Jakadiya Hausa

Jakadiya Hausa Ku Kasance Da Jaridar "JAKADIYA HAUSA" Domin Samun Ingantattun Labarai.
(423)

Dan BelloDa sunan adalchi mutum ko ba Sarki bane a shekaru na Mai Martaba Sarkin Misau Yana da ya'ya da jikoki da sirkai...
28/09/2025

Dan Bello

Da sunan adalchi mutum ko ba Sarki bane a shekaru na Mai Martaba Sarkin Misau
Yana da ya'ya da jikoki da sirkai da kanne kayi ta lalata hotonsa kana postawa kana cemasa mungun Sarkin Misau
Kace a turo Maka Sako ta inbox a hada karya da qazafi ba tare da tantancewa bah ka dinga posting

Ya chi mutunchin Sayyid Ibrahim Sheikh Dahiru Usman Bauchi
Ya chi mutunchin Sheikh Abdullahi Bala Lau
Yachi mutunchin Engr Rabiu kwankwaso da ba kowa ne mukami bane a hannunsa a yanzu
Kuma shi din kansa akwai zarge-zarge zalunchin da ake zarginsa da wassu Yara da s**a masa aiki delivery a ramadan last Year Wanda yaki biya hakkinsu a Abuja
Amma shi a haka Baya kunyar zama yayi wa mutum karya Wanda hankali ba zai k**a bah akwai lokachin da yace Murtala sule Garu ya sayi hotel a gefen dakin Ka'abah Wanda duk Wanda yasan mi yake yasan karya yake

Mutum yayi magana ta ayi gyara ayi adalchi ayi gaskiya abu ne Mai kyau. Kuma duk muna fatan ganin haka, Amma bata hanyar yada Sharri da qazafi da batawa mutane suna da tozarta su bah
Wallahi ko kasar da ya gudu ya buya ba zasu yadda da abinda yake mana a nan Nigeria yayiwa mutane masu daraja a kasar su bah

Babban jarin al'ummar Arewa musulmai shine mutunchi da tarbiyya duk Wanda zaizo da abinda zai lalata wannan abu biyu to maqiyin al'umma ne da babu irinsa

Muna adu'a Allah ya tsare mutunchin Sarki
Allah yakarawa Sarki lafia da imani
Allah yabamu lafia da zaman lafia amin
Dandalin Masarautun Arewa

Jarumar Kannywood Sadiya Haruna Ta Sayi Sabuwar Waya Kirar iPhone 17 Pro MaxTauraruwar fina-finan Hausa, Sadiya Haruna, ...
28/09/2025

Jarumar Kannywood Sadiya Haruna Ta Sayi Sabuwar Waya Kirar iPhone 17 Pro Max

Tauraruwar fina-finan Hausa, Sadiya Haruna, ta nuna sabuwar wayarta iPhone 17 Pro Max da ta saya, yayin da ta bude ta daga kwalin cikin murna da annashuwa.

Sadiya ta bayyana cewa sabuwar wayar za ta taimaka mata wajen gudanar da ayyukanta na yau da kullum da kuma inganta harkokin kafafen sada zumunta.

Masoyanta da dama sun taya ta murna bisa wannan sabon ci gaba da ta samu.

Sheikh Sani Yahaya Jingir Shugaba Ne Da Ke Faɗin Gaskiya, Dan Haka Yadda Ya Dama Haka Zamu Sha, Inji Hafiz Shehu AliShei...
28/09/2025

Sheikh Sani Yahaya Jingir Shugaba Ne Da Ke Faɗin Gaskiya, Dan Haka Yadda Ya Dama Haka Zamu Sha, Inji Hafiz Shehu Ali

Sheikh Sani Yahaya Jingir na daga cikin shugabanni masu faɗin gaskiya daga zuciyarsu, komai zai jawo. Sai dai wasu na fassara kalamansa ta wata hanya daban, har wasu su kai ga zaginsa.

Duk da haka, mu magoya bayansa mun ce su a shirye muke mu ci gaba da mara masa baya, kuma a shirye muke mu ɗauki umarnin sa kan batun zaben Muslim-Muslim a 2027, ba tare da wani shakku ba.

Mun yarda da abin da yake cewa, kuma mun ɗauke shi a matsayin wanda yake da gaskiya cikin al'amuran sa. Zaben Muslim-Muslim kuwa, ba za mu ja da baya ba.

Matatar Man Dangote Ta Janye Dakatarwar Sayar Da Mai Da Naira, Ta Ci Gaba da Huldar KasuwanciBayan daukar matakin dakata...
27/09/2025

Matatar Man Dangote Ta Janye Dakatarwar Sayar Da Mai Da Naira, Ta Ci Gaba da Huldar Kasuwanci

Bayan daukar matakin dakatar da sayar da man fetur da kudin Naira, kamfanin matatar man Dangote ya sanar da ci gaba da karbar Naira a matsayin kudin saye.

