Hrang Bik Lian, Kuala Lumpur (2025)

12/08/2025

🙏🙏🙏မှတ်သားစရာ
သံကို ဘယ်အရာကမှ မဖျက်စီးနိုင်ဘူး
သံချေးကပဲ ဖျက်စီးနိုင်တယ်

ဒီလိုပဲ မင်းဘဝကို မင်းကလွှဲလို့
ဘယ်သူကမှ ရိုက်ချိုးဖျက်စီးလို့မရဘူး

မင်းဘဝကို မင်းရဲစိတ်ကပဲ
ဖျက်စီးနိုင်တယ်

လူတိုင်း မထိန်းနိုင်တဲ့ ကိုယ့်ရဲစိတ်ကို
အကယ်၍ မင်းထိန်းနိုင်ခဲ့ရင်
မင်းမှာ စူပါစွမ်းအင် တခုရှိနေလို့ပါ

ကိုယ့်စိတ်ကို ထိန်းနိုင်တာဟာ
ရန်သူအယောက် ၁၀၀ ကိုတျောက်ထဲ
တိုက်နိုင်တာနဲ့ ညီမျှတယ်တဲ့

လူတွေရဲ့စိတ်က အပြောင်းလဲမြန်တာမို့
အကယ်၍ မင်းကအခက်ခဲပေါင်းများစွာထဲ
ရှင်သန်ရုန်းကန်နေရတယ်ဆိုရင်

မင်းကိုမင်း ဘယ်တော့ခါမှ
အရှုံးပေးဖို့ မတွေ့မိပါစေနဲ့။

11/08/2025

လူတယောက်ရဲ့
သရုပ်မှန်က အခြေနေ နှစ်ခုမှာပဲပေါ်တာ

1 လိုချင်တာတွေရပြီးတဲ့အခါ
သရုပ်မှန်ပေါ်လာလေ့ရှိတယ်

2 သူလိုချင်တာတွေမရနိုင်ဖူးဆိုတာ
သေချာသွားတဲ့အချိန်မှာလည်း
လူတယောက်ရဲ့ သရုပ်မှန်ပေါ်လာလေ့ရှိတယ်

အဲ့ဒါကြောင့်
အထက်ကအခြေနေနှစ်ခုနဲ့မကြုံရမချင်း

လူတယောက်ရဲ့စကားတွေကိုလည်း အယုံမစောနဲ့.
လုပ်ရပ်တွေကိုလည်း အကြည့်မစောနဲ့
အမူအယာတွေကိုလည်း အကြွေမစောနဲ့

အချိန်မကျသေးပဲ စိုက်တဲ့အပင်က
ဘယ်တော့မှအသီးမသီးသလို

အချိန်မကျသေးပဲခူးတဲ့အသီးကလည်း
ဘယ်တုန်းကမှ အရသာရှိရိုး ထုံးစံမရှိခဲ့ဖူး...။

08/08/2025

မင်းအစွမ်းကုန်ကြိုးစားရမယ် သူတစ်ပါးကို
အားကျ ရုံမျှဖြင့် မင်းဘဝကြီး မတိုးတက်နိုင်ပါဘူး။
ကိုဒူးကိုချွန်ပြီး ကိုယ်ခြေထောက်ပေါ်ကိုယ်ရပ်တည်နိုင် အောင်ကြိုးစားပါ။

လောကကြီးမှာ ဘယ်အရာမှာ အလကားမရပါဘူး။ လက်ဝါးဖြန်ဖို့ အရှက်တွေ ရင်းရတယ်။
ပေးကမ်းသူရှိမှရမယ်။ အရာထက် လက်သီးဆုပ်ပြီး မိုး ပေါ် ကိုမြှောက်နိုင်အောင်ကြိုးစားပါ။
လက်မထောင်နိုင်ရင်တော့ ပိုအဆင်ပြေမယ်။

လုပ်ဖော်ကိုင်ဖက်အချင်းချင်း မျက်စောင်းထိုးနေရုံနဲ့ မင်း ဘဝကြီး မပြောင်းလဲဘူး။ လက်ညိုးထိုးပြီး ထောက်ပြနိုင် မှမင်းဘဝက အောင်မြင်မှုလမ်းမပေါ် ရောက်နိုင်မှာ။

