SYS Dhama Channel

SYS Dhama Channel သတိတစ်လုံး အမြဲသုံးပါ

17/06/2025

"ပညာတတ်အောင်မလုပ်ပါနဲ့၊ ပညာရှိအောင်လုပ်ပါ"
----- ----- -----

ပညာတတ်ခြင်းနဲ့ ပညာရှိခြင်းဟာ အမှတ်တမဲ့ တူသလိုလိုနဲ့
မတူညီတဲ့ အရာတွေဖြစ်ပါတယ်။
ဒါကြောင့် ပညာတတ်ဖို့ထက် ပညာရှိဖို့ကို
ဦးစားပေးအာရုံစိုက်သင့်ပါတယ်။
ဒီအကြောင်းကို အောက်မှာ အသေးစိတ် ရှင်းပြထားပါတယ်-

👨‍🎓ပညာတတ်ခြင်းဆိုတာ ဘာလဲ

ပညာတတ်ခြင်းဆိုတာ အသိပညာတွေကို စုဆောင်းတာကို ဆိုလိုပါတယ်။ ဥပမာအနေနဲ့ -
- စာအုပ်တွေ ဖတ်တာ၊
- ကျောင်းတက်တာ၊
- သင်တန်းတွေ တက်တာ၊
ဒါတွေက ပညာတတ်ဖို့ နည်းလမ်းတွေပါ။
ဒါပေမယ့် ဒီလို အသိပညာတွေ စုဆောင်းတာက အဲဒီအသိပညာတွေကို မှန်ကန်စွာ အသုံးချနိုင်မယ်လို့ အာမခံချက် မပေးပါဘူး။
တစ်ခါတလေ ပညာတတ်တဲ့သူတွေဟာ အသိပညာ အများကြီး ရှိပေမယ့် အဲဒါကို ဘယ်လို အသုံးချရမလဲဆိုတာ မသိကြတာမျိုးလည်း ရှိနိုင်ပါတယ်။

🧠ပညာရှိဆိုတာ ဘာလဲ

ပညာရှိခြင်းဆိုတာ အသိပညာတွေကို မှန်ကန်စွာ အသုံးချနိုင်တာကို ဆိုလိုပါတယ်။
ဒါဟာ ဉာဏ်ပညာနဲ့ တိုက်ရိုက် ဆက်စပ်နေပါတယ်။ ပညာရှိတဲ့သူတစ်ယောက်ဟာ သူ့မှာ ရှိတဲ့ အသိပညာကို အသုံးချပြီး

- ပြဿနာတွေကို ဖြေရှင်းနိုင်တာ၊
- မှန်ကန်တဲ့ ဆုံးဖြတ်ချက်တွေ ချမှတ်နိုင်တာ၊
- တခြားသူတွေကို ကူညီနိုင်တာ၊

ဒီလို လုပ်နိုင်စွမ်းတွေ ရှိပါတယ်။ ဥပမာ၊ စာအုပ်ထဲက အသိပညာကို လက်တွေ့ဘဝမှာ အသုံးချပြီး ပြဿနာတစ်ခုကို ဖြေရှင်းနိုင်တဲ့သူက ပညာရှိတယ်လို့ ဆိုနိုင်ပါတယ်။

ပညာတတ်ခြင်းထက် ပညာရှိခြင်းက ဘာကြောင့် ပိုအရေးကြီးသလဲ?

ပညာတတ်ခြင်းက အသိပညာကို စုဆောင်းရုံသာဖြစ်ပြီး၊ အဲဒီအသိပညာကို ဘယ်လို အသုံးချမလဲဆိုတာကို အာမခံမပေးပါဘူး။
ဒါပေမယ့် ပညာရှိခြင်းကတော့ အသိပညာကို မှန်ကန်စွာ အသုံးချနိုင်တဲ့ အရည်အချင်းပါ။
ဒါကြောင့် ဘဝမှာ တကယ်အရေးကြီးတာက ပညာတတ်ဖို့ထက် ပညာရှိဖို့ပါ။

ဥပမာ၊ စာအုပ်ထဲမှာ စီးပွားရေးအကြောင်း အများကြီး ဖတ်ထားတဲ့သူတစ်ယောက်က လက်တွေ့မှာ စီးပွားရေး ဆုံးဖြတ်ချက် မမှန်ကန်တာမျိုး လုပ်မိနိုင်ပါတယ်။
ဒါပေမယ့် ပညာရှိတဲ့သူကတော့ သူ့မှာရှိတဲ့ အသိပညာကို အသုံးချပြီး မှန်ကန်တဲ့ ဆုံးဖြတ်ချက်တွေ ချနိုင်မှာပါ။

ဒါကြောင့် ပညာတတ်အောင် လုပ်ဖို့ထက် ပညာရှိအောင် လုပ်ဖို့က ပိုအရေးကြီးပါတယ်။

ပညာတတ်ခြင်းက အသိပညာကို စုဆောင်းရုံသာဖြစ်ပေမယ့်၊ ပညာရှိခြင်းက အဲဒီအသိပညာကို အတွေ့အကြုံနဲ့​ပေါင်းစပ်မှန်ကန်စွာ အသုံးချနိုင်တာဖြစ်လို့ ဘဝမှာ ပိုပြီး အကျိုးရှိစေပါတယ်။