Sanarwar da kamfanin ya fitar a yau ta bayyana cewa an dakatar da sayarwar ne na ɗan lokaci domin gudanar da wasu shirye-shirye da gyare-gyare a cikin tsarin kasuwancin su.

“Mun kammala dukkan shirye-shiryen da s**a janyo dakatarwar, kuma yanzu mun koma yadda aka saba. Za mu ci gaba da karbar Naira daga abokan hulɗarmu,” in ji kamfanin.

Labarin dawo da sayar da mai da Naira ya sanya farin ciki ga masu saye da dillalan man fetur, musamman bayan fargabar tasirin canjin tsarin biyan kudi a fannin mai.

Gwamnonin APC 10 Sun Mara Wa Ganduje Baya Domin Bashi Mukamin Sakataren Gwamnatin TarayyaGwamnonin jam’iyyar APC guda go...
27/09/2025

Gwamnonin APC 10 Sun Mara Wa Ganduje Baya Domin Bashi Mukamin Sakataren Gwamnatin Tarayya

Gwamnonin jam’iyyar APC guda goma sun nuna cikakken goyon bayansu ga nadin Dr. Abdullahi Umar Ganduje a matsayin sabon Sakataren Gwamnatin Tarayya.

Sun bayyana cewa Ganduje na da gogewa da kwarewar jagoranci da zai taimaka wajen tabbatar da daidaito da ingantaccen tsarin aiki tsakanin jihohi da gwamnatin tarayya.

Taron da aka gudanar a Abuja ya nuna yadda gwamnonin ke kallon nadin a matsayin matakin da zai karfafa hadin kai da kuma ciyar da gwamnati gaba.

27/09/2025

Ba Mai Gaya Mana Muni Annabi S. A. W

DA DUMI-DUMI: Matatar Man Fetur Ta Dangote Ta Yanke Shawarar Daina Sayar Da Man Fetur Da NairaDangote, babban kamfani m...
27/09/2025

DA DUMI-DUMI: Matatar Man Fetur Ta Dangote Ta Yanke Shawarar Daina Sayar Da Man Fetur Da Naira

Dangote, babban kamfani mai sarrafa mai a Najeriya, ya sanar da cewa daga gobe za su daina karɓar biyan man fetur da Naira a matatar su. Wannan mataki zai kawo sauyi ga yadda ake sayar da man fetur a matatar Dangote, inda za a fara amfani da wata hanyar biyan kudi daban.

An bayyana cewa wannan canji zai taimaka wajen saukaka harkokin kasuwanci, rage matsalolin jinkiri da kuma karuwar ingancin biyan kudi. Duk da haka, hakan zai shafi direbobi da masu amfani da man fetur a matatar, inda za su buƙaci sanin sabbin ka’idojin biyan kudi kafin sayayya.

Har yanzu ba a bayyana cikakken tsarin yadda za a biya man ba, amma ana sa ran karin bayani daga kamfanin Dangote nan bada jimawa ba.

Wannan mataki na Dangote ya zo ne a lokacin da ake ta tattaunawa kan yadda za a inganta harkokin man fetur a Najeriya, musamman wajen rage rashin daidaito da tabarbarewar tattalin arziki.

Za mu ci gaba da bibiyar wannan lamari tare da kawo muku sabbin bayanai yadda suke samu.

Halinda ya tsananta: Mazauna Ragada a Mariga sun ruga daji saboda farmakin 'yan ta’addaMazauna yankin Ragada da ke cikin...
27/09/2025

Halinda ya tsananta: Mazauna Ragada a Mariga sun ruga daji saboda farmakin 'yan ta’adda

Mazauna yankin Ragada da ke cikin Ƙaramar Hukumar Mariga ta jihar Neja na fuskantar matsanancin hali bayan da 'yan ta'adda s**a kai musu farmaki, wanda ya tilasta su barin gidajensu cikin gaggawa.

Wasu daga cikin su sun bayyana cewa basu samu damar ɗaukar komai ba kafin su tsere zuwa dazuka da tsaunuka domin kare rayukansu. A halin yanzu, da dama daga cikinsu na kwana a cikin daji da sunƙurmi ba tare da mafaka, abinci ko magani ba.

Rahotanni daga yankin sun nuna cewa tsoro da rashin tsaro na ƙara ƙamari, inda ake bukatar matakin gaggawa daga gwamnati da hukumomin tsaro domin ceton rayuka da dukiyoyi.

Rahoton daga Comrade Zakari Y. Adamu Kontagora.
Allah ya kawo sauƙi da mafita.

Adam A. Zango Ya Jinjinawa Ali Nuhu Kan Taimakonsa Da Yayi A Harkar FimFitaccen jarumin Kannywood, Adam A. Zango, ya ba...
27/09/2025

Adam A. Zango Ya Jinjinawa Ali Nuhu Kan Taimakonsa Da Yayi A Harkar Fim

Fitaccen jarumin Kannywood, Adam A. Zango, ya bayyana cewa ba zai taɓa mantawa da irin taimakon da Ali Nuhu ya yi masa a harkar fim ba, yana mai cewa Ali Nuhu ne ya daga shi daga tushe zuwa matsayin da yake a yau.

