https://www.facebook.com/1189115594278021/

ABS Radio Hausa, Abuja (2026)

18/09/2026

JAGORAN ANSARULLAH NA YEMEN, SAYYID ABDUL-MALIK AL-HOUTHI, YA GABATAR DA JAWABI KAN ABUBUWAN DA KE FARUWA A KASAR TA YEMEN.

– Ya ce hare-haren da Saudiyya ke kai wa al’ummar Yemen ne tushen halin da ake ciki a yanzu.

Ya ce haryanzun al’ummar Yemen suna matakin kare kansu daga hare-haren Saudiyya ne.

Ya kuma bayyana cewa Yemenawa na kare ƙasarsu da mutuncinsu daga hare-haren Saudiyya.

Ya ce rundunar Yemen tana kai hari ne kawai kan barukokin soji.

Ya bayyana cewa Sojojin Yemen na kare ikon mallakar ƙasar da cikakken yankinta daga hare-haren Saudiyya.

Jagoran Ansarullah ya zargi Saudiyya da kai hari kan fararen hula, ababen more rayuwar jama’a, masallatai da filayen jiragen sama a Yemen.

Ya bayyana cewa lallai Saudiyya ta aikata manyan laifuka kan al’ummar Yemen.

Ya ce an tattara tare da rubuta bayanan laifukan yaƙi da Saudiyya ta aikata kan Yemenawa.

Ya bayyana cewa Saudiyya na ƙoƙarin durƙusar da Yemen a fannoni daban-daban a lokacin da ake samun raguwar tashin hankali.

–ABS Radio Hausa.

18/09/2026

PART 7

— ZUWA SHAIKH ZAKZAKY KOTU

A ranar 19 ga Augustan 1997 ne aka sake kai Shaikh Zakzaky tare da ‘yan uwan da ake tuhuma kotu don cigaba da shari’ar karar da gwamnatin Abacha ta shigar da su. Ko da aka gabatar da karar ana shirin farawa, sai lauyan gwamnati Gidion Kurada ya nemi kotu ta dan kara wasu awowi don cigaba da shari’ar, saboda a cewar sa, ba su shirya wanda zai fassara zaman kotun zuwa Hausa a ranar ba.

Da kotun ta dawo zamanta bayan dagewan na wasu awanni, sai Lauya Kurada yace bayan zuwan sa kotun nan ba jimawa, an kawo masa wasika daga ma’aikatar shari’a ta jiha cewa, an nada shi a matsayin babban Mai Shari’a na babban kotun jihar Kadunan (High Court Judge). Don haka ya gabatar da babban mai gabatar da kara na jihar Kaduna (Senior state council), Bayero Dari, don ya canje shi wajen cigaba da wannan shari’ar.

Shi kuwa Dari, bayan ya gabatar da kansa, sai ya bukaci kotu da ta dage shari’ar zuwa wani lokaci daga rannan, don ya samu lokacin da zai bibiyi shari’ar da aka faro yadda ya k**ata a cewar sa. Don haka sai kotu ta sanya ranar 22/10/1997 a matsayin ranar da za a komo don cigaba da shari’ar.

Ranar 22/10/1997, jami’an tsaro s**a hargitsa garin Kaduna a rannan, ‘yan jarida kuma s**a taru a kotu suna ta jira su ga an kawo su Malam Zakzaky da mutum uku da ake tuhuma a tare, shiru ba su ga an kawo su ba, nan s**a je s**a tambayi Rijistaran kotun akan halin da ake ciki, inda ya shaida musu cewa, an daga zaman daga rannan zuwa ranar 3 ga watan Nuwambar 1997, a cewarsa, saboda masu karan suna so su karo wasu tuhume-tuhume akan wadanda s**a gabatar a baya, sannan kuma ‘yan sanda ba su gama bincikensu ba su ma.

Nan take sai ‘yan jarida s**a je ofishin mataimakin kwamishin ‘yan sanda s**a tambaye shi akan dalilin rashin kammala bincikensu. Sai yace musu shi a iya saninsa su ‘yan sanda sun riga sun gama bincikensu kuma sun mika ga kotu. Don haka wannan bata lokacin ba daga gare su bane. Zaman shari’ar dai da ba a yi ba kenan rannan.

