24/10/2025
БАЯРТАЙ МЭДЭЭ❤️❤️❤️ ... Энэ жилийн Үндэсний их баяр наадмын бөхийн барилдаанд найм давж, улсын гарди цол хүртсэн Сүхбаатар аймгийн Онгон сумын харьяат, “Хилчин” спорт хороо, “Жавхлант” дэвжээ, Нэгдэл клубын тамирчин, Хилийн цэргийн 0208 дугаар анги, “Эвт Чулуу” компани, “Зорчигч Тээвэр 2”-ын бөх Нямдоржийн Өсөхбаярын допингийн шинжилгээнээс хориотой бодис илэрсэн. Энэ дагуу бөхийн салбар хорооноос “барилдах эрхийг гурван жилээр хасч, цолыг нь хураах санал”-ыг Баяр наадам зохион байгуулах хороонд хүргүүлсэн талаараа мэдэгдсэн. Харин Баяр наадам зохион байгуулах хороо уг саналыг буцаасан байна. Тодруулбал, хуулийн байгууллагаар шалгагдаж буй хэрэг эцэслэн шийдэгдсэний дараа уг асуудлыг шийдвэрлэхээр буцаажээ.
Тэгвэл хуулийн байгууллагад ямар асуудал үүссэн нь маш сонирхолтой бөгөөд эх сурвалжийн мэдээллээр “Н.Өсөхбаяр бусдад хорлогдсон байж болзошгүй” баримт материалууд цугларсан байна. Ингээд Эрүүгийн цагдаагийн газарт Эрүүгийн хэрэг үүсгэн шалгаж буй аж. Н.Өсөхбаярын допингийн шижилгээнээс хориотой бодис илрэх үндэслэл болсон уг “хорлох” ажиллагаа нь хэд хэдэн нотллох баримтаар тогтоогдож буй учир ийнхүү Эрүүгийн хэрэг үүсгэсэн гэсэн үг.
“Хорлосон” гэх уг ажиллагааг допингийн асуудалд байнга холбогдсоор ирсэн дасгалжуулагч зохион байгуулсан баримтууд хуулийн байгууллагад цугларчээ.
Нэмж мэдээлэхэд, допинг илэрч буй тамирчдын 20 хувь нь тухайн дасгалжуулагчийн ямар нэгэн оролцоотойгоор шинжилгээнд бүдэрсэн өгүүлэмж ч бий болоод буй юм байна.
Допингийн шинжилгээнд бүдэрсэн тамирчид “бусдад хорлогдсон” гэх мэдээлэл өгдөг ч, түүнийгээ нотолж чаддаггүй учраас амжилтаа хүчингүй болгуулсаар ирсэн. Харин Н.Өсөхбаярт хөдөлшгүй баримтууд байгаа нь уг асуудлаар Эрүүгийн хэрэг үүсгэх үндэслэл болсноороо ялгаатай. Хэрэв тухайн баримтуудын мөрөөр асуудал шүүхээр эцэслэн тогтоогдвол допинг илэрсэн, тэр нь бусдын буруутай үйл ажиллагаанаас үүдэлтэй байвал яах вэ гэдэг шинэ жишиг ч болох боломжтой юм. #Цахиур.мн -ээс...
