Afar National Regional State Social Sectors Cluster.

13/07/2025

Qafar Rakaakayak Awsi Rasuk Qeelidaqar Daqaarak Cayyu Magaalah Ayyuntih gabat aglel 8.5 milyoonih birrit xissimteh tan Nammey haytô Caddo Bariitoh buxak Dooqayso Taama Tekke.

Diteli, 6/11/2017 I.l.l

Asaaki Macsenta awsi Rasuk Qeelidaqar Daqaarak Cayyu Magaalah Ayyuntih gabat aglel xissimteh tan Nammey haytô Caddo Bariitoh buxak Dooqaysol Rakaakayak Ciggiila Presidentih bilhidal Ayyuntiino Kilasterih kobaahiseey, Rakaakayak Qaadaay Qunxaanetaa kee Sporti Biirok Naharsi Saqalah Massakaxxale Caamid Duula kee Rakaakayak Barittô Biirok Naharsi Saqal Xoktor, Muusa Adamaay, Rakaakayak Barittô Biirok Ciggiila Saqal, Gifta Cummad Qabdallaay, Barittô Biirok Miraaciini Makaadoh adoytit kee Qelidaqar Daqaarak Xinto Saqal, Cabiib Ibraahim kee daqar Miraaciini elle Geytimak Dooqayso Taama meqe gurral aben.

Ta Dooqaysoh Aracal Rakaakayak Barittô Biirok Naharsi Saqal Xoktor, Muusa Adam abeh yan fakkenti yaabal iyyeemih Baritto yaanam kulliimik taakumemiy Aakam akah yaceenim faxximtam kinnim aaxaguk Sinni fayxik ugutak Maaluuy, Saqaay, caylaa kee wakti inkih akah acayuk ni xaylo elle bartta Barittoh buxa xisenno axcuk Nammey haytô caddoh barittoh buxa Ayyunti gabat agalel axcih Cayyu magaalah ayyunti abeh yan xisne Aki Daqortii kee Magaalooluh ceelallo takkem xiqtah tan taama iyye.

Tohuuh, lakal, iyyeemih Cayyu magaalah ayyunti xiseh yan Nammey haytô caddoh barittoh buxah Dooqaysoh Gabqassih mamatinnoy biiro gabuk, barteenit elle Daffeyak bartah yan kursitteey, data luuc kee kalah tan Uwwati gabat keenih baahem kee 2018 sanat barteenit ta Barittoh buxal barituh faxximma intah tan Baritto mansoofa Baritto biiro kibelem qaddoyse.

Tohuuh, lakal Rakaakayak Ciggiila Presidentih bilhidal Ayyuntiino Kilasterih kobaahiseey, Rakaakayak Qaadaay Qunxaanetaa kee Sporti Biirok Naharsi Saqalah Massakaxxale Caamid Duula iyyeemih Cayyu magaalah ayyunti abeh yan taama axcih ken xaylo elle bartam xiqta Nammey haytô caddoh barittoh buxa sinni qiddaddot Ayyunti abeh yan xisne maalu lem maalut, Saqlem saq acayuk Abteenih tanin xisne kulsale taamay ceelallo takke axcuk Rakaakay kaadu Dudda haamal sin catele iyye.

Illacabol, Ta Barittoh buxah xisne taama takkuh ukummo xaak Xabba haak baxaabaxsale taamoomi abteh tan Ayyunti dagortih faatit Sumaq Waraakit keenih acayuk Dooqayso barnaamijik amogacsa aben.

----***----
አፋር ክልል ኤሊዳዓር ወረዳ በሃዩ ከተማ በማህበረሰብ ተሳትፎ በ8.5 ሚልዮን ብር የተገነባው የ2ተኛ ደረጃ ትምህርት ቤት የማስመረቅ ስራ ተሰራ::

አፋር ክልል አውሲ ራሱ ኤሊዳዓር ወረዳ በሃዩ ከተማ በማህበረሰብ ተሳትፎ የተገነባው የ2ተኛ ደረጃ ትምህርት ቤት የምረቃ ፕሮግራም ላይ የአፋር ክልል የትምህርት ቢሮ ኃላፊ አቶ, ሙሳ አደም እና በም/ርዕሰ መስተዳድር መዓረግ ማህበራዊ ክላስተር አስተባባሪ እና ባህል ወጣቶች እና ስፖርት ቢሮ ሀላፊ አቶ ሀሚድ ዱላ የምረቃ ፕሮግራም ላይ በመገኘት አስመርቀዋል::

24/04/2025

Rakaakayak Ayyuntiino Kilasterih Gubat Raqtah tan Sekter Biiroora Rakaakayak Sadar ayfaafayih biiro hangisso akah acayuk elle taamitaanam faxximta Biiroora rakisso wagittaamal Kilaster caddol tekke taama Biiroora xayyoysak Agaaradaanamih taama aben.

