30/08/2025
✨🎓 Би Сэтгэл зүйн магистрын зэрэг-ээ амжилттай хамгааллаа! 👩🏻🎓👩🏻🎓👩🏻🎓👩🏻🎓
6 жилийн өмнө үүнииг эхлэхдээ би маш их эргэлзэж байв. Учир нь дахиад сурна гэж бодоход хэтэрхий оройтсон мэт санагдаж байлаа. Дээрээс нь уй гашуу, ганцаардал, амьдралын цохилтууд ар араасаа нэмэгдсээр… Заримдаа маргаашийн цаад талыг ч харж чадахгүй цөхрах үе зөндөө байв. Зөвхан өнөөдрийг л давж чадвал гэж өөрийгөө зоригжуулсаар нэг мэдэхэд би өөрөө эдгэрч, төсөөлснөөсөө ч илүүгээр өсөж хөгжсөн байна.
Энэ эрдмийн зэргээ би хайртай дүү Жавхаа-даа зориулж байна. 💙 Түүний ярьж мөрөөдаж явдаг байсан зүйлийг хэрэгжүүлэх нь миний амьдралын эрхэм зорилго болсон.
Одоо 20 жилийн мөрөөдөл маань биелэлээ олох гэж байна: Javha Center удахгүй нээгдэнэ. Энэ төвийн онцлог нь сэтгэл зүйн талаар юуг ч нуухгүй, нээлттэй ярих орон зайг бий болгох юм.
Бид ихэнх хүмүүсийн дотроо мэдэрдэг хэрнээ бусдаас санаа зовж, шүүмжлүүлж, шүүгдэхээс айгаад ярьж чаддаггүй мэдрэмжүүдийн талаар шинжлэх ухааны үндэслэлтэйгээр ярилцах болно. Жишээлбэл:
• “Хүмүүстэй хамт байсан ч би ганцаардаж байна.”
• “Би гэр бүл, хань, аав, хүүгийн хувьд дутуу үнэлүүлэхээс айдаг.”
• “Би үргэлж хүчтэй байх ёстой гэсэн дарамтад байдаг, харин дотроо туйлдаж байдаг.”
• “Би эцэг эх, хань, найзууддаа гомдож явдаг.”
• “Би хаа явсан газар бүрээ баг зүүдэг, энэ нь туйлын ядаргаатай. Тиймээс хүмүүсээс зайлсхийдэг болсон.”
• “Би хэтэрхий их уугаад хүмүүст агсам тавиад байна”
• “Би мөнгө, хариуцлагын талаар стресстэй байдаг ч хэнд ч хэлдэггүй.”
• “Би бие, амжилт, үнэ цэнээ тойрон түгшүүртэй, өөртөө итгэлгүй байдаг.”
• “Би атаархал, хангалтгүй мэт мэдрэмжээ нууж явдаг.”
• “Би бусад хүмүүсийн юу гэж бодохоос их санаа зовдог.”
• “Би уйлахаас айдаг, учир нь сул дорой харагдана гэж боддог.”
• “Би утас, архи эсвэл порно-д донтох болсон ч хэлж чаддаггүй.”
• “Би ажил, харилцаа, амьдралд байнга төгс байх ёстой гэж мэдэрдэг. Би байнга жүжиглэж байгаа юм шиг санагддаг.”
• “Би хайртай хүмүүсээ уурлуухгүын урам хугалах вий гэж айдаг, тиймээс чимээгүй байдаг.”
• “Би дотроо хоосон, мэдрэмжгүй мэт санагддаг ч тусламж хүсч чаддаггүй.”
Javha Center-д ямар ч мэдрэмжийг “шүүгдэхгүйгээр” хүлээн зөвшөөрнө. Зөвхөн Жавхаа Төв дээр та нуугдах шаардлагагүй. 🎭✨