လောကမှာကိုယ်ထက် အတဲ့ကောင်မရှိဘူး။ ကိုယ် ကိုယ်တိုင်က သူများ လက်ညိုးအောက်မ ရောက် ဖို့ လိုအပ်တယ်။ တစ်ထောင်ရပြီး ပျော်နေရင် မင်းဘဝက တစ်ထောင်ပဲ။

ကြိုးစားပါ အနည်းဆုံးတော့ဓာတ်ပုံ ဘောင်နဲ့ မင်း ဧည့်ခန်းမှာ မိန့်မိန့် ကြီး ပြုံးလို့ရတာ

မင်းခြေလှမ်းတွေ နောက်မကျ သေးဘူးထင် ရင် ရောက်တဲ့ နေရာကနေ ဆက်လျှောက်ပါ။ ဒါမင်း ဘဝရဲ့ တက်လမ်းပဲ။ အချိန်မတန်ပဲ ဇိမ်မခံပါနဲ့ အနှိမ်ခံ ဘဝထဲက လွတ်မြှောက်နိုင်အောင် ကြိုးစားပါ။

#ဘဝစာပေ #လူငယ်

07/08/2025

"ပျင်းရိခြင်းကို ဖျက်ဆီးပါ၊
မဟုတ်ပါက..
သင့်ကို ဖျက်ဆီးလိမ့်မည်"

✡️ ဘဝမှာ လူတိုင်းနီးပါး ကြုံဖူးတဲ့အရာတစ်ခုကတော့ ပျင်းရိခြင်းပါပဲ။ တစ်ခါတစ်ရံမှာ ပင်ပန်းလို့ နားချင်တာမျိုး၊ အားအင်မရှိလို့ ဘာမှမလုပ်ချင်တာမျိုး ဖြစ်တတ်ပါတယ်။ ဒါပေမယ့် ဒီပျင်းရိခြင်းက အကျင့်တစ်ခုလို ဖြစ်လာပြီး သင့်ဘဝကို လွှမ်းမိုးလာပြီဆိုရင်တော့ အန္တရာယ်ရှိလာပါပြီ။

✡️ ပျင်းရိခြင်းဆိုတာ သင့်ရဲ့ အိပ်မက်တွေ၊ ရည်မှန်းချက်တွေရဲ့ အကြီးမားဆုံး ရန်သူပါ။ သင်တစ်ခုခုကို လုပ်ချင်ပေမယ့် နောက်မှလုပ်မယ် ဆိုပြီး အချိန်ဆွဲနေမယ်ဆိုရင် ဒါမှမဟုတ် စတင်ဖို့တောင် အားထုတ်မှု မလုပ်ဘူးဆိုရင် သင့်ရဲ့ အခွင့်အလမ်းတွေဟာ တဖြည်းဖြည်း ပျောက်ဆုံးသွားပါလိမ့်မယ်။

✡️ ပျင်းရိခြင်းက သင့်ကို နောက်ကျကျန်ခဲ့စေပြီး တိုးတက်မှုတွေကို ပိတ်ဆို့ထားပါလိမ့်မယ်။ ရေစီးကြောင်းအတိုင်း လိုက်ပါနေတဲ့ သစ်ကိုင်းတစ်ကိုင်းလို ဘာမှမလုပ်ဆောင်ဘဲ မျောပါနေတာဟာ တကယ်တမ်းကျတော့ ဘဝကို ဆုံးရှုံးနေတာနဲ့ အတူတူပါပဲ။

✡️ ဒီတော့ ပျင်းရိခြင်းကို ဘယ်လိုဖျက်ဆီးမလဲ? ပထမဆုံးအနေနဲ့ သင့်ရဲ့ ပန်းတိုင်တွေကို ရှင်းရှင်းလင်းလင်း သတ်မှတ်ပါ။ ဘာကြောင့် လုပ်ရမှာလဲဆိုတဲ့ ခိုင်မာတဲ့အကြောင်းပြချက်ရှိရင် ပျင်းရိစိတ်ကို ကျော်လွှားဖို့ ပိုမိုလွယ်ကူပါလိမ့်မယ်။ ပြီးရင် သေးငယ်တဲ့ ခြေလှမ်းတွေနဲ့ စတင်ပါ။