Qasa Dirrik, 16/2017 I.l.l

Rakaakayak Ciggiila Presidentih bilhidal Ayyuntiino Kilasterih Saqal kee Rakaakayak Qaadaay Qunxaaneytaa kee isport biirok Naharsi Saqalah yan Massakaxxale Caamid Duula Rakaakayak Ayyuntiino Kilasterih Gubat Raqtah tan Sekter Biiroora Rakaakayak Sadar ayfaafayih biiro hangisso akah acayuk elle taamitaanam faxximta Biiroora rakissoy 16 ximmo gubat leh tani wagittaamal Kilaster caddol tekke taama Biiroora akah xayyosannah ken arcibisak kaal xayyoysaanamih taama aben.

Rakaakayak Ciggiila Presidentih bilhidal Ayyuntiino Kilasterih Saqal kee Rakaakayak Qaadaay Qunxaaneytaa kee isport biirok Naharsi Saqalah yan Massakaxxale Caamid Duulal Kilaster Gubat raqtah tan sekter biiroora Rakaakayak Sadar ayfaafayih biiro hangisso akah acayuk elle taamitaanam faxximta Biiroora rakisso wagittaamal abeenih yanin taamak gabbaaqu kaal xayyoysak cooca kee garabul maca kinniimil baar leh walal abak tonnah kaadu, taway fan Sekter Biiroora abteh tan tamoomi kulsale taama kinnim kee fooca fan cooci elle yummuleeh sinni caddol qemmiseenih yanin taamoomi baarluk akah aban innah Massakaxxale Caamid Duula afkan keenih yeceenimih taama abe.

Tohuuk, lakal Rakaakayak Ciggiila Presidentih bilhidal Ayyuntiino Kilasterih Saqal kee Rakaakayak Qaadaay Qunxaaneytaa kee isport biirok Naharsi Saqalah yan Massakaxxale Caamid Duula ta aracal Rakaakayak Ciggiila Presidentih bilhidal meqe Xiinissoh saqal kee Rakaakay doolak daddos massoynaanik ikoytiini xissoh redoonih saqalah yan Gifta, Acmad Cuseen lih Namma Kilaster Baxaabaxsale taamoomi sitta lih aboonuh massoyseenih yanin sittin g*y sanadal sittin g*y abak, tonnah kaadu namma Kilasterik Sadar ayfaafayih biiro lih Rakissoosa kee kalah tan Afkanittil sitta lih taamiteloonuh Rakaakayak Barittô Biiro kee Rakaakayak Qaafiyat Biiro Sadar ayfaafayih biiro lih sittin g*y absiisen.

10/04/2025

Rakaakayak Ayyuntiino Kilasterih Gubat Raqtah tan Sekter Biiroorak 2017 Liggidak 9 alsih addat tekkeh tan taama gabbaaquu kee Xokomenteshim Makaadoh taama Agaaradaanam Qemmisen.

Qasa Dirrik, 02/2017 i.l.l

Rakaakayak Ciggiila Presidentih bilhidal Ayyuntiino Kilasterih Saqal kee Rakaakayak Qaadaay Qunxaaneytaa kee isport biirok Naharsi Saqalah yan Massakaxxale Caamid Duula Ayyuntiino Kilasterih gubat Raqtah tan Sekter Biiroorah Miraaciinuh 9 alsih addat ikraarok ugtuma abak abeenih yanin taama gabbaaqu elle xayyoysoonuwaan gurra wagitaamal Addafakoot keenih abeek lakal akah xayyoysan innah ken arcibise.

Rakaakayak Ciggiila Presidentih bilhidal Ayyuntiino Kilasterih Saqal kee Rakaakayak Qaadaay Qunxaaneytaa kee isport biirok Naharsi Saqalah yan Massakaxxale Caamid Duulal Kilaster Gubat raqtah tan sekter biiroora sinnii kee ken gubat raqtah tan maktabwak 9 alsih addat ikraarok ugtuma abak Madab mizaaniyyatat abeenih yanin taamah gabbaaqu Massakaxxale Kilaster Saqalal Xayyoysaanamih taama aben.

