10/10/2025
ပွင့်လင်းစွာ ပြောတတ်တဲ့အကျင့်ဟာ
မင်းသာ ချမ်းသာသူဖြစ်ရင်
စကားပြောတာ
အရမ်းထိရောက် ပြတ်သားတယ်လို့
ချီးမွမ်းခံရမယ်။
မင်းသာ ဆင်းရဲသူဆိုရင်
အပြောအဆို မတတ်တဲ့သူမျိုး
ရိုင်းစိုင်းတာလို့ ပြောခံရမယ်။
ရိုးသားစွာ နေတတ်တဲ့အကျင့်ဟာ
မင်းသာ ချမ်းသာသူဖြစ်ရင်
အထက်တန်းကျတာ
မာန်မာနကင်းတယ်လို့ ချီးမွမ်းခံရမယ်။
မင်းသာ ဆင်းရဲသူဆိုရင်
ပါးနပ်မှုမရှိပဲ နုံအတာ
လူတောမတိုးဘူးလို့ ကဲ့ရဲ့ခံရမယ်။
အပေါင်းအသင်း မိတ်ဆွေများတဲ့အကျင့်ဟာ
မင်းသာ ချမ်းသာသူဆိုရင်
လူရာဝင်ဆံ့တယ် ပေါင်းသင်းဆက်ဆံရေး
ကောင်းတယ်လို့ ချီးမွမ်းခံရမယ်။
မင်းသာ ဆင်းရဲသူဆိုရင်
အနေအထိုင် မတတ်ဘူး....
လမ်းပေါ်လေလွင့်နေတာလို့
ဝေဖန်ပြစ်တင်ခံရမယ် ။
အမှန်ကို ပြောရဲတဲ့အကျင့်ဟာ
မင်းသာ ချမ်းသာသူဆိုရင်
ကိုယ့်ကိုယ်ကို ယုံကြည်မှုအပြည့်နဲ့
ပြောတတ်တာလို့ ချီးမွမ်းခံရမယ်။
မင်းသာ ဆင်းရဲသူဆိုရင်
အခြေအနေမကြည့်ပဲ....
ပြန်ပြောတတ်တဲ့သူလို့ ကဲ့ရဲ့ခံရမယ်။
တစ်ကယ်တမ်းမှာ လူအချို့က
သူတို့ထင်မြင်ချက်အတိုင်း
အမှန်လို့ ယူဆသွားတတ်ကြတာများတယ်။
အဲ့ဒီယူဆချက်တွေကို
မင်းရင်ထဲ အရောက်ပို့ပြီး
နာကျင်ခံစားဖို့ ထိုက်တန်ရဲ့လား...?
မင်းကိုယ်တိုင် မပြောင်းလဲသရွေ့
ဘယ်သူကမှ လာပြီးပြောင်းလဲလို့မရဘူး။
မင်းကိုယ်တိုင် မနှိမ့်ချသရွေ့
မင်းဘဝ ဘယ်တော့မှ မနိမ့်ကျဘူး။
မင်းဘဝ အဆင့်အတန်း
အနိမ့် အမြင့်ဟာ
မင်းနဲ့ပဲ သက်ဆိုင်တယ်။
အပြစ်ပြောတတ်တဲ့.....
သူတစ်ချို့ရဲ့စကားတွေကို
ဥပေက္ခာပြုနိုင်မှ အောင်မြင်တဲ့ဘဝကို
မင်း ပိုင်ဆိုင်နိုင်မှာ သူငယ်ချင်း ....။
ရောင်နီလာချိန်အထိ.....
တို့တွေ အားတင်းထားနိုင်ရမယ်လေ....။