— ALKALI KAFARANTI YA CANJI OKECHUKWU

Ranar 3 ga watan Nuwambar 1997 wacce ta dace da 3 ga watan Rajab, 1418H, an sake kai su Shaikh Zakzaky kotu don cigaba da shari’a, bayan neman da sabon lauyan gwamnati, Bayero Dari ya yi, kan kotu ta bashi lokaci don nazartan shari’ar a zaman da ya gabata. Sai dai da aka zo kotun sai aka tarar da sabon Alkali mai suna Abdul Adamu Kafaranti, a maimakon Alkali Okechukwu wanda shi ya fara shari’ar.

ABS Radio Hausa

17/09/2026

DA YAWAN WADANDA AKE KIRA ƳAN SIYASA BA SU SAN MA’ANAR SIYASA BA!
–Sheikh Ibraheem Zakzaky (H)

"Ban san ko waɗannan mutanen ya cancanci a ƙira su ‘yan siyasa ba, don haka ake kiransu, amma da yawansu ba su san ma ma’anar siyasar ba.

"Mu abin da muka ɗauka siyasa shine RA'AYI ne, akwai wani abu da kake so ka kare; akwai mu da tarihi, akwai mu da al’adu masu kyau, akwai addini, akwai mutunci, akwai dattako da wasu abubuwa irin wadannan da muke so mu mu kare, wanda shi kare wannan shine ake ce ma siyasa. Shine kuma za ka iya kafa jam’iyya a kan cewa kai abu kaza kake so ka kare. A san cewa kuma shi kake so ka kare din (a aikace).

"Amma za ka ga su mutane (wadanda ake kira yan siyasa) yanzu ba wannan ne a gabansu ba sam, su dai su hau muƙami kawai. Shi dai (mutum) kawai ya samu muƙami, ya zama dukiya yana hannunsa, ya ci ya sha, ya ba wanda ya ga dama. Shikenan, illa iyaka. Saboda haka duk wanda ya matso kusa (da shi) sai yace masa to ga wani abu kaima, in ana ‘campaign’.

"In kaga mutum yana ‘campaign’ yana raba kudi, ka ga me yake yi kenan? Ku fada min. Yana neman goyon baya ne ko kuma yana sayen goyon baya?.

"Duk wanda ya zo ya baka kudi don ka bashi goyon baya ai ya saye ka kenan, ya sayi goyon bayan ne. Kuma baya ganin ka goyi bayansa ne, yana ganin kudin da ya bayar ne, ko (daga baya) ka je ka yi magana ma sai ya ce ai kudinsa ya biya, saboda ya riga ya biya kuɗi ne (ka goyi bayansa). Kuma idan ya hau shikenan zance ya kare, kai baka da wata daraja (a wajensa), illa iyaka in ka zo a dan sammako (wani abu ne) a wulakance, in (ma) an baka (to) a wulakance ne.

"Kuma za ka ga kullum da yake abin da ya dame su kenan me za su samu, su suna siyasar me zan samu ne. Yau idan mutum yana wannan jam’iyyar ya ga alamar ba zai samu wani abu ba sai ya koma wata. Ko ba haka suke yi ba?.

"Kowane yana son wai me zai samu ne. Ka ga kuwa da ace ra’ayi ne ake so a kare, sai an ce wane tsaya takara. Yace ba zan tsaya ba, wane ya fi ni cancanta. Saboda ana neman wane ne ya fi cancanta ne don kare wannan ra’ayin. Nan kuwa kowa yana hanƙoron ya zama shine (ya hau muƙami), kuma (yana duba) me zai samu ne.

"To mu idan ma har muna da ra’ayi a cikin siyasa, mu a kan ra’ayin muke yi, ba ‘business’ bane a wajenmu, ba kasuwanci bane, a kan ra’ayi ne. Muna ganin mene ne muke so mu kare? Muna da abin karewa? Eh. Mene ne? To a kan wannan ra’ayin ne, ba a kan cewa me za mu samu a wajen wannan ba, ko me za a bamu ba, k**ar yadda saura suke."

