အလွမ်းသည်

အလွမ်းသည် တခါတလေ ကျန်တော်တို့ လူသားဆန်ရမယ် ကဗျာစာတိုများ

"ငါဟာ မင်းပြေးမြင်မိတဲ့လူ ရင်ဖွင့်ချင်တဲ့ လူတစ်ယောက် ဖြစ်မလာခဲ့ဘူးနော်"ငါ​ကလေ... မင်းနဲ့ပတ်သက်ရင် လျှို့ဝှက်ချက်ဆိုတာ မရ...
25/12/2025

"ငါဟာ မင်းပြေးမြင်မိတဲ့လူ ရင်ဖွင့်ချင်တဲ့
လူတစ်ယောက် ဖြစ်မလာခဲ့ဘူးနော်"

ငါ​ကလေ... မင်းနဲ့ပတ်သက်ရင်
လျှို့ဝှက်ချက်ဆိုတာ မရှိခဲ့ပါဘူး။
အရာအာလုံးကိုချပြသလို ပြောပြခဲ့တယ်...
ငါ့ရဲ့ ပျော်ရွှင်မှု့တွေ၊ ဝမ်းနည်းမှု့တွေ၊
ကြောက်ရွံ့မှု့တွေကို မင်းရှေ့မှာ စာအုပ်တစ်အုပ်လို ဖြန့်ခင်းပြခဲ့ပါတယ်။ ငါ့ကမ္ဘာက မင်းအတွက်ဆို အမြဲတမ်း တံခါးဖွင့်ထားခဲ့တာပါ။
ဒါပေမဲ့... မင်းအတွက် ငါ့က အမြဲတမ်း
"ဧည့်သည်" တစ်ယောက်လိုပါပဲ။
မင်း စိတ်ညစ်စရာတွေ ကြုံလာရတိုင်း၊
အခက်အခဲတွေ တွေ့လာရတိုင်း
ငါဟာ မင်းပြေးမြင်မိတဲ့လူ ရင်ဖွင့်ချင်တဲ့
လူတစ်ယောက် ဖြစ်မလာခဲ့ဘူးနော်။
ငါ့ကိုဆို မင်းအမြဲတမ်း ဖုံးကွယ်ထားတတ်တယ်။
ငါကပဲ မင်းအကြောင်း နားမလည်ခဲ့တာလား၊ ဒါမှမဟုတ် မင်းကပဲ ငါ့ကို နားလည်ခွင့် မပေးခဲ့တာလား။
"နေကောင်းရဲ့လား" "အဆင်ပြေရဲ့လား" ဆိုပြီး
မင်းအတွက် ငါ စိတ်ပူပေးခဲ့ရတဲ့ နေ့ရက်တွေ
မင်းအသံလေး တချက်ကြားရဖို့ အမြဲတမ်း
ဂရုစိုက်ပေးခဲ့တာတွေ... တခုခုဖြစ်နေမှာစိုးရိမ်တာတွေ..ဒါတွေအားလုံးက မင်းအတွက်တော့
အရေးမပါတဲ့ အရာတွေ ဖြစ်နေခဲ့တာလား
ဆိုတာငါ့ကိုယ်ငါ ပြန်မေးမိတယ်။
"ငါ့ရဲ့ ဂရုစိုက်မှု့တွေကပဲ မလုံလောက်ခဲ့တာလား... ဒါမှမဟုတ် မင်းရဲ့ စိတ်ထဲမှာ
ငါဆိုတာက တကယ်ပဲ အရေးမပါတဲ့
လူတစ်ယောက်များလား" လို့ပေါ့။
ရုပ်ရှင်ကားတစ်ကားမှာဆိုရင်တော့ ငါက
ဇာတ်ပို့နေရာတောင် မရတဲ့ ဖြတ်လျှောက်သက်သက် လူတစ်ယောက် ဖြစ်နေမလားပဲ။
မင်းရဲ့ ကမ္ဘာကြီးထဲမှာ ငါ့နေရာက
ဘယ်နားမှာ ရှိနေခဲ့တာလဲ ဟင်...။
အခုချိန်ထိတော့ အဖြေမရှိတဲ့
မေးခွန်းတွေနဲ့အတူ ငါတစ်ယောက်တည်း
ဆက်ပြီး ရင်ဖွင့်နေရဆဲပါပဲ...🥺🥺

.O

ရှင်ကွဲ တဲ့....​​"ရှင်ကွဲဆိုတာ သေကွဲထက် ပိုနာကျင်ရတယ်လို့ လူတွေပြောကြတာ ကျွန်မ အရင်က ရယ်ခဲ့ဖူးတယ်..."​အခုတော့ အဲ့ဒီစကား...
23/12/2025

