The Chin Family

30/11/2025

Breaking: Venezuela le U.S ram buainak thu

Ram dang thawn Trump a buai lala

29/11/2025

Ramleng news

Indonesia ah ruahsur ruangih tilik le leimin ruangih thi minung 303 an kai zo, tin nikhua lam zingzoitu agency cun Reuter hnenah a sim thei.

Minung 80,000 lai cu an umnak hmun ihsin hmun him ah tthawn an si zo nan mihlo 279 an um lai ti a si. Mi bawmtu pawl cu helicopter pawl thawn thil tulmi tete an kuat aw ziangahtile leimin ruangah lamzin le lilawn pawl cu siatsuah an si.

Malacca Strait le Thailand kiangkap ih tilik ruangah mithi 162 an um thu Thailand palai Siripong Angkasakulkiat cun a sim thei ih mithi an kai bet ding khal an zum.

29/11/2025

29/11/2025

Malaysia cozah ih theihpimi refugee registration thar

📌 1 January 2026 thok ihsin Malaysia cozah cun a ram sungih um refugee hmuahhmuah a thar ten hmin cazin khum sal dingin a tumtah. Hi Refugee Registration Document (DPP) hnuai ah cozah ih theihpimi UNHCR nei refugee pawl cu cozah ih suahmi ID le biometric information (kutzung nemnak) pek an si ding.

Tuanvo neitu pawl cun, hitin system thar an tuahnak san cu sahimnak security le a ram sungih refugee um pawl fumfe tha deuh in an zoh so ih an somdawl theinak ding tin an sim.

Himi DPP tuah suahnak ding hrang cozah cun RM 10 million a ret cia zo tin the Sun Malaysia cun a sim. Cuitlunah, hmun then khat pawl cu Special refugee center hmun ah upgrade thleng an si ding thu tla a tarlang cih.

28/11/2025

Hong Kong apartment meikang ahcun minung 128 rori
an thi zo. Mithi mipum khal a kai bet an zum.

Hi meikang hi tlawngkai ni thum (Nov 26) ahkhan
a rak thok ih, Wang F*k Court complex ih tower 8 lakih pakhat in a thok. Cutin, tower 8 an zaten an kai sawng aw thluh ih a kang hai thluh. Firefighter (meikang dotu) pawl cun ni 2 sung rori meikang rehter dingin ttan an la.

Kang mei sungin minung luruh hmuh ding khal a tamzet. Tuzing Nov 28 lawng ahkhan meikang cu an mit thluh thei tin AP news cun a tarlang.

Meisa dotu pawl cu 2,300 an si ih an lak ihsin mipakhat a nun a liam. Hi kangmei ih thoknak hi renovation building remthat planning ruangih cangmi a si tin an zum. Curuangh construction company ih director 2 le engineer consultant pakhat cu palik pawl in an kai fel zo.

Hi apartment pawl cu k*m upa zo patar le pitar umnak an si tlangpi. Palik pawl cun, hi innpi pawl ih floor tinkim ah a kang ol zet le alh duh zet mi plastic foam panel cu an ben awk thluh thu an hmusuak. A bentu construction company pawl khal an thei fel zo ih ziangruangah an ben ti khal an theifiang lo.

23/11/2025

Malaysia thawnginn ihsin PhD degree ngah suaktu hmaisabik Murad (sahimnak hrang hmin lem pekmi)