Mzimba Community Radio - 107.6 FM

Mzimba Community Radio - 107.6 FM Development Begins With A Voice

Bwanamkubwa wa boma la Mzimba ba Rogers Newa wawoneska kukhutira naumo ndondomeka ya kavotero yikuyendera mu boma ili, ...
16/09/2025


Bwanamkubwa wa boma la Mzimba ba Rogers Newa wawoneska kukhutira naumo ndondomeka ya kavotero yikuyendera mu boma ili, nangauli pali maripoti yanyakhe yakuwoneska kuti mumalo munyakhe mwachitika vinthu vinyakhe vambura kukhala makola.

Ba Newa wapataula makani agha wati wayendera malo yakuponyera voti yakukwana khumi (10) mu boma la Mzimba, ndipo wati visora ivi vayenda makola chomene chomene pakutolera na ndondomeka zose zakwenelera pakuponya voti kuti zalondezgeka.

Ba Newa nangauli waphala kuti pali malo yanyakhe ngati kuchigawa chakumpoto kweniso kuchigawa chakumanjiliro ya zuwa kwa boma la Mzimba, wanthu wanyakhe wangukhumba kuvota kawiri.

Ba Bwanamkubwa waphalaso za masuzgo awo wupu wa MEC wakumana nawo pa nkhani ya kusuzga kwa netiweki muvigawa vinyakhe ivyo wati nangauli languwa suzgo viwi chara pakuti wangukwaniska kumalana nalo.

Iwo wangupataulaso za chimphepo icho chawewula makilasi awo wakusungamo vilwero vyakuvotera ku sukulu ya Malangazi iyo yilikuchigawa cha Mzimba Hora, kweni wati vilwero vyose vilimakola ndipo palije chakunangika.

Banthu awo wakalembeska kuti wavotenge mu boma ili wakukwana 371,00 ndipo wakufuma muvigawa khumi na vitatu (13 Constituencies) vyakuzungulira boma la Mzimba.

Timu ya Mzimba Queens yakhala timu ya nambala 3 mu ligi ya Eng. Vitumbiko Mumba Northern Region Netball league. Timu ya...
14/09/2025


Timu ya Mzimba Queens yakhala timu ya nambala 3 mu ligi ya Eng. Vitumbiko Mumba Northern Region Netball league.

Timu ya Mzimba Queens yikakong'ontha timu ya Moyale Barracks kawiri kose mairo kuti yisange malo agha.

Nayo Golden Balls kufuma m'musumba wa Mzuzu ndiyo yakhala pakwamba apo Malango Sister pachibiri , Mzimba Queens yachitatu.

Patricia Chunga uyo ni msambizgi kweneso mzgaliri wa timu ya Mzimba Queens wavwalikika mphumphu yakuwa mzgaliri uyo wazgala makola chomene pakati (Best Center).

Wakulemba Laston Chikwende Phiri.

VITUMBIKO MUMBA WAYIKA NKHATA ZA MALUWA PA MADINDI YA ZOLOZOLO.Wakuchindikika Vitumbiko Mumba mulenji uno wayika Nkhata ...
13/09/2025

VITUMBIKO MUMBA WAYIKA NKHATA ZA MALUWA PA MADINDI YA ZOLOZOLO.

Wakuchindikika Vitumbiko Mumba mulenji uno wayika Nkhata pa nkhwichi za wanthu 20 awo wakataya umoyo wawo pa vioneskero vyapa 11 July 2011 mu msumba wa Mzuzu apo chipani cha DPP chikawa muboma.

Wa Mumba awo wakuyima nga wachibili kwa Mulongozgi mu chipani cha MCP wati nivachitima kutaya wanthu mu nthowa zanthewula chifukwa wakusikika ndiwo wakutambula.

Iwo wati (NEVER AGAIN) Chipani chakukoma, kuparanya na kwiba chingazakawelezgangaso chala kuwusa wena Malawi.

"Chipani cha DPP chindaphepeskepo panji kwizapo pera kuzawona wanthu awo chikakoma panji kukhuza pera"

Ndipo iwo wamalizga kuti wanthu wakufelwa wangataya nga mutima chala wawe nawo pamoza nyengo zose apo wanji boma liwalembe ntchito kutolera na kufiska kwawo.

Paumaliro ma banja yose wakufelwa boma lawavwira na makopala yakukwana 5 million kwacha banja lililose kuti yovwire wakusidika.

By: Chiku Ngwira ( Mzimba Community Radio)

11/09/2025

I got over 30 reactions on one of my posts last week! Thanks everyone for your support! 🎉

11/09/2025

VITUMBIKO MUMBA WENDELA CHIGAWA CHAKHE ( Mzimba Central)

Dazi la Muhanyawuno Vitumbiko mumba wakuyendela wena Euthin na Mbalachanda kuchezgera wanthu apo tikulindizga visola ivo vikwiza.