A wani saƙo da ya wallafa a shafinsa na Instagram, Zango ya ce:
"Ina da abokan aiki da s**a manta da irin abin da ka yi musu, amma ni ba zan taɓa mantawa da yadda ka ɗauke ni a matsayin ɗan uwa ba. Ka ɗaga ni daga ƙasa zuwa sama."

Zango ya jaddada cewa Ali Nuhu ya taka muhimmiyar rawa a rayuwarsa da kuma ci gaban sa a masana’antar Kannywood.

Ya kuma bukaci a ci gaba da yi wa Ali Nuhu addu’a da fatan alheri, bisa gudummawar da ya bayar ga masana’antar da kuma rayuwar wasu da dama.

Me kuke tunani game da wannan kalaman na Adam A. Zango?

*Sheikh Sani Umar Rijiyar Lemo: "Ba Za Mu Zuba Ido A Bar Jagorancin Addini a Hannun Wawaye Ba"Sheikh Sani Umar Rijiyar L...
26/09/2025

*Sheikh Sani Umar Rijiyar Lemo: "Ba Za Mu Zuba Ido A Bar Jagorancin Addini a Hannun Wawaye Ba"

Sheikh Sani Umar Rijiyar Lemo ya bayyana damuwa kan yadda ake tafiyar da al'amuran addini a Najeriya, inda ya ce suna ganin ana shirin mika jagorancin addini ga mutanen da basu da cancanta, shi yasa s**a yi magana.

Ya ce: "Idan gwamnati za ta rinka k**a malamai saboda irin wadannan maganganu, to zata daure mu da yawa, domin maganar da Malam Lawan Triumph ya fada, muma muna kan irin wannan matsayi."

Sheikh Sani ya kara da cewa, "Gwamnati siyasa ce taku, amma harkar addini ba naku bane. Idan suna so su saki Abduljabbar, su yiwa gwamnati magana ta sake shi, amma ba wai a k**a mana malamai ba."

Jawabin na Sheikh Sani ya fito ne a daidai lokacin da ake ci gaba da muhawara kan kalaman da ake zargin Malam Lawal Triumph da yi, da kuma matsayin gwamnati a kan batun.

Kudin Aikin Hajji Na 2026: NAHCON Ta Sanya Farashi ₦8.2m Ga Kowanne MahajjaciHukumar Alhazai ta Ƙasa (NAHCON) ta bayyana...
26/09/2025

Kudin Aikin Hajji Na 2026: NAHCON Ta Sanya Farashi ₦8.2m Ga Kowanne Mahajjaci

Hukumar Alhazai ta Ƙasa (NAHCON) ta bayyana cewa duk mai shirin zuwa aikin Hajji a shekarar 2026 zai biya kimanin Naira Miliyan Takwas da Dari Biyu (₦8.2m).

Rahoton da jaridar DCL Hausa ta fitar a ranar Juma’a ya ce hauhawar farashin dala da kuma karin wasu kudade daga hukumomin Saudiyya sun haifar da wannan sabon tsari.

Wannan sabon farashi ya jawo martani daga jama'a, inda da dama ke bayyana damuwa kan yadda aikin Hajji ke kara fuskantar tsadar da ke gagara yawancin talakawa a ƙasar.

Me kuke tunani game da wannan sabon farashi?

Wani Matashi Ya Faɗi Bayan Cin Abincin Da Ake Zargin Yana Ɗauke da Shinkafar Berà A KanoWani matashi ya faɗi ba tare da ...
26/09/2025

Wani Matashi Ya Faɗi Bayan Cin Abincin Da Ake Zargin Yana Ɗauke da Shinkafar Berà A Kano

Wani matashi ya faɗi ba tare da numfashi ba bayan cin abinci da ake zargin yana ɗauke da shinkafar berà a wani gidan abinci da ke kan t**in Audu Bako a birnin Kano.

Lamarin ya faru ne daren jiya, yayin da matashin ya sayi abinci a shagon, inda bayan cin abincin ne sai jikinsa ya rikice, sannan ya yanke jiki ya faɗi. Nan take aka garzaya da shi asibitin Malam Aminu Kano domin samun kulawar gaggawa.

Shaidu sun bayyana cewa shinkafar da aka hango a cikin abincin na da k**anni da ta berà, lamarin da ya tayar da hankalin mazauna yankin da masu cin abinci a t**i.

Hukumomin lafiya da na tsafta har yanzu ba su fitar da cikakken bayani ba, sai dai jama’a na rokon gwamnati ta duba lafiyar abinci a gidajen sayarwa da tsaftar muhalli domin kare lafiyar jama’a.

Address

Maitama
Abuja
005

Website

Alerts

Be the first to know and let us send you an email when Jakadiya Hausa posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Jakadiya Hausa:

Shortcuts

Share

Category