— Bangaren jawabin Shaikh Ibraheem Zakzaky (H) ga Wakilan Dandalin Siyasa na Harkar Musulunci a gidansa da ke Abuja, ranar Talata 29/11/2022.

©️ ABS Radio Hausa

17/09/2026

PART 6

— YADDA AKA FARA KAI SHAIKH ZAKZAKY KOTU A KADUNA

A ranar 31/7/1997, daidai da 27 ga Rabi’ul Auwal 1418H ne, aka fara gabatar da Shaikh Ibraheem Zakzaky tare da almajiransa uku a gaban babbar kotun tarayya da ke da mazauni a No.5 Titin Yakubu Gawon, a garin Kaduna.

Karar wadda gwamnatin Abacha ta shigar da Shaikh Zakzaky tare da mutum uku a lokacin, an tuhume su ne da cewa sun ce; ‘Babu Gwamnati sai ta Musulunci’. Mutum ukun kuwa su ne wadanda aka k**a su tare da Shaikh din, wato Alhaji Danlami, Malam Abubakar Almizan da Malam Sh*ttu.

A ranar da za a je kotun, da misalin karfe 9ns, Shaikh Zakzaky da ‘yan uwan s**a fito daga cikin kurkukun sanye da fararen kaya, inda aka kara musu wata mota da ake kira ‘Black Maria’ mai lamba PF3669KD, s**a k**a hanyar zuwa kotu tare da rakiyar wasu jami’an tsaron a wata motar mai lamba PF3752KD.

Misalin karfe 10ns, Alkalin mai suna Okechukwu Okeke ya shigo harabar kotu aka fara shari’ar, inda lauya Gidion Kurada ya gabatar da karar a gaban kotu a madadin gwamnati. Ko da aka tambayi su Shaikh Zakzaky ko suna da lauya? S**a ce basu da shi. Alkali yace musu hakkinsu ne idan basu da lauya a samar musu da shi don ya kare su idan suna bukata. “Suna bukatar lauya?” Shaikh Zakzaky yace, ba su bukata.

Nan aka karanta musu tuhumar da ake musu na cewa laifin da s**a aikata shi ne, cewa babu hukuma sai ta Allah. Sun yarda sun aikata laifin? Shaikh Zakzaky yace, sam ba su aikata laifi ba. Aka tambayi sauran ma duk s**a ce ba su yi laifi ba su.

Sai Alkalin ya tambaye su cewa, yanzu suna da wata bukata a wajen kotun? Malam Zakzaky yace ba su da ita. Alkali yace ba ku son beli? Malam yace ba mu so. Alkali ya tambayi sauran yan uwan, su ma s**a fadi abin da Jagoransu ya fada, wato ba su so. Nan sai Alkalin ya daga shari’ar tare da sanya ranekun 19, 20 da 21 ga watan Augustan 1997 don cigaba da ita.

ABS Radio Hausa

16/09/2026

PART 5

— HAIHUWAR DAN SAYYID ZAKZAKY NA BAKWAI; HAMMAD

Ana cikin waki’ar Abacha, tana tsananin zafinta, tare da tsananin takura da tsanantawa ga iyalan Shaikh Zakzaky, wanda har takai ga k**a mai dakinsa Malama Zeenah Ibrahim a tsare a kurkuku da ‘ya’yanta, a ranar 10 ga Disambar 1996 wacce ta dace da 1 ga watan Sha’aban, 1417H Malama Zeenah, uwargidan Jagora, Shaikh Ibraheem Zakzaky ta haifa masa yaro da aka radawa suna Hammad.

Hammad, shi ne yaro na bakwai a jerin ‘ya’yan Shaikh Zakzaky (H). Kuma shi ma k**ar yayunsa Muhammad da Nusaiba, an haife shi ne a yayin da mahaifinsa ke tsare a kurkuku, bayan an k**a shi da kimanin watanni uku, a lokacin mulkin Janar Sani Abacha.

— DAWO DA SHAIKH ZAKZAKY KADUNA DAGA KURKUKUN FATAKWAL A 1997

A ranar Talata 2/6/1997 daidai da 27 ga Muharram 1418H ne, aka dawo da Shaikh Ibraheem Zakzaky kurkukun Kaduna, bayan an dauko shi daga kurkukun Fatakwal.

