Page Newspaper

Page Newspaper PageNews.mn танд хэрэгтэй, үнэн, факт мэдээлэл

Монгол Улсад 2026 оны эхний хагас жилийн байдлаар ХДХВ/ДОХ-ын өссөн дүнгээр нийт 441 тохиолдол бүртгэгдсэнээс нас баралт...
06/09/2026

Монгол Улсад 2026 оны эхний хагас жилийн байдлаар ХДХВ/ДОХ-ын өссөн дүнгээр нийт 441 тохиолдол бүртгэгдсэнээс нас баралт 73, идэвхтэй хяналтад 327, гадаадад 40 тохиолдол байна.

Монгол Улсын хэмжээнд 2026 оны эхний хагас жилийн байдлаар ХДХВ-ийн тохиолдол өссөн дүнгээр нийт 441 тохиолдол бүртгэгдсэн. Үүнээс нас баралт 73, идэвхтэй хяналтад 327, гадаадад 40 тохиолдол байна. Хүйсийн харьцаагаар авч үзвэл, нийт тохиолдлын 14.3 хувийг эмэгтэйчүүд, үлдсэн 85.7 хувийн тохиолдол нь эрэгтэйчүүд байгаа.

Манайх хоёр жилдээ нэг удаа харуулдан тандалтын судалгаа хийгддэг. Энэхүү судалгаагаар халдварын тархалтын байдал ямар хэмжээнд яваад байгаа вэ, тооцооллоор ямар байх боломжтой вэ гэдгээ тоо баримттайгаар гаргаж ирдэг. Өнгөрсөн жилээс эхлээд жил бүр хялбаршуулсан харуулдан тандалтын судалгааг хийдэг болсон.

2025 оны харуулдан тандалтын судалгаагаар ХДХВ ДОХ-ын тохиолдлоор төвлөрсөн тархалттай улс орны нэг хэвээр явж байгаа. Хүн амын өсөлтийг дагаад өвчлөлийн байдал нэмэгдэнэ, нөгөөтэйгүүр тогтмол илрүүлэлт сайн хийгдэж байна. Мөн нийт хүн амд 0.1 хувиас бага тархалттай, нийт хүн амыг одоогоор хамраагүй гэж үзэж болно.

Харин бусад бэлгийн замаар дамжих халдварын тохиолдлууд нь харьцангуй байгаа. Нийт халдварт өвчин дотор нэгдүгээрт, амьсгалын замын тохиолдлууд орж байна.

Хятадын Цинхуа их сургуулийн судлаачид 42 хиймэл оюун ухаант эмчтэй Agent Hospital виртуал эмнэлгийн систем хөгжүүлжээ. ...
06/09/2026

Хятадын Цинхуа их сургуулийн судлаачид 42 хиймэл оюун ухаант эмчтэй Agent Hospital виртуал эмнэлгийн систем хөгжүүлжээ. Тус систем нь өвчтөн хүлээн авах, шинжилгээ боловсруулах, онош тавих, эмчилгээний төлөвлөгөө гаргах зэрэг эмнэлгийн үйл ажиллагааг виртуал орчинд загварчилж, AI эмч нарыг богино хугацаанд олон төрлийн тохиолдол дээр сургах зорилготой.

Agent Hospital төслийг 2024 онд олон нийтэд анх танилцуулж, 2025 оны дөрөвдүгээр сард Цинхуа их сургууль AI эмнэлэг байгуулснаар уг системийн хөгжүүлэлтийг дараагийн шатанд хүргэжээ. Одоогоор 21 эмнэлгийн чиглэлийг хамарсан 42 AI эмч хүүхэд, зүрх судас, мэдрэл, амьсгалын зам зэрэг салбарын тохиолдлууд дээр ажиллаж байна.

Судалгааны багийн мэдээлснээр виртуал орчны хугацааг бодит хугацаанаас ойролцоогоор 100 дахин хурдан загварчилж, AI эмч нарын туршлага хуримтлуулах үйл явцыг хурдасгах боломжтой аж. Agent Hospital нь мэдээлэл боловсруулахад дэмжлэг үзүүлж, эмч нарын ажлын ачааллыг бууруулахад чиглэж байна.

Бага насны хүүхэд дэлгэцийн өмнө удаан байх нь хөдөлгөөн хийх, тоглох, унтах болон гэр бүлийнхэнтэйгээ харилцах цагийг б...
05/09/2026

Бага насны хүүхэд дэлгэцийн өмнө удаан байх нь хөдөлгөөн хийх, тоглох, унтах болон гэр бүлийнхэнтэйгээ харилцах цагийг багасгадаг. Тиймээс хүүхдийн насанд тохируулан дэлгэцийн хэрэглээг хязгаарлахыг мэргэжилтнүүд зөвлөж байна.