ရှင်ကွဲ တဲ့....
​
​"ရှင်ကွဲဆိုတာ သေကွဲထက် ပိုနာကျင်ရတယ်လို့ လူတွေပြောကြတာ
ကျွန်မ အရင်က ရယ်ခဲ့ဖူးတယ်..."
​အခုတော့ အဲ့ဒီစကားက ကျွန်မရဲ့ ဘဝတစ်ခုလုံးကို ဝါးမြိုသွားတဲ့
ကျိန်စာတစ်ခုလိုပါပဲ။ ကျွန်မတို့ရဲ့ ဇာတ်လမ်းလေးက သိပ်ကို ရိုးရှင်းခဲ့သလို သိပ်လည်း လှပခဲ့ပါတယ်။ နွေဦးရဲ့ သာယာတဲ့ ညနေခင်းတစ်ခုမှာ
စခဲ့တဲ့ ကျွန်မတို့ရဲ့ အချစ်က ပန်းခင်းကြီးတစ်ခုလို လန်းဆန်းခဲ့ဖူးတယ်။ သူက ကျွန်မရဲ့ ကမ္ဘာငယ်လေးဖြစ်ခဲ့သလို၊ ကျွန်မကလည်း သူ့ရဲ့ အားကိုးရာ ဖြစ်ခဲ့တာပေါ့။
​အဲ့ဒီတုန်းက သူရယ်ရင် ကျွန်မ လိုက်ရယ်မိပြီး၊ သူရှိတဲ့ နေရာတိုင်းဟာ ကျွန်မအတွက် နိဗ္ဗာန်တစ်ခုလိုပါပဲ။ ကျွန်မတို့မှာ အနာဂတ်အတွက် အိပ်မက်တွေ အများကြီး ရှိခဲ့တယ်။ အတူတူ အိုမင်းသွားကြမယ်၊
အတူတူ လက်ချင်းတွဲပြီး လမ်းလျှောက်ကြမယ်ဆိုတဲ့ ကတိတွေပေါ့။
​ဒါပေမဲ့ ကံကြမ္မာက ကျွန်မတို့ကို ရုတ်တရက်ကြီး မျက်နှာလွှဲခဲ့တယ်။ အပြောင်းအလဲတစ်ခု၊ အခြေအနေတစ်ခုကြားမှာ သူဟာ
ကျွန်မရဲ့ လက်ကို မလွှတ်ချင်ဘဲ လွှတ်ခဲ့ရတယ်။ အဲ့ဒီနေ့ကစပြီး
ကျွန်မတို့ကြားမှာ "အဆက်အသွယ်" ဆိုတဲ့ ကြိုးလေး ပြတ်တောက်သွားခဲ့တာ ဒီနေ့အထိပါပဲ။
​
​မနက်ခင်းတိုင်း မျက်လုံးပွင့်လာတာနဲ့ ကျွန်မ အရင်ဆုံးလုပ်မိတာက
ဖုန်းကို စမ်းမိတာပဲ။ တစ်ညလုံး သူများ စာပို့ထားမလား၊
တစ်နေရာရာကနေ သူ့သတင်းလေးများ ရောက်လာမလားဆိုတဲ့ မျှော်လင့်ချက်က အသက်ရှူတိုင်းမှာ ပါလာမြဲပါ။ ဒါပေမဲ့ ဖုန်းမျက်နှာပြင်ပေါ်မှာ မြင်နေရတာက ကျွန်မတို့ အတူတူရိုက်ထားတဲ့ ဓာတ်ပုံဟောင်းလေးရယ်၊ ခြောက်ကပ်နေတဲ့ အသိပေးချက်တွေရယ်ပါပဲ။
​နေ့ဘက်တွေမှာ လူကြားထဲ သွားလာလှုပ်ရှားနေပေမဲ့ ကျွန်မရဲ့ စိတ်ကတော့ သူ့ဆီမှာပဲ တစ်ဝက်တစ်ပျက် ကျန်နေခဲ့တယ်။ လမ်းမပေါ်မှာ
သူနဲ့တူတဲ့ ကျောပြင်တစ်ခုတွေ့ရင် ရင်ဘတ်က ဒိန်းခနဲ ခုန်သွားတတ်တယ်။ "သူလား" ဆိုတဲ့ အတွေးနဲ့ အတင်းပြေးကြည့်မိပြီးမှ မဟုတ်မှန်းသိရတဲ့အခါ ခံစားရတဲ့ စိတ်ပျက်မှုက ဘာနဲ့မှ မလဲနိုင်ဘူး။
​အဆိုးဆုံးကတော့ ညဘက်တွေပါပဲ။ ကမ္ဘာကြီးတစ်ခုလုံး တိတ်ဆိတ်သွားတဲ့အခါ ကျွန်မရဲ့ အတွေးတွေက ပိုပြီး ကျယ်လောင်လာတယ်။
​"သူ အခု ဘယ်မှာ အိပ်နေမလဲ?"
"ညစာရော ကောင်းကောင်းစားရဲ့လား?"
"နေမကောင်းဖြစ်နေရင် ဘယ်သူ ပြုစုပေးမလဲ?"
​ဒီမေးခွန်းတွေက အဖြေမရှိဘဲ စက်ဝိုင်းလို လည်နေတာ။ သူ နေကောင်းတယ်ဆိုတာလေးပဲ သိရရင်တောင် ဒီလောက်ထိ ရင်ပူမိမယ်မထင်ဘူး.
အခုတော့ သူက ဒီကမ္ဘာကြီးရဲ့ တစ်နေရာရာမှာ ရှိနေတယ်လို့ပဲ ယုံကြည်ပြီး တစ်ယောက်တည်း စိုးရိမ်နေရတယ်.. တစ်ခါတလေကျတော့လည်း စိတ်ကူးထဲမှာ အဆိုးဆုံးတွေကို တွေးမိပြီး ရင်ဘတ်တစ်ခုလုံး နင့်နေအောင် ဖြစ်သွားတတ်တယ်။
​"တကယ်လို့... တကယ်လို့ သူသာ မရှိတော့ဘူးဆိုရင်ကော?"
​အဲ့ဒီအတွေးဝင်လာတိုင်း ကျွန်မ ချက်ချင်း ခေါင်းခါပစ်မိတယ်။
မဟုတ်ဘူး... သူ ရှိနေရမယ်။ သူရှိနေမှ ကျွန်မရဲ့ ဒီလွမ်းရတဲ့ နေ့ရက်တွေက အဓိပ္ပာယ်ရှိမှာ။ ရှင်လျက်နဲ့ ဝေးနေရတာက နာကျင်ရပေမဲ့၊ သူ မရှိတော့ဘူးဆိုတဲ့ အသိထက်စာရင်တော့ ဒီနာကျင်မှု့ကိုပဲ ကျွန်မ ရွေးချယ်ပါရစေ။
​အခုတော့ ကျွန်မရဲ့ နေ့ရက်တိုင်းဟာ သူ့သတင်းကို စောင့်ရင်း၊ သူ့အကြောင်းကို တွေးရင်း၊ သူ့အတွက် ဆုတောင်းပေးရင်းနဲ့ပဲ ကုန်ဆုံးနေရတယ်။ အဆက်အသွယ်မရှိတဲ့ အလွမ်းက တိတ်ဆိတ်လွန်းတယ်၊ ဒါပေမဲ့ အဲ့ဒီတိတ်ဆိတ်မှုကပဲ ကျွန်မကို နေ့တိုင်း အစိမ်းလိုက် ဝါးမြိုနေတာပါ။
​ရှင်ကွဲဆိုတာ... တကယ်တော့ အဆုံးသတ်မဲ့တဲ့ စောင့်ဆိုင်းခြင်း အကျဉ်းထောင်တစ်ခုလိုပါပဲ....

.O

🍂 ချစ်တယ် ဆိုတာ ကိုယ့်ကိုကိုယ် ပျောက်ကွယ်သွားအောင် လုပ်ရမယ့်အရာမဟုတ်ဘူး..🍂ဒီမနက်မှာ....ကျွန်မရဲ့မိသားစုတွေကို..... အဆက်အ...
23/12/2025

🍂 ချစ်တယ် ဆိုတာ ကိုယ့်ကိုကိုယ်
ပျောက်ကွယ်သွားအောင် လုပ်ရမယ့်
အရာမဟုတ်ဘူး..🍂
ဒီမနက်မှာ....ကျွန်မရဲ့မိသားစုတွေကို..... အဆက်အသွယ်ဖြတ် လိုက်ပါတယ်

မိနစ် (၂၀) ခန့်အတွင်းမှာ ဖုန်းက (၁၂) ကြိမ်တောင် မြည်လာပါတယ်။ အရင်ဆုံးက သမီး ဆာရာ ဆက်တာပါ။ သမီးရဲ့ယောင်္ကျားလည်း ဆက်ပါတယ်။ ပြီးတော့ အိမ်ရဲ့ ကြိုးဖုန်းလိုင်းကနေလည်း ဖုန်းဝင်လာပါတယ်။

ကျွန်မ တစ်ခုမှ မကိုင်ခဲ့ပါဘူး။

ကျွန်မက မြို့သုံးမြို့ကျော်မှာရှိတဲ့ စားသောက်ဆိုင်လေးတစ်ခုမှာ ထိုင်ပြီး၊ ကိုယ်တိုင်လုပ်စရာမလိုတဲ့ ကော်ဖီနဲ့ မနက်စာကို အေးအေးဆေးဆေး စားနေတာပါ။

လွန်ခဲ့တဲ့ (၇) နှစ်လုံးလုံး......မနက် (၇) နာရီခွဲဆိုတာနဲ့ ကျောင်းသွားမယ့် မြေးတွေအတွက် ထမင်းဘူး (၃) ဘူး ကျွန်မ ပြင်ပြီးနေပါပြီ။

သုံးယောက်သုံးမျိုးဆိုပါတော့။ တစ်ယောက်က ပေါင်မုန့်အနားသားမကြိုက်ပါဘူး။ နောက်တစ်ယောက်က ဂျုံနဲ့မတည့်ဘူး...ဒီလိုနဲ့ သုံးယောက် သုံးမျိုးဆိုပါတော့။

ပျောက်နေတဲ့ ဘောကန်ဖိနပ်တွေကို လိုက်ရှာပေးရပါတယ်။ ကလေးတွေကြားက ရန်ပွဲတွေကို ဖြေရှင်းပေးရပါတယ်။
ကျွန်မဟာ အခကြေးငွေမရဘဲ တစ်နေကုန် မရပ်မနား လည်ပတ်နေရတဲ့ အိမ်တွင်းစီမံရေး မန်နေဂျာတစ်ယောက်ပါ။

