Nkhani Mchitumbuka

Nkhani Mchitumbuka Chinyina Cha nkhani.

03/10/2024

Mzuzu ni Chalo pa chekha mweee

Mwahuno pa 2 August charo chapasi chiri pa chikumbusko cha phele.Zuwa ili walikulikhazgikiska kuti banangwa wakumane pam...
02/08/2024

Mwahuno pa 2 August charo chapasi chiri pa chikumbusko cha phele.

Zuwa ili walikulikhazgikiska kuti banangwa wakumane pamoza nakulikita phele,kweniso kulumba awo usiku namuhanya wakuteweta milimo yakukhatika moba.

Kuno ku Malawi wanji wakuhupula moba nachakulata chakusangwa, kufyula soni ndipo wanyakhe waruwe masuzgo nge yamunthengwa kweniso ukavu.

Dazi ili wakakhazgikiska mba Jesse Avshalomov muchaka cha 2007 ku Amerika.

Timu yira ikuzgara bola la malundi munkhombo ya TNM Supa Ligi ya FCB Nyasa Big Bullets kumise kuno yabadara 25 miliyoni...
27/06/2024

Timu yira ikuzgara bola la malundi munkhombo ya TNM Supa Ligi ya FCB Nyasa Big Bullets kumise kuno yabadara 25 miliyoni Kwacha kujumphira ku khothi likulu la milandu mu m'sumba wa Blantyre pa makani ghakufumiska pa mlimo wakusambizga Franco Ndawa muchilimika cha 2016 kwambura kulondezga dango.

Kupatura kubadala makopara agha timu ya Bullets yaperekaso 4 miliyoni Kwacha nge vyakusazgaposo pa mlandu uwu.

Wakwendeska ntchito za Bullets ba Albert Chigoga waphara za makani agha pakuchezga na mu tolamakani wa Nkhani Mchitumbuka

Walala ba timu ya Bullets wanguyungwa mwahuno apo ba polosi ba khothi wara wakumanyikwa kuti masherif m'chingerezi wanguwapoka bus ya timu kulondezgana nakugwentha chilanduro icho likapereka khothi pa makani agha.

Londezgani makani ya mchitumbuka pano.

A Kondwani Nankhumwa wara wakawadikizga muchipani cha Democratic Progressive ( DPP) wiza pakweru kuti sono wambiska chip...
26/04/2024

A Kondwani Nankhumwa wara wakawadikizga muchipani cha Democratic Progressive ( DPP) wiza pakweru kuti sono wambiska chipani chawo icho wachizunura kuti People's Development Party (PDP).

Iwo waphara za makani agha
kumise kuno kwizira pa hamba lawo la ntchezgo la Facebook.

Mlala wa Polisi Mery Yolamu wakhozgeka kuwa mlala wa mpingo wa mpingo wa CCAP muhanyauno. Iye wakhozgeka lumoza na wachi...
21/04/2024

Mlala wa Polisi Mery Yolamu wakhozgeka kuwa mlala wa mpingo wa mpingo wa CCAP muhanyauno. Iye wakhozgeka lumoza na wachiwiri kwa iye Hapy Mkandawire kweniso yumoza mwa walala walala ku Police

Wakuda Kamanga uyo wakawa mulembi wa chipani cha Aford waphalazga kuti wafuma mu chipani ichi ndipo wanjira chipani cha ...
18/04/2024

Wakuda Kamanga uyo wakawa mulembi wa chipani cha Aford waphalazga kuti wafuma mu chipani ichi ndipo wanjira chipani cha National Development (NDP), icho mwenecho ni Frank Mwenifumbo.

Kamanga waphalazga ivi pa nkhumano ya watolamakani ku Lilongwe pa chiwiri.

Pakuyowoya kwake Kamanga wati iyo waghanaghana vyakufuma mu Aford chifukwa mulije wanangwa kutolera vivulupi ivyo wanji wa wakulondezga chipani ichi wakawachitira pakuwatombozga apo wakawaghanaghaniranga kuti wakawululanga vyakubisika vya chipani ichi ku vipani vinyakhe.

Iyo wati vyamtundu uwu nvyaminthodwe kwa Iwo lekani waghanaghana vyakufuma nakunjira chipani cha NDP.

Mwa vinyakhe iwo wati wanjira chipani cha NDP chifukwa wakunkhumba kuvyira uzengi wa chipani ichi pakwizgiska chitukuko chomene ku chigawa chaku mpoto.

Iyo wanjira chipani ichi lumoza na uyo wakawa mulala wakuwona vyakuchitika vyakupambanapambana mu Aford Judith Mang'anda.

Pasono mlembi wa chipani cha NPD Gerald Chilongo waphalazga kuti a Kamanga wapika udindo wa Wachibiri wa president wakulabiska vya kendeskero ka chipani ndipo a Mang'anda wapita udindo nga uwo wakawa nawo ku Aford.

Mulara wa ofesi yakuona ngozi zakwiza mwamabuchibuchi ku Khansero ya Nkhata-Bay Rachel Kamanga wavumbura kuti nyumba zak...
18/04/2024

Mulara wa ofesi yakuona ngozi zakwiza mwamabuchibuchi ku Khansero ya Nkhata-Bay Rachel Kamanga wavumbura kuti nyumba zakukwana 127 ndizo zakhwaskika na ngozi yakututuka kwa Maji mu Boma Ili.

