Gal Nj

19/10/2025

18/10/2025

18/10/2025

Сэтгүүлч Э.Энхзориг: Одоо улстөрийн процесс маш эвгүй зүйлрүү явах гэж байна ...‼️

18/10/2025

Бортээг амилсан шалтгаан нь энгийн.

Нүүрсний хулгай үнэхээр байгааг Ерөнхий сайд Л.Оюун-Эрдэнэ нар анзаарч, анх удаа “сонсгол” зохион байгуулж нийгэмд харанга дэлдсэн билээ.
-Даргаа, энд чинь хүний өөрийнгүй холбогдох нь байна шүү дээ гэсэн санаа зовнилтын хариуд Ерөнхий сайд “хамаагүй ээ!” гэж хариулсан байдаг. Энэ үг нүүрсний “жинхэнэ хулгайчдын” зүрхийг хатгуулсан юм. Зүрхээ дарсан улсууд хариу цохилтын эрэлд гартал Бортээг дээр барьж байсан Админерал компанийн нүүрс угаах үйлдвэрийг олжээ. Админералын захирал Ламжав нь МАН-ын Нарийн бичгийн дарга Чулуунзагдын ах. Чулуунзагд нь Амарбаясгалантай нэг ТББ байгуулсан холбоотон... “хөөе бараг болчих юм бишүү...!”. Ингээд агуу том мафийг илрүүлэх ажил эхлэв. Харин илдний ир, будагны багс нь Б.Энхбаяр болж, хар будагтай том хувингаа бариад ажилдаа оржээ.

Б.Энхбаярын “жадалсан газар” ба бодит байдал:
• Хасбаатарыг Бортээг дээр “нухсан”. Нухаад чандарлацан!
Үүнийг сонссон Хасбаатарын эхнэр нь нөхрөө эрүүл мэндийн шалтгаанаар нас нөхчсөн гэдгийг гэрчилсэнзахидал хилийн чанадаас ирүүлсэн. Монгол хүн байна даа, бас хөндөх хөндөхгүй юмнууд байдаг сан. Байтлаа зүгээр л бүлтийж сууж байгаад нэгнээ хүн амины хэрэгт хөнгөхөн холбогдуулдаг болж.
• Бортээгийг эзэмшээд, 404 их наядын нүүрс хулгайлж....
Бортээгийн доор 404 их наядаар үнэлэгдэх нөөц бий л дээ.Гэвч өнөөг хэр нь Бортээгийн нөөцийн талбайд хүрз нүүрс ч ухаагүй, хөрс шороог нь ч хөндөөгүй онгоноороо байна. Хэн ч очоод харчихаж чадна. Лиценз нь ч улсын Тавантолгой компанид хууль ёсоороо, бүрэн бүтнээрээхадгалагдсаар байна.
• Хятадуудаас 30 сая долларын хахуульд аваад. Түүнийгээ улсын хилээр бэлнээр оруулж ирсэн... гэв
Бурхан болооч Хасбаатар бол Монголын хувийн компанитай хэлцэл хийж, хамтран ажиллаж байсан гадаадын хөрөнгө оруулагч. Мэдээж гэрээний дагуу Нүүрс угаах үйлдвэрийнхээ тоног төхөөрөмжийг оруулж ирэх, барилга байшингаа барих, бараа материалаа худалдаж авах гээдхөрөнгө оруулалтаа хийсээр ирсэн түүх нь харин өдгөө “бэлэн өгсөн гучин сая долларын хахууль” нэртэй болчхоод байгаа нь энэ. Үгүй мөн арга ядсан гүтгэлэг ээ...
• Бортээгийн нүүрс угаах үйлдвэрт нүүрс угаагаад, зараад...
Админералын барьж байсан энэ нүүрс угаах үйлдвэр өнөөг хэр нэг ч удаа ажиллаагүй. Ташрамд хэлэхэд, цаашдаа ч ажиллах ирээдүй нь бүрхэг.. энэ нь хилийн цаана, Баяннуурт байдаг хятадын хэдэн арван нүүрс угаах үйлдвэртэй холбоотой. Манай зарим улстөрчид ч хувь хувьцаатай гэдэг. Ашгаа хуваалцахыг хэн ч хүсэхгүй.
Аль ерээд оноос бизнес хийж эхэлсэн, мөрөөрөө элдэв юм сэдэж, хийж бүтээж явдаг Ламжав энэ асуудалд орооцолдсоны дараа “Би Д.Амарбаясгалантай ч, Ц.Чулуунзагдтай ч, Б.Энхбаяртай ч бизнесийн холбоогүй. Эд нар бүгд надад гай л болж байна...” гэж нүүрсний сонсгол дээр аргаа баран хэлсэн хүн.
Харин Б.Энхбаяраас “та хамаарал бүхий гэдгийг яаж тогтоодог юм бэ?” гэж сэтгүүлч асуухад тэрээр, “би 20 мянган хүний 3 сая гаруй хамаарлыг тогтоосон” гэж хариулсан удаатай. 1937 онд ч ийм дедектив хүн байгаагүй байх аа. Бурхан өршөөг!