ဒီနေ့တော့ သူတို့အိမ်ရဲ့ ကားလမ်းလေးကတော့ ဟာလာဟင်းလင်းပါပဲ။

ကျွန်မ အသက် (၆၀) ကျော်ပါပြီ။ အငြိမ်းစားယူတယ်ဆိုတာ နားနားနေနေ နေဖို့၊ ခရီးထွက်ဖို့၊ ဘာသာရေးလုပ်ဖို့ ....လို့ လူတွေက ပြောကြပါတယ်။

ဒါပေမဲ့ မြေးတွေရှိတဲ့ အဖိုး အဖွားတွေ အတွက်ကတော့ အငြိမ်းစားယူတယ်ဆိုတာ၊ အခပေးအလုပ်ကနေ အခမဲ့အလုပ် ကို ပြောင်းလုပ်လိုက်တာပါပဲ။ ( ဒီအလုပ်က ပိုပြီးတော့တောင် အချိန်ပေးရပါသေးတယ်။ )

ကျွန်မက "ပျက်ရက်မရှိ တာဝန်ကျနေတဲ့ အဘွား" ပါ။

ကျောင်းပို့ ကျောင်းကြိုလုပ်ရတယ်၊ မိဘတွေ အလုပ်နောက်ကျလို့ ကာရာတေးသင်တန်းတွေမှာ ထိုင်စောင့်ပေးရတယ်။
ဘယ်မြေးက မိုးကြိုးပစ်သံကြောက်တာလဲ၊ ဘယ်သူက ရေခွက်ထဲကို ရေခဲတုံး နှစ်တုံးပဲ ထည့်သောက်တယ် ဆိုတာအစ ကျွန်မ အကုန်သိပါတယ်။

သူတို့ဘဝ အဆင်ပြေဖို့အတွက် နောက်ကွယ်ကနေ တိတ်တိတ်လေး ပံ့ပိုးပေးနေရပေမယ့်၊ လူရာအသွင်းမခံရတဲ့.....အရေးပါတဲ့သူဆိုပါတော့။

"ဂျီဂျီ'' _ Gigiဆိုတဲ့ နောက်ထပ် အဘွားတစ်ယောက် ရှိပါသေးတယ်။ သူ့အဖေဘက်က တော်တာပါ။
သူက ဖလော်ရီဒါက ကွန်ဒိုမှာနေတယ်။ ကားအမိုးဖွင့်လေးကို စီးတယ်။ တစ်နှစ်ကို နှစ်ခါလောက်ပဲ လာလည်တတ်ပါတယ်။

ဂျီဂျီက ဟင်းတွေချက်ပြီး သယ်မလာပါဘူး။ သူက အထင်ကြီးစရာတွေပဲ သယ်လာတာပါ။

သူက ကလေးတွေကို ဘာစည်းကမ်းမှ မထုတ်ဘူး။ မုန့်တွေနဲ့ အံ့သြစရာ လက်ဆောင်တွေပဲ ထုတ်ပေးပါတယ်။

မနေ့က 'ဆိုဖီ'ရဲ့ (၁၀) နှစ်ပြည့် မွေးနေ့ပါ။

အဲဒီအတွက် ကျွန်မ အပတ်တကုတ် ပြင်ဆင်ခဲ့ပါတယ်။

"ဆိုဖီ'' က ပန်းချီဆွဲတာ ဝါသနာပါတော့ အကောင်းစား ခဲတံတွေ၊ ပုံဆွဲစာအုပ်တွေနဲ့ ပန်းချီဆွဲကိရိယာ အစုံလိုက်လေး ကျွန်မ လုပ်ပေးခဲ့ပါတယ်။

အိတ်လေးကိုတောင် ဂျင်းသားနဲ့ ကိုယ်တိုင်ချုပ်ပြီး သူ့နာမည်အတိုကောက်လေး ထိုးပေးထားတာပါ။

တန်ဖိုးကြီးမကြီးပေမယ့် ကျွန်မရဲ့ စေတနာတွေ အပြည့်ပါပဲ။

မွေးနေ့ပွဲမှာ ကျွန်မက၊ အကင်စက်နားမှာ အသားကင်ရင်း အလုပ်ရှုပ်နေချိန်မှာပဲ ငှားထားတဲ့ ကားလှလှလေးတစ်စီး ဆိုက်လာပါတယ်။

"ဂျီဂျီ'' ရောက်လာပါပြီ။

အခြေအနေက ချက်ချင်း ပြောင်းသွားပါတယ်။ အကျီအရောင်တောက်တောက်တွေ၊ ရယ်သံကျယ်ကျယ်တွေနဲ့အတူ စျေးကြီးတဲ့ ရေမွှေးအနံ့ကပျံ့လွင့်လာပါတယ်။
သူက 'ဆိုဖီ' ကို လက်ဆောင်အိတ်လေး ကမ်းပေးလိုက်တယ်။ အထဲမှာက လူတိုင်း သိကြတဲ့ ဘူးလေးတစ်ခု...။

နောက်ဆုံးပေါ် '' iPad Pro '' တစ်လုံးပါ။

ကလေးတွေ အော်ဟစ်ပြီး ပျော်သွားကြတာ၊ သူတို့တွေ 'ဂျီဂျီ' ကို ဝိုင်းအုံနေကြတာက ''စန်တာကလော့စ်'' _ Santa Claus ရောက်လာ သလိုပါပဲ။

ဆိုဖီက ကျွန်မပေးတဲ့ လက်ဆောင်အိတ်လေးကို မြက်ခင်းပေါ် ချပစ်ခဲ့ပြီး ''အိုင်ပတ်'' ကို သွားယူတော့တာပါပဲ။

"အဘွားက ကမ္ဘာမှာ အကောင်းဆုံး အဘွားပဲ....." လို့ အော်ရင်း 'ဂျီဂျီ'ကို ပွေ့ဖက်လိုက်ပါတယ်။

ကျွန်မကတော့ မီးခိုးတွေထွက်နေတဲ့ မီးဖိုနားမှာ ရပ်ရင်း........
"ဒါ သဘာဝပါပဲလေ၊ ကလေးတွေဆိုတော့ ဒီလို လက်ဆောင်မျိုးတွေရရင် ပျော်မှာပေါ့" လို့ ကိုယ့်ကိုယ်ကိုယ် နှစ်သိမ့်နေမိပါတယ်။

ပွဲပြီးတော့ ဂျီဂျီက ဧည့်ခန်းထဲမှာ ဗီဒီယိုကြည့်နေပါတယ်။ ကျွန်မကတော့ မီးဖိုချောင်မှာ ပန်းကန်တွေ ဆေးနေရတုန်းပါပဲ။

အဲဒီမှာ ဆိုဖီ ပြောလိုက်တဲ့စကားကို ကြားလိုက်ရပါတယ်။

"ဂျီဂျီ ဒီမှာပဲ သမီးတို့နဲ့ အတူတူ နေရင် ကောင်းမှာပဲနော်။"

ဆာရာ (ကျွန်မသမီး) က ရယ်ရင်း ပြောလိုက်တဲ့ အသံကိုလည်း ကြားလိုက်ပါတယ်။

"အေးလေ သမီးရဲ့၊ ဂျီဂျီက ပျော်ဖို့ အရမ်းကောင်းတာကိုး။"

"ဟုတ်တယ် မေမေ"

ဆိုဖီက ဆက်ပြောတယ် "နာနာ (ကျွန်မကိုပြောတာပါ ) ကကျတော့ စည်းကမ်းတင်းကြပ်တယ်၊ စာပဲ အမြဲလုပ်ခိုင်းနေတာ။"

ကျွန်မ စောင့်ဆိုင်းနေမိခဲ့ပါတယ်။

"နာနာ ရှိလို့ သမီးတို့ အဆင်ပြေနေတာ၊ နာနာ ရှိလို့ သမီးတို့ ဆော့နိုင်တာ၊ သမီးတို့ နေမကောင်းဖြစ်ရင် တစ်ညလုံး စောင့်ပေးတာ နာနာပဲ" လို့ ကျွန်မသမီးက၊ ကျွန်မဘက်ကနေ ဝင်ပြောပေးမှာကိုပါ။

ဒါပေမဲ့ ဆာရာက သက်ပြင်းချရုံလေးပဲ ချလိုက်ပြီး.........