Illacabol, Rakaakayak Ciggiila Presidentih bilhidal Ayyuntiino Kilasterih Saqal kee Rakaakayak Qaadaay Qunxaaneytaa kee isport biirok Naharsi Saqalah yan Massakaxxale Caamid Duula Sekterwa biiroora Xayyosseh tan 9 alsih taama gabbaaqu wagittaamal esseroora kee mabla akah ugsan innah saami keenih yeceek lakal, esseroora gacisak mabla caddol uguttem mablah beyak amogacsi taama abe.

20/02/2025

Qafar Rakaakayak Ciggiila Prezxantih bilhadal Ayyuntiino kilasterih Saqal kee Qaadaay, Qunxaaneytaa kee isport Biirok Naharsi Saqalah yan Gifta, Caamid Duula yeceeh yan afkanaak ugutak Ayyuntiino Kilasterik Xokmenteyshin Makaado taama qemmiseh g*ytimta.

Caxah Alsak, 13/2017 i.l.l

Rakaakayak Ayyuntiino Kilasterik Xokmenteyshin Makaado Ayyuntiino Kilasterih Gubat Raqtah tan Sekter biroora abak g*ytimtah tan Xokmenteyshin/ Alhum maca ceelam wagittaamal asaaku kusaq taamah gufne Rakaakayak Barittô Biirot abak Baritto luddal takkeh tan taamoomik Xokmenteyshin/ Alhum mabbux maca ceelam wagittaamal Biirok Miraaciini Makaadoh adoytit lih baar leh yan walal aben.

19/02/2025

Qafar Rakaakayak Ayyuntiino kilaster Kilaster Gubat Raqtah tan Sekter Biiroora lih 10 Sanatih ikraarok Tatreh yan Sidiica Sanatih taamah abnisso maca ceelak sugteemil walal gexsisse.

Caxah Alsak, 12/2017 i.l.l

Rakaakayak Ciggiila Prezxantih bilhadal Ayyuntiino kilasterih saqalah yan Gifta, Caamid Duula Asaaki macsenta Ayyuntiino Kilasterih gubat Raqtah tan Sekter biroora lih 10 Sanatih ikraarok Tatreh yan Sidiica Sanatih taamah abnisso maca ceelak sugteem wagittaamal walal abe.

Rakaakayak ayyuntiino kilasterih Caddol ikraarisak akkuk temeeteh tan tamoomi maca ceelak sugtem wagittaamal Rakaakayak Ciggiila Prezxantih bilhadal Ayyuntiino kilasterih saqalah yan Gifta, Caamid Duula ahaak gubal tan ximmoomal tekkeh tan tamoomi kee fooca fan ikraarok xabba haak Kilaster caddol sitta lih elle taamitoonuwaan ximoomal axcih elle walaloonuh massoyseh yan kutuub keenih xayyoysak baar leh yan walal elle aben.

Xoyyoyseh yan kutuubuk lafa le ximmoomay elle walaleenih tu-gactek
👉 Itta yakriye 10 sanatih ikraaroy (2013-2022 ikraaro) harxi koppi kee softi koppih yaceenim wagittaamaay,

👉 fanti udduurih ikraaroy (2013-2015 Abnisso kee 2016-2018 Ikraaro) harxi koppi kee softi, koppih yanim wagittaamaay.

👉Sanat 2013 qimbisak ilaa 2017 liggiak 6 alsa fan taamah abnisso gabaagi kulli rubqi sanat caddol, garab sanat caddol kaaduk sanat caddol yanih yan hardi koppi kee softi koppi aniina akak maca celtam wagittaamaay,

👉 sanatih ikraro ikraarisanay, madmay ugut kee wadba leeh, lafale abnite kee rorti abnitte le harxi koppi kee softi koppih yaceenimiiy,

👉 " KPI ikraaro hardi koppi kee softi koppih yanim?

👉 Karmah ikraaro kee abnisso hardi koppi kee softi koppih yanim?

👉 Pagummeh addat tekke taamah ripporti hardi koppi kee softi koppih yanim?

