VIP EXPO

04/06/2026

“Бие биедээ тусах гэрэл” Монгол, Солонгос уран бүтээлчдийн хамтарсан медиа арт үзэсгэлэнгийн нээлт боллоо

Нийслэлийн Соёл, урлагийн газар болон БНСУ-ын Гуанжу хотын Уран зургийн музейн хамтын ажиллагааны хүрээнд хоёр улсын уран бүтээлчдийн хамтарсан Бие биедээ тусах г...

03/06/2026

Энэ сарын 6,7-ны өдрүүдэд "Талын салхи" олон улсын мото наадмыг зохион байгуулна

Нийслэлийн Аялал жуулчлалын газар болон Монголын чопперчин ахан дүүс мото клуб хамтран Талын салхи олон улсын мото фестивалийг 11 дэх жилдээ зохион байгуулах гэж б...

26/05/2026

ЖУУЛЧДАД МОРЬ УНУУЛДАГ ХӨТӨЧ, МАЛЧДАД ХЭРЭГТЭЙ ДӨРӨӨ БАЙНА
Монголд ирсэн жуулчдын ихэнх нь их, бага хугацаагаар морь унахыг хүсдэг. Энэ дөрөө жуулчдын аюулгүй байдлын эрсдэлийг бас бодолцсон харагдаж байна.
Жич: Энэ дөрөөтэй холбоотой мэдээллийг 80560157, 99140512 утсаар нь лавлаарай. 🐴
Бичлэг. @Б.Чинбаатар

20/05/2026

Богд хааны ордон музей өндөр настан, хүүхдүүдэд үнэ төлбөргүй үйлчилнэ

“Хаан ордны хавар 2026” тусгай хөтөлбөр нээлттэй болж байна
Богд Хааны Ордон музей үзэгч олондоо зориулсан түүх, соёлын өвийг сурталчлах, боловсролын олон талт үйл ажиллагаагаа өргөжүүлж, “Хаан ордны хавар 2026” тусгай хөтөлбөрийн нээлттэй өдрүүдийг зарлалаа.

Тус арга хэмжээ 2026 оны тавдугаар сарын 18-наас 28-ны хооронд үргэлжлэх бөгөөд энэ хугацаанд олон төрлийн үзэсгэлэн, урлаг, боловсролын хөтөлбөрүүд зохион байгуулагдана.

Хөтөлбөрийн хүрээнд “Энэрэхүйн хүч” үзэсгэлэн 2026.05.18–28-ны хооронд дэлгэгдэх бол 05.18-ны өдөр “Веган хоолны өдөрлөг”, “Урлагийн тоглолт” зэрэг арга хэмжээ тус тус зохион байгуулагдах юм.

Мөн 05.18–28-ны хооронд “Боловсролын хөтөлбөр” хэрэгжих бөгөөд энэ хугацаанд музейн танин мэдэхүйн үйл ажиллагаа өргөжихөөр байна.

Нээлттэй өдрүүдийн хүрээнд тасалбарын хөнгөлөлт үйлчлэх бөгөөд өндөр настан, тусгай хэрэгцээт иргэд болон 0–16 насны хүүхдүүд үнэ төлбөргүй, харин насанд хүрэгчид болон оюутнууд 50 хувийн хөнгөлөлттэй үнээр музей үзэх боломжтой юм.

19/05/2026

Гэгээн Пантелеймон эмнэлгийн галт тэрэгтэй эмч нар Монгол үйлчлүүлэгчдээ хүлээж байна

Улаанбаатар хотын төмөр замын төв буудал дээр Монгол Улсын иргэдэд үнэ төлбөргүй эрүүл мэндийн үзлэг, оношилгоо хийхээр Монголд хүрэлцэн ирсэн "Гэгээн Пантелеймон"-ы галт тэрэгтэй эмнэлгийг угтан авах ёслол 2026 оны тавдугаар сарын 18-нд боллоо. "Гэгээн Пантелеймон" эмнэлгийн явуулын зөвлөгөө, оношилгооны төв нь Монгол Улсад тавдугаар сарын 18-наас зургаадугаар сарын 4-нийг хүртэл ажиллах юм.