"အင်း... ဒါကတော့ နာနာရဲ့ ပုံစံပဲလေ....ဂျီဂျီကတော့ ပျော်စရာကောင်းတဲ့ အဘွားပေါ့" တဲ့။

ပျော်စရာကောင်းတဲ့ အဘွား ''The Fun Grandma'' တဲ့လား။

အကြောင်းရှိတဲ့ အခိုက်အတန့်လေးတွေမှာပဲ ပေါ်လာတဲ့သူကိုတော့ ချီးကျူးကြတယ်။ အားလုံး အဆင်ပြေအောင် နောက်ကွယ်ကနေ အမြဲတမ်း ရုန်းကန်ပေးနေရတဲ့သူကိုတော့ ဘယ်သူမှ အသိအမှတ်မပြုကြပါဘူး။

တကယ် အလုပ်လုပ်ပေးတဲ့သူကိုကျတော့လည်း 'ပျင်းစရာကောင်းတဲ့လူ' လို့ပဲ မြင်ကြတယ်။

ကျွန်မ ပန်းကန်တွေ ဆေးပြီး၊ ခုံတွေကို သုတ်လိုက်ပါတယ်။ ဘာစကားမှ မပြောဘဲ အိမ်နောက်ဘက်ကနေ ထွက်လာခဲ့တယ်။

ကားထဲမှာ တစ်နာရီလောက် ထိုင်နေရင်း ကျွန်မ စဉ်းစားမိတယ်။
လျှော်ပြီးသား အဝတ်တွေ အပေါ်ထပ်ကို သယ်ပေးတိုင်း ကျွန်မရဲ့ ဒူးတွေနာတဲ့ အကြောင်း တွေးနေမိတယ်။

"ကလေးတွေက ငါ့ကို လိုအပ်နေတယ်" ဆိုတဲ့ ဆင်ခြေနဲ့ အကြိမ်ကြိမ် ဖျက်ခဲ့ရတဲ့ ကျွန်မရဲ့ ခရီးစဉ်တွေအကြောင်းလည်း တွေးနေမိတယ်။

အဲဒီမှာ ကျွန်မ တစ်ခု သဘောပေါက်သွားပါတယ်။

ကျွန်မက သူတို့ကို ကူညီနေရုံတင် မဟုတ်ပါဘူး။.....ကျွန်မကို လျစ်လျူရှုထားလို့ ရတယ်...ဆိုတာမျိုးကိုပါ၊ သူတို့ကို သင်ပေးနေမိတာပါလားလို့ တွေးမိပါတယ်။

ပုံမှန်ပေးဆပ်နေတဲ့ မေတ္တာက နောက်ခံကားချပ်လို ဖြစ်သွားပြီး၊ ဟန်ပြလုပ်တဲ့ မေတ္တာကမှ လက်ခုပ်သံ ရတတ်တာမျိုးပေါ့။

ဒါကြောင့် ဒီမနက်မှာ ကျွန်မ နိုးစက်မပေးခဲ့ပါဘူး။ သူတို့အိမ်ကိုလည်း မသွားခဲ့ပါဘူး။ ကော်ဖီလည်း ဖျော်မပေးခဲ့ပါဘူး။

ဒီကိုပဲ လာခဲ့လိုက်တယ်။

ကျွန်မ မုန့်တွေ စားနေတယ်၊ လွန်ခဲ့တဲ့ (၃) လက ဝယ်ထားတဲ့ စာအုပ်ကို ဖတ်နေတယ်။

ဖုန်းထဲကို မတ်ဆေ့တစ်စောင် ဝင်ရောက်လာပါတယ်။

"မေမေ? ဘယ်မှာလဲ? ကလေးတွေ ကျောင်းနောက်ကျတော့မယ်။ သမီးမှာ မိနစ် ၂ဝ နေရင် အစည်းအဝေးရှိတယ်။ ဖုန်းပြန်ဆက်ပါဦး။"

ကျွန်မ ကော်ဖီကို နောက်ထပ်တစ်ငုံ သောက်လိုက်တယ်။ အရသာက တကယ့်ကို ထူးကဲနေတာပဲ။

ကျွန်မ မြေးတွေကို ကိုယ့်အသက်ထက်မက ချစ်တာ မပြောင်းလဲပါဘူး။ ဒါပေမဲ့ ချစ်တယ်ဆိုတာနဲ့ ကိုယ့်ကိုယ်ကိုယ် ပျောက်ကွယ်သွားအောင် လုပ်ဖို့တော့ မလိုပါဘူး။
"လိုအပ်တာ" နဲ့ "တန်ဖိုးထားတာ" က မတူဘူးလေ။

ကျွန်မ သူတို့ကို နောက်မှ ပြန်ဆက်ပါ့မယ်။ ပြန်တော့ သွားမှာပါ။ ဒါပေမဲ့ အရင်လိုတော့ မဟုတ်တော့ပါဘူး။

'' နောက်ကွယ်ကနေ တိတ်တိတ်လေး ပင်ပန်းခံ ပံ့ပိုးပေးနေတဲ့၊ ဘယ်သူမှ သတိမထားမိတဲ့ ဘဝမျိုး '' အဖြစ်ကနေ အခုပဲ အနားယူ (နုတ်ထွက်) လိုက်ပါပြီ။

တကယ်လို့ "အဘွား" တစ်ယောက်ကို လိုချင်တယ်ဆိုရင်တော့ ကျွန်မ သူတို့နဲ့အတူရှိနေမှာပါ။ အလုပ်တွေ စီမံခန့်ခွဲပေးဖို့ မဟုတ်ဘဲ သူတို့ကို ချစ်ပေးဖို့အတွက်ပေါ့။

သူတို့က ကားမောင်းသမား၊ အိမ်ဖော်နဲ့ ထမင်းချက် လိုချင်ရင်တော့ အပြင်မှာ ငှားလို့ရပါတယ်။

ဒါကို ဖတ်နေတဲ့ သူတွေထဲမှာလည်း သင့်ဘဝ အဆင်ပြေအောင် နောက်ကွယ်ကနေ တိတ်တိတ်လေး လုပ်ပေးနေတဲ့သူ (မိဘ၊ အဖော် ဒါမှမဟုတ် ဘိုးဘိုးဘွားဘွား)တွေ ရှိနေခဲ့ရင် သူတို့ကို ကျေးဇူးတင်စကား ပြောလိုက်ပါ။

သူတို့တွေ သင့်အပေါ်မှာ စိတ်ကုန်သွားတဲ့အထိ မစောင့်ပါနဲ့။
နေ့စဉ်ရက်ဆက် အပင်ပန်းခံ လုပ်ပေးနေတဲ့ မေတ္တာမျိုးဟာ တကယ်တော့ ကမ္ဘာပေါ်မှာ အခိုင်မာဆုံး မေတ္တာမျိုးပါ။ အဲဒီလို မေတ္တာမျိုးကို လူတွေက မျက်ကွယ်မပြုဘဲ အလေးအနက်ထားပြီး တန်ဖိုးထားပေးကြပါ။

