Montfort Media

10/08/2025

Mashopu apsa ku Balaka

Moto womwe unayamba nthawi ya m'ma 1 koloko mbandakucha wa lero watentha mashopu ena a pafupi ndi malo wokwerera galimoto (bus depot) m'boma la Balaka.

Katundu wa ndalama zambiri wawonongeka ndi motowu womwe chawuyambitsa sichikudziwika.

Zina mwa zithunzi n**i.

Wolemba ndi kujambula Precious Msosa

08/08/2025

Kwaya ya Balaka yakonzeka ndi DVD

Kwaya ya Balaka CCAP yati zonse zili mchimake kukhazikitsa kanema owonera wa nyimbo (DVD) Lamulungu pa 10 Ogasiti 2025, ku mpingowu nthawi ya 1 koloko masana.

Malingana ndi mkulu woyang'anira kwayayi a Masauko Kapiye, iwo akukhazikitsa DVD kaamba koti atatulutsa CD ya Mwakhristu Tikondane, anthu anayilandira bwino.

"Chimbalechi ndi choyamba ndipo titatulutsa chinapereka chikoka kwambiri zimene zinatilimbikitsa kuti tijambule DVD choncho taona ukulu wa Mulungu chifukwa makonzekeredwe athu akuonetsa kuti anthu achilandira ndi manja awiri," anatero a Kapiye.

Pakadali pano, iwo ati agulitsa kale matiketi olowela pakhomo okwana 500.

"Taitana makwaya ambiri akunja kwa Balaka komanso aku Balaka kuno kuphatikizapo amu mpingo mwathu kuti adzakometse mwambowu," anatero a Kapiye.

Katswiri woimba nyimbo zauzimu Favoured Martha ndi mmodzi mwa oimba omwe adzakhale nawo pa mwambowu. Mlendo wolemekezeka ndi a Simplex Chithyola Banda, nduna yowona zachuma.

Matikiti olowela pa khomo ndi K1000 munthu akakuguliratu pano koma kudzagula pa khomo pa tsikulo ndi K1,500.

Wolemba: Rose Chipumphula CHALIRA

06/08/2025

Atatu maina awo asowa pa wu Pulezidenti

Bungwe la Mec lakana maina atatu a anthu amene anawonetsa chidwi chodzapikisana nawo pa udindo wa mtsogoleri wa dziko lino.

Malingana ndi chikalata chomwe bungweli latulutsa lero yomwe wasayinira ndi mkulu wa MEC a Annabel Mtalimanja, atatuwa sadakwaniritse zoyenereza zomwe bungweli linayika kwa omwe akufuna kuyimira pa udindo wa pulezidenti.

Omwe wavomereza kuti adzayimire tsopano alipo Maina okwana 17.

Mbusa Hardwick Kaliya, Daniel Dube ndi David Mbewe ndi omwe maina awo asowa pa mdanda womwe atulutsa a MEC lero.

Wolemba: Rose Chipumphula CHALIRA

06/08/2025

03/08/2025

DPP ikhazikitsa Manifesto

Chipani cha Democratic Progressive (DPP) lero ku Mount Soche Hotel mu mzinda wa Blantyre chikukhazikitsa zina mwa mwa mfundo zokopera anthu kuti adzachivotere pa chisankho chomwe chichitike pa 16 Seputembala chaka chino.

Zina mwa mfundozo, chipanichi chati chidzapereka ndalama za chitukuko ku madera, zokwana K5 biliyoni pa chaka ya chitukuko.

Chatinso chidzapereka ndalama zokwana K100 miliyoni kuti achinyamata azipeza mwayi wangongole mosavuta.

Chipanichi chatinso chidzabwezeretsanso kampani ya Power Market Limited imene boma lapano linathetsa mgwirizano wake.

Kuwonjezeranapo, icho chati maphunziro aku sekondale adzakhala a ulere komanso okakamiza. Chidzamanganso zipatala zina zowonjera m'maboma.

Pa chuma, DPP yati chuma cha dziko chidzakwera ndi 6.5 peresenti pofika 2030.

Izi ndi zina mwa mfundo zomwe zili mu manifesto a chipani cha DPP.

Chipanichi chafotokoza kuti kukhala msonkhano wokafotokozera anthu mfundozi mwa tsatanetsane ku Njamba Freedon Park mu mzinda wa Blantyre posachedwapa.

