Magnet Magnet

03/07/2025

03/07/2025

1. Өнгөрснөө өөртөө л хадгал. Юу ч битгий ярьж бай, өнөөдрөө ярьж амьдар. Ярих хэрэгтэй бол хэнд юуг яаж ярихаа сайн бодож ярь.

2. Бие даасан байдлаа үнэлж бай. Ганцаараа байна гэдэг ганцаардана гэсэн үг биш. Ганцаардлаас айж нөхөрлөх биш, зөвхөн хүндэтгэл дээр тулгуурлаж нөхөрлө.

3. Өөрийн оноогдсон цаг хугацаагаа үнэл. Харилцаа, хувийн хөгжил, гэр бүл, ажил, зорилго гээд цагаа тэнцвэртэй зарцуулахыг хичээ.

4. Өөрийн амжилтанд баярла. Жижиг гэлтгүй амжилт болгоноо тэмдэглэж, өөрийгөө баярлуулж бай. Өөрийгөө хүндэлж байж өөртөө итгэлтэй байна. Өөрийнхөө хөгжлийг ухамсарлаж байж урагш явах болно.

5. Сэтгэл санаагаа анхаар. Таны аз жаргал, сэтгэлийн санааны байдал алив юмны золиос болох ёсгүй. Аливаад хэмжээ хязгаарыг тогтоо, зай барь. Өөртөө санаа тавь. Танд санаа тавьдаг, урам зориг өгдөг хүмүүсээр өөрийгөө хүрээлүүл.

6. Өөрөөрөө бай, өөртөө үнэнч бай. Таны үнэт зүйлстэй нийцэхгүй юмтай бүү эвлэр. Таны өөриймсөг байдлыг хүндэлдэг хүмүүстэй харьцаатай бай.

7. Өөрийн замаар яв. Бусдын хүсэл хүлээлтэнд тааруулж замаасаа бүү гар. Өөрийн зорилго мөрөөдөлрүүгээ яв, тэгвэл зөв хүмүүс таны амьдралд өөрсдийн байр суурийг аяндаа олох болно.

8. Найз нөхөд, гэр бүлийн харилцаагаа хадгал. Тэд таныг дэмжиж, өөртөө итгэлтэй, тогтвортой байлгах болно.

9. Сэтгэл хөдлөлийн тэнцвэртэй байдлыг анхаар. Эрүүл харилцаа гэж харилцан хүндэтгэл дээр тогтдог гэдгийг санаж явах. Бие даасан байдлаа хадгал, дуртай юмаа хийж бай, өөрийн хувь хүний хөгжлийг бүү мартаарай.

28/06/2025

Хун шиг цагаан битгий яв-Аминд чинь аюултай.
Хэрээ шиг хар битгий яв-Үрд чинь аюултай.
Жаргалыг барьж тогтоох ухаантай бай.
Зовлонг давж гарах тэнхээтэй бай.
Үгээ олж хэлэх мэдрэмжтэй бай.
Үйлдлээ хянаж чадах бодолтой бай
Мөнгөжих тусам хувцаслалт даруусна.
Мэдлэгжих тусам хэрэглээ даруусна.
Ухаажих тусам зан даруусна.
Энэ хорвоог орхихын цагт юутай байсныг чинь биш
Хэн байсныг чинь дурсана..

25/06/2025

Чадна гэж бодсон цагаас азын тэнгэр чамайг дагаж эхэлдэг.
Өөртөө итгээрэй, Чиний бодсоноос илүү том хүч чамд байдаг

23/06/2025

“БИ АМЬДРАЛДАА ХАЙРТАЙ”...

гэж өглөө бүр хэлж бай, амьдрал чинь үндсээрээ өөрчлөгдөх болно...

Босохоосоо өмнө, гутлаа өмсөхөөсөө өмнө, “БИ АМЬДРАЛДАА ХАЙРТАЙ” гэж үргэлж хэлж бай...

Амьдрал бол бэлэг...

Тиймээс, минут, секунд тутмыг нь хайрла...

Өнөөдөр өөрөөрөө байх хамгийн сайхан өдөр чинь байх болно...

“БОДОЛ МИНЬ БОДИТ БАЙДЛЫГ БҮТЭЭДЭГ”...

Душинд орж байхдаа инээмсэглэж өдрөө эхлүүл...