.O

#အလွမ်းသည်

Fri👩🏼 "နင်... တကယ်ပဲ သူ့ကို လက်လွှတ်ပေးလိုက်ပြီလား? အခုထိ နင့်မျက်လုံးထဲမှာ နောင်တတွေ မြင်နေရတုန်းပဲနော်။​Me👸 "လက်လွှတ်လ...
21/12/2025

Fri👩🏼 "နင်... တကယ်ပဲ သူ့ကို လက်လွှတ်ပေးလိုက်ပြီလား?
အခုထိ နင့်မျက်လုံးထဲမှာ နောင်တတွေ မြင်နေရတုန်းပဲနော်။

​Me👸 "လက်လွှတ်လိုက်တာ မဟုတ်ပါဘူးဟာ...
ငါ့ဘက်က ဆွဲထားလို့မှ မရတော့တာ။ ငါက သူ့လက်ကို တင်းတင်းကြပ်ကြပ် ဆုပ်ကိုင်ထားခဲ့ပေမယ့် သူက ငါ့လက်ချောင်းတွေကို တစ်ခုချင်းစီ ဖြုတ်ချသွားခဲ့တာလေ။

​Fri👩🏼 "ဒါပေမဲ့ နင် ကြိုးစားကြည့်လို့ ရသေးတာပဲ မဟုတ်လား?

​Me👸"အဆွဲခံရတာကို ငြီးငွေ့နေတဲ့သူတစ်ယောက်ကို ဆွဲထားရတာက ငါ့အတွက်တော့ သေမတတ် နာကျင်ရတယ်...
ငါ့ရဲ့ ချစ်ခြင်းတွေက သူ့အတွက် ဝန်ထုပ်ဝန်ပိုး ဖြစ်နေမှန်း သိလိုက်ရတဲ့ အချိန်မှာ၊ ငါ့ဆီမှာ ကျန်တဲ့ နောက်ဆုံး သိက္ခာလေးကို ဆုပ်ကိုင်ပြီး သူ့ကို ထွက်သွားခွင့်ပေးလိုက်ရတာပဲ။ အချစ်ဆိုတာ တယောက်ထဲကပဲ
ဆွဲထား ကြိုးစားနေလို့ရတာမှ မဟုတ်တာ...

​Fri👩🏼 "နင် အရမ်းခံစားနေရမှာပဲ...

​Me👸"အင်း... ခံစားရတာပေါ့။ ဒါပေမဲ့ ငါသိလိုက်တာ တစ်ခုရှိတယ်။ နှလုံးသားတစ်ခုက ဒီကမ်းခြေမှာ မနားချင်တော့ဘူးဆိုရင် ငါက ဘယ်လောက်ပဲ ကျောက်ဆောင်ကြီးလို ခိုင်မြဲနေပါစေ... သူကတော့ တခြားပင်လယ်ဆီကို ထွက်ခွာသွားမှာပဲ။
ငါ့ဘက်ကတော့... နောင်တမရှိအောင် ချစ်ပေးခဲ့ဖူးတယ်ဆိုတဲ့
အသိလေးနဲ့ပဲ ကျန်ရစ်ခဲ့တော့မယ်။🥺🥺

​ .O

လိုတာထက်ပိုသွားတဲ့အခါ... .O
17/12/2025

လိုတာထက်ပိုသွားတဲ့အခါ...

.O

လူတယောက်ကိုမေ့ပစ်ဖို့ အချိန် ဘယ်လောက်လိုလဲ တဲ့...?လူအများစုက "မေ့ပစ်မယ်" လို့ ရည်ရွယ်ချက် ထားပြီး ကြိုးစားလေ့ရှိကြပါတယ်....
15/12/2025

လူတယောက်ကိုမေ့ပစ်ဖို့ အချိန်
ဘယ်လောက်လိုလဲ တဲ့...?

လူအများစုက "မေ့ပစ်မယ်" လို့ ရည်ရွယ်ချက်
ထားပြီး ကြိုးစားလေ့ရှိကြပါတယ်... ဒါပေမဲ့ တကယ်တမ်းကျတော့ ကိုယ်ချစ်ခင်ခဲ့ရတဲ့သူ
ကိုယ့် ဘဝရဲ့ အစိတ်အပိုင်း ဖြစ်ခဲ့တဲ့သူကို ရုတ်တရက် လုံးဝ ပျောက်ကွယ်သွားအောင် လုပ်လို့မရပါဘူး။ မေ့လို့လဲ မရပါဘူး..ဒီနာကျင်မှု့က ခံစားဖူးသူတိုင်း နားလည်ကြတဲ့
ဝေဒနါတခုပါ..

​💡 အဓိက မေ့ပစ်ဖို့ထက် နာကျင်မှု့ မရှိတော့ဘဲ မှတ်ဉာဏ်တွေကို ပြန်လည် လက်ခံနိုင်အောင် ကြိုးစားပါ။ အဲဒီလူ နဲ့ ပတ်သက်တဲ့ ခံစားချက်ပြင်းထန်မှု့တွေ လျော့ကျသွားဖို့က ပိုအရေးကြီးပါတယ်။

​ပြီးတော့ ⏱️ "အချိန်" ကို ဖိအား မပေးပါနဲ့
​"သုံးလ ငါးလ ၁နှစ် ရှိနေပြီ ဘာလို့ ငါမေ့လို့ မရသေးတာလဲ" လို့ ကိုယ့်ကိုယ်ကိုယ် အပြစ်တင်တာမျိုး မလုပ်ပါနဲ့။

တိုတောင်းတဲ့ ဆက်ဆံရေးများ ကတောင် နက်နဲတဲ့ စိတ်ဒဏ်ရာကို ပေးနိုင်ပါတယ်။
ဒါကြောင့်
​လူတစ်ယောက်ကို မေ့ဖို့ အချိန် ဘယ်လောက်လိုလဲဆိုတော့... "သင့်စိတ် အေးချမ်းပြီး ပျော်ရွှင်တဲ့ ဘဝသစ်တခုကို ပြန်လည်စတင်ဖို့ အဆင်သင့်ဖြစ်တဲ့ အချိန်" လို့ပဲ
အဖြေပေးပါရစေ။ 🕊️

.O

သူများတွေရဲ့ အောင်မြင်မှု့နဲ့ ကိုယ့်ဘဝကို နှိုင်းယှဉ်ပြီး စိတ်ဓာတ်မကျပါနဲ့။ပန်းသီးနဲ့ လိမ္မော်သီးက အရသာချင်းမတူသလိုလူတို...
14/12/2025

သူများတွေရဲ့ အောင်မြင်မှု့နဲ့ ကိုယ့်ဘဝကို နှိုင်းယှဉ်ပြီး စိတ်ဓာတ်မကျပါနဲ့။
ပန်းသီးနဲ့ လိမ္မော်သီးက အရသာချင်းမတူသလို
လူတိုင်းမှာ ကိုယ်ပိုင်အချိန်ကာလနဲ့ တောက်ပမယ့် အချိန်ဆိုတာ ရှိစမြဲပါ။
အားတင်းထားပါ....