Rose Chipumphula CHALIRA

Zinthunzi DPP Media team

01/08/2025

Queens U-21 beat Zambia

The Malawi Under-21 National Netball Team has beaten their Zambian counterparts 48 to 36 baskets at the Olympic Youth Development Centre in a friendly game played in Zambia today.

The first quarter ended in draw with each team banging 9 baskets. In the second quarter, the Malawi side won 21 against 19 baskets.

The junior queens clung to the lead in the third quarter which ended 35-25 and they carried the momentum in the second quarter which ended 48-35.

The junior queens are in Zambia for three friendlies against Zambia Under-21 National Netball Team in preparation for the World Cup games in Gilbrator in September.

By Precious Msosa


Pictures by Solomon Manda.

31/07/2025

Bullets ipumira mphathi

Timu ya FCB Nyasa Big Bullets inakhetsa mwazi lero m'masewero ake a mu Supa Ligi ndi Mzuzu City Hammers pamene yapambana ndi zigoli ziwiri kwa ndanda pa bwalo la Rumphi.

Bullets inapumira mphanthi mpaka mu mphindi 76 pomwe katswiri wawo Chikumbutso Salima anapezetsako mpumulo otsatira a timuyi ndi chigoli chomwe anamwetsa.

Chigolichi chinabwera timu ya Mzuzu City Hammers itaphonya penate mu mphindi 62 kudzera mwa Samson Tisan.

Pamene masewerowa amaoneka ngati athera 1 kwa duu, Hassan Kajoke yemwe anasinthana ndi Babatunde Adepoju mu mphindi 46 anali ndi maganizo ena pamene anamwetsa chigoli chachiwiri mu mphindi zomalizira za masewerowa.

Bullets tsopano ili ndi mapointi 30 kuchokera ku 13 ndipo ikusiyana ndi mapointi atatu ndi Mighty Wanderers omwe ali patsogolo.

Goloboyi wa Bullets Innocent Nyasulu a asankhidwa ngati wosewera yemwe anasewera bwino kuposa onse.

Wolemba Precious Msosa


Chithunzi ndi Innocent Nyasulu. Wojambula Sulom

31/07/2025

30/07/2025

Ngalande wayika maso pa ngodya zisanu

Mmodzi mwa omwe akudzapikisana nawo ngati phungu wa dera la Ngwangwa m'boma la Balaka a Tony Ngalande atsindika za ngodya zisanu za chitukuko zomwe akufuna kudzachitira anthu a mderali.

Poyankhula lero atapereka zikalata zowaloleza kudzayimira pa chisankho chikudzachi ku bungwe la MEC, iwo ati maso awo ali pa misewu yapamwamba, madzi aukhondo, milatho yabwino, maphunziro okomera mwana aliyense komanso kuti anthu a mabizinesi ang'ono ang'ono angapite bwanji chitsogolo.

Choncho a Ngalande omwe akudzayima pawokha ati kuvomerezedwa kwawo kwa makalata awo lero ndi chipambano chachikulu kwa anthu a mdera la Ngwangwa kotero awamema kuti adzawavotere pa 16 Seputembala.

Pokapereka makalata awo, a Ngalande anatsagana ndi a Michael Sauka Junior ndi a Raphael Humba omwe akudzapikisana nawo m'mawodi a Liwawazi ndi Mchengawede pa mpando wa khansala.

Wolemba Precious Msosa

30/07/2025

Who will save us
Buy your copy in both hard-copy & softcoy and enjoy reading this Non-partisan Magazine

29/07/2025

A Mark Shannon Munthali, a zaka 41 omwe ndi mkulu wa kampani ya Insurance ya Kingfisher ku Lilongwe, asowa ataziponyera mu mtsinje wa Shire lero m’boma la Neno.

Malingana ndi mneneri wa polisi ya Neno, a Rebecca Msoliza, a Munthali omwe amachokera m'mudzi mwa Ngosi, kwa Mfumu yayikulu Kyungu m’boma la Karonga, anasiya galimoto yawo pa sitolo ina ndikuyamba kuyenda wapansi molunjika mlatho wa Shire nkudziponya mu mtsinjewo.

Iwo anasiya mawu oti munthu wina abwera adzatenge galimotoyi koma mpaka pano palibe wabwera kudzaitenga.

A Msoliza ati ntchito yosaka bamboyu ili mkati koma chomwe achitira izi ati sichinadziwikebe. A Munthali amayendera galimoto yoyera yomwe yomwe nambala yake ndi BX6396.