Өдрийг цаг бүрээр нь төсөөл...

Чиний бодол сэтгэл хөдлөлийг бий болгоно, сэтгэл хөдлөл үйлдлийг өдөөнө, үйлдэл үр дүн авчирна...

Элбэг хангалууны сэтгэхүйтэй бай, өөрийгөө маш азтай гэж бод, амьдралд чинь аз тохионо гэдэгт итгэ...

“БИ ТАЛАРХАЖ БАЙНА”...

Байгаа зүйлдээ талархахаар байгаа зүйлийн чинь үнэ цэнэ нэмэгддэг...

Усанд орж байхдаа талархаж буй дор хаяж 20 зүйлийнхээ тухай бод...

Энэ чамд маш гүн аз жаргалыг мэдрүүлнэ...

“БИ АЗ ЖАРГАЛТАЙ БАЙХЫГ СОНГОЖ БАЙНА”...

Аз жаргал бол сонголт...

Сайхан хандлага үргэлж сайхан үр дүн авчирдаг гэдгийг сана...

Аз жаргалтай байна гэдгээ шийд...

Эрүүл мэндэд чинь нэн тустай...

“БИ ИНЭЭМСЭГЛЭНЭ”...

Би хэний өдрийг сайхан болгож байгаагаа хэзээ ч үл мэднэ...

“ХҮРТЭХ ГАВЪЯАТАЙ”...

Хүсч буй зүйлс бүрээ хүртэх гавъяатай гэж бод...

Сонголтондоо итгэ, яагаад гэвэл чи хайрлуулах, амар амгалан байх, хөгжиж дэвжих гавъяатай...

Чи сайхан амьдрах эрхтэй...

“БУСДЫН ЮУ БОДОХ НЬ НАДАД ХАМААГҮЙ”...

Чиний тухай бусдын бодолд бүү төөр...

Үнэндээ, тэдний үг тэднийг хэн бэ гэдгийг л харуулна...

Чиний тухай бусад юу хэлэхийг сонсохын оронд өөрийнхөө дотоод ухаанд итгэ...

Зүрхээ сонс, тэр чамайг чиглүүлнэ...

“БИ ЭЕЛДЭГ”...

Чиний үйлдэж буй сайхан сэтгэлийн үйлдэл бүр тархинд чинь серотонин (серотонин нь аз жаргал, сайн сайхны мэдрэмжийг бий болгодог гормон) үүсгэж байдаг...

Танихгүй хүнд тусал...

Тэврэлт, магтаалаар бэлэг барь...

“БИ ОДООД АМЬДАРДАГ”...

Амьдралынхаа хором бүрийг амтал, яагаад гэвэл хором бүр онцгой...

Хоосон хором гэж байдаггүй....

Мэдрэмжтэй бай, одоод...

Бодол чинь хөврөөд ирэхээр өнгөрсөн болон ирээдүй бол чиний сэтгэхүйгээр бий болж буй төсөөлөл гэдгийг сана...

"ГҮНЗГИЙ АМЬСГАЛ"...

Амьсгаа бүрийгээ мэдэр...

Авч буй амьсгал бүр чинь уушгийг чинь дүүргэж буйг мэдэр, дараа нь аажим гарга...

Шинэ долоо хоногийн ажилд нь амжилт хүсье...

22/06/2025

👉🏿Япончуудын баримталдаг залхуурлыг ялах 7-шилдэг арга

1. Кайзэн - Өдөр бүрийн ахиц дэвшилд анхаар. Нэг дор бүх зүйлс сайн байх албагүй тул бага багаар ахиц гаргахыг зориорой.

2. Помидоро техник - 25минут ажиллаад 5минут амарч байх. Үүнийгээ давтах нь үр бүтээмжтэй хийж байгаа зүйлсээсээ ажлаас халшрах залхахгүй байхад томоохон тус болдог.

3. Икигай - Амьдралынхаа зорилгыг олж мэдээрэй. Өглөө бүр сэрээд хийх зүйлсээ төлөвлөж зорилготой байх нь мөн амьдралынхаа зорилгыг ойлгох нь илүү утга учиртай амьдарахад тусална.

4. Шошин - Аливаа үүрэг даалгаварт анхлан суралцагчийн сэтгэлгээгээр ханд. Бүхний учрыг олох ёстой гэж санаа зоволтгүй. Шинээр сурах, турших, үзэхэд нээлттэй хандаарай.