.O

ပျော်ရွှင်မှု့ဆိုတာ အငှားချ လို့ရတဲ့ အရာမဟုတ်ပါဘူး.. သင်ကိုယ်တိုင် ပိုင်ဆိုင်ထားမှသာ သူတစ်ပါးကို ပေးကမ်းနိုင်မှာပါ...ကို...
14/12/2025

ပျော်ရွှင်မှု့ဆိုတာ အငှားချ လို့ရတဲ့ အရာမဟုတ်ပါဘူး.. သင်ကိုယ်တိုင် ပိုင်ဆိုင်ထားမှသာ သူတစ်ပါးကို ပေးကမ်းနိုင်မှာပါ...ကိုယ့်ရဲ့ပျော်ရွှင်မှု့က တခြားသူအပေါ် မှီခိုတဲ့ ပျော်ရွှင်မှု့ မဖြစ်ပါစေနဲ့...
​
​ပန်း တစ်ပွင့်သည် အခြားပန်းတစ်ပွင့်ကို
လှပအောင် မလုပ်ပေးနိုင်ပါဘူး။
ကိုယ့်အလှကို ကိုယ်တိုင် ဖူးပွင့်ပါ။
​သင်၏ စေတနာကို မြေပြင် ပေါ် မဖြန့်ကျဲပါနှင့်။ မျိုးစေ့ အဖြစ် စိုက်ပျိုးပါ။ ပြီးလျှင် ဘယ်သူ့အတွက် ပွင့်မလဲဆိုတာ စောင့်ကြည့်ပါ၊ ဆုံးဖြတ်ပါ။

​မျှော်လင့်ချက် ကြီးလွန်းသော ချစ်ခြင်းသည် အဆိပ်ပင် ကဲ့သို့ ရေများများလောင်းလေ၊
ကိုယ့်ကိုကိုယ်ထိခိုက်လေ ဖြစ်တတ်သည်။
​တစ်စုံတစ်ယောက်က သင့်အား လိုအပ်
နေရုံဖြင့် သင့်ကို တန်ဖိုးထား သည်ဟု
မဆိုလိုနိုင်ပါ...

.O

💖 ကိုယ့်ကိုယ်ကိုယ် ချစ်တတ်ဖို့လည်း သင်ယူပါ💖ချစ်ခြင်းမေတ္တာဆိုတာ ဘဝမှာ အလှဆုံးနဲ့ အဖိုးအတန်ဆုံး ခံစားချက်တစ်ခုပါ။ တကယ်လို...
14/12/2025

💖 ကိုယ့်ကိုယ်ကိုယ် ချစ်တတ်ဖို့လည်း သင်ယူပါ💖

ချစ်ခြင်းမေတ္တာဆိုတာ ဘဝမှာ အလှဆုံးနဲ့
အဖိုးအတန်ဆုံး ခံစားချက်တစ်ခုပါ။
တကယ်လို့ ကိုယ်က တစ်စုံတစ်ယောက်ကို နှလုံးသားအပြည့်နဲ့ ချစ်မိပြီ ဆိုရင်
ကိုယ့်ဘေးက လူကို ပျော်ရွှင်အောင် ထားချင်စိတ်၊ ဂရုစိုက်ချင်စိတ်၊ ပေးဆပ်ချင်စိတ်တွေက အလိုလိုကို ဖြစ်ပေါ်လာတတ် ပါတယ်။
အရာရာဟာ ကိုယ့်ချစ်သူရဲ့ စိတ်၊ သူ့သဘော၊ သူ့အလိုကျ ဖြစ်ဖို့ကိုပဲ ဦးစားပေးနေမိတတ်တယ်။
အဲဒီလို ချစ်နေရင်းနဲ့... ကိုယ့်ကိုယ်ကိုယ် ချစ်တတ်ဖို့၊ ကိုယ့်အတွက် အချိန်ပေးဖို့၊ ကိုယ့်ရဲ့ စိတ်ဆန္ဒတွေကို ဦးစားပေးဖို့ကို တဖြည်းဖြည်း မေ့နေမိတတ်တယ်။ ကိုယ်ချစ်ရတဲ့သူရဲ့ ပျော်ရွှင်မှု့ဟာ
ကိုယ့်ရဲ့ ပျော်ရွှင်မှု့ ဖြစ်လာပြီး၊
ကိုယ့်ရဲ့တန်ဖိုးကလည်း သူ့ရဲ့
အသိအမှတ်ပြုမှု့ပေါ်မှာပဲ မူတည်နေသလို
ဖြစ်သွားတတ်ပါတယ်.

ကိုယ်က အရာအားလုံးကို ပေးဆပ်ပြီး ချစ်ခြင်း၊
ဂရုစိုက်မှု့တွေ ပုံအောပေးနေတဲ့အခါ...
တစ်ဖက်လူက ကိုယ့်ရဲ့ ပေးဆပ်မှု့တွေကို လျစ်လျူရှုလိုက်တဲ့အခါ၊ ဒါမှမဟုတ်
တန်ဖိုးမထားတော့တဲ့အခါ
နာကျင်မှု့က နှစ်ဆမက ပြင်းထန်သွားတတ်ပါတယ်။

ဘာဖြစ်လို့လဲဆိုတော့...
ကိုယ်ချစ်ရတဲ့သူရဲ့ ပစ်ပယ်မှုကြောင့် တစ်မျိုးနာကျင်ရတယ်။
ကိုယ်တိုင်က ကိုယ့်ရဲ့ပျော်ရွှင်မှု့ ကိုယ့်ရဲ့ စိတ်ဓာတ်ခွန်အားကို သူတစ်ပါးအပေါ် လုံးလုံးပုံအပ်ထားခဲ့မိလို့ ကိုယ့်ကိုယ်ကိုယ် ပြန်မထူနိုင်ဘဲ နောက်ထပ်တစ်မျိုး နာကျင်ရတာပါ။

ဒါကြောင့်မို့လို့... ကိုယ်ချစ်ရတဲ့သူကို ပေးဆပ်ချစ်ခင်တာ ကောင်းပေမယ့်၊ ဘယ်တော့မှ မမေ့သင့်တဲ့ အရာတစ်ခုရှိပါတယ်။ အဲဒါကတော့...
ကိုယ့်ကိုယ်ကိုယ် ချစ်တတ်ဖို့ သင်ယူပါ ဆိုတာပါပဲ။


ချစ်ခြင်းမေတ္တာဆိုတာ ပေးကမ်းမှု့သက်သက်မဟုတ်ဘဲ အပြန်အလှန် လေးစားတန်ဖိုးထားမှု့လည်း ပါဝင်တယ်ဆိုတာ နားလည်ထားပါ။
ကိုယ်ကိုယ်တိုင်က ခိုင်မာနေမှ၊ ကိုယ့်ကိုယ်ကိုယ် ပြည့်ပြည့်ဝဝ ချစ်တတ်နေမှသာ... သူတစ်ပါးရဲ့ အချစ်ကိုလည်း ကျန်းမာတဲ့ နည်းလမ်းနဲ့ လက်ခံနိုင်မှာဖြစ်သလို၊ တစ်ဖက်လူက လျစ်လျူရှုခဲ့ရင်တောင် ကိုယ့်ရဲ့ နှလုံးသားကို ကိုယ်တိုင် ပြန်လည်ကုစားနိုင်မယ့် ခွန်အားရှိမှာ ဖြစ်ပါတယ်။
ချစ်သူကို ချစ်ပါ၊ ဒါပေမယ့် ကိုယ့်ကိုယ်ကိုယ် ပိုပြီး ချစ်ဖို့ မမေ့ပါနဲ့။ ဘာလို့လဲဆိုတော့...
ဘဝတစ်လျှောက်လုံး ကိုယ့်ဘေးမှာ အမြဲတမ်းရှိနေမယ့်သူဟာ ကိုယ့်ကိုယ်ကိုယ် ပဲ ဖြစ်လို့ပါပဲ။

.O

မွန်းကြပ်နာကျင်လွန်းလို့ ရင်ဖွင့်ပါရစေ...​ကျွန်တော်တို့နှစ်ယောက်ရဲ့ ကမ္ဘာလေးက ဖုန်း Screen လေးတစ်ခုပါပဲ။​"ကိုရေ... ထမင်း...
12/12/2025

မွန်းကြပ်နာကျင်လွန်းလို့ ရင်ဖွင့်ပါရစေ...