ဒါကြောင့် ကိုယ့်ရဲ့ အသိပညာကို ဘယ်လို အသုံးချမလဲဆိုတာကို အာရုံစိုက်ပြီး ပညာရှိတဲ့သူ ဖြစ်အောင် ကြိုးစားသင့်ပါတယ်။

"စေတနာ ဟံ ဘိက္ခဝေ ကမ္မံ ဝဒါမိ" တဲ့ဒါကြောင့် ကံကောင်းချင်လျှင်စိတ်ကောင်းစေတနာလေးပဲထားပါကံကောင်းလာပါလိမ့်မယ်💖💖
17/06/2025

"စေတနာ ဟံ ဘိက္ခဝေ ကမ္မံ ဝဒါမိ" တဲ့
ဒါကြောင့် ကံကောင်းချင်လျှင်
စိတ်ကောင်းစေတနာလေးပဲထားပါ
ကံကောင်းလာပါလိမ့်မယ်💖💖

"တန်ဆောင်မုန်းလပြည့် သာမညဖလအခါတော်နေ့အကြောင်း တင်ပေးဖို့ အချိန်အခါကျပါပြီ"ဘုရားရှင်သည် အဇာတသတ်မင်းအား တန်ဆောင်မုန်းလပြည့...
15/11/2024

"တန်ဆောင်မုန်းလပြည့် သာမညဖလအခါတော်
နေ့အကြောင်း တင်ပေးဖို့ အချိန်အခါကျပါပြီ"

ဘုရားရှင်သည် အဇာတသတ်မင်းအား
တန်ဆောင်မုန်းလပြည့်နေ့တွင် သာမညဖလ
သုတ္တန်တရားကို ဟောကြားတော်မူသောကြောင့်တန်ဆောင်မုန်းလပြည့်နေ့ကို
“သာမညဖလအခါတော်နေ့”အဖြစ် သတ်မှတ်ကျင်းပခဲ့ကြလေသည်။

သာမညဖလ” ၏ အဓိပ္ပာယ်မှာ
ရဟန်းပြုရခြင်း၏အကျိုး ဟု အဓိပ္ပာယ်ရသည်။
ရဟန်းပြုခြင်း၏အကျိုးကို ဟောကြားသောနေ့
ဖြစ်ခြင်းကြောင့် တန်ဆောင်မုန်းလပြည့်နေ့ကို
“သံဃာတော်များနေ့”ဟု ခေါ်ဆိုလျှင်လည်း
ရနိုင်သည်။

(၁) သာမညဖလဆိုသည်မှာ ရဟန်းပြုရခြင်း၏အကျိုးဟု အဓိပ္ပါယ်ရပါသည်။

(၂) ရဟန်းပြုရခြင်း၏ အကျိုးကို ဟောကြား
သောနေ့ဖြစ်၍ တန်ဆောင်မုန်းလပြည့်နေ့ကို
“သံဃာတော်များနေ့”ဟု ခေါ်ဆိုနိုင်ပါသည်။

(၃) သာမညဖလသုတ်သည် ဒီဃနိကာယ်
သီလက္ခန္ဓဝဂ္ဂ ပါဠိတော်၌ လာရှိပါသည်။

(၄) သာမညဖလသုတ်သည် ရဟန်းသံဃာတော်
များအဖို့ ကြေးမုံမှန်ချပ်ကြီးသဖွယ် ဖြစ်၍
ကိုယ်ကျင့်သီလ ရှိသည် မရှိသည်ကို
ဤသုတ်ဖြင့်ထင်ဟပ်စေနိုင်ပါသည်။

(၅) သာမညဖလသုတ်သည် လူဒါယကာများ
အဖို့ ပြဒါးချိန်ကြီး သဖွယ်ဖြစ်၍ မိမိတို့ ကိုးကွယ်
နေသော ဆရာသမားများ၏ ကျင့်ကြံမှု
ဟုတ်မဟုတ် မှန်မမှန်ကို
ဤသုတ္တန်ဖြင့် ချိန်ကိုက်ကြည့်နိုင်ပါသည်။

(၆) အဇာတသတ်မင်းသားသည် ဒေဝဒတ်ကို ဆရာတင်မိ၍ အပေါင်းမှားပြီး ဖခင်ဖြစ်သူ
ဗိမ္ဗိသာရမင်းကြီးကို သတ်မိသောကြောင့်
အိပ်မပျော်သောရောဂါ စွဲကပ်ခဲ့ပါသည်။

(၇) ယင်းဝေဒနာကို ကုစားရင်း
အမတ်များ၏အကြံပြုချက်အရ တိတ္ထိဆရာကြီး
၆-ယောက်ထံသွားရောက်ပြီး ရဟန်းပြုခြင်း၏အကျိုး(သာမညဖလ)ကို စုံစမ်း
မေးမြန်းရာ ကျေနပ်သောအဖြေကို မရရှိခဲ့ပါ။