5. Какейбо - Санхүүгийн төсөв гаргах, түүндээ баригдах. Таны мөнгө санхүү эмх цэгцтэй байх нь стрессдэх мэдрэмж харьцангуй бага байхад тусалж дараагийн зорилгодоо төвлөрөхөд тусална.

6. Ваби- Сами - энэ зарчим нь төгс бус байдлаас сайныг олж харахыг чухалчилдаг. Төгс төгөлдөрт тэмүүлэхийн оронд төгс бус талыг нь анхаарч, хүлээн зөвшөөрөөрэй.

7. Цэвэр агаарт алхах - ойн төгөлд амрах. Байгальд цаг өнгөрөөх нь маш чухал. Стресс бууруулж сэтгэл санаа өргөх тул цэцэрлэг сааданд алхаж, байгалиас цэнэг авч байгаарай.

19/06/2025

Ядуу хүмүүсийн сэтгэлд нийцэх хамгийн хэцүү. Үнэгүй юм тараавал тэд “урхи байна” гэж бодно. Жижиг хөрөнгө оруулалт хийхийг зөвлөвөл тэд “олигтой мөнгө олохгүй юм байна” гэнэ. Томоохон хөрөнгө оруулаач гэвэл тэд “бидэнд мөнгө байхгүй” гэнэ. Шинэ содон юм туршиж үзээч гэвэл тэд “бидэнд туршлага байхгүй” гэнэ. Энэ бол уламжлалт бизнес юм гэвэл тэд “амаргүй шүү дээ” гэнэ. Энэ бол бизнесийн шинэ загвар юм гэвэл тэд “пирамид л биз” гэнэ. Дэлгүүр нээгээч гэвэл тэд “эрх чөлөөгүй болчихно” гэнэ. Шинэ бизнес эхлүүлээч гэвэл тэд “шинэ бизнес сайхан явна гэсэн баталгаа байхгүй шүү дээ” гэнэ. Ядуу хүмүүст нэг нийтлэг зүйл байдаг. Тэд Google-ээс юм асууж, найзуудынхаа (өөртэй нь адилхан ядуу) үгэнд орох дуртай... тэд их сургуулийн эрдэмтэн профессороос ч их бодож, хараагүй хүнээс ч бага хийдэг. Тэднээс “Та юу чаддаг вэ?” гээд асуугаад үзээрэй. Тэд танд юу ч хэлэхгүй.

Миний хийсэн дүгнэлт: яагаад шаламгай хөдөлж болохгүй гэж; зүгээр л бодож суухын оронд бодож явдаг зүйлээ яагаад хийж болохгүй гэж? Ядуу хүмүүс нэг нийтлэг шинж чанараасаа болж бүтэлгүйтдэг... тэд хамаг амьдралаа хүлээж өнгөрүүлдэг.
- Жак Ма

19/06/2025

Хажуу хавирганд байгаа хүний хандлага халдварлаж байдаг тул зөв хүмүүстэй аль болох их цагийг өнгөрөө.
Эс аваас байнга гомдоллож байдаг, бусдыг шүүмжилж явдаг, идэж байгаа хоолоо, ханилсан нөхрөө, унаж буй машин, авч буй цалин, ажиллаж буй газраа муулдаг хүмүүс байдаг. Тэдгээр хүмүүсийн хувьд ахуй амьдрал нь хичнээн сайжирсан ч, үнэ цэнийг нь хүлээн зөвшөөрөхийг хүсдэггүй гэнэ.
Харин эсрэгээр жижигхэн ч гэсэн сайн сайхан зүйлийг олж хардаг, эерэг хандлагатай, эрч хүчтэй, амьдралдаа чин сэтгэлээсээ талархдаг хүмүүс бусдад ч өөрөө мэдэлгүйгээр эерэг энерги түгээж байдаг. Юм энгийн зүйлээс эхэлдэг бөгөөд харилцаа хандлагадаа өөрчлөлт хийгээд үз.
Хажууд нь байхаар үргэлж гомдол, бухимдал, хов жив, шүүмжлэл хуваалцаж байдаг нөхдөөс зайгаа барьж, эерэг уур амьсгал, инээд хөөр, эрч хүчийг эрхэмлэвэл дээр бус уу.
Уулзаад суухад нэгийг мэдэж авдаг, нэжгээдийг суралцдаг, сайхан эрч хүчээр цэнэглэгдээд гоё сэтгэгдэлтэй үлддэг хүмүүстэй аль болох цагийг өнгөрөөж байгаарай. Харилцаа хандлага гэдэг халдварладаг.…😍