​ကျွန်တော်တို့နှစ်ယောက်ရဲ့ ကမ္ဘာလေးက
ဖုန်း Screen လေးတစ်ခုပါပဲ။
​"ကိုရေ... ထမင်းစားပြီးပြီလား"
"ဒီနေ့ ဘာဟင်းချက်လဲ..."
​မိုင်ပေါင်းထောင်ချီ ဝေးကွာနေပေမယ့် မနက်မိုးလင်းတာနဲ့ သူ့ဆီက message လေးတွေ၊
ညဘက်ရောက်ရင် Video Call ပြောရင်း အိပ်ပျော်သွားခဲ့ကြတဲ့ ညတွေက ကျွန်တော်တို့အတွက်တော့ လက်တွေ့ဘဝလိုပါပဲ.. သူက မြန်မာပြည်မှာ ကျွန်တော်က ပြည်ပနိုင်ငံတစ်ခုမှာ။
"နောက်နှစ်ကျရင် လက်ထပ်ကြမယ်" ဆိုတဲ့
ကတိတစ်ခုနဲ့ ကျွန်တော်တို့ ရှေ့ဆက်နေခဲ့ကြတာပါ။ နိုင်ငံရေးအခြေအနေတွေ မကောင်းတဲ့ကြားက သူဟာ ကျွန်တော့်ကို စိတ်မပူစေချင်လို့ အမြဲပြုံးပြီး အားပေးနေခဲ့တဲ့သူလေ..
​ဒါပေမဲ့... မထင်မှတ်ပဲ အဲဒီနေ့က အရာအားလုံးက ပြောင်းလဲသွားခဲ့တယ်။
​ပုံမှန်ဆို သူ ကျွန်တော့်ဆီ ဖုန်းဆက်နေကျ။
ဒါပေမဲ့ အဲ့ဒီနေ့မနက်မှာတော့ ကျွန်တော့်ဖုန်းလေး တိတ်ဆိတ်နေတယ်။ ကျွန်တော် စာပို့လိုက်တယ်။
"ငယ် ရေ... နိုးပြီလား"ဆိုပြီး
​စာက Delivered မဖြစ်ဘူး။ အင်တာနက်လိုင်းတွေ ဖြတ်ထားပြန်ပြီလား ဆိုပြီး ကျွန်တော် ဖြေသိမ့်နေခဲ့တယ်။ နေ့လယ်ရောက်တော့ ဖုန်းခေါ်ကြည့်တယ်။
"လူကြီးမင်း ခေါ်ဆိုသော တယ်လီဖုန်းမှာ စက်ပိတ်ထားပါသဖြင့်..."
အကြိမ်ကြိမ် ခေါ်တယ်။ ဒီအသံပဲ ကြားနေရတယ်။ ကျွန်တော့်ရင်ထဲမှာ တစ်ခုခု မှားယွင်းနေပြီဆိုတဲ့ အသိက စတင် ဝင်ရောက်လာတယ်။
​တစ်ရက်... နှစ်ရက်... သုံးရက်...။
Message Box မှာ ကျွန်တော် ပို့ထားတဲ့ စာတွေက
ပုံနေပြီ သူလုံးဝ ပြန်မကြည့်တော့ဘူး။ Online ပေါ်လည်း တက်မလာတော့ဘူး။ ရင်ဘတ်ထဲမှာ မီးစနဲ့ ထိုးထားသလို ပူလောင်လွန်းလို့ အိပ်လို့လည်း မပျော်၊ စားလို့လည်း မဝင်တော့ဘူး။

​နောက်ဆုံးတော့ မနေနိုင်လွန်းလို့ သူ့ သူငယ်ချင်းတစ်ယောက်ဆီ ကျွန်တော် အကူအညီတောင်းပြီး စုံစမ်းခိုင်းလိုက်တယ်။ နာရီဝက်လောက်ကြာတော့ အဲ့ဒီသူငယ်ချင်းဆီက ဖုန်းပြန်ဝင်လာတယ်။
တဖက်က တုန်ရီနေတဲ့ အသံနဲ့ ပြောလာတဲ့ စကားက ကျွန်တော့်ကမ္ဘာကို ဖြိုခွဲလိုက်သလိုပါပဲ။
​"အကို... စိတ်ကို တင်းထားနော်..."
"ငယ့် ကို...ငယ့် ကို လွန်ခဲ့တဲ့ ၃ ရက်ကတည်းက စစ်သားတွေ ဝင်ဖမ်းသွားကြပြီတဲ့..."
​ကျွန်တော် ဘာပြန်ပြောရမှန်း မသိတော့ဘူး။
ဖုန်းက လက်ထဲကနေ လွတ်ကျသွားတယ်။ မျက်ရည်တွေက အတားအဆီးမရှိ ကျဆင်းလာတယ်။
ကျန်တော့်အတွေးတွေ ပူပန်မှု့တွေက
​အခုအချိန်မှာ သူ ဘယ်ရောက်နေမလဲ။
အမှောင်ခန်းထဲမှာ ကြောက်လန့်နေမလား။
ထမင်းရော စားရရဲ့လား။ ကြောက်နေမလား
ကျွန်တော့်ကိုရော မျှော်နေမလား မျိုးစုံပူပန်မှု့တွေနဲ့
အဆိုးရွားဆုံးကတော့ ကျွန်တော် ဘာမှ လုပ်ပေးလို့ မရတာပါပဲ။ ချစ်သူ ဒုက္ခရောက်နေချိန်မှာ ဘေးနားမှာ ရှိမနေပေးနိုင်ဘဲ၊ မိုင်ပေါင်းများစွာဝေးတဲ့ အရပ်ကနေ ဖုန်း screen လေးကိုကြည့်ပြီး ငိုနေရုံကလွဲလို့ ကျွန်တော် ဘာမှမတတ်နိုင်ခဲ့ဘူး...
​"ကို ပြန်လာရင် လက်ထပ်ကြမယ်" ဆိုတဲ့ ကတိလေးကော တည်ပါဦးမလား ငယ်ရယ်...💔😭
မင်း ပြန်လာမယ့်အချိန်ကို ကိုယ် ဒီဖုန်းလေးကို
ကိုင်ပြီး စောင့်နေပါ့မယ်။ ကျေးဇူးပြုပြီး... ကျေးဇူးပြုပြီး အသက်ရှင်လျက် ပြန်လာပေးပါကွာ...😭

​ငယ်ရယ်... သူများတွေပြောတဲ့ သတင်းက မှားတယ်လို့ ပြောပေးပါလားဟင်။ ငယ် အခု အိမ်မှာပဲ အိပ်ပျော်နေတာမလား။ ကိုယ့်ကို စနောက်နေတာမလားကွာ။
ကိုယ်လေ... ကိုယ့်ကိုယ်ကိုယ် အရမ်းမုန်းတယ်။
ငယ် ဒုက္ခရောက်နေချိန်မှာ ဘေးနားရှိမနေပေးနိုင်တဲ့ ကိုယ့်ကိုကိုယ်မုန်းတယ် နာတယ်...
​ငယ်...အရမ်း ကြောက်နေမှာပဲနော်။
အမှောင်ခန်းထဲမှာ ငယ် တစ်ယောက်တည်း
ငိုနေမှာပဲနော်။
'ကိုရေ... ကယ်ပါဦး' လို့ ငယ် အော်ခေါ်နေမလား။ အဲ့ဒီအသံတွေကို ကိုယ်မကြားနိုင်ခဲ့ဘူး... တောင်းပန်ပါတယ်... တကယ်ကို
တောင်းပန်ပါတယ်။
​ကိုယ့်ကို ကတိတစ်ခုတော့ ပေးပါ ငယ်..
ဘယ်လောက်ပဲ ခက်ခဲပါစေ... ဘယ်လောက်ပဲ နာကျင်ရပါစေ... အသက်ရှင်လျက် ပြန်လာပါနော်။ ကိုယ်တို့ အတူတူရွေးခဲ့တဲ့ မင်္ဂလာဝတ်စုံလေး
ငယ် ဝတ်ရဦးမယ်လေ။ငယ် ကြိုက်တဲ့ ဟော့ပေါ့ဆိုင်လေးမှာ အတူတူ သွားစားကြဦးမယ်လေ။
​ငယ် ပြန်လာမယ့်အချိန်အထိ ဒီ Message Box လေးထဲမှာ ကိုယ် နေ့တိုင်း စာလာပို့နေမယ်။
တနေ့ကျရင်... 'Delivered' ဆိုတဲ့ စာလုံးလေး ပေါ်လာမယ်လို့ ကိုယ်ယုံကြည်တယ် ငယ်..."
အရမ်းလဲလွမ်းသလို အရမ်းလဲ ချစ်တယ် ငယ်
အရမ်းလဲ စိတ်ပူပါတယ်.....🥺🥺😭💔
ဘေးမသီပဲ ကျန်းမာစွာ ရှိနေပေးပါ နော်...🥺

