Montfort Media

Call Website Contact the business

Montfort Media A print and publishing house

Flames izitaya ku Angola, ifika pa nambala 3Timu ya mpira wa miyendo ya dziko lino ya Flames tsopano yabwera pa nambala ...
06/10/2026

Flames izitaya ku Angola, ifika pa nambala 3

Timu ya mpira wa miyendo ya dziko lino ya Flames tsopano yabwera pa nambala yachitatu mu gulu B kutsatira kugonja 3-1 kwa Angola usiku uno mu mpikisano wa 2027 Africa Cup of Nations.

Flames imalowa m'masewerowa ili pa nambala yachiwiri kwa Egypt yomwe inapambana masewero ake masiku apitawa ndi timu ya South Sudan.

M'masewero a lerowa, Angola inamwetsa zigoli ziwiri mchigawo choyamba momwenso Flames inabwezako chimodzi, osewera wa Angola atadzibaya yekha free kick ya Patrick Mwaungulu.

Mchigawo choyambachi, Malawi inangokhalira kuwusaka mpira, osewera kukanika kulumikizana bwino ndipo otchinga kumbuyo sanakwanitse kumuteteza goloboyi William Thole yemwe anagwira ntchito yotamandika.

Pakadali pano, Egypt ndi Angola akufanana ndi mapointi anayi koma Egypt ndiyomwe ili pa chiwongolero kutsatira zigoli zambiri (5), Flames pa chitatu ndi mapointi atatu pomwe South Sudan ili ku chipysepyse popanda pointi ndipo onse asewera masewero awiri awiri.

Wolemba Precious Msosa

Bambo agwilirira mwana ponamizira kumpatsa mankhwala okhoza mkalasiApolisi ku Balaka amanga a Sulaimana Rashid a zaka 29...
06/10/2026

Bambo agwilirira mwana ponamizira kumpatsa mankhwala okhoza mkalasi

Apolisi ku Balaka amanga a Sulaimana Rashid a zaka 29 powaganizira kuti anagonana ndi mwana wa zaka khumi ndi zinayi (14) pomunamiza kuti amuthandiza ndi mankhwala othandizira kuti azikhoza pa maphunziro ake.

Malingana ndi mneneri wa polisi ya Balaka a Gladson, nkhaniyi inachitika lolemba pa 5 Okutobala m’dera la Chendausiku m’bomali, pomwe a Rashid ochokera m’mudzi mwa Kuipakunja, anayitanira mwanayo ku nyumba kwawo komwe anachita naye za kusaweruzikazi.

Nkhaniyi inadziwika pomwe mayi wina anatsina khutu mayi ake a mwanayo pomwe anamuona akutuluka m’nyumba ya mkuluyu. Atafunsidwa ndi makolo ake, mwanayo anaulula kuti anagonana ndi mkuluyu atamuwuza kuti amupatsa mankhwala azitsamba kuti azichita bwino ku sukulu.

A Rashid akuyembekezeka kukaonekera ku bwalo la milandu posachedwapa komwe akukayankha mlandu ogonana ndi mwana wosakwanitsa zaka zololedwa ndi lamulo, motsutsana ndi Gawo 138 la buku la milandu.

Wolemba Evison Nansenya



Chithunzi ndi a Rashid| 📷 Balaka police

Khonsolo ya Balaka ikhazikitsa ntchito za thumba la CDFKhonsolo ya Balaka yakhazikitsa ntchito za chitukuko zinayi mdera...
05/10/2026

Khonsolo ya Balaka ikhazikitsa ntchito za thumba la CDF

Khonsolo ya Balaka yakhazikitsa ntchito za chitukuko zinayi mdera la Mulunguzi zomwe zigwiridwe pansi pa thumba latsopano la Reformed Constituency Development Fund (RCDF) m’bomali.

Ntchito zomwe zakhazikitsidwa ndi kukonza msewu wa Makoloje-Shire wa makilomita 30, msewu wa Tiferakaso-Phalula wa makilomita 20, ntchito yomanga milatho ya Luwiza ndi Mulunguzi, komanso ntchito yomanga Sukulu ya Pulayimale ya Lifumba.

Poyankhula pa mwambowu womwe wunachitikira ku Nkaya lero, Bwanankubwa wa boma la Balaka a Bibu Yusufu Mdala, anati CDF yokonzedwanso mwatsopanoyi ikuwonetsa kudzipereka kwa boma pobweretsa chitukuko chomwe chikuyankha zosowa za anthu m'madera awo.

