https://www.facebook.com/928845956984261/

Burma Voice Media, Kuala Lumpur (2026)

29/05/2026

၂၀၂၆ ကမ္ဘာ့ဖလားပြိုင်ပွဲ - အုပ်စုအဆင့် ပွဲစဉ်အချိန်ဇယား

ဇွန်လ ၁၂ ရက်နေ့မှာ စတင်မယ့် ၂၀၂၆ ကမ္ဘာ့ဖလားပြိုင်ပွဲ အုပ်စုတခုချင်းစီရဲ့ ပွဲရက်နဲ့ အချိန်တွေကို မြန်မာစံတော်ချိန်ဖြင့် ဖော်ပြပေးလိုက်ပါတယ်။

■ အုပ်စု A

ဇွန် ၁၂၊ ၁:၃၀ မက္ကဆီကို 🆚 တောင်အာဖရိက
ဇွန် ၁၂၊ ၈:၃၀ တောင်ကိုရီးယား 🆚 ချက်သမ္မတနိုင်ငံ
ဇွန် ၁၈၊ ၂၂:၃၀ ချက်သမ္မတနိုင်ငံ 🆚 တောင်အာဖရိက
ဇွန် ၁၉၊ ၇:၃၀ မက္ကဆီကို 🆚 တောင်ကိုရီးယား
ဇွန် ၂၅၊ ၇:၃၀ ချက်သမ္မတနိုင်ငံ 🆚 မက္ကဆီကို
ဇွန် ၂၅၊ ၇:၃၀ တောင်အာဖရိက 🆚 တောင်ကိုရီးယား

■ အုပ်စု B
ဇွန် ၁၃၊ ၁:၃၀ ကနေဒါ 🆚 ဘော့စနီးယား
ဇွန် ၁၄၊ ၁:၃၀ ကာတာ 🆚 ဆွစ်ဇာလန်
ဇွန် ၁၉၊ ၁:၃၀ ဆွစ်ဇာလန် 🆚 ဘော့စနီးယား
ဇွန် ၁၉၊ ၄:၃၀ ကနေဒါ 🆚 ကာတာ
ဇွန် ၂၅၊ ၁:၃၀ ဘော့စနီးယား 🆚 ကာတာ
ဇွန် ၂၅၊ ၁:၃၀ ဆွစ်ဇာလန် 🆚 ကနေဒါ

■ အုပ်စု C
ဇွန် ၁၄၊ ၄:၃၀ ဘရာဇီး 🆚 မော်ရိုကို
ဇွန် ၁၄၊ ၇:၃၀ ဟေတီ 🆚 စကော့တလန်
ဇွန် ၂၀၊ ၄:၃၀ စကော့တလန် 🆚 မော်ရိုကို
ဇွန် ၂၀၊ ၇:၃၀ ဘရာဇီး 🆚 ဟေတီ
ဇွန် ၂၅၊ ၄:၃၀ မော်ရိုကို 🆚 ဟေတီ
ဇွန် ၂၅၊ ၄:၃၀ စကော့တလန် 🆚 ဘရာဇီး

■ အုပ်စု D
ဇွန် ၁၃၊ ၇:၃၀ အမေရိကန် 🆚 ပါရာဂွေး
ဇွန် ၁၄၊ ၁၀:၃၀ သြစတြေးလျ 🆚 တူရကီ
ဇွန် ၂၀၊ ၁:၃၀ အမေရိကန် 🆚 သြစတြေးလျ
ဇွန် ၂၀၊ ၉:၃၀ တူရကီ 🆚 ပါရာဂွေး
ဇွန် ၂၆၊ ၈:၃၀ ပါရာဂွေး 🆚 သြစတြေးလျ
ဇွန် ၂၆၊ ၈:၃၀ တူရကီ 🆚 အမေရိကန်

■ အုပ်စု E
ဇွန် ၁၄၊ ၂၃:၃၀ ဂျာမနီ 🆚 ကျူရာဆောင်း
ဇွန် ၁၅၊ ၅:၃၀ အိုင်ဗရီကို့စ် 🆚 အီကွေဒေါ
ဇွန် ၂၁၊ ၂:၃၀ ဂျာမနီ 🆚 အိုင်ဗရီကို့စ်
ဇွန် ၂၁၊ ၆:၃၀ အီကွေဒေါ 🆚 ကျူရာဆောင်း
ဇွန် ၂၆၊ ၂:၃၀ ကျူရာဆောင်း 🆚 အိုင်ဗရီကို့စ်
ဇွန် ၂၆၊ ၂:၃၀ အီကွေဒေါ 🆚 ဂျာမနီ

■ အုပ်စု F
ဇွန် ၁၅၊ ၂:၃၀ နယ်သာလန် 🆚 ဂျပန်
ဇွန် ၁၅၊ ၈:၃၀ ဆွီဒင် 🆚 တူနီးရှား
ဇွန် ၂၀၊ ၂၃:၃၀ နယ်သာလန် 🆚 ဆွီဒင်
ဇွန် ၂၁၊ ၁၀:၃၀ တူနီးရှား 🆚 ဂျပန်
ဇွန် ၂၆၊ ၅:၃၀ ဂျပန် 🆚 ဆွီဒင်
ဇွန် ၂၆၊ ၅:၃၀ တူနီးရှား 🆚 နယ်သာလန်

■ အုပ်စု G
ဇွန် ၁၆၊ ၁:၃၀ ဘယ်လ်ဂျီယံ 🆚 အီဂျစ်
ဇွန် ၁၆၊ ၇:၃၀ အီရန် 🆚 နယူးဇီလန်
ဇွန် ၂၂၊ ၁:၃၀ ဘယ်လ်ဂျီယံ 🆚 အီရန်
ဇွန် ၂၂၊ ၇:၃၀ နယူးဇီလန် 🆚 အီဂျစ်
ဇွန် ၂၇၊ ၉:၃၀ အီဂျစ် 🆚 အီရန်
ဇွန် ၂၇၊ ၉:၃၀ နယူးဇီလန် 🆚 ဘယ်လ်ဂျီယံ

■ အုပ်စု H
ဇွန် ၁၅၊ ၂၂:၃၀ စပိန် 🆚 ကိပ်ဗာဒီ
ဇွန် ၁၆၊ ၄:၃၀ ဆော်ဒီအာရေဗျ 🆚 ဥရုဂွေး
ဇွန် ၂၁၊ ၂၂:၃၀ စပိန် 🆚 ဆော်ဒီအာရေဗျ
ဇွန် ၂၂၊ ၄:၃၀ ဥရုဂွေး 🆚 ကိပ်ဗာဒီ
ဇွန် ၂၇၊ ၆:၃၀ ကိပ်ဗာဒီ 🆚 ဆော်ဒီအာရေဗျ
ဇွန် ၂၇၊ ၆:၃၀ ဥရုဂွေး 🆚 စပိန်