.O

သူငယ်ချင်း"မင်း ငါ့ကို မေးတယ်နော်... ငါဘာလို့ ဖုန်းသံကြားတိုင်း လန့်လန့်သွားတာလဲ၊ ဘာလို့ အရင်လို စိတ်မကြည်တော့တာလဲလို့.....
12/12/2025

သူငယ်ချင်း
"မင်း ငါ့ကို မေးတယ်နော်... ငါဘာလို့ ဖုန်းသံကြားတိုင်း လန့်လန့်သွားတာလဲ၊ ဘာလို့ အရင်လို စိတ်မကြည်တော့တာလဲလို့...။
ဒီနေ့ တော့ ငါ့အကြောင်း နားထောင်ပေးပါကွာ။

ငါတို့နှစ်ယောက် စပြီး ခွဲရတုန်းကလေ... ငါတို့ကတိတွေ အများကြီး ထားခဲ့ကြတာ။ 'မိုင်ပေါင်းများစွာ ဝေးနေပါစေ... ငါတို့စိတ်တွေက နီးနေမှာပါ' ဆိုပြီးတော့ပေါ့..
အဲ့ဒီတုန်းက ငါ့လက်ထဲက ဖုန်းလေးက
ငါ့ကမ္ဘာပဲသူငယ်ချင်း။ သူ့ဆီက message လေးတစ်စောင် ရောက်မလာမချင်း ငါမအိပ်ရဲဘူး။
သူ့ဆီက ဖုန်းဝင်မလာမချင်း ငါမနေနိုင်ခဲ့ဘူး
ဒါပေမဲ့ LDR ဆိုတာ တကယ်တမ်းကျတော့
'ယုံကြည်မှု့' တစ်ခုတည်းနဲ့ တည်ဆောက်ထားရတဲ့ ရဲတိုက်တစ်ခုလိုပဲ။ သိပ်မခိုင်ဘူး။
ညဘက်တွေဆို ငါ့ရင်ထဲ ပူလောင်လာတယ်။
သူ အွန်လိုင်းမှာ စိမ်းနေရက်နဲ့ ငါ့စာကို မပြန်တဲ့အခါမျိုးတွေမှာ
'သူ ဘယ်သူနဲ့ စကားပြောနေတာလဲ...'
'သူ ငါ့ကို ငြီးငွေ့သွားပြီလား...'
ဆိုတဲ့ သံသယစိတ်တွေက ငါ့ကို ညတိုင်း မီးစနဲ့ထိုးနေ သလိုပဲ။
ဒါပေမဲ့ ငါသည်းခံခဲ့ပါတယ်။ ငါ့ဘက်က သစ္စာတရားကို အသက်လို တန်ဖိုးထားပြီး စောင့်ခဲ့တယ်။ သူ ပင်ပန်းနေမှာပါလေဆိုပြီး ကိုယ့်စိတ်ကို ပြန်ဖြေသိမ့်ခဲ့ရတဲ့ ညပေါင်းလည်း မနည်းတော့ဘူး။
အဆိုးဆုံးက ဘာလဲသိလား...။
လွန်ခဲ့တဲ့ တစ်ပတ်လောက်ကပေါ့... ငါတို့ ပုံမှန်အတိုင်းပဲ ဖုန်းပြောဖြစ်ကြတယ်။
သူက 'Goodnight ချစ်သူ' လို့တောင် နှုတ်ဆက်သွားသေးတယ်။
ဒါပေမဲ့... အဲ့ဒီနောက်ပိုင်း သူ လုံးဝ အဆက်အသွယ် ဖြတ်သွားခဲ့တယ်။
ရန်ဖြစ်ထားတာလည်း မဟုတ်ဘူး။
စိတ်ဆိုးထားတာလည်း မရှိဘူး။ ရုတ်တရက်ကြီးလေ... Messenger မှာ delivered မဖြစ်တော့ဘူး။ ဖုန်းခေါ်ရင် စက်ပိတ်ထားတယ်။ Viber မှာလည်း seen မပြတော့ဘူး။
ပထမရက်တုန်းက ငါ့ရင်ထဲ မီးဟုန်းဟုန်းတောက်သလိုပူလောင်လွန်းခဲ့တယ်...
'သူ တခုခုများ ဖြစ်သွားတာလား ဖုန်းပျောက်သွားတာလား' ဆိုပြီး စိုးရိမ်စိတ်နဲ့ ငါ့မှာ ရူးမတတ်ပဲ။ တစ်ဖက်မှာလည်း 'သူ ငါ့ကို ထားခဲ့ပြီလား' ဆိုတဲ့ အတွေးက ဝင်လာပြန်ရော။
အခုချိန်ထိ ငါမသိရသေးတာကသူ ငါ့ကို မလိုချင်တော့လို့ စွန့်ပစ်သွားတာလား၊ ဒါမှမဟုတ် တကယ်ပဲ အခက်အခဲတစ်ခုခု ဖြစ်နေတာလားဆိုတာ ငါ့မှာ အဖြေမရှိဘူး။
အဆက်အသွယ် ရုတ်တရက် ပြတ်တောက်သွားတဲ့ ခံစားချက်ကလေ... လူကို အရှင်လတ်လတ် သ-တ်နေသလိုပဲ။ လမ်းခွဲစကားတောင် မကြားရဘဲ အဆုံးသတ်သွားရတာလောက် နာကျင်ရတာ ဘာရှိဦးမလဲ။
ငါလေသူ့ကိုအရမ်း လွမ်းတယ်...
သူ့အသံလေးကိုလဲ လွမ်းတယ်။ ရန်ဖြစ်ပြီးရင် ပြန်ချော့တတ်တဲ့ သူ့လေသံလေးကို လွမ်းတယ်။
ဒါပေမဲ့ အခုချိန်မှာ ငါ့ဖုန်း screen ပေါ်မှာ
ကျန်ခဲ့တာက... သူ နောက်ဆုံးပို့ခဲ့တဲ့ 'Goodnight' ဆိုတဲ့ စာတိုလေးရယ်၊ ငါတစ်ယောက်တည်း ပူလောင်နေရတဲ့ အဖြေမရှိတဲ့ မေးခွန်းတွေရယ်ပဲ ကျန်တော့တယ် သူငယ်ချင်းရာ..." 🥺🥺🥺

.O

12/12/2025

ကဲပြော ငါတူမလေးဘာလိုချင်လဲ😂😂😂😂

Address

Subang Jaya

Website

Alerts

Be the first to know and let us send you an email when အလွမ်းသည် posts news and promotions. Your email address will not be used for any other purpose, and you can unsubscribe at any time.

Shortcuts

Share

Category