Mumazgo yakhe Mumba wakuchenya wanthu kuti wazamuvotere kweniso kusola makhansala ya MCP kusazgilapo presidenti.

Mu ulendo uwu wakwenderaso miseu iyo walima, masukulu ayo wakhoma na madilawu ayo wanozga.

Pasono pano malo nga St, Hilary , Chamunguma, Mjinge, Luweya na yanyakhe Wendera kale apo Mzambazi, Kam'banga, Nkhweta na Yakuwata wenderenge mise yano.

By : Chiku Ngwira ( Mzimba Community Radio)

Uyo wakawa Muyimiliri wa mphala ya malango wachigawa cha Mzuzu City ba Bennex Mwamlima wachenya wanthu wakuzungulira su...
10/09/2025


Uyo wakawa Muyimiliri wa mphala ya malango wachigawa cha Mzuzu City ba Bennex Mwamlima wachenya wanthu wakuzungulira sukulu ya Sekondale ya Masasa kuti paleke kusangika ntha nayumoza wakuti wanange panji kutimbanizga katundu wakuzengera lab ya Kopyuta iyo yizengekenge na wovwiri wa MACRA kwizira mu pulojekiti yakuchemeka kuti Connect a school.

Ba Mwamlima waphalira wailesi ya Mzimba mwahuno apo wupu wa MACRA wajuliranga malo pa sukulu iyi kuti wazengepo Labu iyi.

Ba Mwamlima wati wawoneseskenge kuti katundu wose wakuzengera kweniso wanthu awo wakuzenga kuti wakuchita vinthu pamtandasanya kwambura kubisirizga kalikose ndipo iwo wayenderenge mpakana vyose apo wazamumalizgira kuzenga.

Mwakukoleranako na ba Mwamlima, msambizgi mlala wa sukulu ya Masasa ba Friday Kanthonga wati wawoneseskenge kuti pa malo agha pali chivikiliro chakukwanira kuti mlimo wose wende makola kweniso wasazgirengepo mlonda kuti wakuba wasowe pakuyambira.

Mnthavi wa boma wa MACRA wayamba chigawa chachiwiri chakujulira malo mumasekondale sukulu yakukaya 120 ndipo chigawa chakudankha wakazenga ma lab 75 mu charo chino.

Wakulemba: Shadreck Chaula

10/09/2025

MUMBA WANJILA MU MZIMBA LUWEREZI

Muhanyawuno pachitatu Wa Vitumbiko Mumba wayamba dankha kwendera wena Mzimba Luwerezi mu boma la Mzimba.

Uku nkhuyenda kwakukwangula apo wakuchiska wanthu kuti pa 16 pano wazavotere wa Chakwera na MP kweniso khansala wa MCP kuti vitukuko vizayende makola.

Mukuyowoya kwawo pa Entandweni sukulu a Mumba wati kuyenda uku nkhuchiskana waka kuti pa 16 wakachinge pa tambala mufipa.

Kufuma pano wendelengeso wena Katete, Kanjuchi, Chasefu, Chizungu na Mzalangwe mu boma la Mzimba.

By: Chiku Ngwira ( Mzimba Community Radio)

The Malawi Communication Regulatory Authority (MACRA) has embarked on the second phase of the groundbreaking for the co...
09/09/2025


The Malawi Communication Regulatory Authority (MACRA) has embarked on the second phase of the groundbreaking for the construction of 120 ICT laboratories in secondary schools aimed at boosting digital literacy among the secondary school students in the country through Connect a school project.

Speaking after the groundbreaking ceremony at Vibangalala, Phazi and Chikangawa Community Day Secondary Schools, in Mzimba district, the Deputy Director for Technology and standards at MACRA Nicholas Kanyenda alluded to the fact that the aim of the project is to enhance and narrow down the digital divide between the rural and urban areas.

Kanyenda said that "MACRA commenced the 1st phase targeting 75 schools and the second phase targets 120 schools from 120 Constituencies and the idea is that every secondary school in Malawi should have an ICT Lab as this is just a baseline project that will spearhead the development of the ICT centres.

He also highlighted on how the initiative will help the students in accessing books on internet and also get acquainted with computers.

In his side, the former Member of Parliament for Mzimba South Emmanuel Chambulanyina Jere hailed MACRA for the development will go along way in improving quality education in the country.

The Headteacher for Vibangalala, Phazi and Chikangawa Community Day Secondary Schools also expressed gratitude with the coming of the project saying it will help the students and the teachers to have access to internet and good network connection as MACRA will also facilitate the construction of network towers in places where network is a challenge, like Vibangalala and Phazi.