An dawo da Shaikh Zakzaky ne tare da Malam Turi, wanda aka dauko shi daga kurkukun Oyo, da Alhaji Hamid Danlami, wanda aka dauko shi daga kurkukun Enugu, da kuma Malam Abubakar Almizan wanda aka dauko shi daga kurkukun Kalaba.

Bayan kwana biyu da kawo su, wato a ranar Ahamis 4/6/1997 kuma ka dauko wasu almajiran Shaikh Zakzaky su hudu suma zuwa Kurkukun Kaduna. Su ne; Malam Mukhtar Sahabi, daga kurkukun Ado-Ekiti, da Dakta Mustapha Umar Sa’id daga kurkukun Ibadan, Malam Muhammad Sani (Sarkin Malamai) daga kurkukun Benin, da kuma Malam Sh*ttu Muhammad daga kurkukun Benin, wadanda su ma duk an k**a su a lokacin mulkin Abacha din ne aka kai su garuruwan Kudu aka daure sub a tare da shari’a ba.

ABS Radio Hausa

15/09/2026

PART 4

— ƊAUKE SU SHAIKH ZAKZAKY DAGA KADUNA ZUWA KUDANCIN NIJERIYA

A ranar Asabar 14/9/1996, washe garin waki’ar kofar Doka da duddukun asubahi, jami’an tsaro s**a je inda suke tsare da su Shaikh Ibraheem Zakzaky da almajiransa uku, s**a dauke su daga ofishin na Mopol da ke Kaduna cikin motoci biyu, aka k**a hanyar Kudancin kasa da su don tsarewa.

A rannan s**a kai Jagora, Shaikh Zakzaky kurkukun Fatakwal (Port Harcourt) babban birnin jihar Rivers. Alhaji Hamid Danlami aka kai shi Kurkukun Enugu. Malam Abubakar Almizan kuma aka kai shi kurkukun Calabar ta jihar Rivers, sai Malam Sh*ttu Muhammad aka kai shi kurkukun Benin ta jihar Edo.

Tun da aka kai su aka tsare a wannan ranar 14 ga Satumbar 1996 din, sai a ranar 2/6/1997, bayan sun shafe kimanin watanni tara a tsare, sanna aka maido da su Kaduna don yi musu shari’a.

— WAKI’AR LARABA A KADUNA

Ranar Laraba 18/9/1996, ‘yan uwa Musulmi almajiran Shaikh Ibraheem Zakzaky daga dukkan sassan kasar nan s**a kuma fitowa a garin Kaduna don yin Muzaharar jaddada kira kan a saki jagoransu daga kamun da Abacha ya yi masa a ranar 12/9/1996. Tare da bayyanawa duniya irin ta’addancin da jami’an ‘yan sanda s**a yi na kashe mutane a ranar 13/9/1996 a Zariya.

A wannan ranar duk da barazanar kwamishinan ‘yan sandan Kaduna, Yakubu Shu’aibu da yace, duk wanda ya fito Muzahara a ranar zai karya masa kafa, ‘yan uwa sun fito Muzaharar wacce aka faro ta daga Masallacin Maiduguri Road a cikin garin Kaduna.

Sai dai a wannan ranar ‘yan sanda sun sake yin ta’addancin, inda s**a bude wuta a kan ‘yan uwa masu Muzaharar da harsasai masu rai, an tabbatar da ‘yan uwa guda shida sun samu shahada a wannan Larabar, sai dai ana tunanin sun fi haka, saboda akwai wadanda yan sanda s**a kashe s**a kira wani Malami mai suna Abubakar Tureta wanda makiyin Harka ne sosai, s**a sa ya yi musu sallah da bizne su a makabarta. Sannan kuma, sun k**a ‘yan uwa da dama a rannan, ana zargin sun harbe wasu bayan k**a su.

Shahidan waki’ar sun hada da; Shahid Muhammad Inuwa Guri, Shahid Adam Aliyu Gaya, Shahid Ridwan Gadon Kaya, Shahid Umar Mai Carbi, Shahid Aminu Kofar Mazugal, Shahid Muhammad Sani Sufi.