✡️ တစ်ခါတည်း အများကြီးလုပ်ဖို့ မကြိုးစားပါနဲ့။ ဥပမာ - စာအုပ်တစ်အုပ်လုံးဖတ်ဖို့ ပျင်းနေရင် တစ်နေ့ကို စာမျက်နှာ အနည်းငယ်စီ ဖတ်တာမျိုး၊ ဒါမှမဟုတ် မိနစ်အနည်းငယ်လောက် လေ့ကျင့်ခန်းလုပ်တာမျိုးနဲ့ စတင်ပါ။ အစပြုဖို့က အခက်ခဲဆုံးပါ။

✡️ နောက်တစ်ချက်ကတော့ စည်းကမ်းနဲ့ ကိုယ့်ကိုယ်ကိုယ် ထိန်းချုပ်ပါ။ အလုပ်တွေကို နောက်ကျမဆွဲဘဲ ချက်ချင်းလုပ်ဆောင်ပါ။ အိပ်ရာထချိန်ကို စောစောသတ်မှတ်ပြီး နေ့စဉ်လုပ်ငန်းဆောင်တာတွေကို စနစ်တကျ လုပ်ဆောင်ပါ။ ပျင်းရိစိတ်ဝင်လာပြီဆိုရင် အဲဒီစိတ်ကို လျစ်လျူရှုပြီး လုပ်သင့်တာကို ဆက်လုပ်ပါ။ သင့်ပတ်ဝန်းကျင်ကိုလည်း သင့်ကို အားပေးကူညီနိုင်မယ့်သူတွေ၊ တက်ကြွတဲ့စိတ်ဓာတ်ရှိတဲ့သူတွေနဲ့ ဝန်းရံထားပါ။

✡️ ပြောရရင်တော့ ပျင်းရိခြင်းဆိုတာ သင့်ဘဝရဲ့ အိပ်မက်တွေကို ချေဖျက်ပစ်နိုင်တဲ့ တိတ်ဆိတ်တဲ့ ရန်သူတစ်ယောက်ပါပဲ။ ဒီနေ့ စတင်တိုက်ထုတ်လိုက်ပါ။ သင့်ကိုယ်သင် တန်ဖိုးထားပြီး ဘဝမှာ အောင်မြင်ချင်တယ်ဆိုရင် ပျင်းရိခြင်းကို အမြစ်ပြတ်ဖျက်ဆီးပစ်ရပါမယ်။

✡️ သင်သာ အားထုတ်ကြိုးပမ်းမယ်ဆိုရင် သင့်ရဲ့ အလားအလာတွေဟာ အကန့်အသတ်မရှိပါဘူး။ "ပျင်းရိခြင်းကို ဖျက်ဆီးပါ၊ မဟုတ်ပါက သင့်ကို ဖျက်ဆီးလိမ့်မည်" ဆိုတဲ့ စကားကို အမြဲသတိရပြီး ဘဝကို အကောင်းဆုံးပုံစံနဲ့ ဖြတ်သန်းကြပါစို့။

𝘾𝙧𝙚𝙙𝙞𝙩 𝙩𝙤 𝙤𝙧𝙞𝙜𝙞𝙣𝙖𝙡 𝙒𝙧𝙞𝙩𝙚𝙧 with respect.

06/08/2025

စိတ်ပါသည်ဖြစ်စေ၊ မပါသည်ဖြစ်စေ လုပ်စရာရှိတာလုပ်တဲ့သူတွေပဲ တိုးတက်သွားတာ။

မိုးရွာလို့ မလုပ်သေးဘူး၊ နေပူလို့မလုပ်သေးဘူး
လုပ်နေသူ တွေက တစ်ခုခုဆို အလုပ်ဖြစ်အောင်
လုပ်ဖို့ထက် ဆင်ခြေ တွေနဲ့တင် ရပ်တန့်နေတတ်ကြတယ်။

ကိုယ်လုပ်ရမယ့်အရာ၊ လုပ်မယ်လို့
ကိုယ့်ကိုယ်ကိုယ် ကတိပေးထားတဲ့အရာကို
ဖြစ်အောင်လုပ်တာက Self-discipline ပဲ။