ГАЛТ ТЭРЭГТЭЙ ЭМНЭЛГИЙН ҮЗЛЭГ ХИЙХ ЖУРМЫН ТУХАЙ

Эмч нарын хүлээн авч үзэх үйлчлүүлэгчийн тоо хязгаартай тул эрүүл мэндийн үзлэгийг урьдчилан бүртгүүлж цаг авсан дарааллын дагуу явуулна. Бүртгүүлэхдээ "УБТЗ" ХНН-ийн Төв эмнэлэг болон тус галт тэрэгний ажиллах өртөөнүүд дэх салбар эмнэлгүүдэд хандах боломжтой (хуваарь болон маршрутыг доороос харна уу).

ӨРТӨӨНҮҮДЭД ҮЗЛЭГ ХИЙХ ХУВААРЬ:

Замын-Үүдэд-Тавдугаар сарын 19, 20-нд 8.00-18.00 цагт
Сайншандад-Тавдугаар сарын 21, 22-нд 8.00-18.00 цагт
Чойрт-Тавдугаар сарын 24-25-нд 8.00-18.00 цагт
Улаанбаатарт-Тавдугаар сарын 26, 27, 28-нд 8.00-18.00 цагт
Зуунхараад- Тавдугаар сарын 30, 31-нд 8.00-18.00 цагт
Дархан-1-д Зургаадугаар сарын 1,2 -нд 8.00-18.00 цагт
Сүхбаатарт – Зургаадугаар сарын 3, 4-нд 8.00-18.00 цагт

ЭМЧ НАРЫН ҮЗЛЭГ БОЛОН ШИНЖИЛГЭЭНИЙ ТӨРЛҮҮД

Үйлчлүүлэгчид тус эмнэлэгт хандсанаар дотор, мэс засал, бөөр, эмэгтэйчүүд, дотоод шүүрэл (эндокринологи), хүүхэд, шүдний эмчийн зөвлөгөө авах, мөн ЭХО, зүрхний бичлэг (ЭКГ), маммографи (хөхний рентген), рентген зураг авахуулах болон экспресс-лабораторид шинжилгээ өгөх боломжтой. Энэхүү арга хэмжээг "УБТЗ" ХНН болон "РЖД" НХН-ийн санаачилгаар, Россотрудничество агентлагтай хамтран "Миссия Добро" хүмүүнлэгийн төслийн хүрээнд зохион байгуулж байна.

16/05/2026

🩸 “Цусаа бэлэглье” аянд нэгдэцгээе! 🩸
Таны өгсөн нэг дусал цус хэн нэгний амьдралын найдвар болж чадна.
Осол гэмтэл, хагалгаа, хүнд өвчний үед цус амь насыг аврах хамгийн үнэт бэлэг байдаг.
✨ Сайн үйлс бүхэн жижиг алхмаас эхэлдэг.
Өнөөдөр цусаа бэлэглэж, маргаашийн амьдралыг хамтдаа аварцгаая.

12/05/2026

A-sound хамтлагийн 20 жилийн дурсамж түүхийг өгүүлэх “БАЯРТАЙ” тоглолт болоход 4 хоног үлдлээ http://vipexpo.mn/main/685-a-sound-hamtlagiyn-20-zhiliyn-dursamzh-thiyg-gleh-bayartay-toglolt-bolohod-4-honog-ldlee.html

12/05/2026

Энтертайнмент технологийн салбарын хөгжлийг мэдрэх MET EXPO 2026 хоёр дахь жилдээ үнэ төлбөргүй

Бидний шимтэн үздэг тоглолт, кино контент болон соёл урлагийн томоохон арга хэмжээ бүрийн ард үзэгчдийн мэдрэмжийг хөглөж, тухайн бүтээлийг амилуулж байдаг гэрэл,...