■ အုပ်စု I
ဇွန် ၁၇၊ ၁:၃၀ ပြင်သစ် 🆚 ဆီနီဂေါ
ဇွန် ၁၇၊ ၄:၃၀ အီရတ် 🆚 နော်ဝေ
ဇွန် ၂၃၊ ၃:၃၀ ပြင်သစ် 🆚 အီရတ်
ဇွန် ၂၃၊ ၆:၃၀ နော်ဝေ 🆚 ဆီနီဂေါ
ဇွန် ၂၇၊ ၁:၃၀ နော်ဝေ 🆚 ပြင်သစ်
ဇွန် ၂၇၊ ၁:၃၀ ဆီနီဂေါ 🆚 အီရတ်

■ အုပ်စု J
ဇွန် ၁၇၊ ၇:၃၀ အာဂျင်တီးနား 🆚 အယ်လ်ဂျီးရီးယား
ဇွန် ၁၇၊ ၁၀:၃၀ သြစတြီးယား 🆚 ဂျော်ဒန်
ဇွန် ၂၂၊ ၂၃:၃၀ အာဂျင်တီးနား 🆚 သြစတြီးယား
ဇွန် ၂၃၊ ၉:၃၀ ဂျော်ဒန် 🆚 အယ်လ်ဂျီးရီးယား
ဇွန် ၂၈၊ ၈:၃၀ အယ်လ်ဂျီးရီးယား 🆚 သြစတြီးယား
ဇွန် ၂၈၊ ၈:၃ ဂျော်ဒန် 🆚 အာဂျင်တီးနား

■ အုပ်စု K
ဇွန် ၁၇၊ ၂၃:၃၀ ပေါ်တူဂီ 🆚 ကွန်ဂို
ဇွန် ၁၈၊ ၈:၃၀ ဥဇဘက်ကစ္စတန် 🆚 ကိုလံဘီယာ
ဇွန် ၂၃၊ ၂၃:၃၀ ပေါ်တူဂီ 🆚 ဥဇဘက်ကစ္စတန်
ဇွန် ၂၄၊ ၈:၃၀ ကိုလံဘီယာ 🆚 ကွန်ဂို
ဇွန် ၂၈၊ ၆:၀၀ ကိုလံဘီယာ 🆚 ပေါ်တူဂီ
ဇွန် ၂၈၊ ၆:၀၀ ကွန်ဂို 🆚 ဥဇဘက်ကစ္စတန်

■ အုပ်စု L
ဇွန် ၁၈၊ ၂:၃၀ အင်္ဂလန် 🆚 ခရိုအေးရှား
ဇွန် ၁၈၊ ၅:၃၀ ဂါနာ 🆚 ပနားမား
ဇွန် ၂၄၊ ၂:၃၀ အင်္ဂလန် 🆚 ဂါနာ
ဇွန် ၂၄၊ ၅:၃၀ ပနားမား 🆚 ခရိုအေးရှား
ဇွန် ၂၈၊ ၃:၃၀ ခရိုအေးရှား 🆚 ဂါနာ
ဇွန် ၂၈၊ ၃:၃၀ ပနားမား 🆚 အင်္ဂလန်

#ကမ္ဘာ့ဖလား
#ပွဲစဉ်အချိန်ဇယား

11/05/2026

ထိုင်းဝန်ကြီးချုပ်တုန်လှုပ်သွားတဲ့မြန်မာတစ်ဦးပိုင် ဘတ်သန်း ၅၀ တန် မှောင်ခိုကုန်စည်ဂိုဒေါင်

မေ - ၁၁ ၊၂၀၂၆

မြန်မာတစ်ဦးပိုင်ဆိုင်ပြီးတရားမဝင်တင်သွင်းထားတဲ့အီလက်ထရောနစ် ပစ္စည်းတွေအများအပြားသိုလှောင်ထားရာကုန်လှောင်ရုံတစ်ခုကို ဝန်ကြီး ချုပ်အနူတင်ချန်ဝီယာကူကိုယ်တိုင်သွားရောက်စစ်ဆေးခဲ့ကြောင်းထိုင်းမီဒီယာတွေက ဖော်ပြခဲ့ပါတယ်။

ဝန်ကြီးချုပ်ဟာဖူးခက်ခရီးစဉ်ကနေမူလသတ်မှတ်ထားတာထက်အချိန်စောပြန်လာခဲ့ပြီးဘတ်သန်း ၅၀ ဖိုးလောက်တရားမဝင်မှောင်ခိုတင်သွင်းလာတဲ့ပစ္စည်းတွေသိုလှောင်ထားတဲ့အဆောက်အအုံကိုမေလ ၁၀ ရက်နေ့မှာသွားရောက်စစ်ဆေးခဲ့ကြောင်းသိရပါတယ်။

ဝန်ကြီးချုပ်ဟာများပြားလှတဲ့အီလက်ထရောနစ်ပစ္စည်းတွေ၊စက်ရုံနဲ့ ဟိုတယ်သုံးမီးစက်ကြီးတွေ၊အဲကွန်းတွေနဲ့ တခြားပစ္စည်းတွေကိုတွေ့မြင်ရချိန်မှာအတော်လေး စိတ်မချမ်းမသာနဲ့ တုန်လှုပ်သွားခဲ့တယ်လို့ ဝန်ကြီး ချုပ်ရုံး Facebook စာမျက်နှာမှာ ထုတ်ပြန်ထားခဲ့ပါတယ်။

ရနောင်းပြည်နယ်ထဲကမူအန်းခရိုင်ထဲမှာတည်ရှိတဲ့တရားဝင်မှတ်ပုံတင်မထားတဲ့ကုန်လှောင်ရုံမှာအခွန်ရှောင်ပြီးတင်သွင်းလာတဲ့အီလက်ထရောနစ် ပစ္စည်း အများအပြားကို ရှာတွေ့ခဲ့တာ ဖြစ်ပါတယ်။

ထိုင်းအစိုးရကဒီရှာဖွေတွေ့ရှိမှုဟာနိုင်ငံအတွက်ကြုံတွေ့လာတဲ့ ခြိမ်း ခြောက်မှုပုံစံသစ်တစ်ခုလို့လည်း ဖော်ပြခဲ့ပါတယ်။

ကုန်လှောင်ရုံထဲမှာ သိုလှောင်ထားတဲ့ ပစ္စည်းတွေဟာ မြန်မာနိုင်ငံသား တစ်ဦး ပိုင်ဆိုင်တာလို့ ထိုင်းအာဏာပိုင်တွေက ပြောပါတယ်။

လောလောဆယ်မှာတော့ အဲဒီ ကုန်ပစ္စည်းတွေကို ထိုင်းရဲတပ်ဖွဲ့နဲ့ တပ်ထိန်းရဲတွေက သိမ်းယူထားပြီး နောက်ဆက်တွဲ စုံစမ်းစစ်ဆေးမှုတွေ လုပ် ဆောင်နေပါတယ်။