Rakaakayak Ciggiila Prezxantih bilhadal Ayyuntiino kilasterih saqalah yan Gifta, Caamid Duula Tahaak Dagal Xawwetan tan ximmooma axcih Xokomenteshin caddol Xokomenteshim Gaboysak Sitta fan baahak taamittu waytah tan Makaado Kilaster caddol xisak, Xayyoyseh yan ximmoomal baar leh yan walal elle abah fooca fan tayse gurral sitta lih elle taamitoonuwaan gexsit wagittaamal afkan acayuk amogacsi taama abe.

09/09/2024

Qafar Rakaakayak Barittô Biiro 21 Haytô Barittô Kobox Samara Magaalak kurruftu hoteelil Gexsisse.

Bagumek, 3/2016 i.l.l

Rakaakayak Barittô Biiro "Ayyunti Gabat Agle Baritto Maxxaatah'' inta itrol 21 Haytô Barittô Kobox Samara Magaalal Gexsen.

Asaaki Macsenta Samara Magaalal gexsiiseenih yanin 21 Haytô Barittô Kobox Rakaakayak Barittô Biirok Naharsi Saqal, Gifta Qabdu Casan Yayyo unkaq muquk temeeteenim iyyeek lakal, Yaabal fakak iyyeemih asaaku gexsisnah nan Barittô Kobox baxaabaxsale le Barittô taamoomi axcih baxaabaxsale baritto luddal tekkeh tan taamoomi mannal sugtem kee kulli luddal elle nan caddo aaxaguk Qusba taama liggidal tayseh tan tamoomi abnuh ugtuma neh yakkem xiqa Kobox kinni iyyeek lakal, Barittô taama hora ginaanamal baxsale doori leh tan taama kunnuk mangoh tan taama nek qammalsimta iyye.

Tohuuk, lakal Rakaakayak Ciggiila Prezxantih bilhadal Ayyuntiino kilasterih Saqla Massakaxxale Gifti, Amina Seeko abteh tan Yaabal inteemih, 21 Haytô Barittô Koboxuh unkaq muquk temeeteeni Farmô tatrusak Barittô taama dubuk Barittô biiroh taama akkewaytam kee kulli caddol yanih yan Miraaciini Barittô taama arac xagtuh inki mogoy akkuk taamitaanam faxximtam qaddose.

Ciggiilak Qafar Rakaakayih caddol 21 Haytoh addah yassakaxxeenih yanin Barittô koxobut yangaluh yemeeteh yan Agatak Barittô Malaak Massakaxxale Professor, Birhanu Nagga, ta Barittô Koboxul g*ytimak abeh yan Yaabal iyyeemih, unkaq Muquk sugteenim, axcuk Qafar Xaylo / Qafar agiiray Agat kunnabna dacrisseh tanih addal g*ytimak ta Baritto Koboxut engeleemih ruffa axce iyye.

Tohuuk, lakal 21 hayto Barittô Koboxuh massoyseenih yanin taddeera yaakumik ciggiilil xayyoysak Kobox Gexsen.

Ta Barittô Koboxut, lica rasuk Rasitte saqoltiiy, rasittek dooren Miraaciinuuy, Daqortii kee Magaalooluk dooren Miraaciinuu, tonnah kaadu barittô maktabwah saqoltiiy, nammey hayto caddoh Barittoh buxaaxih saqoltiiy, 2015 Barittô liggidal fayyale Jaamiqat culmah ximmô baaheh yan 19 yakke barteenitiiy, Xaltani Makaadok Adoyti

04/09/2024

03/09/2024

Asaakî Macsentá Amolladi Qaafiyat Langittek Sanat 2016 Liggidih Taama Ikraarok Abnissôh Gabbaaquu kee Sanat 2017 Liggidih Taama Ikraarol Walal Gexsiten.

:Samara Ximolik,28/2016 I.L.L

Rakaakayak Qaafiyat Biiro Inkih yan Daqooritiy, Magaala Xinissosa kee Hospitaalittek Miraacinnu kee Mihratleela luk Namma sittal lakleh 2016 Miizaaniyyat Sanatih taamah Abnissoh gabbaaqul Baar Le Walal Abeenik Gamadal 2017 Miizaaniyyat Sanatih Ekraaroh Taamal fidinuk Walalenih Yaninim Qaddowte.