“Ntchito zimenezi zisintha miyoyo kudzera m’misewu, milatho ndi maphunziro olongosoka ndipo tikuyembekezera kuti makontilakitala agwira ntchito mwaukadaulo,” anatero a Mdala.

Naye phungu wa Nyumba ya Malamula wa m’derali a James Makhumula anayamikira khonsolo ya Balaka kaamba kogwira ntchito mozipereka komanso kufunika kwa zitukuko zomwe zakhazikitsidwazi.

“Misewu ndiyovuta kuyendamo makamaka nthawi ya mvula choncho ntchitozi zisintha maonekedwe a dera lathu,” anatero a Makhumula.

Pakadali pano, khonsolo ya Balaka yalandira ndalama zokwana K2.9 biliyoni yomwe ndi 20 peresenti yolipirira makontilakitala. Khonsoloyi yatinso mapulojekiti 41 a CDF ndiomwe akuyembekezeka kukhazikitsidwa m'chaka cha chuma cha 2026/2027. Kupatula dera la Mulunguzi, khonsoloyi ikuyembekezanso kukhazikitsa zitukukozi mmadera ena á aphungu.

Wolemba Evison Nansenya



Zithunzi ndi Bwanamkubwa a Mdalla, Phungu Makhumula komanso Makontilakitala kusayinira

Montfort Media ikhazikitsa tsiku la chikhalidweKampani yotsindikiza mabuku, nyuzipepala ndi zinthu zina ya Montfort Medi...
30/09/2026

Montfort Media ikhazikitsa tsiku la chikhalidwe

Kampani yotsindikiza mabuku, nyuzipepala ndi zinthu zina ya Montfort Media lero yakhazikitsa tsiku la chikhalidwe lomwe lidzichitika chaka chilichonse.

Mwambowu womwe uzichitika pa 30 Sepitambala ukuchitikanso pa tsiku lomwe yemwe anayambitsa kampaniyi Bambo Pergiorgio Gamba anabadwa.

Tsikuli lakhazikitsidwa ngati njira imodzi yomasangalalira zikhalidwe zosiyanasiyana za m'dziko muno.

Mwazina, patsikuli padzikhala magule osiyanasiyana komanso kuonetsa ndikudya zakudya za chikhalidwe.

Mwambowu wayamba ndi mwambo wa Misa yomwe akutsogolera ndi Bishopu wopuma Alessandro Pagan ndipo ukuchitikira ku maofesi a kampaniyi ku Balaka.

Wolemba Precious Msosa

Malawi to phase out cheque payments The Reserve Bank of Malawi (RBM) and the Bankers Association of Malawi (BAM) have an...
29/09/2026

Malawi to phase out cheque payments

The Reserve Bank of Malawi (RBM) and the Bankers Association of Malawi (BAM) have announced the end of cheque usage in the country following the enactment of the Bills of Exchange (Amendment) Act, 2026.

In a public notice issued on September 28, the two institutions say the move is aimed at promoting safer, faster and more efficient electronic payment methods offered by banks and other licensed payment service providers.
Customers have since been advised that banks will no longer issue new cheque books, while cheques submitted for clearing on or before September 29, 2026, will only be processed up to March 11, 2027.

“This development forms part of ongoing efforts to promote the adoption of safer, faster and more efficient electronic payment methods offered by banks and other licensed payment service providers,” reads part of the notice signed by Lyness Nkungula, Chief Executive Officer of BAM, and Dr. George Partridge, Governor of the RBM.

The notice further encourages customers to embrace alternative payment platforms such as internet banking, mobile banking, electronic funds transfers (EFTs), payment cards and mobile money services.

The transition marks a significant shift in Malawi's payment landscape as authorities push for increased adoption of digital financial services across the country.

By Evison Nansenya


📷 The Reserve Bank of Malawi

29/09/2026

Wa kabaza agwilirira mwana wake

Bwalo lamilandu ku Balaka lagamula a Wyson John azaka 36 kukakhala ku ndende kwa zaka zisanu ndi zinayi (9) atapezeka wolakwa pa mlandu wogwilirira mwana wawo wamkazi wa zaka 11.