ရနောင်းအကောက်ခွန်အရာရှိတွေကအဲဒီလောက် များပြားတဲ့ ပစ္စည်းတွေကို တစ်ယောက်ယောက်က မှောင်ခို တင်သွင်းထားတာ ဖြစ်တဲ့အကြောင်း ပြောပြခဲ့တဲ့ အချိန်မှာ သူအတော်ကြီး တုန်လှုပ်သွားခဲ့မိတယ်လို့ အနူတင်က ဆိုပါတယ်။

ထိုင်းမှာရက်ပေါင်း ၃၀ လောက်ခဏတာထားရှိပြီးတခြားတစ်နိုင်ငံကို ရွှေ့ပြောင်းသယ်ယူမယ်လို့ကြေညာထားတဲ့ကုန်ပစ္စည်းတွေက တကယ် တမ်းထွက်ခွာမသွားဘဲအခုလိုကျန်နေခဲ့တာ ဖြစ်တယ်လို့လည်း အနူတင်က ပြောပါတယ်။

အာဏာပိုင်တွေဟာ အခု ကုန်ပစ္စည်းတွေအတွက် အခွန်ဆောင်ထားကြောင်း သက်ဆိုင်သူတွေက မှန်ကန်တဲ့ စာရွက်စာတမ်းတွေ တင်ပြလာမလား ဆိုတာကိုလည်း စောင့်ဆိုင်းနေဆဲလို့ ဆိုပါတယ်။ ထိုင်းဥပဒေတွေအရ ထိုင်းနိုင်ငံမှာ ခရီးတစ်ထောက်နားပြီး တခြားကို တင်ပို့ရမယ့် ကုန်စည်တွေကို ရက်ပေါင်း ၃၀ သာ ကန့်သတ် ခွင့်ပြုထားပါတယ်။

အခုဖြစ်စဉ်နဲ့ ပတ်သက်ပြီး ဘယ်သူတစ်ဦးတစ်ယောက်ကိုမှ ဖမ်းဆီးထားတာမျိုးတော့ မရှိသေးပါဘူး။ သိမ်းဆည်းရမိတဲ့ ကုန်စည်တွေထဲမှာ နေ့စဉ်သုံး အီလက်ထရောနစ် ပစ္စည်းတွေ၊ အဲကွန်း အလုံးရေ ၂,၀၀၀ ဝန်းကျင်၊ ရေပန့်တွေနဲ့ ပစ္စည်းမျိုးစုံ ပါဝင်တယ်လို့လည်း သိရပါတယ်။

အာဏာပိုင်တွေက ကုန်လှောင်ရုံကို စီးနင်းတဲ့အချိန်မှာ အမည်မသိ ဖုန်းခေါ်ဆိုမှု တစ်ခုကို လက်ခံရရှိခဲ့ပြီး အဲဒီနေရာကနေ ချက်ချင်းထွက်ခွာဖို့ သတိပေးတာကို ကြုံခဲ့ရကြောင်း အနူတင်က ပြောပါတယ်။

ဖုန်းခေါ်ဆိုသူကသူဟာရဲတပ်ဖွဲ့ ထိပ်ပိုင်းအရာရှိတွေနဲ့ ရင်းနှီးကြောင်း၊ ပြဿနာမတက်ချင်ရင် ကုန်လှောင်ရုံကနေ အမြန်ဆုံး ထွက်သွားကြဖို့လိုကြောင်း ခြိမ်းခြောက်ခဲ့တယ်လို့လည်း ဆိုပါတယ်။

ဒါပေမဲ့ဒီလို ခြိမ်းခြောက်မှုမျိုးကိုလက်မခံဘဲလုပ်သင့်တာကို တာဝန်ကျေအောင် လုပ်ဆောင်ခဲ့တဲ့ အမှုထမ်းကောင်းတွေအတွက် ဂုဏ်ယူသလို ကျေးဇူးလည်း တင်မိကြောင်း ဝန်ကြီးချုပ်က ပြောကြားသွားပါတယ်။

ကိုးကား - Bangkok Post ၊ ရုပ်သံ

#ထိုင်းနိုင်ငံ
#တရားမဝင်ဂိုဒေါင်
#မြန်မာတဦးပိုင်

11/05/2026

သက်ဆင် ထောင်က ပြန်လွတ်လာ

ထိုင်းဝန်ကြီးချုပ် သက်ဆင် ရှီနာဝတ်ထ်ဟာ ထောင်ဒဏ် ကျခံနေရာကနေ ပြန်လည် လွတ်မြောက်လာပြီ ဖြစ်ပါတယ်။

သူဟာ စုစုပေါင်း ကျခံရတဲ့ ထောင်ဒဏ် တစ်နှစ်ထဲက သုံးပုံတစ်ပုံကို လွတ်ငြိမ်းချမ်းသာခွင့်နဲ့ လျှော့ပေါ့ခံစားခွင့် ရခဲ့တဲ့နောက် ထောင်ဒဏ် ၈ လပြည့်ချိန် မေလ ၁၁ ရက်နေ့မှာ ပြန်လွတ်လာတာ ဖြစ်ပါတယ်။

ဒါပေမဲ့ အသက် ၇၆ နှစ်အရွယ် သက်ဆင်ဟာ ပြစ်ဒဏ်ကာလထဲ အကျုံးဝင်တဲ့ နောက်ထပ် ၄ လတာအတွင်း သူဘယ်နေရာမှာ ရှိနေသလဲ ဆိုတာကို ညွှန်ပြတဲ့ အီလက်ထရောနစ် ခြေရာခံ ကိရိယာကိုတော့ ဆက်ပြီး ဝတ်ဆင်ထားရမယ်လို့ ဆိုပါတယ်။ အစောပိုင်းတုန်းကတော့ သက်ဆင်ရဲ့ အသက်အရွယ်ကြောင့် အဲဒီ ကိရိယာကို ဝတ်ထားစရာ မလိုဘဲ ကင်းလွတ်ခွင့် ပေးမယ်လို့ သတင်းတချို့ ထွက်ပေါ်ခဲ့ပေမယ့် နောက်ဆုံး စည်းမျဉ်းအရတော့ ဆက်ပြီး ဝတ်ထားဖို့ လိုအပ်လိမ့်မယ်လို့ သိရပါတယ်။