ДЭМБ-ын зөвлөмжөөр нэг нас хүрээгүй хүүхдэд дэлгэц үзүүлэхийг зөвлөдөггүй бөгөөд нэг настайд мөн дэлгэцийн суурин хэрэглээг аль болох зайлсхийх хэрэгтэй. Харин хоёр настай болон 3–4 настай хүүхдийн дэлгэцийн хугацааг өдөрт нэг цагаас хэтрүүлэхгүй, бага байх тусам сайн гэж үздэг. Америкийн Хүүхдийн Эмч нарын Академи мөн 2–5 насанд чанартай контентыг өдөрт нэг цаг хүртэл, эцэг эхтэйгээ хамт үзэхийг зөвлөжээ.

Хүүхдийн эрүүл хөгжилд дэлгэцээс илүү хангалттай нойр, хөдөлгөөн, тоглох, ном унших болон гэр бүлийн харилцаа чухал. Мөн хоолны үеэр болон унтахаас нэг цагийн өмнө дэлгэц ашиглуулахгүй байх нь зөв дадалд тооцогддог.

"Би хэзээ ч хүнтэй маргалддаггүй, бусдыг сонсож, өөрийн дуртай зүйлээ хийдэг” хэмээн урт наслах нууцаа хуваалцсан Их Бри...
05/09/2026

"Би хэзээ ч хүнтэй маргалддаггүй, бусдыг сонсож, өөрийн дуртай зүйлээ хийдэг” хэмээн урт наслах нууцаа хуваалцсан Их Британийн иргэн Этел Кейтерхэм 117 нас хүрч, дэлхийн хамгийн өндөр настай амьд хүнээр бүртгэгдлээ.

2026 оны наймдугаар сарын 21-нд Английн Суррей муж дахь асрамжийн газарт 117 насны ойгоо тэмдэглэсэн Этел Кейтерхэм нь Гиннессийн дэлхийн рекордын номд Их Британийн түүхэн дэх хамгийн өндөр насалсан хүнээр албан ёсоор бүртгэгдсэн байна.

1909 оны наймдугаар сарын 21-нд Английн Хэмпшир мужид төрсөн тэрээр Дэлхийн хоёр дайныг туулж, 2020 онд 110 насандаа коронавирусийн халдварыг даван гарсан хамгийн ахмад хүмүүсийн нэг болжээ. Залуудаа Энэтхэгт хүүхэд асрагчаар ажиллаж, хожим нөхөртэйгөө Хонконгод амьдарч, цэцэрлэг байгуулан ажиллаж байсан байна.

Түүний урт насжилтын нууц нь тайван амьдралын хэв маяг, бусдыг хүндлэх хандлагатай холбоотой гэж тэрээр ярьжээ. Харин хүн төрөлхтний баталгаажсан хамгийн урт насжилтын рекордыг Францын иргэн Жанна Кальман 122 нас 164 хоног насалсан амжилтаараа эзэмшдэг юм.

Монголын залуу хөлбөмбөгчин Б.Чингүүн Чехийн алдарт AC Sparta Praha клубтэй анхны мэргэжлийн гэрээгээ байгууллаа.“Спарта...
05/09/2026

Монголын залуу хөлбөмбөгчин Б.Чингүүн Чехийн алдарт AC Sparta Praha клубтэй анхны мэргэжлийн гэрээгээ байгууллаа.

“Спарта Прага” клуб зургаан залуу тоглогчтой анхны мэргэжлийн гэрээг байгуулснаа мэдээлсэн бөгөөд тэдний дунд Монголын хагас хамгаалагч Болорболдын Чингүүн багтжээ.

Тэрээр тус клубийн нөөц багт тоглодог бөгөөд ийнхүү залуучуудын түвшнээс мэргэжлийн хөлбөмбөгийн шатанд дэвшиж байгаа юм.

Чингүүнтэй хамт Штепан Дынтар, Лукаш Форейт, Мартин Хлинка, Альберт Клечар, Якуб Восичка нар мөн анхны мэргэжлийн гэрээгээ байгуулжээ. Эдгээр тоглогчдын тав нь “Спарта Прага”-гийн U17 болон U19 багийн бүрэлдэхүүнээс дэвшсэн бол Чингүүн нөөц багийн бүрэлдэхүүнээс мэргэжлийн гэрээ байгуулсан байна.

🇨🇿 “Спарта Прага” гэж ямар клуб вэ?

AC Sparta Praha нь Чехийн хамгийн нэр хүндтэй, түүхэн хөлбөмбөгийн клубүүдийн нэг бөгөөд Прага хотод төвтэй. Клубийн залуучуудын академи нь ирээдүйтэй тоглогчдыг бэлтгэн мэргэжлийн түвшинд хүргэдгээрээ Чехийн хөлбөмбөгт чухал нөлөө үзүүлдэг.

Тиймээс Монголын залуу тоглогч Европын ийм том клубийн системд багтаж, улмаар анхны мэргэжлийн гэрээгээ байгуулсан нь Монголын хөлбөмбөгийн хувьд онцлох үйл явдал болж байна.

Чингүүний хувьд энэ гэрээ нь Европын мэргэжлийн хөлбөмбөгийн замналынх нь шинэ эхлэл юм. Цаашид нөөц багийн түвшнээс үндсэн багт дэвших, Чехийн дээд түвшний тэмцээнүүдэд тоглох боломж түүний өмнө нээгдэж байна.

