13/04/2023
Өчигдөр анхны бороо ороход хаврыг хичнээн хайраллаа! Сэтгэл санаа гэгэлзээд дургүй хүндээ ч найр тавьлаа. Өнөөдөр хамаг ажил нураад хажуугаар нь толгой тархи ч өвдлөө. Үүнийг л отож байсан юм шиг гадаа цасан шуурга ч шуурлаа.
Өөрийгөө ойлгох гэж ядаж байхад хаврыг бас ойлгох гэж… Ухаан хүрэхгүй болохоор нь уучхаад унтаад өглөө. Маргааш нь шартсан чигээрээ гудамжаар алхахад шороон шуурга чих дэлсэж, яг л намайг загнаад байх шиг хачин хэмнэлтэй сонсогдлоо.
“Аргыг нь олъё гэхгүй арчаагүй царайлж архи уугаад, Амьдрал бид хоёр угаасаа амархан даваа биш” гэх шиг. Амархан даваа ч биш юмаа,
Хавар дээр л бүдэрчих гээд байдаг болохоос би ч уг нь дажгүй хүн л дээ.
Хаврыг давчихвал
Хаврыг л давчихвал…
