Boma Lathu

Boma Lathu Boma Lathu is published by the publications section of the Ministry of Information.

Banki ya African Development (AFDB) yavomereza ndalama zokwana 20.5 miliyoni za ku America zomwe ndi pafupifupi K34 mili...
09/09/2026

Banki ya African Development (AFDB) yavomereza ndalama zokwana 20.5 miliyoni za ku America zomwe ndi pafupifupi K34 miliyoni ngati njira imodzi yothandizira ndalama zoyendetsera dziko lino.

Poyakhula ndi Nduna ya zachuma, mapulani ndi mphamvu ku anthu, a Joseph Mwanamvekha pa nkumano wanduna wachisanu ndi chitatu wa Korea-Africa Economic Cooperation (KOAFEC) ku South Korea, nkulu komanso wachiwiri kwa mtsogoleri oyimira Africa, a Abdou Kamara anati thandizoli linavomerezedwa pa 1 September 2026.

Thandizoli ladza kutsatira kukhutitsidwa kwa bankiyi ndi ulamuliro wa masomphenya wa mtsogoleri wa dziko lino a Pulofesa Arthur Peter Mutharika.

Mfumu yaikulu Fukamapiri VII, ku likulu la Kande m'boma la Nkhatabay, yamwalira ili ndi zaka 86.Mfumuyi yomwe dzina lake...
21/08/2026

Mfumu yaikulu Fukamapiri VII, ku likulu la Kande m'boma la Nkhatabay, yamwalira ili ndi zaka 86.

Mfumuyi yomwe dzina lake lakubadwa ndi a Witley Graham Phiri, inabadwa pa 4 Malichi mchaka cha 1940 ndipo inasankhidwa ufumu pa 11 Epulo mchaka cha 1983 ndi kuvekedwa ufumuwu pa 25 Febuluwale mchaka cha 1984.

Bwanamkubwa wa boma la Nkhatabay, a David Kayowonanga Gondwe atsimikiza za imfayi ponena kuti mfumuyi yatisiya lero lachisanu ku mbandakucha kunyumba kwawo atadwala kwa nthawi yaitali.

A Gondwe ati mfumu Fukamapiri yasiya ana ndi akazi awiri, ndipo anaonjezera kunena kuti thupi la malemu Fukamapiri VII lidzaikidwa mmanda lachisanu pa 28 Ogasiti ku likulu la Mbamba kufupi ndi malo ochitira malonda a Kande.

Padakali pano, wapampando wa Khonsolo ya boma la Nkhatabay, a Hannock Kachingwe ati imfa ya Mfumu Fukamapiri ndi yowawa ku mabanja a chitonga ndi boma lonse la Nkhatabay popeza anali mtsogoleri olemekezeka amene amatumikira mwachilungamo ndi kuthandizira kupanga ziganizo pa khonsoloyi.

Boma lachenjeza anthu kuti apewe kutengera lamulo m’manja mwawo, powononga kapena kuba katundu wa anthu omwe akuganiziri...
21/08/2026

Boma lachenjeza anthu kuti apewe kutengera lamulo m’manja mwawo, powononga kapena kuba katundu wa anthu omwe akuganiziridwa kuti apalamula milandu.

Mkulu wa Mtendere ndi Umodzi mu unduna wa maboma ang’ono ndi chitukuko cha mmidzi, a Emmanuel Bambe, anena izi pamsonkhano wa anthu okhudzidwa ku Balaka, kutsatira kumangidwa kwa anthu 40 omwe akuti anawononga ndi kuba katundu wamunthu wabizinesi, a Hassan Safili Obeya, omwe ankakayikiridwa kuti amachita malonda ogulitsa anthu.

A Bambe alimbikitsa atsogoleri a m’madera kuti azindikire msanga zizindikiro za chipwirikiti, ponena kuti kufalitsa nkhani zabodza nthawi zambiri kumayambitsa ziwawa.

Iwo apempha mgwirizano pakati pa akuluakulu a boma, atsogoleri achikhalidwe ndi zipembedzo, apolisi komanso atolankhani pofuna kuphunzitsa anthu za kufunika kotsatira malamulo komanso kuthetsa mikangano mwamtendere.

Mfumu yayikulu Nsamala yapemphanso atsogoleri ndi apolisi kuti azigawana uthenga mwachangu pakamveka mphekesera kuti anthu akutengera malamulo mm’manja mwawo.

Mawu ake, wachiwiri kwa olangiza mtsogoleri wa dziko pa nkhani za chipembedzo, a Sheikh Ishmael Afiki Mtiko, nawonso alimbikitsa anthu kuti azitsatira njira zovomerezeka ndi malamulo pothana ndi anthu omwe akuganiziridwa kuti ali ndi milandu, m'malo motengera lamulo m’manja.

Timu ya mpira wamiyendo ya dziko lino yomwe osewera ake ndi asungwana ya Scorchers lero yafika m'dziko muno kuchok...
19/08/2026




Timu ya mpira wamiyendo ya dziko lino yomwe osewera ake ndi asungwana ya Scorchers lero yafika m'dziko muno kuchokera m'dziko la Morocco komwe anakachita nawo mpikisano wa Women's Africa Cup of Nations (WAFCON).