Монголын залуу хөлбөмбөгчинд цаашдын спортын замналд нь амжилт хүсье.

ОХУ-ын Ерөнхийлөгч Владимир Путин Украины дайныг дуусгах энхийн хэлэлцээр байгуулах боломж бий гэж мэдэгдлээ.Тэрээр АНУ,...
05/09/2026

ОХУ-ын Ерөнхийлөгч Владимир Путин Украины дайныг дуусгах энхийн хэлэлцээр байгуулах боломж бий гэж мэдэгдлээ.

Тэрээр АНУ, БНХАУ зэрэг хэд хэдэн улс энхийн тохиролцоог дэмжихэд бэлэн байгаа ч эцсийн шийдвэрийг Орос, Украин өөрсдөө гаргах ёстой гэж хэлсэн байна.

Харин Украины Ерөнхийлөгч Володимир Зеленский АНУ-ын энхийн хэлэлцээг зуучилж буй төлөөлөгчид ойрын өдрүүдэд Москва болон Киевт айлчлахаар тов гарсан гэж мэдэгджээ. АНУ-ын төлөөлөгч Стив Виткофф, Жаред Кушнер нар хэлэлцээрийн хүчин чармайлтыг ахалж байгаа юм.

Гэсэн ч хоёр талын хооронд байлдааны ажиллагаа үргэлжилж, сүүлийн үед алсын тусгалын цохилт, далайн тээвэр болон боомтуудын эсрэг халдлага нэмэгдсэн хэвээр байна. Путин Украины зарим үйлдлийг энхийн хэлэлцээнд саад болж байна гэж шүүмжилсэн бол Киев дипломат хүчин чармайлтад “шинэ эрч” бий болж байна гэж үзжээ.

05/09/2026

2022 онд Номхон далайн Хунга Тонга–Хунга Хаапай галт уул дэлбэрэх үед оргил үедээ минутанд 2600 гаруй аянга цахилжээ.
Галт уулын үнс, чулуулаг, усны уурын жижиг хэсгүүд хоорондоо мөргөлдөн цахилгаан цэнэг үүсгэснээр бий болдог энэхүү үзэгдлийг галт уулын аянга гэж нэрлэдэг бөгөөд байгальд ховор тохиолддог үзэгдлийн нэг юм.

Норвегийн эрх баригчид Украины төрийн өмчит “Нафтогаз” компанийн хүсэлтээр Оросын “Профессор Молчанов” хөлөг онгоцыг Лха...
05/09/2026

Норвегийн эрх баригчид Украины төрийн өмчит “Нафтогаз” компанийн хүсэлтээр Оросын “Профессор Молчанов” хөлөг онгоцыг Лхагва гарагт Свалбард арлуудад саатуулжээ.

Энэ нь Оросоос 4.22 тэрбум ам.доллар гаргуулах олон улсын арбитрын шийдвэрийг хэрэгжүүлэх зорилготой арга хэмжээ юм. 2014 онд Крымийг өөртөө нэгтгэх үеэр Украины эрчим хүчний хөрөнгийг хууль бусаар хураасан гэж үзэн, 2023 онд Гаагийн арбитрын шүүх Оросыг “Нафтогаз”-т дээрх хэмжээний нөхөн төлбөр олгохыг шийдвэрлэсэн ч Москва төлбөрийг барагдуулаагүй байна.

Норвегийн шүүхийн шийдвэрийн дагуу хөлөг онгоц одоо Баренцбургийн боомтоос хөдөлж болохгүй болжээ. Тус хөлөг нь Свалбард орчимд жуулчдад зориулсан арилжааны аялал хийдэг байна.

Харин Владимир Путин хөлөг онгоцыг саатуулсан үйлдлийг шүүмжилж, ийм алхам нь Орос-Украины энхийн хэлэлцээнд сөргөөр нөлөөлж байна гэж мэдэгджээ.

05/09/2026

Испанийн хэмжээнд Сеута дахь үргэлжилж буй хүмүүнлэгийн хямралыг эсэргүүцсэн олон арван мянган хүн лхагва гарагт гудамжинд гарчээ.

Жагсагчид нөхцөл байдлыг шийдвэрлэх арга хэмжээ авахыг шаардахын зэрэгцээ Ерөнхий сайд Педро Санчесийн Засгийн газар хямралыг зохицуулж буй арга барилыг шүүмжилсэн байна.

05/09/2026

Польшийн Гданьск хотод төмөр замын гарам дээр галт тэрэг ачааны машинтай мөргөлдсөн байна.
Хяналтын камерын бичлэгт ачааны машин төмөр замын гарман дээр зогсож байх үед хаалт хаагдаж, удалгүй галт тэрэг ирж мөргөж буй нь бичигджээ.
Ослын улмаас хүний амь нас эрсдээгүй байна.

Address

Ulaanbaatar

Website

Alerts

Be the first to know and let us send you an email when Page Newspaper posts news and promotions. Your email address will not be used for any other purpose, and you can unsubscribe at any time.

Shortcuts

Share

Category