ABS Radio Hausa

15/09/2026

ALMAJIRAN SHEIKH ZAKZAKY SUNA BADA GUDUNMAWAR ZAMAN LAFIYA UNGUWAR HAYIN RIGASA - Cewar Dallatun Rigasa

Ɗaya daga cikin sarakunan al'umma na unguwar hayin Rigasa Kaduna (Dallatun Rigasa) ya bayyana ƴan uwa musulmi almajiran syheikh Ibraheem Zakzaky (H) a matsayin waɗanɗa s**a kawo gudunmawar zaman lafiya a unguwar Hayin Rigasa Kaduna.

Dallatun ya faɗi hakan ne wajen taron gasar faretin da ƴan uwa musulmi almajiran Sheikh Ibraheem Zakzaky (H) s**a gabatar a hayin Rigasa kaduna a shekaran jiya Lahadi.

Bayan nan cikin jawabin nasa yace cikin abin da ya bashi sha'awa yanda almajiran Sheikh Ibraheem Zakzaky (H) suke da tsari a ko yaushe musamman ɓangaren kiwon lafiya (ISMA) yanda suke bayar da gudummawa ga mutane suke kula dasu wajen ba su magunguna da Allurai.

Ya kara da cewa ya yi mamaki yanda wajen taron aka tsara shi yayi kyau saboda ba a taɓa irin wannan taron a wajen ba.

Ya kara da cewa da farko an so a hana wajen lokacin da almajiran Sheikh Ibraheem Zakzaky su ka nema amma sai muka ga bai k**ata ba domin kowa na da hakkin yin addinnin sa yanda ya fahimta k**ar yanda tsarin mulkin kasar ya baiwa kowa dama shi yasa muka tashi muka sami DPO har kwamishina har gwamna sai da muka ga an samu wajen Inji Shi.

Yace yaga anyi zagaye a titin Rigasa an gama lafiya cikin tsari babu wanda aka cutar ko aka shiga hakkin sa anyi cikin tsari da kula da kiyaye wa

Yace Insha Allah duk lokacin da irin wannan bukatar ta taso za suyi iya kar yinsu da kokarin su suga an bayar da wajen insha Allah domin mabiya shi'a ( k**ar yadda yace) mutane ne masu kiyaye wa da kawo zaman lafiya a unguwar Hayin Rigasa Kaduna. don haka saboda yanayin sauri da kuma uziri za mu dakata a nan muna fatan Allah ya sanya a tashi lafiya ya maida kowa gida lafiya.

Daga karshe an baiwa (Dallatun Rigasa) kyuta ta girmamawa gare shi wanda Malam Auwal Hayi ya jagoranci bayarwa, taron an yishi ne a babbar makarantar firamare ta lokoja da ke cikin unguwar Hayin Rigasa Kaduna.

Bin Muhammad KD
ABS Radio Hausa
Satumba/ 15 / 2026

14/09/2026

Mafitarmu:

“Mu yanzu da muke zaune a wannan al'ummar, an jefa mana wadansu abubuwa da s**a zama sun hana mu ma mu fahimci gaskiya, sai muna ta fada akan abubuwa daban-daban, ana ta kunno mana da su, mu yi ta fada da su.

“An kawo mana rashin tsaro, saboda ya dauke hankalinmu ne. An kawo mana talauci, saboda ya dauke hankalinmu ne. An kawo mana fadan kabilanci da bangaranci da sauransu, duk don haka ne. Duk wadannan su s**a dauke hankalin al'umma, kullum suna rigima ne. Saboda mene? Sun kasa gane mene ne ya k**a su koma a kai.

“Kuma lallai abinda ya k**ata su fahimci cewa, ita al'umma wannan rigimar ba zai taba kai ta ga gaci ba. Rigingimun nan da suke yi, la'alla tsakanin addini da addini ne, ko a cikin addinin ne, ko tsakanin gari da gari ne, ko bangaren ƙasa da wani ɓangare, ko ƙabila da ƙabila, (duk) wadannan rigingimun suna amfanan maƙiya ne. Maƙiya s**a shuka su domin su su amfana.