Mai wa dziko lino Madame Dr Gertrude Mutharika ndi omwe anatsogolera nantindi wa aMalawi omwe analandira timuyi pa bwalo la ndege la Kamuzu mu mzinda wa Lilongwe

Khwimbi la anthu linaima mmbali mwa nseu ochoka Ku bwalo la ndege la Kamuzu mpaka Ku Capital hotel mu mzinda wa Lilongwe ndi cholinga chofuna kuona asungwanawa omwe anagonja mu ndime yomaliza Ku timu ya dziko la Cameroon.

Asungwanawa analandiridwa ndi nkhope za Chimwemwe za aMalawi komanso mdipiti wa asirikari nyimbo zowatamanda ziri pakamwa chifukwa cha kupambana kwao mmasewerowa komwe anathambitsa ma timu akuluakulu monga Nigeria ndi ena, zomwe zinachititsanso kuti akhale nawo mgulu lokapikisana nawo mu Chikho cha mpira wa miyendo wa amayi omwe ukachitikire m'dziko la Brazil mchaka cha 2027.

Nduna yoona za Ntchito, ndi Luso la Makono, a Joel Chigona, yalangiza kampani ya Helaly Furniture and Interior kwa ...
18/08/2026




Nduna yoona za Ntchito, ndi Luso la Makono, a Joel Chigona, yalangiza kampani ya Helaly Furniture and Interior kwa Njewa, m’boma la Lilongwe, kuti iyimitse ntchito zake kutsatira kafukufuku yemwe waulula zomwe akuti ndi kuphwanya malamulo okhudza ntchito ndi chitetezo pa malo antchito.

Chigona wati kampaniyi ikulephera kutsatira mfundo zingapo, kuphatikizapo kusowa kwa mpweya wokwanira pa malo antchito, kusatsatira malipiro ochepetsetsa ovomerezeka ndi boma, kusowa kwa zipangizo zokwanira zodzitetezera pa ntchito, kusasamala za umoyo wa ogwira ntchito komanso kusowa kwa ndondomeko za kapumidwe ka pantchito.

Ofufuza ananenanso kuti pali madandaulo okhudza ziwawa ndi kuzunza ogwira ntchito, kuphatikizapo milandu yoti ena mwa ogwira ntchitowo amamenyedwa.

Kampaniyi yalangizidwa kuti iyimitse ntchito zake mpaka itakonza mavuto onse omwe apezeka komanso kutsatira malamulo ndi mfundo zokhudza ntchito ndi chitetezo pa malo antchito.

Kafukufukuyu ndi gawo la ntchito yomwe unduna wa za Ntchito, ndi luso la Makono wakonza kwa Njewa pofuna kuunika momwe makampani ndi mabungwe osiyanasiyana akutsatira malamulo ndi mfundo zokhudza ntchito.

Mtsogoleri wadziko la Zimbabwe, a Emmerson Mnangagwa, wapereka utsogoleri wa bungwe la Southern African Developmen...
18/08/2026




Mtsogoleri wadziko la Zimbabwe, a Emmerson Mnangagwa, wapereka utsogoleri wa bungwe la Southern African Development Community (SADC) kwa Purezidenti wadziko la South Africa, a Cyril Ramaphosa, pamsonkhano wachi 46 wa atsogoleri a mayiko umene umachitikira mu mzinda wa Durban, mudziko la South Africa.

Polankhula pa mwambo wopereka utsogoleriwu, a Mnangagwa ayamikira mtsogoleri waziko la Malawi, a Professor Arthur Peter Mutharika, chifukwa cha kudzipereka kwake polimbikitsa mtendere m’derali pa nthawi imene anali wapampando wa SADC Troika Organ on Politics, Defence and Security.

Wachiwiri kwa Wachiwiri wa mtsogoleri wadziko lino, a Enock Kamzingeni Chihana, ndiwo akuyimira a Mutharika pamsonkhanowu.

Kampani ya zomangamanga ya Ganizani Likhomo Building Contractors lero yapereka chipatala cha Ng'omba chomwe chamangi...
14/08/2026



Kampani ya zomangamanga ya Ganizani Likhomo Building Contractors lero yapereka chipatala cha Ng'omba chomwe chamangidwa mdera la mfumu yaikulu Chitera m'boma la Chiradzulu, pomwenso kampani ina ya zomangamanga ya H and T Contractors yaperekanso chipatala cha Chimwalira mdera la Mfumu yaikulu Ntchema m'boma lomweli la Churadzulu.

Polankhulapo, wapampando wa khonsolo ya boma la Chiradzulu, a Alick Naphiyo anati ichi ndi chiyambi chobweretsa pafupi thandizo la zaumoyo kwa anthu mmalo moti adziyenda mtunda wautali kukapeza thandizo la zaumoyo pamtengo wokwera.

