди, арслан цолны болзлыг ханган харайж, “МОНГОЛ УЛСЫН АВАРГА” боллоо. Ийнхүү Ховдчууд аваргатай боллоо.

Нутгийн уулс өндөлзөн баярлаж байна. Нутгийн олон өмөлзөн баярлаж байна. Наадамчин олны магнай тэнийн баярлаж байна. Нутгийнхны минь хиймор сүлд сэрэн бахархаж байна. Баярлалаа ХАНГАЙ. Чин сэтгэлийн халуун баяр хүргэе. Баяртай байна. Бахтай байна. Хүннү төрөөс улбаатай төрт ёсны их баяр цэнгэл НААДАМ-ын тэнгэр Ховдчуудыг ивээлээ. Нутгийн хүчитнүүдийн бие хийгээд сэтгэл ухааны хүч бяр тэгширч, наадамчин олноо баясган сайхан наадлаа. Огшиж байна. Омогшиж байна.