ပြည်ပမှာ ဆယ်စုနှစ်တစ်ခုကျော်ကြာ တိမ်းရှောင်နေခဲ့တဲ့ သက်ဆင်ဟာ ၂၀၂၃ ခုနှစ်မှာ ထိုင်းနိုင်ငံကို ပြန်လာခဲ့ပြီး သူ့ရဲ့ မျက်ကွယ်မှာ ချမှတ်ထားတဲ့ အဂတိမှု၊ အာဏာ အလွဲသုံးစားမှုလို ပြစ်ဒဏ်တွေအတွက် ထောင်ဒဏ် ၈ နှစ် စီရင်ချက်ကို လက်ခံခဲ့ပါတယ်။ ဒါပေမဲ့ ထိုင်းဘုရင်ရဲ့ အမိန့်အရ သူ့ရဲ့ ပြစ်ဒဏ်ကို ၁ နှစ်အထိ လျှော့ချပေးခဲ့ပါတယ်။

သက်ဆင်ဟာ အကျဉ်းထောင်ထဲမှာ ၁ ရက်ပြည့်အောင် မနေခဲ့ဘဲ ကျန်းမာရေး အခြေအနေကို အကြောင်းပြပြီး ၆ လလုံးလုံး ဆေးရုံတက်နေခဲ့ပါတယ်။ ဆေးရုံရဲ့ VIPခန်းမှာ ၆ လ ကြာမြင့်ပြီးတဲ့နောက် အထူး လွတ်ငြိမ်းချမ်းသာခွင့်နဲ့ သက်ဆင်က ပြန်လွတ်လာခဲ့ပါတယ်။

ဒါပေမဲ့ အဲဒီဖြစ်ရပ်အပေါ် ဝေဖန်မှုတွေ မြင့်တက်လာခဲ့တဲ့နောက် တရားရုံးမှာ ပြန်လည်စစ်ဆေးခဲ့ပြီး သက်ဆင် ဆေးရုံတက်နေခဲ့တဲ့ ကာလကို ထောင်ဒဏ်အဖြစ် သတ်မှတ်လို့ မရကြောင်း ဆုံးဖြတ်ခဲ့ပါတယ်။ ဒါကြောင့် မနှစ်က စက်တင်ဘာလမှာ သက်ဆင်ဟာ မူလ ပြစ်ဒဏ်အတိုင်း ထောင် ၁ နှစ် စီရင်ချမှတ် ခံခဲ့ရတာ ဖြစ်ပါတယ်။

သူဟာ ဘန်ကောက်မှာရှိတဲ့ ခလွန်ပရမ် ထောင်ထဲမှာ ၈ လကြာ ဖြတ်သန်းအချိန်ကုန်ခဲ့ပြီး မေလ ၁၁ ရက်နေ့ မနက်ပိုင်းမှာ လွတ်မြောက်လာခဲ့ပါတယ်။ သက်ဆင်ဟာ ထောင်ရှေ့မှာ လာစောင့်ကြိုနေတဲ့ မိသားစုဝင်တွေနဲ့ ပွေ့ဖက်နှုတ်ဆက်နေခဲ့ပြီး သူ့ကို အားပေးထောက်ခံတဲ့ ရှပ်နီ အင်အားစုဝင် ရာဂဏန်းလောက်ကလည်း စုဝေး ကြိုဆိုခဲ့ကြပါတယ်။ တချို့က သက်ဆင်ကို ချစ်တယ်လို့ အော်ဟစ်နေခဲ့ကြပါတယ်။

သက်ဆင် လွတ်မယ့်နေ့မှာ ခွင့်ယူပြီး လာကြိုတဲ့ အသက် ၇၀ အရွယ် ဂျန်သာနာ ချိုင်ဒက်ဂျ်ဆိုတဲ့ စားသောက်ဆိုင် စားဖိုမှူးက သက်ဆင်ဟာ နိုင်ငံရေး လောကကို ကျောခိုင်းသွားမယ်လို့ သူတော့ မထင်ဘူးလို့ ပြောပါတယ်။

သက်ဆင်ဟာ ထောက်ခံသူတွေကို ပြုံးပြပြီး လက်ဝှေ့ယမ်း ကားတစ်စီးနဲ့ ထွက်ခွာသွားပါတယ်။ သူဟာ ထောင်ရှေ့မှာ စောင့်နေခဲ့တဲ့ သတင်းထောက်တွေရဲ့ မေးခွန်းတွေကို မဖြေခဲ့ပါဘူး။

သက်ဆင်ဟာ ၂၁ ရာစုအတွင်း ထိုင်းနိုင်ငံရေး လောကမှာ ပုံရိပ်အကြီးမားဆုံး နိုင်ငံရေးသမား တစ်ဦးအဖြစ် ရပ်တည်ခဲ့ပါတယ်။ သူဦးဆောင်တဲ့ ဖျူထိုင်းပါတီဟာ လက်ရှိမှာ ဝန်ကြီးချုပ် အနူတင် ချန်ဝီယာကူရဲ့ ဖုန်ချိုင်ထိုင်းပါတီ ဦးဆောင်တဲ့ ညွန့်ပေါင်းအစိုးရထဲမှာ ပါဝင်နေပါတယ်။

ကိုးကား: AFP
ဓာတ်ပုံ - Reuters

#သက်ဆင်
#ထိုင်းနိုင်ငံရေး
#ထောင်မှလွတ်မြောက်ခြင်း
#ရှပ်နီ
#ဖျူထိုင်းပါတီ
#နိုင်ငံတကာသတင်း
#ထိုင်းသတင်း

05/05/2026

ဟောမုဇ်မှာ အီရန်နဲ့ အမေရိကန်ကြား အပြန်အလှန် ပစ်ခတ်မှုတွေ ဖြစ်ခဲ့ပြီး အခြေအနေ တင်းမာနေ

ဟောမုဇ် ရေလက်ကြားမှာ အမေရိကန်နဲ့ အီရန်တို့ကြား အပြန်အလှန် ပစ်ခတ်မှုတွေ ဖြစ်ခဲ့ပြီး အခြေအနေတွေ တကျော့ပြန် တင်းမာလာနေကြောင်း သိရပါတယ်။

အီရန်က ဟောမုဇ် ရေလက်ကြားကို ပိတ်ဆို့ထားမှုကြောင့် အနီးတဝိုက် ရေပြင်မှာ ပိတ်မိနေတဲ့ အရပ်ဖက် သင်္ဘောတွေကို အမေရိကန် ရေတပ်က ခြံရံစောင့်ရှောက်ပေးပြီး ရွှေ့ပြောင်းနိုင်ဖို့ စီစဉ်လာတဲ့နောက် အခုလို အခြေအနေတွေ ဖြစ်လာတာပါ။

အီရန်နဲ့ အမေရိကန်တို့ဟာ လက်ရှိမှာ အပစ်အခတ် ရပ်စဲထားပေမယ့် ငြိမ်းချမ်းရေး ဆွေးနွေးမှုတွေကတော့ တိုးတက်မှု နှေးကွေးနေဆဲ ဖြစ်ပါတယ်။ မေလ ၄ ရက်နေ့မှာတော့ အမေရိကန် သမ္မတ ဒေါ်နယ်လ်ထရမ့်က အမေရိကန် ရေတပ်ဟာ ဟောမုဇ် ရေလက်ကြားထဲမှာ အီရန်ရဲ့ အမြန်တိုက်ရေယာဉ်ငယ် ၇ စီးကို ပစ်ခတ်ခဲ့တယ်လို့ ကြေညာခဲ့ပါတယ်။