18/10/2025

ЗШ талыханд арай нэр цэвэр юм олдохгүй бна уу😝

18/10/2025

Дараагийн Ерөнхий сайдын “гурван даваа”

Ерөнхий сайд огцорсонтой холбоотойгоор дараагийн Засгийн газрыг бүрдүүлэх нөхцөл бүрдлээ. Гэвч энэ удаагийн нөхцөл байдал энгийн нэг томилгоо биш. МАН-ын дотоод хуваагдал, парламентын гацалт, төсвийн хуулийн хэлэлцүүлэгтэй давхцаж буй онцгой нөхцөл юм.

Үндсэн хуулийн 39 дүгээр зүйлийн 4 дэх хэсэгт зааснаар “Ерөнхий сайд огцорсны дараа Ерөнхийлөгч УИХ-д шинэ Ерөнхий сайдын нэрийг оруулж, УИХ 7 хоногийн дотор хэлэлцэж, томилох ёстой.” Хэрэв УИХ шинэ Ерөнхий сайдыг 30 хоногийн дотор томилж чадахгүй бол Ерөнхийлөгч УИХ-ыг тараах эрхтэй. Энэ бол Монголын төрийн тогтвортой байдлыг хамгаалсан, гэхдээ улс төрийн хувьд хамгийн хүчтэй шахалт үзүүлдэг хуулийн заалт юм.

Тиймээс одоо УИХ-д 30 хоногийн цаг хугацаа "гүйж" эхэллээ. Энэ хугацаанд тохиролцож чадахгүй бол парламент өөрөө тарах эрсдэл бодитоор үүснэ.

Өөрөөр хэлбэл, ирэх долоо хоногийн дотор шинэ Ерөнхий сайдын нэрийг тодруулах үүрэг УИХ-д ногдож байна.
Нөгөөтэйгүүр одоогийн МАН хоёр хүчтэй бүлэглэлд хуваагдсан. Нэг тал нь Г.Занданшатарыг дэмжиж байсан “тогтвортой хөгжлийн” бүлэг, нөгөө тал нь шинэ удирдлага, шинэ баг хүсэж буй “залуу гишүүдийн” нэгдэл.

Тиймээс дараагийн Ерөнхий сайдын нэрийг дэвшүүлэхдээ аль талын нөлөө давамгайлах нь шийдвэрлэх үүрэгтэй. Хэрэв тохиролцоонд хүрэхгүй бол УИХ-ын олонхын дэмжлэггүй Засгийн газар бүрдэх эрсдэлтэй.

Засгийн газар огцорсон энэ мөчид хамгийн эмзэг асуудал бол 2026 оны улсын төсөв.
Хуулиараа төсвийг арваннэгдүгээр сарын 15-наас өмнө батлах ёстой, харин одоо УИХ ч, Байнгын хороод ч хуралдах боломжгүй нөхцөл үүсэв. Ирэх долоо хоногт УИХ, Байнгын хороодоор хэлэлцэх асуудлууд, товыг одоогоор гаргаагүй байна.
Ингэснээр төсвийн шинэ цалин, тэтгэвэр, хөрөнгө оруулалтын төлөвлөгөө хойшлох,
аймаг, сумын төсөв батлагдахгүй, төрийн сангийн гүйлгээ саатах, ирэх оны 1 дүгээр сараас санхүүжилтийн хоцрогдол үүсэх эрсдэлтэй.

-Шинэ Ерөнхий сайдын гурван сорилт-

Дараагийн Ерөнхий сайд хэн байх нь одоогоор тодорхойгүй ч дараах гурван даалгаврыг зайлшгүй биелүүлэх шаардлагатай тулгарна.

1. Тогтвортой Засгийн газар бүрдүүлэх буюу дотоод хуваагдалгүй, парламентын дэмжлэгтэй байх.

2. Төсвийг яаравчлан батлах, цаг хугацааны шахалтад амжих.

3. Нийгмийн итгэлийг сэргээх, улс төрийн уналт, хуваагдлын дараа олон нийтийн итгэлийг буцаан авах.

Өнөөдрийн улс төрийн нөхцөл байдлаас үзэхэд дараагийн Засгийн газар байгуулах үйл явц хамгийн төвөгтэй хэлэлцүүлэгтэй байх нь тодорхой.
МАН дотоод эв нэгдэлдээ хүрэхгүй бол, цөөнхийн бүлгийн байр суурь ч нэмэгдэж, төрийн эрх мэдлийн хуваарилалт дахин хүндэрнэ.

Ш.Адъяамаа