တစ်ပတ် လေးရက်
လေ့ကျင့်ခန်းလုပ်မယ်ဆို လုပ်ဖြစ်အောင်
လုပ်တာ၊ တစ်ရက် တစ်နာရီစာဖတ်မယ်ဆို ဖတ်
ဖြစ်အောင်ဖတ်တာ Self-discipline ပဲ။

ကိုယ့်စည်းကမ်းကိုယ် လိုက်နာဖို့အရေးကြီးတယ်။
လုပ် စရာရှိတာကို ဖြစ်အောင်လုပ်တဲ့သူတွေက
အမြဲတမ်း အလုပ်ပြီးမြောက်တတ်ပြီး
လုပ်စရာရှိတာကို နေ့ရွှေ့ ညရွှေ့
ရွှေ့တတ်တဲ့သူတွေက ဘယ်အရာမှာမှ
ဖြစ်မြောက်လာမှာမဟုတ်ဘူး။

တိုးတက်သူနဲ့ သာမန်လူတွေကြား အဓိက
ကွာခြားသွားစေတာSelf-discipline ပဲ။
Crd

03/08/2025

🎀 လိုသုံး 🎀

🎀လောကမှာ
သိပ်ရိုးအလွန်းတဲ့မိန်းမသားတွေဟာ
ဆုံးရူံးမူတွေကြုံရတာများပါတယ်။

🎀မိန်းမသားဆိုတာ
လိုမှအသုံးချခံရတဲ့သူတစ်ယောက်
မဖြစ်အောင်အမြဲသတိရှိနေရမယ်။

🎀မိန်းမတစ်ယောက်က
ပညာတတ်ခြင်း,မတတ်ခြင်း
ရုပ်ဆိုးခြင်း,ရုပ်ချောခြင်း
အရာရာကိုဦးဆောင်နိုင်ခြင်း,
မဦးဆောင်နိုင်ခြင်းတို့ဟာ
မိန်းမတစ်ယောက်ရဲ့တန်ဖိုးမဟုတ်ဘူး။

🎀မိန်းမသားတစ်ယောက်က
အရည်အချင်းရှိတာနဲ့
တန်ဖိုးရှိတာကတခြားဆီပါ။
ကိုယ်ကတန်ဖိုးရှိအောင်မနေတတ်ရင်
တန်ဖိုးမဲ့တာပါပဲ။

🎀တခြားသူအတွတ်ကိုယ်က
လိုသုံးဘဝမဖြစ်ရအောင်
ကိုယ့်ကိုယ်ကို တန်ဖိုးထားတတ်ရမယ်။✔
ရှိသင့်ရှိထိုက်တဲ့မာနတွေရှိရမယ်။✔
ခြုံလွှမ်းအပ်တဲ့
အရှက်,အိနြေ္န,သိက္ခာ,နဲ့
ကိုယ်ကျင့်တရားတွေရှိရမယ်။✔
အရာရာကို
ထိန်းသိမ်းဆင်ခြင်နိုင်စွမ်းရှိရမယ်။✔

🎀ဒီခေါတ်အခါမှာ
သိပ်အညှာလွယ်လွန်းတဲ့မိန်းမဆိုရင်
လူတွေတန်ဖိုးမထားချင်ကြတာ...
သိပ်ရဲတင်းသဘောကောင်းလွန်းတဲ့
မိန်းမဆိုရင်လူတွေမနှစ်သက်တတ်ကြတာ...
သိပ်ရိုကျိုးခယလွန်းတဲ့မိန်းမဆိုရင်
လူတွေမကြိုက်တတ်ကြတာတွေပါ။

🎀ဒါကြောင့်
ကိုယ့်ရဲ့မာနနဲ့တန်ဖိုးတွေကို
ဘယ်တော့မှစွန့်လွှတ်မပြစ်ပါနဲ့.။✔

🎀လောကမှာ
သိပ်ရိုးအလွန်းတဲ့မိန်းမသားတွေက
ဆုံးရူံးမူတွေကြုံရတာများပါတယ်။
3th Aug ,2025.
Credit 🎀 Nan Khin May Win