အဲဒီနေ့က အာရပ်စော်ဘွားများ ပြည်ထောင်စု (ယူအေအီး)နဲ့ တောင်ကိုရီးယား နိုင်ငံတွေရဲ့ ရေယာဉ်တွေဟာ ဟောမုဇ်မှာ အီရန်ရဲ့ တိုက်ခိုက်ခြင်းကို ခံခဲ့ရကြောင်း နှစ်နိုင်ငံစလုံးက အတည်ပြုခဲ့ပါတယ်။ ဒါ့အပြင် အီရန် တိုက်ခိုက်မှုကြောင့် ဖူဂျိုင်ရာမြို့က ရေနံအတင်အချ ဆိပ်ကမ်းတစ်ခုမှာလည်း မီးလောင်မှု ဖြစ်ခဲ့သေးတယ်လို့ ယူအေအီးက ထုတ်ပြန်ခဲ့ပါတယ်။

ရေကြောင်း သယ်ယူပို့ဆောင်ရေး ကုမ္ပဏီ Maerskကတော့ အမေရိကန်အလံ လွှင့်ထူထားတဲ့ ရေယာဉ်တစ်စီးဟာ ရေတပ်ရဲ့ ခြံရံစောင့်ရှောက်မှုနဲ့အတူ ဟောမုဇ် ရေလက်ကြားကနေ အောင်အောင်မြင်မြင် ထွက်ခွာနိုင်ခဲ့တယ်လို့ ပြောကြားခဲ့ပါတယ်။ ထရမ့်က ဟောမုဇ်မှာ ပိတ်မိနေတဲ့ ရေယာဉ်တွေကို ရေတပ်အကူအညီနဲ့ ရွှေ့ပြောင်းပေးတဲ့ အစီအစဉ်ကို Project Freedomလို့ နာမည်ပေးထားပါတယ်။

ထရမ့်က အမေရိကန်ဟာ အီရန်က အမြန် တိုက်ရေယာဉ်တွေလို့ ခေါ်လေ့ရှိတဲ့ လှေငယ် ၇ စီးကို ပစ်ခတ်ခဲ့ကြောင်း၊ အီရန်ရေတပ်မှာလည်း လက်ကျန်ရေယာဉ်ဆိုလို့ အဲဒီ လှေတွေလောက်ပဲ ရှိတော့ကြောင်း ပြောကြားခဲ့ပါတယ်။ အမေရိကန် စစ်တပ်ရဲ့ ကြေညာချက်မှာတော့ အီရန်ရဲ့ လှေတွေကို ပစ်ခတ်ဖို့အတွက် ရဟတ်ယာဉ်တွေကို အသုံးပြုခဲ့တယ်လို့ ဖော်ပြထားပါတယ်။ အီရန်ကတော့ အမေရိကန်ရဲ့ ပစ်ခတ်မှုကို ခံခဲ့ရတယ်ဆိုတာ မဟုတ်မှန်ဘူးလို့ ငြင်းဆိုထားပါတယ်။

အမေရိကန်က ရေတပ်ဖျက်သင်္ဘောတွေနဲ့ အမေရိကန်အလံ လွှင့်ထူထားတဲ့ ကုန်သွယ်ရေကြောင်း သင်္ဘောတွေက ဟောမုဇ်ကို မေလ ၄ ရက်နေ့မှာ ဖြတ်သန်းခုတ်မောင်းခဲ့ကြောင်း အမေရိကန်က အစောပိုင်းမှာ ကြေညာခဲ့တာကိုလည်း အီရန်ကတော့ မဟုတ်မမှန် သတင်းတွေအဖြစ် ပယ်ချခဲ့ပါတယ်။ ပြီးတော့ အီရန်ဟာ အမေရိကန် ဖျက်သင်္ဘောတွေကို သတိပေး ခြောက်လှန့် ပစ်ခတ်ခဲ့တယ်လို့ ကြေညာခဲ့ပေမယ့် အဲဒီအဆိုကို အမေရိကန်က ငြင်းခဲ့ပါတယ်။ အီရန်ရေတပ်ကတော့ အမေရိကန် စစ်ရေယာဉ်တွေဟာ ကနဦး သတိပေးချက်တွေကို မတုံ့ပြန်ဘဲ ဟောမုဇ်ကို ချဉ်းကပ်ဖို့ ကြိုးစားတဲ့အတွက် သတိပေး ပစ်ခတ်ခဲ့တယ်လို့ ပြောပါတယ်။

ယူအေအီး နိုင်ငံခြားရေး ဝန်ကြီးဌာနကတော့ နိုင်ငံပိုင် ရေနံကုမ္ပဏီ Adoncရဲ့ ရေနံတင် သင်္ဘောတစ်စီးဟာ ဟောမုဇ် ရေလက်ကြားထဲမှာ တိုက်ခိုက်ခံခဲ့ရကြောင်း ကြေညာခဲ့ပါတယ်။ တောင်ကိုရီးယားကလည်း ယူအေအီး ကမ်းလွန်မှာ ရှိနေတဲ့ နိုင်ငံပိုင် သင်္ဘောတစ်စီးမှာ ပေါက်ကွဲမှု ဖြစ်ခဲ့တယ်လို့ အတည်ပြုခဲ့ပါတယ်။

ယူအေအီး အာဏာပိုင်တွေက မေလ ၄ ရက်နေ့မှာ နိုင်ငံရဲ့ လေကြောင်းကာကွယ်ရေး စနစ်တွေဟာ ပဲ့ထိန်းဒုံးကျည် ၁၂ စင်း၊ ခရုစ်ဒုံးကျည် ၃ စင်းနဲ့ ဒရုန်း ၄ စင်းတို့ကို ကြားဖြတ် ဟန့်တားခဲ့ရကြောင်း ပြောပါတယ်။ ဒေသခံတွေရဲ့ အဆိုအရ ဖူဂျိုင်ရာက ဆိပ်ကမ်း မီးလောင်မှုမှာ ၃ ဦး ဒဏ်ရာရခဲ့ကြောင်း သိရပါတယ်။

