24/09/2025
Viwemi vyose, naluta ine!
Mlongozgi wa charu chino Lazarus Chakwera walayira kwa ŵina Malawi, pamanyuma pakuluskika pa chisola icho chikachitika pa 16 September.
Iwo wanguyowoya ku charu chose mwahuno, apo MEC ikulindizga kuphalazga kuti mlongozgi wa DPP a Peter Mutharika ndiyo walikuluska pa chiphalizgano ichi.
A Chakwera waonekanga ŵa chitima, wathutilanga mchanya ndipo mazgu yawo yapulikikanga mwa mangwalala.
"Nichitenge chilichose kuti mdauko wakupereka nkhongono za ulongozgi wende makora," wangupataula ntheula.
A Chakwera wakadukira pa chitengo ichi mu chilimika cha 2020. Iwo wachitapo vitukuko vya kupambana pambana vyakoneka ku maso kwa ŵanthu ngati nkhuzenga misewu.
Kweni mu muwuso wawo katundu wakwelanga mtengo mwaulankhasi, ivyo wanji wakuti vyanguzindula mitima ya ŵina Malawi.
(by Dickson Chivwati Gondwe-Lilongwe:09/24/25)