Ndi thandizo lochokera ku banki ya dziko lonse mu ndondomeko ya Governance to Enable Service Delivery (GESD), chipatala cha Ng'omba chikuyembekezeka kuthandiza anthu opitirira 3,600 malingana ndi mkulu owona ntchito zaumoyo, a Dr. Nelson Kamwana.

Phungu wa dera la Chiradzulu Nyungwe, a Mwayi Ndalama ayamikira kumangidwa kwa zipatala ziwirizi mdera lawo ndipo anati izi zichepetsa mtunda umene anthu amayenda kuti apeze thandizo la zaumoyo kotero zipititsa patsogolo miyoyo yawo.

Mmau ake, Mfumu yaikulu Chitera yapempha anthu a mdera lawo kutengerapo mwayi wa thandizo la zaumoyo pa chipatala cha Ng'omba podzudzula mkhalidwe wa anthu ena osafuna kulandira mankhwala kamba ka zifukwa za chipembedzo kapena zikhulupiliro.

Pamene ku Chimwalira, Mfumu yaikulu Ntchema inapempha anthu a mdera lawo kusamala chipatalachi kuti chipitilire kuwathandiza komanso kwa nthawi yaitali.

Khonsolo ya boma la Likoma yachita kauniuni wa magulu a achinyamata ndi amayi omwe analembetsa ngongole mu ndondomek...
14/08/2026



Khonsolo ya boma la Likoma yachita kauniuni wa magulu a achinyamata ndi amayi omwe analembetsa ngongole mu ndondomeko ya ndalama za chitukuko (CDF).

Polankhula pa kauniuniyu lachisanu m'bomali, mkulu owona za ndalama za chitukuko ku Likoma, a Harrison Chimwaza anati ndiokhutira ndi mmene zokambirana komanso kauniuniyu anayendera ndi maguluwa.

"Kauniuniyu wayenda bwino kotero kuti magulu okwana 123 m'boma lino analembetsa ngongole ya CDF ndipo magulu asanu a amayi ndi ena asanu a achinyamata achitabwino pa kauniuniyu ndipo cholinga chake chinali kutsimikizira kuti magulu oyenera ndiwo akupindula ndi ndondomekoyi," anatero a Chimwaza.

Pakadali pano, mkulu owona za mapulani azachuma ndi chitukuko, a Jossen Tembo ati anali okhutitsidwa ndi mgwirizano umene unaonetseredwa ndi komiti ya chitukuko cha mdera pa nthawi ya kauniuniyu.

Boma likuyembekezera kugawa ndalama zokwana K100 milioni ya ngongole kwa achinyamata ndi K100 miliyoni ina kwa amayi ndipo pakadali pano ndalama zokwana K32 million zaperekedwa kwa gulu liri lonse mchigawo choyambachi.

Chiwonetsero cha zaulimi chomwe chikuchitika kumpoto kwa Boma la Mzimba kuyambira pa 12 mpaka pa 14 mwezi uno wa Augus...
13/08/2026



Chiwonetsero cha zaulimi chomwe chikuchitika kumpoto kwa Boma la Mzimba kuyambira pa 12 mpaka pa 14 mwezi uno wa August, chayamba bwino pamene achinyamata komanso magulu a Alimi otsogozedwa ndi Amayi ndiwo atsogola potenga nawo gawo.

Wapampando wa komiti yoyendetsa ntchito za ulimi m'bomali, a Thomas Ngwira, ati kuchuluka kwa anthu omwe akutenga nawo mbali, ndi gawo la ndondomeko zimene aika kuthandiza alimi kuti azitha kupeza misika yogulitsa mbeu zawo mosavuta.

A Ngwira ayamikiranso kutenga nawo mbali kwa mabungwe azachuma, ponena kuti kupezeka kwawo pachiwonetserochi kuthandiza Alimi kudziwa za ntchito zachuma zomwe zilipo, kuphatikizapo ngongole zaulimi.

Oimira wapampando wa khonsolo ya M’Mbelwa, khansala Timothy Joe ayamikira ofesi ya zaulimi chifukwa chokonza chiwonetserochi ndipo wapempha boma kuti litsitse mtengo wa zipangizo zaulimi kuti alimi athe kukulitsa ulimi wamalonda.

Mmodzi mwa omwe akutenga nawo mbali, a Daniel Munkhondia a ku Tovwane, ati chiwonetserochi chawapatsa kale mwayi wophunzira kuchokera kwa Alimi anzawo.

Chiwonetserochi chikuchitikira pa bwalo la masewero la Jombo ku Mataifa mkati mwa mzinda wa Mzuzu.

Mwapambana. Ndinu opambana. Mwachita bwino. Ulemu wanu ma Scorchers pofika mu ndime yotsiriza mu Chikho cha WAFC...
12/08/2026





Mwapambana. Ndinu opambana. Mwachita bwino. Ulemu wanu ma Scorchers pofika mu ndime yotsiriza mu Chikho cha WAFCON. 🔥 🔥

Address

Department Of Information
Lilongwe

Website

Alerts

Be the first to know and let us send you an email when Boma Lathu posts news and promotions. Your email address will not be used for any other purpose, and you can unsubscribe at any time.

Shortcuts

Share

Category