နှစ်ဖက်ကြား ပစ်ခတ်မှုတွေကြောင့် အပစ်ရပ် သဘောတူညီမှု ဆက်လက် တည်တံ့ရေးဟာ မရေမရာ ဖြစ်လာခဲ့ပြီး ထရမ့်ကတော့ အီရန်နဲ့ အပစ်ရပ် သဘောတူညီမှု ဆက်ပြီး အသက်ဝင်နေသေးသလား ဆိုတဲ့ မေးခွန်းကို မဖြေလိုကြောင်း ပြောကြားခဲ့ပါတယ်။ သူ့အနေနဲ့ ဒါကို မပြောနိုင်ကြောင်း၊ ဒီမေးခွန်းကို အတိအကျ ဖြေလိုက်မယ်ဆိုရင် သူဟာ အမေရိကန် သမ္မတဖြစ်ဖို့ လုံလုံလောက်လောက် မပါးနပ်တဲ့ အဓိပ္ပါယ်မျိုး သက်ရောက်သွားနိုင်ကြောင်း ထရမ့်က ရေဒီယို အစီအစဉ်မှူး ဟုဂျ်ဟီးဝစ်ကို ပြောကြားခဲ့ပါတယ်။

အမေရိကန် စစ်သင်္ဘောတွေကို ပစ်မှတ်ထားဖို့ ကြိုးစားလာမယ်ဆိုရင် အီရန်တပ်တွေကို ကမ္ဘာပေါ်ကနေ ဖျက်ဆီးပြီး ဖျောက်ဖျက်ပစ်လိုက်မယ်လို့ မေလ ၄ ရက်နေ့တုန်းက Fox သတင်းဌာနနဲ့ အင်တာဗျူးမှာ ထရမ့်က ခြိမ်းခြောက်ခဲ့ပါသေးတယ်။ သူက အီရန်စစ်တပ်ဟာ လက်တွေ့အားဖြင့်တော့ အဆုံးသတ်သွားနှင့်ပြီးပြီလို့လည်း မှတ်ချက်ပေးသွားပါတယ်။

ကိုးကား: CNN

#ဟောမုဇ်ရေလက်ကြား
#အမေရိကန်
#အီရန်

03/05/2026

ပေါက်တောမြို့နယ်၊ ပုဏ္ဏာကြီးကျေးရွာတွင် မိုးသီးကြွေသဖြင့် နေအိမ်အချို့ပျက်စီး (ရုပ်/သံ)

မေ ၃၊ ၂၀၂၆

ရခိုင်ပြည်နယ်၊ ပေါက်တောမြို့နယ် မိုးသည်းထန်ပြီး မိုးသီးကြွေတာကြောင့် နေအိမ်အချို့ပျက်စီးခဲ့တယ်လို့ ဒေသခံတွေဆီက သိရပါတယ်။

မေ ၂ ရက်၊ နေ့လယ်ပိုင်းက အခုလို ပုဏ္ဏာကြီးကျေးရွာမှာမိုးသီးကြွေတာဖြစ်ပေါ်ခဲ့တာဖြစ်ပြီး နေအိမ်အချို့ ခေါင်မိုးတွေ ပေါက်ပြဲခဲ့ရတယ်လို့ သိရပါတယ်။

မိုးသီးအလုံးတွေဟာ လက်တစ်ဆုပ်စာ အရွယ်အစားအထိရှိတယ်လို့ ဒေသခံတွေဆီက သိရပါတယ်။

Video-Win Zaw=We Love Rakhine

#ရခိုင်ပြည်နယ်
#ပေါက်တောမြို့နယ်
#မိုးသီးကြွေ

30/04/2026

မလေးရှားတွင် တရားမဝင်နေထိုင်သူများ နေရပ်ပြန်ရန် PRM 2.0 အစီအစဉ်ကို သက်တမ်းတိုးလိုက်ပြီ

ယနေ့ (၂၀၂၆ ခုနှစ်၊ ဧပြီလ ၃၀ ရက်) တွင် သက်တမ်းကုန်ဆုံးမည့် ရွှေ့ပြောင်းလုပ်သားများ နေရပ်ပြန်ရေးအစီအစဉ် (Program Repatriasi Migran 2.0 - PRM 2.0) ကို အစိုးရမှ ၂၀၂၆ ခုနှစ် မေလ ၁ ရက်နေ့မှ ၂၀၂၇ ခုနှစ် မေလ ၃၁ ရက်နေ့အထိ ဆက်လက် သက်တမ်းတိုးပေးလိုက်ပြီဖြစ်ကြောင်း မလေးရှား လူဝင်မှုကြီးကြပ်ရေးဦးစီးဌာန (JIM) က အသိပေး ကြေညာအပ်ပါသည်။

ယခင် PRM 2.0 အစီအစဉ်၏ အောင်မြင်မှုများကို အကဲဖြတ်ပြီးနောက် ယခုကဲ့သို့ ဆက်လက်သက်တမ်းတိုးရန် ဆုံးဖြတ်ခဲ့ခြင်းဖြစ်သည်။ ၂၀၂၅ ခုနှစ် မေလ ၁၉ ရက်မှ ယမန်နေ့ (၂၀၂၆ ခုနှစ် ဧပြီလ ၂၉ ရက်) အထိ နိုင်ငံပေါင်း ၁၁၂ နိုင်ငံမှ တရားမဝင်လုပ်သား (PATI) စုစုပေါင်း ၂၅၄,၁၈၆ ဦး လာရောက်မှတ်ပုံတင်ခဲ့ပါသည်။ ကောက်ခံရရှိသည့် ဒဏ်ကြေးငွေ စုစုပေါင်းမှာ ရင်းဂစ် ၁၂၇ သန်း ရှိခဲ့ပြီး၊ နိုင်ငံအတွင်းရှိ တရားမဝင် နိုင်ငံခြားသားများအား လျှော့ချရေးလုပ်ငန်းစဉ်တွင် ကြီးမားသော အောင်မြင်မှုတစ်ရပ် ဖြစ်ခဲ့သည်။

ဤအစီအစဉ်သည် တရားမဝင်နေထိုင်သူများအနေဖြင့် ဥပဒေနှင့်အညီ မိမိဆန္ဒအလျောက် နေရပ်ပြန်နိုင်ရန် စီစဉ်ပေးထားခြင်းဖြစ်သည်။ ပါဝင်သူများသည် တရားစွဲဆိုခံရခြင်းမှ ကင်းလွတ်ခွင့်ရမည်ဖြစ်ပြီး အောက်ပါအတိုင်း ဒဏ်ကြေးငွေများသာ ပေးဆောင်ရမည်ဖြစ်သည်။

တရားဝင် အထောက်အထားမရှိဘဲ ဝင်ရောက်ခြင်း/နေထိုင်ခြင်း နှင့် ဗီဇာသက်တမ်းကျော်လွန် နေထိုင်ခြင်း (Overstay) အတွက်...ရင်းဂစ်...၅၀၀

ဗီဇာစည်းကမ်းဖောက်ဖျက်မှုများအတွက်.
ရင်းဂစ်.... ၃၀၀
နေရပ်ပြန်ရန် ယာယီအထောက်အထားအဖြစ် အထူးလက်မှတ် (Special Pass) အတွက်..ရင်းဂစ်...၂၀
ပေးဆောင်ရမည်။