02/08/2025

ကိုယ့်အတွက် အလင်းရောင်ကို ရှာဖွေပါ
▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎▪︎

မျော်လင့်ချက်တွေ ကျိုးပဲ့သွားတဲ့အခါ...
စိတ်ဓာတ်တွေပါ ရောကျမသွားပါနဲ့၊၊

ဘဝကို သတ္တိရှိရှိ ကြိုးပမ်းပြီး
စီးဝင်လာတဲ့ ဒုက္ခတွေကို ကျော်ဖြတ်နိုင်အောင် ကြိုးစားပါ၊၊

ဆိုးဝါးတဲ့ အခြေနေတွေက ကိုယ့်ကို
အမျိုးမျိုး အဖုံဖုံ ထိုးနှက်လာရင်တောင်...
ကိုယ့်ရဲ့ စိတ်ဓာတ်ခွန်အား တွေကို
ယုတ်လျော့မသွားအောင် တောင့်ခံနိုင်ဖို့ အားတင်းထားပါ၊၊

ဘဝကို အလွယ်တကူ အရှုံးမပေးမိဖို့
ကိုယ့်ကိုကိုယ် အားပေးပြီး...
ကျရောက်လာမယ့် လောကဓံကို
ထိပ်တိုက် ရင်ဆိုင်ရဲဖို့ အဆင်သင့်ပြင်ထားပါ။

ငါ့ဘဝကလည်း ဖယောင်းတိုင်လို
အပူတွေ ကြားမှာ အရည်ပျော်ကျပြီး
ပျောက်သွား ရမှာပဲလို့ မတွေးလိုက်ပါနဲ့...
ဘဝဆိုတာ...
အပူတွေထဲမှာ ပျော်အောင်နေပြီး
ကိုယ့်အတွက် အလင်းရောင်ကိုရှာဖွေပြီး ဆက်လက် ရှင်သန်ပါ၊၊

#𝐂𝐫𝐞𝐝𝐢𝐭

02/08/2025

ရိုးသားတာက ဖြူစင်ပါတယ်။ ဒါပေမယ့်
ရိုးလွန်းအလွန်းရင်လည်း လိမ်ညာခံရတတ်တယ်။

ဘယ်သူ့ကိုယ်မဆို ကိုယ်ကရိုးရိုးသားသား
ဆက်ဆံခဲ့တယ်။ ဒါပေမယ့်
တစ်ချို့လူတွေက ကိုယ့်ရဲ့ရိုးသားမှုကို
အခွင့်အရေးယူပြီး လိမ်ညာဟန်ဆောင်ခဲ့ကြတယ်။

ဒါကြောင့် တစ်ချို့လူတွေက ကိုယ့်ရဲ့ရိုးသားမှုနဲ့
မထိုက်တန်တော့တဲ့အတွက် စွန့်လွှတ်ပစ်လိုက်ရတယ်။

တစ်ခါတစ်ရံ မပြတ်သားတဲ့ စိတ်တွေကြောင့်
နာကျင်ရလိမ့်မယ်။ အမှတ်မထားတဲ့စိတ်ကြောင့်လဲ
ဒုက္ခတွေကြုံရလိမ့်မယ်။

#ဘဝစာပေ #လူငယ် #ခွန်အားရှိသောစာပေ

01/08/2025

#လူတွေ အလိုကျတိုင်း လိုက်လုပ်မနေနဲ့
မင်း လမ်းပျောက်သွားလိမ့်မယ်။

လူတွေ ဝေဖန်တိုင်းလည်း
လိုက်ခံစားမနေနဲ့။
မင်း စိတ်ညစ်ရလိမ့်မယ်။

လူတွေ ကဲ့ရဲ့တိုင်းလည်း
ဒေါသထွက်မနေနဲ့။
မင်း စိတ်ပူလောင်ရလိမ့်မယ်။

လူတွေ အကောင်းမမြင်တိုင်းလည်း
အားငယ်မနေပါနဲ့။
မင်း စိတ်ဓာတ်ကျတတ်တယ်။

လူတွေကို မလိုအပ်ဘဲ ဘာမှပေးချင်မနေပါနဲ့။
မင်း တန်ဖိုးကျတတ်တယ်။

လူတွေရဲ့ အမှိုက်တစ်စလို စွန့်ပစ်ခံရလည်း
အထီးကျန်တယ်လို့ တွေးမနေပါနဲ့။
ဘဝ အမှောင်ကျတတ်တယ်။