Pakuyowoya apo waperekanga ripoti la kukhwaskana ngozi ku Khansero ya Nkhata-Bay, Kamanga wati vigaalba vyama fumu ghabiri agho ni Malanda kweniso Malengamuzoma ndivyo vyakhwaskika na ngozi iyi.

Iye wati nyumba 15 ndizo wapanikizga kuti zawa ndipo banthu awo nyumba zawo zawa kweniso kubira mu maji wakukhara pa sukulu ya pulayimale.

Kamanga wapempha banthu wakhumbiro liwemi kuti wapereke wovwiri wa chakurya namakopala pakuti banthu awa wakusobekera vinandi pasono pano.

Ku rwande rwakhe, mulara wakulabilira vya nyengo mu boma la Nkhata-Bay, Amos Chimbwira wati kwasono pano banthu walondezgenge chomene ma ripoti yakukhwaskana na vya nyengo apo vula ichali kulutilira.

Doda linyakhe, Madalitso Phiri ilo ndavilimika 44 lakakika nabapolisi wakwa Jenda muboma la Mzimba chifukwa chakughanagh...
24/03/2024

Doda linyakhe, Madalitso Phiri ilo ndavilimika 44 lakakika nabapolisi wakwa Jenda muboma la Mzimba chifukwa chakughanaghanirika kuti lilikuswa chibaya cha Kennedy Jere nakwibamo ng'ombe 14 usiku wapa dazi lachinkhonde.

Muyowoyeri wabapolisi ya kwa Jenda, Macfarlen Mseteka, ndiyo wapanikizga vyamakani agha ku wayilesi ya VoL.

Kwakuyana na Mseteka, banthu wanyakhe wakukhumba kuwemi ndiwo wakaphalira bapolisi kuti wakaona doda linyakhe likusesema na ng'ombe izi kumalo ghanyakhe agho ghali ku Embangweni muboma ili.

Mkulutilira kwakhe, Mseteka wati bapolisi wakaka Phiri uyo wavumbura kuti wakiba ng'ombe izi mchikaya cha Kafoteka m'boma leneliri.

Pasono, ng'ombe izi zikusungika nabapolisi apo bakulindilira kuti mweneko ndiyo wazapanikizge kuti zakhe apo doda ili lamuzgorapo mlandu wakwiba Ng'ombe.

Phiri wakufumira mchikaya cha Nzima icho chili mchigaba cha Inkosi Chindi m'boma leneliri la Mzimba.

Pemphero uja kuno walowesa zobelana after kuwona kuti zonyenganisa anthu zija azituluka anthu akuzifunsilira okha.. Chen...
24/03/2024

Pemphero uja kuno walowesa zobelana after kuwona kuti zonyenganisa anthu zija azituluka anthu akuzifunsilira okha.. Chenjerani ndi munthuyuu

Timu ya bola la malundi ya Malawi yavalazika na timu ya Kenya vigoli 4 kwa zero
24/03/2024

Timu ya bola la malundi ya Malawi yavalazika na timu ya Kenya vigoli 4 kwa zero

Yona Adadawiza Mkandawire uyo ni mwimiliri wa mphala ya malango wa chigawa cha Rumphi West wadinginyika na nduvyo ya Bom...
22/03/2024

Yona Adadawiza Mkandawire uyo ni mwimiliri wa mphala ya malango wa chigawa cha Rumphi West wadinginyika na nduvyo ya Boma kuti sono lambengepo mlimo wakuwika wakunozga musewu wa Rumphi-Nyika-Chitipa uwo ngwa ma kilometre 282.

Mkandawire wayowoya ivi kulawiska na kuchepa kwa makopala awo boma lawika mu ndondomeko ya chuma ya 2024/25 kuphalizgana na mlimo wa chigawa chakwamba pera icho ntcha 20 kilometres.

Iyo wati chaka chamala ma kontrakita ghawiri awo ni Mota-Engil kweniso Unik wakajowolezga mlimo uwu chifukwa cha kochepa kwa makopala awo wakawa K5 billion kweni chaka chino boma lawika makopala yakukwana K3.4 Billion ivyo kwakuyana na Mkandawire wakuti vikukola viwo cha.

Pasono iyo walomba boma kuti lileke kunjizga ndyale pa musewu uwu kweni pala ntchamachitiko na makopala awo yalipo wapale waka kukafika pa Thazima kuti panji wanthu wangajumphanga mwa wanangwa.

Mwimiliri uyu walombaso boma kuti lize pakweru pa ghanoghano lakhe lakuzenga Chipatala chipsa cha Rumphi pakuti chaka na chaka mu budget mukuwikika makopala ghakukwana K500 Billion kweni mpaka sono mlimo ukwambikapo chala.

Address

Email:mzuzulive@gmail. Com
Mzuzu

Telephone

+265884599431

Website

Alerts

Be the first to know and let us send you an email when Nkhani Mchitumbuka posts news and promotions. Your email address will not be used for any other purpose, and you can unsubscribe at any time.

Shortcuts

Share

Category