08/06/2026
Гитарчин Өөжгий: Панчааны талаар өөрийн бодлоо бичсүү.
Манайхны зарим тоглолтын панчаан арай л удаан, арай л олон нөхдүүд гарч ирээд, сүүлдээ бүр яриа дуу нь ихдээд, үзэгчдээ залхааж үндсэн хамтлаг, дуучнаа тоглох цагаас нь хумслах нь ердийн үзэгдэл боллоо.
Хурдын 30, Харанга 35 дээр ч бас тийм зүйл болсон.
Харин гадаадад яадаг вэ?
Панчааныг албан ёсны хэллэгээр бол Opening act – тоглолтыг нээж байгаа дуучин.
Support act – үндсэн одын өмнө тоглодог дэмжигч дуучин.
Заримдаа warm-up act гэж ч хэлдэг.
Тэд нар нь голдуу Headliner буюу үндсэн хамтлаг дуучнаас ранк доогуур шинэ гарч байгаа од, залуу хамтлаг дуучид байдаг.
Тэд нарын тоглолт голдуу 30 минутаас 1 цаг хүртэлхи хугацаанд үргэлжилнэ.
Дараа гол дуучны тайз, хэрэгслийг нь цаг орчим хугацаанд бэлдэнэ.
Тэр хооронд хүмүүс 00 явна, юм иднэ, ууна.
Тэр үед хөгжим дуугарахгүй. Дуугарсан ч маш аяархан.
Хүмүүсийн чихийг амраана.
Гол дуучин, хамтлаг гарч ирээд ойролцоогоор 1 цаг гучин минутаас 2 цаг гаран л тоглоно.
Тэгэхээр үндсэндээ нийт 4 цаг орчимд бүх юм дуусна.
Учир нь хүний чих 100 децибэль (Децибэль-чанга сулыг хэмжих нэгж. Гадна голдуу макс нь 98-105 орчимд зөвшөөрдөг) чимээнд ихдээ нь тийм л хугацаанд тэсвэрлэж чадна гэдэг юм билээ.
Манайд эсрэгээр 6-7 цаг ррчим 110-120 децибель чимээнд түмэн амьтны төрөл бүрийн дуунд дэлбэ нүдүүлнэ.
Урлагчид дотроо Чадахгүй бол чанга ш** гэдэг бичигдээгүй хуультай😂
Тэгээд хамгийн сүүлд нь гол дуучин гарч ирэх үед алга таших тэнхээгүй шахуу болсон хэдэн дүлийрсэн, гөлөмцүү үзэгчид байж байна.
Гол дуучин, хамтлаг нь төлөвлөсөн програмаа дуусгаж чадахгүй 12 цаг болоод бүгд сэтгэл дундуур гарна.
Одоо тэгэхээр яах ёстойв?
Дэлхийн стандарт руу орох л шаардлага зүй ёсоор гарч байна.
100 децибелиэр дуугаргаад сурчвал концерт үзэнгээ хажуугийн хүнтэйгээ чөлөөтэй ярилцах боломж гарна.
Хөгжим нь ч хахаж царгихгүй. Чихэнд ч муу нөлөөгүй.
Хэдэн пийв уучиад хөгжмийнх нь дууг давж орилж ярьсаар байгаар бүгд амархан согтохгүй.😂
Тоглолт тавьж байгаа мундаг найруулагч нар энэ тал дээр боддог баймаар байна.
Хурд сонсох гэж ирсэн хүмүүс Хурдаа л үзэх гэж ирсэн гэдгийг мэдэж баймаар байна.
Панчааныг дэлхийн жишгээр хийдэг болоё.
Найруулах биш “ниаруулдагаа” л больчих.
Хэт нүсэр тайз, хэтэрхий өндөр зардлаас татгалзмаар байна бас.
50 доллараас 10000 доллар хүртэл үнэтэй билет нь зарагддаг, 100000 хүний стадионд тоглодог дэлхийн сүүпер оддуудтай барьцаад яахийм.
Хэдэн хүнтэй хот билээ. Дундаж цалин нь хэд билээ. Хэдэн хүний стадион билээ.
Харьцуулж бодооч.
Мөнгө ашиг ч олсон юм байхгүй. Ихэнх шоунууд цөм шатаад дуусдаг нь нууц биш.
Хэдэн ниаруулагч нь, тайз, лед, гэрэл хөгжмийн компаниуд нь мөнгөө харин бүтэн авна.
Зохион байгуулагч, дуучин нь 2 бараг л хоосон, эсвэл өртэй үлдэнэ.
Харин дэлхийд бол эрх ашгийн эрэмбэ дараа нь олзны ихийг 1-т тоглолтоо хийсэн дуучин.
2-т зохион байгуулагч тал.
3-т гүйцэтгэгч нар. Өөрөөр рэлбэл найруулагчын баг, тоног төхөөрөмжийн түрээсийн компаниуд.
Манайд бол эсрэгээрээ шүү.
Намар Пенсильванид 25К хүний битүү аренад Билли Айлиш-г үзсэн.
Тайз гэрэлтүүлэг нь манай нүсэр шоунуудаас хамаагүй цомхон, даржин л байналээ.
Дэлхийн түүр концэртийн тайзшдээ!
Билет VIP нь 9000$ шүү!
Би гэхэд 18 дугаар эгнээний суудал 500 шахам доллараар авсаншд.
Тэндээс 1 л юм ойлгосон.
Тэр 25000 хүн хайртай дуучнаа үзэж, дагаж дуулж, кайф авах гэж ирдэг болохоос нүсэр тайз шүтэх гэж ирдэггүйг!!!😀