လူတိုင်းက မင်းနဲ့ အတွေးမတူနိုင်သလို
လူတိုင်းကလည်း မင်း စိတ်ချမ်းသာအောင်
လုပ်ပေးနေမှာ မဟုတ်ဘူး။

လူတိုင်းက မင်းကို
ကိုယ်ချင်းစာပေးနေမှာ မဟုတ်ဘူး။

လူတိုင်းက မင်းကို
စိတ်ဝင်စားနေကြမှာ မဟုတ်ဘူး။

လူတိုင်း ကြိုက်အောင်လည်း
မင်း နေပေးနိုင်မှာ မဟုတ်ဘူး။
နေပေးစရာလဲ မလိုဘူး။

လူတိုင်းရဲ့ နှလုံးသားမှာလည်း
မင်းနေရာ မယူနိုင်ဘူး
မင်းဘဝကို မင်းပိုင်တယ်။

မင်းအတွေးတွေကို မင်းပဲ ထိန်းချုပ်ပါ။
မင်းလျှောက်မယ့်လမ်းကို
မင်းပဲ ရွေးချယ်ပါ
မင်းကိုယ်မင်း ယုံကြည်မှုရှိပါ။

မင်းစိတ်တွေ ပျော်အောင်လုပ်နိုင်တာ
မင်းပဲ ရှိတယ်
ဒါကြောင့်......
မင်းအနာဂတ်ကို
မင်းကိုယ်တိုင်ပဲ ပုံဖော်ထုဆစ်ပါလို့အကြံပြုပါရစေ။
Crd

31/07/2025

🍒 ယုံကြည်မှုကို တန်ဖိုးထားပါ 🍒

တစ်ဖတ်ထဲ လှရုံနဲ့ မရဘူး
ဖိနပ်က နှစ်ဖတ်ရှိမှ ခရီးရောက်တာ
ယုံကြည်မှုဆိုတာလဲ အဲ့လိုဘဲ
တစ်ယောက်တည်း ရှိယုံနဲ့မရဘူး။

သူ့ဘက် ကိုယ့်ဘက်ရှိမှ
အဲ့ဒီဆက်ဆံရေးတစ်ခုက ရေရှည်မြဲတာ
ယုံကြည်မှုဆိုတာ
ပျတ်စီးသွားပြီဆိုတဲ့အခါ
ဘယ်လိုပြန်တည်ဆောက် တည်ဆောက်
ဘယ်တော့မှ အရင်လို ပြန်မဖြစ်ဘူး။

ဒါကြောင့်
ယုံကြည်လို့ ရင်ဖွင့်တဲ့စကားကို
ကွယ်ရာမှာ အတင်းပြန်မပြောရဘူး။

ယုံကြည်လို့
ချေးငှားလိုက်တဲ့ ပိုတ်ဆံကို
မတောင်းခင်ကတည်းက
အလိုက်တသိ ပြန်ပေးရတယ်။

ယုံကြည်လို့
ကူညီပေးလိုက်တာကို
ဘယ်တော့မှ ကျေးဇူးမကန်းရဘူး။

ယုံကြည်လို့
ပေးထားတဲ့ မေတ္တာကို
တန်ဖိုးမထား မလေးမစားမလုပ်ရဘူး။

ယုံကြည်လို့
တွဲထားတဲ့ လက်တွေကို
နာကျင်ဒဏ်ရာတွေ မပေးရဘူး။

ယုံကြည်လို့ပေးထားတဲ့
အခွင့်အရေးကို
ဘယ်တော့မှ အလွဲသုံးစားမလုပ်ရဘူး။

အဲ့ဒီယုံကြည်မှုထဲမှာ
ချစ်ခြင်းမေတ္တာတွေပါတယ်
ကိုယ်ချင်းစာတရားတွေပါတယ်
သံယောဇဉ်တွေပါတယ်။