Ta Gudgudul g*ytimak Fakkenti Taddeera abtem Qafar Rakaakayak ciggiila prezexentih bilhadal Ayyuntiinô Kilaster Saqalah Tan Gifti Amina Seeko Ta kobox hadaf kee madma leh sanatak ellecabol sugte coocitte qusba sanatal elle dambiyonu wan madabino kobox kinnim tamixxigeh akkey Milaaguk lakal mango xaloot elle yumbulluye Langiy, Biirok xabba hanamay Ila Daqooritiy, Hospitalitte kee meqe abittoh eglali fanah yan fantaxaw fula leh maqarrossanam faxximtah rasuk ila daqorit fanah sugeh yan coocittel bar luk walalenno afkan elle amcawwelem Tescesse.

Kalah Kaadu Xayyooweh suge Sanat 2016 Taamah abnissoh gabbaaqul baxaabaxsa le Taama tekke lafa le ximmooma Daffessak Fedeeralak Katuk Aydukuma elle Geenim Timixxigeh Sanat 2017 Ikraaro Wagittaamak Qusbah tan Hospitalitte Baarisanam kee Gablusanamay, Qaafiyat Fanteenani kee Carkooka Maqarrosanamal Fidin Walal gexsite.

Tama Walal Miraacisak Suge Qaafiyat Biiroh Saqal Gifta Yaasin Cabiib Sanat 2016 Liggidih taamah abnissoh Caddol abak sugne Taamak Kulsale taamoomi Gablusanam kee Taamah Addata tumbullee Coocitte Dambiytonuh bice Gudgud kinnuk Xayyoowe gabbaaqu Kee ciggiila Sanatih Ekraarol fidinuk Walale loonum warse.

Qaafiyat sekterih caddol baxaabaxsa le Amok Radi Kee Gino Qawwalaylah Amol beyak Tatrusene Liggidih ellecabol xayyowe gabbaaqi assakat leh Walal Ammunti qaafiyat luddal mexxat le qaafiyat ayfaf maca ceelah Baaxoh caddol kaadu Model abnuh xagana akah culle affara daqarak baxsa lee taama Qambalsimtah Tamixxigeh Ikraaro Elle Abbinowtu Wayt

03/09/2024

Qafar Rakaakayih Doolatak Ayyuntiino kilasterih Gubat Raqtah tan Sekter biroora sanat 2017 Qusba taama liggidak Mizaaniyyat Ikraaro kilasteril Xayyysaanamih taama aben.

Ximolik, 28/12/2016 i.l.l

Qafar Rakaakayak Ayyuntiino kilasterih Gubat Raqtah tan Sekter biroora sanat 2017 Qusba taama liggidak Mizaaniyyat Ikraaro Ciggiila Prezxantih bilhadal Ayyuntiino kilasterih Saqlah tan Massakaxxale Gifti, Amina seekol Xayyysaanamih taama aben.

Qafar Rakaakayak Ayyuntiino kilasterih Gubat Raqtah tan Sekter biroora 2017 liggidih ikraaro Ciggiila Prezxantih bilhadal Ayyuntiino kilasterih Saqlah tan Massakaxxale Gifti, Amina seekol xayyoysak baarle leh yan walal elle abak faaticisaanamih Taama abte.
-----------------

18/07/2024

Qafar Rakaakayak Ayyuntiino kilasterih Gubat Raqtah tan Sekter Biiroorak leeda massoynah adoytiitik Rakiibô missoynah Konferensi Gexsen.

Ditelik, 11/2016 I.L.L

Ta Gudgud Rakaakayak Ciggiila Prezxantih bilhadal Ayyuntiino kilasterih saqla Massakaxxale Amina Seeko kee Rakaakayak Qaada kee Turizim Biirok Naharsi Saqal Gifta, Acmad Qabdukaadir
Miraacisak Ayyuntiino kilasterih Gubat Raqtah tan Sekter Biiroorak leeda massoynah adoytiitik Rakiibô missoynah Konferensi Gexsen.

Ta Gudgud Rakaakayak Ciggiila Prezxantih bilhadal Ayyuntiino kilasterih saqlah tan Massakaxxale Amina Seeko Yaabal fakte wak inteemih Ayyuntiino kilasterih caddol axcih Rakiibo massoynah caddol mangoh tan taama abak g*ytimnam tamixxige tiya inteek lakal, Rakaakayak Qaada kee Turizim Biirok Naharsi Saqal Gifta, Acmad Qabdukaadir Rakaakayak Ayyuntiino kilasterih Gubat Raqtah tan Sekter Biiroorak leeda massoynah adoytit Rakiibô missoynah caddol 2016 taama liggdal abeh yan taamoomi gabbaaqu akah xayyosannah kaa arcibisak Xayyoysaanamih taama abe.

