03/08/2025
“ДАЙНД ОРОЛЦСОН ДАЙЧИН ЧУУЛГА”
ЧӨЛӨӨЛӨХ ДАЙНЫ 80 ЖИЛИЙН ОЙД ...
1945 оны Чөлөөлөх дайнд хошууч М.Хундагаа даргатай Монгол Ардын хувьсгалт цэргийн Дуу танцны ансамблийн 60 гаруй уран бүтээлч оролцож, 2000 гаруй км бартаат замыг туулан, Их хянганыг давж, Тэнгэр элсийг гатлан, Өвөр Монголын нутаг Бүдвал ноёны хошуу, Бандид гэгээний хийд, Зүүн хойд Хятадын Долнуур хотод хүрч, нийт 22 удаагийн концерт тоглон, 1945 оны 9 дүгээр сарын 2-нд “Дайн дууслаа, бид ялав” гэсэн баярт мэдээг сонсоод Ялалтын баярын концертоо Зөвлөлт-Монголын дайчид, чөлөөлөгдсөн нутгийн ард түмэнд толилуулж, Монголын ард түмнийхээ урлаг соёлыг түгээн дэлгэрүүлж явсан билээ.
Ийнхүү тус чуулгын ахмад уран бүтээлчид эх орныхоо өмнө хүлээсэн байлдааны даалгаврыг амжилттай биелүүлж, 1945 оны Чөлөөлөх дайнд оролцсон цорын ганц урлагийн байгууллага болсон билээ.
Энэхүү дайчин уламжлалыг тус чуулгын өнөөгийн хамт олон нэр төртэй үргэлжлүүлж, төвийн болон хөдөө орон нутгийн ард иргэд, цэрэг дайчдад зориулсан “Дайнд оролцсон дайчин чуулга” цуврал тоглолтуудыг зохион байгуулсаар байна.
Үүний зэрэгцээ байгууллагынхаа өнгө үзэмжийг сэргээн, бие бүрэлдэхүүний ажиллах таатай орчин, үзэгчдийн ая тухтай орчныг бүрдүүлэх талаар шат дараалсан ажлууд хийж хэрэгжүүлсээр байна.
Тухайлбал :
- “Хөдөлмөрийн аюулгүй байдал, эрүүл ахуйн аян-2025” аяныг зарлаж, байгууллагын гадна орчин болон нийтийн эзэмшлийн талбайн өнгө үзэмжийг сэргээн, урсгал засварын ажлуудыг хийж гүйцэтгэсэн.
- Нийт бие бүрэлдэхүүнийг эрүүл мэндийн үзлэгт бүрэн хамруулж, эмчилгээ хийлгэх шаардлагатай алба хаагчдад эмнэлгийн тусламж үйлчилгээ үзүүлэх бүх талын нөхцөл бололцоог хангасан.
- “Хөдөлмөрийн аюулгүй байдал”, “Галын аюулгүй байдал”, “Цахилгаан холбооны аюулгүй байдал” гэсэн гурван чиглэлээр үзлэг шалгалт явуулж, байгууллагын нийтийн эзэмшлийн болон албан өрөө тасалгаануудын цахилгааны монтаж, гэрэлтүүлгийн эвдрэл гэмтлийг засварлан, аюулгүй байдлыг хангасан.
- Чуулгын ажлын байрны тохижилт, ая тухтай орчныг бүрдүүлэх зорилгоор Чуулгын Уран сайхны удирдагчийн болон Чуулгын ахлагчийн албан өрөө тасалгаа, байгууллагын 1, 2 дугаар давхарт байрлах нийтийн эзэмшлийн ариун цэврийн өрөө, халуун усны өрөөнүүдэд урсгал засварын ажлыг хийж гүйцэтгэсэн.
- Байгууллагын зорилт, арга хэмжээ, үйл ажиллагаа, хэлтэс алба, нэгж, албан хаагчийн гүйцэтгэлийн төлөвлөгөөний хэрэгжилтийг эрчимжүүлэх, ажлын хариуцлагыг дээшлүүлэх зорилгоор “Албан хаагчийг сар бүр үнэлэх аргачлал”, “Ажилтан албан хаагчдад ур чадварын нэмэгдэл олгох нийтлэг журам”-ыг боловсруулан, холбогдох хууль тогтоомжийн хүрээнд зохих урамшууллыг олгосон.
- Монгол Улсын Ерөнхийлөгч, Зэвсэгт хүчний Ерөнхий командлагч У.Хүрэлсүхийн хэрэгжүүлж буй “Хүн төвтэй төр” нийгмийн хамгааллын шинэчлэл, Монгол Улсын Засгийн газраас баримталж буй хүний хөгжлийг дээдэлсэн “Хүн төвтэй бодлого”, Батлан хамгаалахын сайд Д.Батлутын Зэвсэгт хүчний офицер, ахлагч, ажилтан албан хаагчдын нийгмийн хамгааллыг сайжруулахаар дэвшүүлсэн бодлогын хүрээнд тус чуулгаас хоёр алба хаагчийг орон сууцны ипотекийн зээлд хамруулсан,
- Цэргийн дүрэмт хувцасны шинэчлэлтэй холбогдуулан байнгын бүрэлдэхүүний хээрийн хувцасыг шат дараалан хангасан.
- Чуулгын үзвэрийн их танхимын засвар, LED дэлгэцийн угсралтын ажлууд хийгдэж байгаа зэрэг олон бүтээлч ажлуудыг нэрлэж болно.
Тус чуулгын хамт олон энэ сард ОХУ-ын Москва хотноо зохион байгуулагдах “Спасская башня” Олон Улсын хөгжмийн фестивальд оролцоно.