“Saboda haka idan mutane s**a gano cewa ba kan wannan ya k**ata mu sa hankalinmu ba, ya k**ata ba, ya k**ata ne mu sa hankalinmu akan cewa, ai duk cikanmu al'umma guda ce, kuma Allah Ta'ala ne ya halicce mu, ya dora mu a doron kasa, addininSa kuma 'Wadih' (a sarari yake), wanda ya yi imani ya yi, wanda bai yi ba kuma dai ruwansa, amma dai bai zo da addinin domin mu riƙa rigima muna fada da juna ba. In muka fahimci wannan, muka gane wannan, to insha Allahul Azeem abubuwa za su saukaka mana.

“Kuma dai karshen al'amari muna cewa, makoman wannan al'ummar, ko an ƙi, ko an so, komawa ga gaskiya ne. Gaskiyar magana kenan, lallai komai fada da gaskiyan da kake, watarana za a koma ga ita ne. Muna shekarun fata ne, ba muna shekarun da ba fata ba ne. Da muna shekarun da ba fata ne, sai mu ce ba fata, muna jiran hurin kaho ne kawai Kiyama ta tsaya. Amma yanzu abin da muke jira kenan? Muna jiran tabbatan addini ne. Alkawari ne na Allah, kuma. Allah ba Ya saɓa alkawari. Allah Ya gaggauta bayyanar wanda da bayyanarshi ne komai zai zamo daidai Insha Allahul Azeem.”

— Jagora Sayyid Ibraheem Zakzaky (H) a Mauludin Resource Forum na Harka Islamiyya a Abuja, ranar Lahadi 1 Rabi'ul Thani 1448 (13/9/2026)

02/RabiuThani/1448
13/09/2026

14/09/2026

PART 3

— WAKI'AR KOFAR DOKA 1996

Kashegari Juma’a 13/9/1996 ne dubun-dubatan ‘yan uwa Musulmi almajiran Shaikh Ibraheem Zakzaky s**a hadu a Zariya, inda s**a gabatar da Muzaharar Allah-wadai da kamun Jagora, Shaikh Ibraheem Zakzaky da gwamnatin Abacha ta yi. Ko da yake Muzaharar ta gudana ne a garuruwa da dama, irin su Legas, Jos, Bauchi, Maiduguri, Azare, Potiskum, Kano, Katsina, Sakkwato da sauransu, amma ta Zariya ta musamman ce.

Muzaharar ta faro ne daga masallacin Juma’a na sabon garin Zariya, isowar goshinta kofar Doka ke da wuya, ‘yan uwa s**a gamu da jami’an ‘yan sandan kwantar da tarzoma a daidai shatale-talen hanyar Jos dauke da muggan mak**ai, inda s**a budewa ‘yan uwa wuta da tiyagas da harsasai masu rai. Nan take aka samu Shahidai 15, da taimakon Allah ‘yan uwa s**a dake da Kabbara da Hailala da jefa duwatsu har sai da s**a kora ‘yan sandan nan s**a gudu da kafafunsu s**a bar tankan yakinsu. Sannan Muzahara ta cigaba da gudana har zuwa muhallin da aka tsara za a rufe ta, wato Babban Dodo a cikin garin Zaria.

Tsayuwar wanda ke Jagorantar ‘yan uwa a lokacin, Malam Muhammad Turi, da ya zama bai ja da baya ba duk kuwa da ruwan wutan da ake yi, ya taimaka sosai wajen dakewar ‘yan uwa da rashin tarwatsewarsu har zuwa kammala Muzaharar.

Shahidan sun hada da; Shahid Abdullahi Musa, Shahid Yusuf Musa, Shahid Usman Sulaiman, Shahid Usman Ibrahim, Shahid Ali Sadau, Shahid Abubakar Rabi’u, Shahid Nuhu Adam, Shahid Isa Musa, Shahid Muhammad Salisu Abdullah, Shahid Musa Muhammad, Shahid Gambo Muhammad, Shahid Sani Ayatullahi, Shahid Ishak Salihu Mahuta, Shahid Ashiru Yusuf da Shahid Muhammad Auwal Gwanda.