Tohuuk, lakal Rakaakayak Qaada kee Turizim Biirok Naharsi Saqal Gifta, Acmad Qabdukaadir Rakaakayak Ayyuntiino kilasterih Gubat Raqtah tan Sekter Biiroorak leeda massoynah adoytiit Rakiibô missoynah caddol 2016 taama liggidal abeh yan taamoomi gabbaaqu xayyysaanamih taama abe.

Ta Konferensi walal Gudgudul Ayyuntiino kilasterik Rakiibô missoynah caddol 2016 taama liggdal tekkeh tekkeh tan taamoomi wagittaamal massooweh xayyooweh yan Gabbaaqul Ayyuntiino kilasterik Rakiibo Massoynah caddol cooca kee gabul macak sugtem wagittaamal esseroora kee mablooli elle ugusak baarle walal elle aben.

Illacabol, Rakaakayak Ciggiila Prezxantih bilhadal Ayyuntiino kilasterih saqla Massakaxxale Amina Seeko kee Rakaakayak Qaada kee Turizim Biirok Naharsi Saqal Gifta, Acmad Qabdukaadir uguteh tan mablooli mabla caddol beyak uguteh tan esseroora gacisak, Ayyuntiino kilasterih Gubat Raqtah tan Sekter biroora Leeda massoynak Rakiibo massoynah caddol abeenih yanin kulsale taama ma

30/04/2024

Qafar Rakaakayak Ayyuntiino Kilasterih Gubat Raqtah tan Sekter Biiroorak axcih 2016 Liggidak Sagla alsih addat tekkeh tan taama Agaaradaanam Qemmisen.

Qasa Dirrik, 22/2016 i.l.l

Rakaakayak Ciggiila Prezxantih bilhadal Ayyuntiino Kilasterih Saqlah tan Massakaxxale Gifti, Amina seeko Ayyuntiino Kilasterih gubat Raqtah tan Sekter Biiroorak 9 alsih taama gabbaaqu kusaaqissam qemmisse.

Rakaakayak Ciggiila prezxantih Bilhadal Ayyuntiino Kilasterih Saqla Massakaxxale Gifti, Amina Seeko sekter biiroora sagla alsih addat ikraarok ugtuma abak abeenih taama gabbaaqu elle xayyoysoonuwaan gurra wagitaamal Addafakoot keenih abteek lakal akah xayyoysan innah ken arcibisse.

#. Rakaakayak Ciggiila prezxantih Bilhadal Ayyuntiino Kilasterih Saqlah tan Massakaxxale Gifti, Amina Seekol axcih Kilaster Gubat raqtah tan sekter biiroora kee ken gubat raqtah tan maktabwa 9 alsih addat ikraarok ugtuma abak Madab mizaaniyyatat abeenih yanin taama gabbaaqu Massakaxxale Kilaster saqlal Xayyoysaanamih taama aben.

Illacabol, Massakaxxale Ayyuntiino Kilasterih Saqla Gifti Amina Seeko sekterwa biiroora Xayyosseh tan 9 alsih taama gabbaaqu wagitaamal esseroora kee mabla akah ugsan innah saami keenih teceek lakal esseroora gacisak mabla caddol uguttem mablah beyak amogacsi taama abte.

09/04/2024

Qafár Agattiinah Rakaakayih Doolatak Ayyuntiino Kilasterih saqalà Gifti Amina SeikoQiid Al-fatri Wagsiisak Qiddi Unkaqiinô farmo tatruse.

Inkih tan muslimiin ummattak unkaq hijrâ loowok 1445 heele Qiid al-fatri Qiidih sin sugseh, nee sugsem, Takabbal Allaahu minna waminkum saalical Aqmaal, qiidukum mubaarak.

Qiid inkih tan Muslimiinih inkitino edde Diggowtaah Muslimiinih biso-maxco le Qiid Neh yakkem Qaagita.

Qafar ummatta inki mogoy Akkuk isinni muddaqino edde diggoosa Dadal kee biso- maxco edde maqarrosna Qiid Neh yakkem Qagitaak Qiid mubaarak

Takabbal Allaahu minna waminkum saalical Aqmaal