A John omwe amachokera m’mudzi wa Jopilo, mfumu yaikulu Nsamala ku Balaka, anapezeka wolakwa mwanayo atauza amayi ake pa zakusaweruzika zomwe zakhala zikuchitika kuchokera chaka chatha. Kafukufuku wa chipatala anatsimikizira kuti mwanayo anachitidwadi chipongwe.

Poyankha mlandu, bamboyu yemwe anayeseranso kuzipha ndimakhwala a mbewu pofuna kuthawa mlanduwu, anavomera kulakwa ndipo anapempha chifundo, ponena kuti ali ndi banja lomwe limamudalira.

Komabe mbali ya boma inapempha chilango chokhwima chifukwa kholo limayenera kuteteza mwana wake.

“Mlanduwu ndi waukulu kwambiri ndipo ukufunikira chilango chokhwima kuti ukhale chenjezo kwa anthu ena omwe angaganize zochita milandu yofananayi,” anatero woyimira boma pa mlandu a Mercy Chilikumbuyo.

Popereka chigamulo, woweruza milandu Augustine Mizaya anagwirizana ndi mbali ya boma ndipo analamula kuti bamboyu akakhale m'ndende zaka zisanu ndi zinayi ndi ntchito yolemetsa ngati njira yoletsa ena kuchita milandu yotereyi.

Wolemba Evison Nansenya

Messi's farewell match tickets sold out within 4 minutesTickets for legendary Lionel Messi's farewell match for Argentin...
28/09/2026

Messi's farewell match tickets sold out within 4 minutes

Tickets for legendary Lionel Messi's farewell match for Argentina sold out within four minutes, as thousands of fans rushed to secure seats for the football icon's final international appearance.

The October 6 farewell fixture against Benin at Buenos Aires' Monumental Stadium is expected to draw more than 85,000 supporters, turning the occasion into one of the most anticipated matches in Argentine football.

According to Blueprint Newspapers, the demand was so overwhelming that available tickets were snapped up almost immediately after sales opened, underlining Messi's enduring popularity among football fans.

“The scale of the demand became apparent almost immediately after tickets went on sale,” reads part of the report published by Blueprint Newspapers.

The sell-out comes weeks after Lionel Messi announced his retirement from the Argentina national team, bringing to an end a glittering international career spanning more than two decades.

By Evison Nansenya

Katswiri wa zitsudzo Matebule wamwaliraM'modzi mwa a katswiri ochita zitsudzo m'dziko muno ndipo amadziwika kwambiri mch...
28/09/2026

Katswiri wa zitsudzo Matebule wamwalira

M'modzi mwa a katswiri ochita zitsudzo m'dziko muno ndipo amadziwika kwambiri mchigawo cha kummawa Matebule wamwalira ku Namadzi m'boma la Zomba.

Malingana ndi mnzake yemwe amachita naye zitsudzo Kiswell Mandala yemwe amadziwikanso kuti Gogoda, Matebule wamwalira lero atangogwa ku nyumba kwawo ku Zomba ndipo atathamangira naye ku chipatala cha Namadzi, madotolo anati iye anali atamwalira kale.

Iye wati Matebule yemwe dzina lake la pa msonkho ndi Alick Gayisi wamwalira pamene amayembekezeka kukachita zitsudzo zake m'maiko akunja kwa dziko lino okwana 9 pansi pa bungwe la YONECO.

Iye wamwalira ali ndi zaka 45 ndipo wasiya ana atatu ndi mkazi.

Mandala wati amusowa kwambiri Matebule yemwe anati anali munthu wa luso lozama kwambiri pa zitsudzo chiyambireni kukumana kwawo mchaka cha 1998 pa sukulu ya pulaimale ya Livirivi. Awiriwa akhala akuchita masewero awo pa kanema wa Luntha kwa nthawi yaiyitali m'mbuyomu.

Mandala wati malemu Matebule amachokera m'mudzi wa Madyeratu Mfumu yayikulu Chanthunya m'boma la Balaka ndipo ndikomwe akuyembekezera kukayika malirowa.

Wolemba Precious Msosa



Chithunzi ndi malemu Matebule 📷 Kisswell Mandala

Flames ifinya South Sudan mu ulendo wa AFCON Timu ya mpira wa miyendo ya dziko lino ya Flames yayamba bwino ulendo wake...
25/09/2026

Flames ifinya South Sudan mu ulendo wa AFCON



Timu ya mpira wa miyendo ya dziko lino ya Flames yayamba bwino ulendo wake wodzigulira malo ku ndime yomaliza ya mpikisano wa 2027 AFCON pomwe yagonjetsa South Sudan 2-1 pa bwalo la Bingu madzulo ano.