Reported by Shadreck Chaula

‎Sukulu ya Endindeni CDSS iyo yili mu boma la Mzimba yakwezga basambiri 73 pa basambiri 76,banyamata 38 na basungwana 38...
07/09/2025

‎Sukulu ya Endindeni CDSS iyo yili mu boma la Mzimba yakwezga basambiri 73 pa basambiri 76,banyamata 38 na basungwana 38 awo bakalemba vilingwa vya MSCE chilimika chino iyo ni 96%, kujumpha chilimika chamala apo yikakwezga basambiri na 94.5%.
‎
‎Msambizi mlala wa sukulu iyi Siphiwe Mbeya waphalira wayilesi ya Mzimba kuti chisisi chagona pa ulongozgi uwemi, chiplikano cha ba sambizi pamoza na basambiri.
‎
‎A Mbeya bati nthowa yinyake iyo yawovwira chomene kuti bana bachite makora, nkhubabika basambiri mumagulu kwakuyana na masuzgo ayo basambiri bali nawo nakubasangira munthu kuti wabawovwire kufumiraso mu kalasi lenelilo, pa Ichi basambiri bakubevye nyengo yakukhala Waka Pala bafuma mu kalasi.
‎
‎"Paumaliro wa sabata yiliyose tikulembeska mayeso kuti tione kuti ka pali kusintha ndipo gulu ilo lachita makora chomene pamoza na uyo wawovwiranga gulu ilo,paumaliro wa mwezi bakupikanga njombi" wapataula ntheula Mbeya.
‎
‎Boma la Mzimba ndimoza mwa ma boma ayo yachita makora chomene pa kakwezgero ka bana abo wangulemba vilingwa va MSCE chilimika chino.
‎
‎Wakulemba....... James Nyirenda
‎ lizgo linu na linu pa chitukuko.

‎Mlongozgi wa Chipani cha UTM,Dr Dalitso Kabambe wati Pala bazakanjira mu boma mtengo wa fetereza uzamkhira kufika pa K...
05/09/2025

‎Mlongozgi wa Chipani cha UTM,Dr Dalitso Kabambe wati Pala bazakanjira mu boma mtengo wa fetereza uzamkhira kufika pa K50,000 ndipo balimi Banandi bazamkwaniskanga kugula nakuba na chakulya chinandi.
‎
‎Dr Kabambe wati pasono banthu 75 pa banthu hundred baliwose mu Chalo chino Bali mu ukavu wa zanimuone, apo banthu 91 pa banthu hundred bakusowa ntchito, 65 pa banthu hundred baliwose balije chakulya, 51 mwabanthu hundred mbakutina chifukwa chakusoba kwa chakurya Cha thanzi aposo banthu 91 mwa banthu hundred baliwose balije maji yawemi kweniso magesi nangauli banthu bakhala bakusola balongozgi mumipando yakupambana pambana kwa vilimika vinandi sono.
‎
‎Kabambe waphala ivi pa Raiply muboma la Mzimba pa kulutirira na ulendo wake wakuyimayima kumema banthu kuti bazakasole Iwo kuba mlongozgi wa Chalo chino kweniso ma mp na ma khansala ya Chipani cha UTM pa chisola Icho chichitikenge pa 16 September chilimika chino.
‎
‎Ibo bati ulyezi na vimbundi ivo vikuchitika mu ma ofesi ya boma ndivo vachitiska kuti bena Malawi bakhale bakutambula nakusinginika kwa Nyengo yitali.
‎
‎"Bandyale bakukhumba banthu munyengo ya kampeni kweni Pala basoleka bakuluwa awo bakawasola nakwamba kujisambazgiska bekha pamoza na Babali wawo,"bapataula mwantheula a Kabambe.
‎
‎Paumaliro bachiska banthu kuti baleke kuzakasola balongozgi abo bali kutondeka kale,baboza kweniso bakujitemwa kweni bazakasole Iwo kuba mlongozgi wa Chalo chino kweniso ma mp na ma khansala ya Chipani Cha UTM,chifukwa ndiwo bekha abo bangamanya kuwezgeraposo nkhongono ya ndalama ya kwacha iyo bakuti pasono pano yazgoka Waka chipepala chambula ntchito.
‎
‎Wakulemba .....James Nyirenda
‎ lizgo linu na linu pa chitukuko.
‎

Address

Along M9 Road To Mzimba Market Close To Standard Bank Mbanasi Building, P. O Box 61
Mzimba

Opening Hours

Monday 05:30 - 22:00
Tuesday 05:30 - 22:00
Wednesday 05:30 - 22:00
Thursday 05:30 - 22:00
Friday 05:30 - 22:00
Saturday 05:30 - 22:00
Sunday 05:30 - 22:00

Website

Alerts

Be the first to know and let us send you an email when Mzimba Community Radio - 107.6 FM posts news and promotions. Your email address will not be used for any other purpose, and you can unsubscribe at any time.

Shortcuts

Share

Category