ဒါကြောင့် ယုံကြည်မှုကို
လွယ်လွယ်နဲ့ မဖျတ်စီးသင့်ဘူး
တကယ်လို့
ယုံကြည်မှုကို ဖျတ်စီးလိုက်တဲ့အခါ
တကယ်နစ်နာဆုံးရှုံးသွားတာက
ကိုယ်ဖြစ်နေတတ်တယ်။

ဒီလိုဘဲ
ဘဝမှာ ကိုယ့်ရဲ့ယုံကြည်မူ့ကို
အလွဲသုံးစား လုပ်သွားတဲ့သူတွေ ရှိတယ်။

ဒါပေမယ့်
တကယ် ဝမ်းမနည်းပါဘူး
စိတ်မကောင်းတာ တစ်ခုတော့ရှိတယ်။

အဲ့ဒါက ဘာလဲဆိုတော့
အရင်လို စေတနာတွေ အကူအညီတွေ
ချစ်ခြင်းမေတ္တာတွေ ယုံကြည်မှုတွေကိုတော့
ကိုယ့်ဆီက သူတို့မရနိုင်တော့ဘူးလေ ။

ယုံကြည်မှုကို တန်ဖိုးထားပါ။
တစ်ချို့အရာတွေက
ပြန်လိုချင်ရင်တောင်မှ
ပြန်ရနိုင်တဲ့ထိ စျေးမပေါဘူးလေ။
Crd

30/07/2025

ကိုယ့်အပေါ်မုန်းနေသူ
ဘယ်သူဘဲ ဖြစ်နေပါစေ
မတုံပြန်ဘဲ
ပုံမှန်စိတ်လေး ထားပြီး
ဆက်ဆံလိုက်ပါ

တစ်နေ့ သူ့လမ်း သူသွားပါလိမ့်မယ်

ကိုယ့်ရဲ့အတင်းအဖျင်း
ပြောနေသူ
ဘယ်သူဘဲ ဖြစ်နေပါစေ
လိုက်ဖြေရှင်းမနေဘဲ
ပုံမှန်စိတ်လေး ထားပြီး
နေထိုင်လိုက်ပါ

တစ်နေ့ သူ့ဗီဇ အမှန် ပေါ်လာပါလိမ့်မယ်

ကိုယ့်ရဲ့သိက္ခာကို
ထိပါးအောင်လုပ်နေသူ
ဘယ်သူဘဲ ဖြစ်နေပါစေ
ပြန်ပြီး မတိုက်ခိုက်ဘဲ
ပုံမှန်စိတ်လေး ထားပြီး
ရပ်တည်လိုက်ပါ

တစ်နေ့ အဖြေမှန် ပေါ်လာပါလိမ့်မယ်

ကိုယ့်ကိုယ် တုပ ပြိုင်ဆိုင်ပြီး
ကျရှုံးအောင် လုပ်နေသူ
ဘယ်သူဘဲ ဖြစ်နေပါစေ
ပြန်လည် မပြိုင်ဆိုင်ဘဲ
ပုံမှန်စိတ်လေး ထားပြီး
ကြိုးစား လုပ်ကိုင်ပါ

တစ်နေ့ ကိုယ့်စေတနာ
ကိုယ့်အကျိုး ပေးပါလိမ့်မယ်

ကိုယ့်ကို ထိကပါး ရိကပါး
စောင်းမြောင်း စော်ကားနေသူ
ဘယ်သူဘဲ ဖြစ်နေပါစေ
မတုံပြန်ဘဲ
ပုံမှန်စိတ်လေး ထားပြီး
ဥပေက္ခာ ပြုလိုက်ပါ

တစ်နေ့ သူ့အတ္တက သူ့ကို ဒဏ်ခတ်ပါလိမ့်မယ်

ဘယ်သူတွေ
ဘာတွေ ပြောပြော
ဘာတွေ လုပ်လုပ်
ကိုယ်အတွက်
ဘာမှ ဆုတ်ယုတ်မသွားပါဘူး

မနာလိုစိတ် ( မစ္စရိယ ) များနေတဲ့
လူတွေကိုသာ
ပတ်ဝန်းကျင်က
စက်ဆုပ်ရွံရှာကြတာ သဘာဝပါဘဲ

