31/12/2025
Цогт сумын төрийн албан хаагч Элбэгмаа нь ажлын байрны дарамтанд өртөж цаашилбал санхүүгийн дарамтанд орж, ажил олгогч буюу Соёлын төвийн эрхлэгчийн ажлыг түр орлон гүйцэтгэгч С.Отгонжаргал нь хууль бусаар ажлаас нь халж, шүүгчийн шийдвэрийг зөрчин хууль бус томилгоо үйлдсэн талаар 2015.12.04-ны өдөр манай баг хамт олон газар дээр нь очиж сурвалжилсан билээ.
Ч.Элбэгмааг Цогт сумын Соёлын төвийн эрхлэгчийн ажлыг түр орлон гүйцэтгэгч С.Отгонжаргал нь ээлжийн амралттай байхад нь ажлаас чөлөөлсөн тул шүүхэд хандаж шүүгчээс хуучин ажилд нь эргүүлэн томилох шийдвэр гарсан ч 2025.10.01-ний өдөр эргүүлэн ажилд нь авах тушаалаа гаргахдаа хуулийн үндэслэлийг дур мэдэн өөрчилж Хөдөлмөрийн тухай хуулийн 43.1 заалтаар ажилд авсан.
Төрийн албан хаагч Ч.Элбэгмаагийн хувьд холбогдох шатны сумын Засаг дарга Лхагвасүрэнд хүсэлт гаргасан ч Засаг дарга нь шийдвэрлэж чадахгүй 3 сарыг өнгөрүүлж байна.
Харин 2025.12.26-ны өдөр аймгийн Шүүхийн шийдвэр гүйцэтгэх газраас томилгоот баг очиж хуулийн үндэслэл буруу тул тушаалыг зөв үндэслэлтэй болгож гүйцэтгэл явууллаа.
Гэвч тухайн тушаал ч гэсэн хууль хэрэгжүүлэгч байгууллагын зүгээс бас л буруу гарсан нь харамсалтай байна.