(၈) နောက်ဆုံး သမားတော်ကြီးဇီဝက၏
အကြံပြုချက်အရ ရာဇဂြိဟ်မြို့အနီး
ဆရာဇီဝက လှူထားသော သရက်ဥယျာဉ်တော
၌ သီတင်းသုံးလျက်ရှိသော မြတ်စွာဘုရားထံသို့
သွားရောက်ပြီး၊လျှောက်ထားသောအခါမှ
သူသိလိုသော ရဟန်းပြုခြင်း၏အကျိုး
(သာမညဖလ)ကို သိရှိရပါတော့သည်။

(၉) အဇာတသတ်မင်းသည် သာမညဖလသုတ်တရားတော်ကို ကြားနာရသည့်အချိန်မှ စ၍
ဗုဒ္ဓသာသနာတော်ကို သက်ဝင်ယုံကြည်လာပြီး
ပုထုဇဉ်များထဲမှ ရတနာသုံးပါးကို
အကြည်ညိုဆုံးပုဂ္ဂိုလ်တစ်ဦး ဖြစ်လာပါသည်။

(၁၀) အဇာတသတ်မင်းသည် သာမညဖလသုတ်တရားတော်ကို ကြားနာရ၍ သူ၏အပြစ်ကို
ကုစားခဲ့သောကြောင့် အပြစ်ကြီးလေးသော
မဟာအဝီစိငရဲတွင် မကျတော့ဘဲ အပြစ်ဒဏ်ပေါ့သော ဘေဘလဟ ကုမ္ဘီငရဲ၌သာ
ကျရောက်ပြီး နောင်သောအခါ “ဝိဇိတာဝီ”
မည်သော ပစ္စေကဗုဒ္ဓါဖြစ်၍ ကျွတ်တမ်းဝင်ရ
ပါလိမ့်မည်။

(၁၁) အဇာတသတ်မင်းတရားသည်
ပထမသင်္ဂါယနာတင် ဒါယကာအဖြစ်
ခံယူခဲ့ခြင်း၊မြတ်စွာဘုရား၏ ဓာတ်တော်များကို
စုဆောင်းသိမ်းဆည်း၍ ဓာတ်တော်တိုက်ကြီး
တည်ထားခဲ့ခြင်း၊ဗုဒ္ဓသာသနာနှစ်ကို အတိအကျသတ်မှတ်ခဲ့ခြင်း၊သာသနာပြုလုပ်ငန်းကြီး
သုံးရပ်ကို လုပ်ဆောင်သွားခဲ့သည်မှာ ဗုဒ္ဓဘာသာ
ဝင်များအတွက် ကျေးဇူးကြီးလှပါပေသည်။

(၁၂) ပိဋကတ်တော်များကို မပျက်စီးရအောင်သင်္ဂါယနာအဆက်ဆက်တင်၍ ယနေ့တိုင်အောင်ထိန်းသိမ်းထားနိုင်ခြင်းမှာ အဇာတသတ်မင်း၏ ကျေးဇူးဟု ဆိုထိုက်ပါပေသည်။

(၁၃) အဇာတသတ်မင်း စုဆောင်းထားသောဓာတ်တော်များကို ရှာဖွေ၍ သီရိဓမ္မာသောက မင်းကြီးက စေတီပေါင်းရှစ်သောင်းလေးထောင်တည်ထား၍ သာသနာပြုခဲ့သောကြောင့်
နှောင်းခေတ်ဗုဒ္ဓ ဘာသာဝင်တို့ ဖူးမြော်ခွင့်
ရရှိနေကြခြင်းဖြစ်ပါသည်။

(၁၄) ဗုဒ္ဓဘာသာဝင်တို့ သာသနာနှစ်ကို
အတိအကျ သုံးစွဲခွင့်ရရှိနေသည်မှာ
အဇာတသတ်မင်း၏ကျေးဇူး၊သာမညဖလသုတ်
၏ အကျိုးဆက်ဟု ဆိုထိုက်ပါသည်။

🙏အဂ္ဂမဟာပဏ္ဍိတ၊အဂ္ဂမဟာသဒ္ဓမ္မဇောတိက
ဓဇ၊မဟာသဒ္ဓမ္မဇောတိကဓဇ ဘဒ္ဒန္တပညာသာမိ
(မာဂဓီ-သာစည်)ဆရာတော်ဘုရားကြီး၏
ဗုဒ္ဓစာပေ “အခါတော်နေ့များမှ (နှာ_၁၇၅)
ကောက်နှုတ်ရေးသား ပူဇော်ပါသည် 🙏

🙏 သဗဗှဒါနံ ဓမမှဒါနံ ဇိနာတိ 🙏

Address

Kuala Lumpur
HELLO

Website

Alerts

Be the first to know and let us send you an email when SYS Dhama Channel posts news and promotions. Your email address will not be used for any other purpose, and you can unsubscribe at any time.

Shortcuts

Share

Category