17/06/2025

АНУ-ын иргэн, Анита Муржани гэх энэ эмэгтэй хорт хавдрын 4-р үедээ комд орсноор клиник үхлийн туршлагыг амссан талаар ТEDх дээр илтгэл тавьжээ. Эмч нар түүний хорт хавдар эмчилгээгүй учраас сэхэх боломжгүй бөгөөд эцсийн замд нь үдэхийг гэрийнхэнд нь сануулсан байна. Комд ороод ухамсар нь шууд бүхнийг мэдэрч, эргэн тойрноо 360 хэмээр харж, ойлгож эхэлжээ.

Бүх зүйлс нэгэн ухамсарт оршдогийг бас мэдэрсэн байна. Нас барсан аав, хамгийн сайн найз нь түүнтэй уулзаж эргэн биедээ орохыг зөвлөжээ. Анитад эргэн хүний амьдралаар амьдрах нэг ч хүсэл төрсөнгүй.

Анита яагаад хорт хавдраар өвдөх болсноо тэндээс ойлгожээ. Анита амьдралдаа бүх зүйлсээс айдаг байж. Хүсээгүй харилцаа, ажилгүй болох, өвдөх, муу хоол идэх гээд аюулгүй байхын тулд бараг бүх зүйлсээс айдаг байсан учраас энэ блок түүнийг үхэлд хүргэх өвчин тусгахад хүргэсэн байна. Анита үзэл ухамсраа өөрчлөхөд өвчин нь эдгэж болохыг ойлгожээ.

Клиник үхлээс сэрээд 5 долоо хоногийн дараа Анита эмнэлгээс эрүүл гэсэн оноштой гарсан байна. Анита эндэх физик амьдралыг тайлбарлаж байна.

“Та бүхэн маш харанхуй зааланд нэг жижигхэн гар чийдэнтэй явж байна гэж төсөөл. Танд өрөө, заал тэр чигтээ харагдахгүй. Та гар чийдэнгээ тусгасан газраа л сайн харж чадна. Бидний амьдрал үүнтэй яг ижил. Бидний дэргэд замд байж болох бүх л гайхамшгууд, маш олон сайхан учрал, тохиолдлоор дүүрэн байдаг ч та анзаардаггүй. Би энэхүү туршлагаас хамгийн том 5 зүйлийг сурсан.

НЭГД: Бидний энэ амьдралдаа анхаарлаа хандуулах ёстой зүйл бол ХАЙР. Би өөрийгөө хайрлаагүй учраас хорт хавдар туссан юм. Тиймээс юуны түрүүнд өөрийгөө хайрлаж, өөрийгөө үнэлж сурах ёстой. Өөрийгөө хэр их хайрлаж чадна, бусдыг төдий чинээ хайрлаж чадна.

ХОЁРТ: Амьдралыг айдасгүй нүүр тулж сур. Би бүх зүйлсээс айдаг байсан. Айдас аюулгүй байлгадаг гэж бодож байгаа бол алдаа юм. Айдас биш хайр л таныг аюулгүй байлгаж чадна.

ГУРАВТ: Баяр баясгалан, инээд, хөөрөөр амьдар. Инээд баяр баясал маш чухал зүйл. Бид хэрхэн ийм байхаа бүгд мэддэг. Бид инээд, баяр хөөр ихтэй байсан бол эмнэлэг, шорон, хорт хавдрууд улам цөөхөн байх байсан.

ДӨРӨВТ: Амьдрал бол бэлэг. Амьдралыг бэлэг байж гэдгийг харамсалтай нь та амьдралынхаа сүүлийн мөч хоромд мэддэг. Бэрхшээл саад хүртэл бэлэг юм. Миний бэлэг хорт хавдар байсан юм. Хорт хавдар намайг алж байна гэж бодож байсан ч үнэндээ би хорт хавдар тусахаас өмнө өөрийгөө алж байсан юм. Харин хорт хавдар намайг аварсан. Хэрэв зовлон бэрхшээл тань бэлэг шиг харагдаагүй бол та бэлэг гэж харах төгсгөл хэсэгт нь ирээгүй байна.