ယခုကဲ့သို့ သက်တမ်းတိုးပေးခြင်းမှာ တရားမဝင်လုပ်သားများ မိမိဆန္ဒအလျောက် နေရပ်ပြန်နိုင်ရေးကို ပိုမိုချောမွေ့မြန်ဆန်စေရန်ဖြစ်သည်။ သို့သော် တစ်ချိန်တည်းမှာပင် JIM အနေဖြင့် တရားမဝင်လုပ်သားများ၊ ၎င်းတို့ကို ခိုလှုံခွင့်ပေးထားသူများနှင့် အလုပ်ရှင်များကို ရှာဖွေ၊ ဖမ်းဆီး၊ တရားစွဲဆိုကာ နေရပ်ပြန်ပို့မည့် အထူးစစ်ဆေးဖမ်းဆီးမှုများကို တစ်နိုင်ငံလုံး အတိုင်းအတာဖြင့် ဆက်လက် အရှိန်အဟုန်မြှင့် လုပ်ဆောင်သွားမည် ဖြစ်ပါသည်။

သို့ဖြစ်ပါ၍ ဖမ်းဆီးအရေးယူခံရခြင်းများ မကြုံတွေ့ရမီ တရားမဝင်လုပ်သားများအနေဖြင့် သက်ဆိုင်ရာ တရားဝင်လမ်းကြောင်းများမှတစ်ဆင့် မိမိတို့၏ အခြေအနေများကို အမြန်ဆုံး လာရောက်ဖြေရှင်းကြရန် တိုက်တွန်းနှိုးဆော်အပ်ပါသည်။ JIM အနေဖြင့် နိုင်ငံတော်လုံခြုံရေးနှင့် ဥပဒေစိုးမိုးရေးအတွက် နိုင်ငံ၏ လူဝင်မှုကြီးကြပ်ရေးစနစ်ကို တိကျပြတ်သားစွာ ဆက်လက် အကောင်အထည်ဖော်သွားမည်ဖြစ်သည်။

#နေရပ်ပြန်အစီအစဥ် .0 #တရားမဝင်အလုပ်သမား #မလေးရှားရောက်မြန်မာများ #သက်တမ်းတိုး

30/04/2026

တရုတ်အလိုကျပြီမို့ နေရာဝင်ဆံ့အောင်လုပ်ပေးမယ် ငါပြောသလိုလုပ် ငါပေးတာယူ ငါကျွေးတာစား အဆင့်ထက်မပိုတဲ့ နိုင်ငံကိုစိတ်တိုင်းကျလုပ်မယ် ....တဖက်ကလည်း တရုတ်အကျိုးစီးပွားအတွက် အစီအမံတွေချပြီး ကာကွယ်ပေးမယ်လို့ ကတိပေးလိုက်ရတယ် ကောင်းလေစွတကား။

28/04/2026

၂၀၂၆ ခု ၊ ဧပြီလ ၂၇ ရက်နေ့က တရုတ်နိုင်ငံ ကွမ်းရှီးပြည်နယ် ၊ ချင်ကျိုးမြို့မှာ မိုးသည်းထန်စွာရွာသွန်းပြီး ရေကြီးနစ်မြုပ်နေတာပါ။

#တရုတ်နိုင်ငံ
#ရေကြီးမှု

22/04/2026

အရပ်သားအစိုးရ လက်ထက်တွင် စတင်ခဲ့သည့် JICA စီမံကိန်း ရန်ကုန်-မန္တလေး DEMU အမြန်ရထား မေလတွင် စတင်ပြေးဆွဲမည်၊ စနစ်ပိုင်းအားနည်းမှုကြောင့် ခရီးသွားများ စိုးရိမ်နေ

ဧပြီလ ၂၂ ရက်

အမျိုးသားဒီမိုကရေစီအဖွဲ့ချုပ် (NLD) အရပ်သားအစိုးရလက်ထက်က ဂျပန်နိုင်ငံတကာပူးပေါင်းဆောင်ရွက်ရေး အေဂျင်စီ (JICA) ချေးငွေဖြင့် စတင်အကောင်အထည်ဖော်ခဲ့သော ရန်ကုန်-မန္တလေး ရထားလမ်း အဆင့်မြှင့်တင်ရေးစီမံကိန်းမှ ခေတ်မီ DEMU လူစီးအမြန်ရထားများကို လာမည့် မေလ ၁ ရက်နေ့တွင် စတင်ပြေးဆွဲမည်ဖြစ်ကြောင်း ပို့ဆောင်ရေးဝန်ကြီးဌာနက ထုတ်ပြန် သည်။

ရန်ကုန်-မန္တလေး-ရန်ကုန် ခရီးစဉ်အဖြစ် အမှတ် (၅) အဆန်နှင့် အမှတ် (၆) အစုန် လေအေးပေးစက်ပါ DEMU ရထားသစ်များကို ပြေးဆွဲပေးမည်ဖြစ်ပြီး လက်မှတ်ခနှုန်းထားများကို အထက်တန်း ကျပ် ၄၈,၀၀၀ နှင့် ပထမတန်း ကျပ် ၃၄,၀၀၀ ဟု သတ်မှတ်ထားသည်။

အဆိုပါ နှုန်းထားသည် လက်ရှိ အဝေးပြေးကားခ ကျပ် ၇၅,၀၀၀ မှ ၈၅,၀၀၀ ကြား နှင့် နှိုင်းယှဉ်ပါက သက်သာသော်လည်း ဝန်ဆောင်မှုနှင့် စနစ်ပိုင်းဆိုင်ရာ ယုံကြည်စိတ်ချရမှုအပေါ် မေးခွန်းထုတ်မှုများ ရှိနေသည်။

လက်ရှိတွင် ရထားလက်မှတ်များကို Online Railways Ticketing and Payment (ORTP) စနစ်ဖြင့် ဝယ်ယူရမည်ဟု ဆိုသော်လည်း အဆိုပါစနစ်မှာ ငွေဖြတ်ပြီး လက်မှတ်မရခြင်း၊ ထိုင်ခုံနံပါတ်ထပ်ခြင်းနှင့် နေရာမရှိခြင်း စသည့် နည်းပညာပိုင်းဆိုင်ရာ အမှားအယွင်းများစွာ ကြုံတွေ့နေရကြောင်း ခရီးသွား များထံမှ သိရသည်။

"အခု သင်္ကြန်ပြီးတဲ့အထိ ကားလက်မှတ်တွေက ဈေးမကျသေးဘူး။ ရထားက ဈေးသက်သာရင်တော့ စီးကြမှာပဲ။ ဒါပေမဲ့ အရင်ကလို လက်မှတ်ရဖို့ ခက်နေတာမျိုး၊ အချိန်တွေ အကြာကြီး စောင့်ရတာ မျိုးဆိုရင်တော့ လူတွေက စိတ်ပျက်ကြဦးမှာပဲ။ အွန်လိုင်းစနစ်ကလည်း အခုထိ အဆင်မပြေသေးဘူး" ဟု အဝေးပြေးကားလက်မှတ် ရောင်းချသူ အမျိုးသမီးတစ်ဦးက ဧရာ၀တီတိုင်းမ်ကို ပြောသည်။