Babatunde Adepoju ndi Lloyd Njaliwa ndiomwe anamwetsa zigolizi mchigawo choyamba komanso chachiwiri. South Sudan inadzafananitsa mphamvu kukhala 1-1 masewerowa atangoyamba mchigawo chachiwiri.

Flames ikuyembekezeka kukakumana ndi timu ya dziko la Angola masiku akubwerawa. Malawi ili mu gulu B momwe muli maiko a Egypt, Angola ndi South Sudan.

Ndime yomaliza ya 2027 AFCON ikuyembekezeka kudzachitikira m'maiko a Tanzania, Uganda ndi Kenya.

Wolemba Precious Msosa

Makhansala anyanyala mkumano waukulu ku Balaka Mkumano waukulu wa khonsolo ya Balaka (Full Council meeting) wathera pa n...
25/09/2026

Makhansala anyanyala mkumano waukulu ku Balaka

Mkumano waukulu wa khonsolo ya Balaka (Full Council meeting) wathera pa njira lero ku mmawaku kutsatira kusamvana pomwe makhansala anakana kupitiriza zokambiranazo chifukwa cha madandaulo osiyanasiyana.

Mwachitsanzo, makhansalawa anadandaula kuti sanalandire malipoti a mkumano wapitawo mu nthawi yake yomwe ndi sabata imodzi pasanafike tsiku la mkumano winawo monga mwa malamulo.

Iwo anatinso zina mwa zomwe anagwirizana pa mkumano wathawu sizinaphatikizidwe mu lipoti lomwe analandira komanso kuti pempho lawo lofuna kukhala ndi mkumano waukulu wa kasakaniza (Joint meeting) silinaganiziridwebe.

Poyankhula ndi atolankhani mkumanowo utalephereka, wapampando wa khonsolo ya Balaka a Hastings Maluwa anati makhansala anali okhumudwa ndi zomwe khonsolo inapanga posapereka malipoti mu nthawi yake.

“Takhumudwa kwambiri ndi khonsolo yathu. Takhala tikufuna mkumanowu kuti tikambirane mavuto omwe akukhudza khonsolo koma zimenezi sizikulabadiridwa. Kuwonjezera apo, zinthu zomwe timavomereza m’mikumano ina nthawi zambiri sizimawoneka pa ntchito zomwe zikuchitika m’boma lathu,” anatero a Maluwa.

Bwanamkubwa wa boma la Balaka a Bibu Yusufu Mdala adzudzula chisankho chomwe anapanga makhansalawa kuti asapitirize ndi mkumanowu ngakhale kuti anali ndi madandaulo. Iwo anati kulephereka kwa mkumanowu kwawonongetsa ndalama pafupifupi K5 miliyoni zomwe anati ndi chinthu chodandaulitsa kwambiri.

“Zachitikazi ndizodandaulitsa kwambiri chifukwa ndalama zambiri zawonongedwa popanda chochitika chilichonse. Mamiliyoni ambiri awonongeka apapa popanda cha nzeru chili chonse. Nkumano wapadera womwe ukukambidwawu siwokakamizidwa ndi ndondomeko ya khonsolo chifukwa timayenera kukhala ndi mikumano ya mtunduwu inayi pa chaka (quarterly),” anatero a Mdala.

Zateremu, mkumanowu ukuyembekezeka kuchitika Lachiwiri sabata ya mawa. Mkumanowu (Full Council) ili ngati Nyumba ya Malamulo kaamba koti ndimomwe ziganizo zikulu zikulu zokhudza zitukuko komanso ntchito zina za m’boma lino zimapangidwa ndi kugwirizana kuti zipitirire kapena ayi.

Wolemba Evison Nansenya



Mzithunzimu ndi bwanamkubwa a Bibu Yusufu Mdala ndinso a khansala a Hastings Maluwa

Address

Andiamo Loop Road
Lilongwe
NONE

Telephone

+265993163856 0886346 798

Website

Alerts

Be the first to know and let us send you an email when Montfort Media posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Montfort Media:

Shortcuts

Share

Category