ТАВД: Хамгийн чухал зүйл бол ТА ӨӨРӨӨРӨӨ Л БАЙ. Өөрийнхөө өвөрмөц онцгой хувилбарт талархаж, таашаан амьдар. Өөрийгөө хэн гэдгийг мэдэрч өөрийгөө нөхцөл болзолгүй хайрлаарай” гэжээ. /copy/

16/06/2025

1. "Эргэлзээ бол боломжийн хулгайч юм." – Жим Рон

2. "Хэрэв та шийдвэр гаргахгүй бол, бусад хүмүүс таниас өмнө гаргана." – Харви Маккей

3. "Амжилттай хүмүүсийн нийтлэг чанар бол шийдэмгий байдал юм. Харин бүтэлгүйтэл нь шийдвэргүй байдалтай холбоотой." – Тони Роббинс

4. "Шийдэмгий байдал бол өндөр бүтээмжтэй хүмүүсийн онцлог. Аль ч шийдвэр байхгүйгээс дээр." – Брайан Трэйси

5. "Та шийдвэр гаргавал, орчлон ертөнц тэр шийдвэрийг бодит болгоход тусалдаг." – Ралф Валдо Эмерсон

6. "Хамгийн хэцүү нь шийдвэр гаргах явдал. Түүний дараа зөвхөн тууштай байдал л хэрэгтэй." – Амелиа Эрхарт

7. "Амжилтад хүрэх нууц нь эхлэх явдал юм. Эхлэхийн нууц нь хэцүү, төвөгтэй ажлуудыг жижиг, хялбар хэсгүүдэд хувааж, хамгийн эхнийгээ хийхээс эхэлдэг." – Марк Твен

8. "Таны хувь тавилан шийдэгддэг мөч бол яг тэр шийдвэр гаргах агшин юм." – Тони Роббинс

9. "Шийдвэр гарга — тэр мөчөөс таны амьдрал урагш хөдлөнө." – Опра Уинфри

10. "Амьдралдаа хийж болох хамгийн том алдаа бол алдаа гаргахаас үргэлж айж явах явдал юм." – Элберт Хаббард

Нэмэлт 1: "Амьдрал бол шийдвэрээс бүтдэг. Хэрэв та алдаа гаргахаас айж байвал шийдвэр гаргаж чадахгүй."

Нэмэлт 2: "Хоёр ижилхэн сонголтын өмнө очвол зоримог талыг нь сонго." – В.Ж. Слим

15/06/2025

👉🏿БОДОЛ БИЕЛЛЭЭ ОЛДОГ💎

1. Өөрийгөө үргэлж амжилтанд хүрч чаддаг, чадварлаг хүн гэж бод.
2. Өөрийгөө хайрлах чадвартай, хүчирхэг хүн гэж бод.

3. Өөрийгөө сэтгэл татам, төгс хүн гэж бод.
4. Өөрийгөө бусдад туслахад бэлэн энэрэнгүй хүн гэж бод.

5. Өөрийгөө зорилгынхоо төлөө тууштай зүтгэх дайчин хүн гэж бод.
6. Өөрийгөө удирдаж чаддаг, зарчимч хүн гэж бод.

7. Өөрийгөө хүчтэй, сэтгэлийн тэнхээтэй хүн гэж бод.
8. Өөрийгөө зоригтой, зогсошгүй хүн гэж бод.

9. Өөрийгөө найрсаг, эерэг хүн гэж бод.
10. Өөрийгөө өөдрөг үзэлтэн, өөдөө тэмүүлэгч гэж бод.

--Ингэж өөртөө эерэг үгсийг байнга сануулснаар эдгээр ухамсартай бодлуудыг далд ухамсар тань боловсруулж, мэдрэх болно. Ингэснээр та өөрийгөө өөрөөр харж, таны төсөөлж байгаагүй гайхалтай чадварууд тань ил гарч ирэх болно.

--Таньд бодсоноос чинь илүү хүч бий. Өөрийгөө битгий чамла. Бүү дар. Өөрийгөө сул дорой, шантрамхай нэгэн гэж бүү хүлээн зөвшөөр.
--Өдөр бүр танд шинээр эхлэх, өөрийгөө болон бусдыг өөрчлөх боломж бий.
Copy.