ယခင်ကရထားလက်မှတ်ရရှိရန်အတွက် ဘူတာရုံများတွင် သုံးရက်ကြိုတင်ဝယ်ယူရပြီး ရန်ကုန် - မန္တလေး - ရန်ကုန် ခရီးစဉ်တစ်လျှောက် ရပ်တန့်ဘူတာများမှာ တိုးကြောင်ကလေး၊ ပဲခူး၊ ညောင်လေးပင်၊ တောင်ငူ၊ ပျဉ်းမနား၊ နေပြည်တော်၊ ရမည်းသင်း၊ သာစည်၊ ကျောက်ဆည်ဘူတာတို့ ဖြစ်ကြောင်း သိရသည်။

ရန်ကုန်-မန္တလေး ရထားလမ်း အဆင့်မြှင့်တင်ရေးစီမံကိန်းကို JICA ချေးငွေ ဒေါ်လာ ၂.၇ ဘီလီယံဖြင့် NLD အစိုးရလက်ထက် ၂၀၁၈-၂၀၁၉ ဘဏ္ဍာနှစ်တွင် စတင်ခဲ့ခြင်းဖြစ်သည်။

၆၂၀ ကီလိုမီတာ ရှည်လျားသော ဤစီမံကိန်းသည် ယခင် ၁၅ နာရီကျော် ကြာမြင့်သည့် ခရီးစဉ်ကို ၈ နာရီခန့်အထိ အချိန်လျှော့ချနိုင်ရန် ရည်ရွယ်ပြီး လမ်းပိုင်း၊ တံတား၊ ဆက်သွယ်ရေးစနစ်နှင့် ဘူတာရုံ များကို အဆင့်မြှင့်တင်ထားခြင်း ဖြစ်သည်။

ဓာတ်ပုံ-ဧရာဝတီတိုင်းမ်၊ လူမှုကွန်ရက်

#ရထားပြေးဆွဲ

22/04/2026

တာချီလိတ်၌ ကလေးငယ်အား အမျိုးသမီးတစ်ဦးက လူမဆန်စွာ ရိုက်နှက်နှိပ်စက်သည့် အမျိုးသမီးကို ဖမ်းဆီး၊ ကလေးသူငယ် ကာကွယ်စောင့်ရှောက်ရေး ဥပဒေဖြင့် အရေးယူမည်။

တာချီလိတ်မြို့ရှိ နေအိမ်တစ်အိမ်အတွင်း၌ ကလေးငယ်တစ်ဦးကို လူမဆန်စွာ ရိုက်နှက်ညှဉ်းပန်းနေသည့် အမျိုးသမီးကို ရဲတပ်ဖွဲ့က ယနေ့ ဧပြီလ ၂၂ရက် ညနေပိုင်း၌ ဖမ်းဆီးလိုက်ကြောင်း သတင်းရရှိသည်။

ကလေးငယ်အား မတရားရိုက်နှက်ညှင်းပန်းသူ အမျိုးသမီးမှာ အသက် ၃၂ နှစ်အရွယ် ဒေါ်လောမိန်ဆိုသူဖြစ်ပြီး ရန်အောင်မြေရပ်ကွက်၊ ပါလျှံ (၁) အတွင်း နေထိုင်သူဖြစ်ကြောင်း၊ ရိုက်နှက်ခံရသည့် ကလေးငယ်မှာ ဒေါ်လောမိန်၏ တူမတော်သူ အသက် ၁၂ အရွယ် မိန်းကလေးငယ်ဖြစ်ကြောင်း သိရသည်။

ယင်းအမျိုးသမီးကို ကလေးသူငယ်ကာကွယ်စောင့်ရှောက်ရေး ဥပဒေ ပုဒ်မ ၁၀၀-က(၄) ဖြင့် အမှုဖွင့်အရေးယူမည်ဖြစ်ပြီး ယင်းပုဒ်မမှာ ထောင်ဒဏ် ၄နှစ်မှ ၁၀နှစ်အထိလည်ကောင်း၊ ဒဏ်ငွေကျပ် ၁၀ သိန်းမှ ကျပ် သိန်း ၅၀ အထိလည်ကောင်း ချမှတ်နိုင်ကြောင်း ဥပဒေးရေးနှင့် နီးစပ်သည့် သတင်းရင်းမြစ်ထံမှ သိရသည်။

“ကလေးကိုတော့ သူတို့နဲ့ ဆက်မထားတော့ဘူး။ လူမှုကူညီရေးကဖွင့်တဲ့ ကလေးသူငယ်ထိန်းသိမ်းစောင့်ရှောက်ရေးဂေဟာကို ပိုဖို့ စီစဉ်ထားကြတယ်” ဟု ၎င်းက ပြောသည်။

တာချီလိတ်မြို့၊ ပါလျံ (၁) ရပ်ကွက်ရှိ နေအိမ်တစ်အိမ်အတွင်း၌ အမျိုးသမီးတစ်ဦးက ကလေးငယ်တစ်ဦးကို လူမဆန်စွာ ရိုက်နှက်ညှဉ်းပန်းနေသည့် ရုပ်သံဖိုင်တစ်ခု ယနေ့ နေ့လယ်ပိုင်းတွင် လူမှုကွန်ရက်တွင် ထွက်ပေါ်လာခြင်းဖြစ်သည်။

ယင်းရုပ်သံမှတ်တမ်းတွင် အမျိုးသမီးဖြစ်သူက ကလေးငယ်အား သားရေခါးပတ်ကဲ့သို့သော ကြိုးဖြင့် အဆက်မပြတ် ရိုက်နှက်ခြင်း၊ ကလေးငယ်၏ ကိုယ်ပေါ်သို့ တစ်ကိုယ်လုံးအားဖြင့် တက်နင်းခြင်းများ ပြုလုပ်ကာ ရက်စက်စွာ နှိပ်စက်နေသည်ကို တွေ့ရသည်။

#ကလေးငယ်
#ညှင်းပန်းနှိပ်စက်
#တာချီလိတ်

21/04/2026

Walk for Peace ငြိမ်းချမ်းရေးအတွက်လမ်းလျှောက်ခြင်း ဆရာတော်များ သီရိလက်ာခရီးစဥ်စတင်။

#ငြိမ်းချမ်းရေး

Burma Voice Media

29/05/2026

11/05/2026

11/05/2026

05/05/2026

03/05/2026

30/04/2026

30/04/2026

28/04/2026

22/04/2026

22/04/2026

21/04/2026

Address

Telephone

Website

Alerts

Contact The Business

Shortcuts

Share

Category