Washe gari Asabar ne kuma Shaikh Muhammad Turi ya jagoranci janazar Shahidan, wanda aka bizne su duk a garin Zariya.

ABS Radio Hausa

14/09/2026

AN KAMMALA GASAR FARETIN FUDIYOYI A GARIN KADUNA NA BANA.

Cikakken Rahoto.
Daga-: Muhammad M Salis ✍🏻

A jiya — Lahadi, 13 ga Satumba, 2026: An gudanar da babbar gasar Faretin Fudiyoyi a birnin Kaduna, a wani ɓangare na shirye-shiryen gudanar da bukukuwan tunawa da zagayowar watan haihuwar fiyayyen halitta, Annabi Muhammad (S).

Gasar ta samu halartar Fudiyoyi daban-daban daga sassa na Kaduna da kewaye inda jimillar Fudiyoyi 14 s**a fafata, tare da nuna ƙwarewa, tsari, da bajintar ɗalibansu a faretin.

An buɗe taron da karatun Alƙur’ani mai girma, kafin daga bisani a fara gasar faretin, inda kowace Fudiyya ta gabatar da nata tsari da salon faretin cikin natsuwa da kwarewa.

Bayan kammala gasar faretin, an gabatar da jawabai daga cikin manyan mahalarta taron.

Daga cikin waɗanda s**a gabatar da jawabi akwai Malam Auwal shugaban lajanar Fudiyoyi a Kaduna, wanda ya yi tsokaci kan muhimmancin haɗin kai da haɗin kan al’ummar Musulmi.

Ya bayyana cewa haɗin kai yana da matuƙar muhimmanci wajen ƙarfafa zumunci da fahimtar juna tsakanin al’umma, yana mai cewa irin waɗannan bukukuwa da gasa na taimakawa wajen nuna farin ciki da tunawa da zagayowar watan haihuwar Annabi Muhammad (S).

Inda bayan kammala jawabinsa aka fara bada ƙyaututtuka ga wasu Fudiyoyin.

Daga bisani, an sanar da sak**akon gasar karatun Alƙur’ani mai girma inda aka bayyana waɗanda s**a yi nasara daga matsayi na farko zuwa na uku wacce aka gudanar da musabaƙar kafin ranar Faretin.

Sak**akon gasar:

Na 1: Madarasatul Salmanal Farisy
Na 2: Madarasatul Fudiyyah Badikko
Na 3: Madarasatul Fudiyyah Ahlul Baiti

Bangaren

Izifi Goma:

Na 1: Madarasatul Imamul Ridda

Na 2: Madarasatul Imam Sadiƙ

Na 3: Madarasatul Salmanal Farisy

GASAR WAƘA

Haka kuma, an gudanar da gasar waƙa, inda mahalarta s**a nuna bajinta da ƙwarewa.

Sak**akon gasar:

Na 1: Madarasatul Fudiyyah Imam Ja’afar As-Sadiƙ

Na 2: Madarasatul Fudiyyah Ahlul Baiti

Na 3: Madarasatul Fudiyyah Iƙama

SAKAMAKON BABBAR GASAR FARETIN FUDIYOYI.

A ƙarshe, an sanar da sak**akon gasar Faretin Fudiyoyi, inda aka samu waɗanda s**a zo na farko, na biyu da na uku k**ar haka:

Na 1: Madarasatul Fudiyyah Badikko

Na 2: Madarasatul Fudiyyah Udawa

Na 3: Madarasatul Fudiyyah Ɗan Mani

An kammala taron ne da addu’a, inda aka sallami mahalarta cikin kwanciyar hankali, bayan gudanar da wani shiri mai cike da nishaɗi, ilimi da tunawa da haihuwar fiyayyen halitta, Annabi Muhammad (S).

Rahoto:
Muhammad M Salis ✍🏻
Kaduna Media Forum.
Monday/14/September 2026

ABS Radio Hausa

18/09/2026

18/09/2026

17/09/2026

17/09/2026

16/09/2026

15/09/2026

15/09/2026

14/09/2026

14/09/2026

14/09/2026

Address

Website

Alerts

Shortcuts

Share

Category

Listing takedown request