ဒါ့ကြောင့်
အရေးမပါတဲ့
အကြောင်းအရာတွေအတွက်
လိုက်ဖြေရှင်းရင်း
အချိန်ကုန် မခံပါနဲ့

တစ်နေ့
ဘယ်သူဘာလဲ ဆိုတာ
အချိန်က အဆုံးအဖြတ် ပေးပါလိမ့်မယ်

အဓိက
ကိုယ့်ဘက်က
#ပုံမှန်စိတ်လေး ထားတတ်ဖို့ပါဘဲ

30/07/2025

ဘဝမှာ ရပ်တည်ရှင်သန်ဖို့
ငွေက အရမ်းအရေးပါတယ်။

ဒါပေမဲ့ ငွေနဲ့ လုံးဝ
မလဲရမဲ့အရာတွေလည်း
ရှိပါသေးတယ်။

အဲဒီအရာတွေကတော့

" ကတိစကားတစ်ခွန်းကို ငွေနဲ့မလဲနဲ "

" အကျင့်စာရိတ္တကို ငွေနဲ့ မလဲနဲ့ "

" အရှက် သိက္ခာကို ငွေနဲ့ မလဲနဲ့ "

" မိတ်ဆွေကောင်းတွေကို ငွေနဲမလဲနဲ့ "

ကတိစကားတစ်ခွန်းကို ငွေနဲ့လဲမိရင်
ငွေဘယ်လောက်ရှိရှိ
ကတိမတည်သူရဲ့
နှုတ်ထွက် စကားကို
ဘယ်သူမှ လေးစားမှာမဟုတ်ဘူး။

အကျင့် စာရိတ္တကို ငွေနဲ့ လဲမိရင်
မကောင်းခဲ့တဲ့ ကိုယ့်ရဲ့အကျင့်က
တစ်သက်လုံး အရိပ်လိုမိုးပြီး
ကိုယ့်အရိပ် ကိုယ်တောင်
ရှက်ရွံ့ နေရတတ်တယ်။

အရှက် သိက္ခာကို
ငွေနဲ့ လဲမိရင် ကွဲခဲ့တဲ့အရှက်
ဘာနဲ့မှ ပြန်ဆက်ဖို့ မဖြစ်နိုင်လို့
တစ်သက်လုံး ခေါင်းငုံ့နေပေရော့ပဲ။

မိတ်ဆွေကောင်းတွေကို
ငွေနဲ့ လဲမိရင်
အခက်အခဲ ကြုံတဲ့အခါ
ဖေးမမဲ့သူ မရှိ ၊ ကူညီမဲ့သူ မရှိ ဘဝနဲ့
အထီးကျန်စွာ ဖြတ်သန်းရတတ်တယ်။

ငွေဟာ ဘဝအတွက်
အရမ်း အရေးပါပါတယ်။

ဒါပေမဲ့ ငွေနောက်လိုက်ရင်း
ကိုယ်တန်ဖိုးထားတဲ့ အရာတွေ
ဆုံးရှုံးရတာမျိုး မဖြစ်ပါစေနဲ့။

ငွေလည်း ရှာပါ။
ကိုယ်ချစ်မြတ်နိုးရတဲ့
အရာတွေကိုလည်း တန်ဖိုး ထားပါ။

( မိတ်ဆွေတို့ တန်ဖိုးထားတဲ့
ငွေနဲ့ လုံးဝမလဲနိုင်တဲ့
အရာလေးတွေ ရှိရင် ပြောပြခဲ့ကြပါဦးဗျ )

#လူငယ် #ငွေ
#စာပေ #စိတ်ခွန်အား
လေးစားစွာ Crd ပေးပါသည်။
ပြန်လည်မျှဝေခြင်းဖြစ်ပါသည်။

Hrang Bik Lian

12/08/2025

11/08/2025

08/08/2025

07/08/2025

06/08/2025

03/08/2025

02/08/2025

02/08/2025

01/08/2025

31/07/2025

30/07/2025

30/07/2025

Address

Telephone

Website

Alerts

Contact The Business

Shortcuts

Share

Category