12/05/2026

Нийслэлийн дөрвөн байршилд мод бут, сөөгийн суулгац, үр үрслэгээний өргөтгөсөн худалдаа гарч байна

Жил бүрийн тав болон есдүгээр сарын бямба, ням гарагуудыг Тэрбум мод тарих үндэсний өдөр болгон зарласан. Энэ хүрээнд дөрөвдүгээр сарын 25-наас эхлэн нийслэлийн дөр...

12/05/2026

Монгол Улсын Үндсэн хуулиар баталгаажсан үзэл бодлоо чөлөөтэй илэрхийлэх, үг хэлэх, хэвлэн нийтлэх, мэдээлэл хайх, хүлээн авах, түгээх эрх, эрх чөлөө нь ардчилсан нийгмийн суурь үнэт зүйл мөн.
Монгол Улсын Үндсэн хуулийн Цэцээс Эрүүгийн хуулийн 13.14 дүгээр зүйл буюу “худал мэдээлэл тараах” зохицуулалт нь иргэдийн үзэл бодлоо чөлөөтэй илэрхийлэх эрхийг зөрчиж байна гэж дүгнэснийг Улсын Их Хурал хүлээн зөвшөөрч, уг зохицуулалтыг өөрчлөх ажлыг эхлүүлсэн. Гэвч энэ хүрээнд “гүтгэх” үйлдлийг шинээр эрүүгийн гэмт хэрэгт тооцох агуулгыг төсөлд тусган, 2026 оны 05 дугаар сарын 12-ны өдөр Хууль зүйн байнгын хороогоор хэлэлцүүлэхээр төлөвлөж буйг Монголын Үндэсний Сайтын Хөгжлийн Нэгдсэн Холбоо эрс эсэргүүцэж байна.
Сүүлийн жилүүдэд сэтгүүлч, хэвлэл мэдээллийн байгууллагыг эрүүгийн хэрэг, мөрдөн шалгах ажиллагаа, хууль шүүхийн дарамтаар айлган сүрдүүлэх, улмаар өөрийгөө цензурдэх нөхцөл байдал эрс нэмэгдэж байна. Төрийн өндөр албан тушаалтан, эрх мэдэл бүхий этгээдүүдийн зүгээс хэвлэл мэдээлэлд шууд болон шууд бусаар нөлөөлөх, сэтгүүлчдийг гутаан доромжлох, хууль хяналтын байгууллагаар дарамтлуулах явдал газар авч байгаа нь хэвлэлийн эрх чөлөө, иргэдийн мэдэх эрхэд ноцтой заналхийлэл болж байна.
“Гүтгэх”-ийг эрүүгийн гэмт хэрэгт тооцох нь хэвлэл мэдээллийн байгууллага, сэтгүүлчдийн хараат бус байдалд дарамт учруулж, нийтийн ашиг сонирхлын асуудлаарх шүүмжлэлийг хумих, иргэдийн мэдээлэл авах эрхийг хязгаарлах, улмаар эрх мэдэлтнүүд шүүмжлэлийг дарах хэрэгсэл болгон ашиглах эрсдэлийг бий болгоно гэж үзэж байна. Олон улсын хүний эрхийн байгууллагууд нэр төр, алдар хүндтэй холбоотой маргааныг эрүүгийн бус, иргэний эрх зүйн хүрээнд шийдвэрлэхийг тогтмол зөвлөж ирсэн.
Түүнчлэн Үндсэн хуулийн Цэцийн дүгнэлтийг хэрэгжүүлэх хүрээнээс хальж, шинээр эрүүгийн шинжтэй зохицуулалт нэмж оруулах нь хууль боловсруулах ил тод, оролцоотой байх зарчимд нийцэхгүй гэж үзэж байна.
Хэвлэлийн эрх чөлөө бол зөвхөн сэтгүүлчдийн асуудал биш. Энэ нь иргэдийн мэдэх эрх, төрд хяналт тавих боломж, ардчиллын үнэт зүйлсийн үндэс суурь юм. Иймд хэвлэлийн эрх чөлөөг хумих, үзэл бодлоо илэрхийлэх эрхийг эрүүгийн аргаар хязгаарлах аливаа оролдлогыг бид эрс эсэргүүцэж байна.