VOA Hausa Reporters

VOA Hausa Reporters Kafar yada labaru ta musamman don samun sahihan labaru da shirye-shirye

MAI BA DA SHAWARA KAN HANA KISAN KIYASHI NA MAJALISAR DINKIN DUNIYA YA YI GARGADI KASHE-KASHEN SUDAN NA NEMAN WUCE MIZAN...
08/11/2025

MAI BA DA SHAWARA KAN HANA KISAN KIYASHI NA MAJALISAR DINKIN DUNIYA YA YI GARGADI KASHE-KASHEN SUDAN NA NEMAN WUCE MIZANI

Mai ba da shawara na musamman ga majalisar dinkin duniya kan hana kisan kare dangi ya bayyana fargabar kashe-kashe da a ke yi a kasar Sudan na neman wuce mizanin hankali.

Mai ba da shawarar Chaloka Beyani ya ce kisan gilla da a ke yi kan fararen hula a El-Fasher ya yi muni.

A nan Beyani ya ce dukkan bangarori biyu masu arangama da juna na gwamnatin soja da ‘yan sa kai na kai hari kan fararen hula a Darfur.

Chaloka Beyani ya ce har dai zan a dakatar da matsalar akwai bukatar daukar matakan gaggawa.

Fararen hula sun shiga kakanikayi a yankin bayan da sojojin sa-kai su ka kwace El-Fasher daga hannun gwamnati bayan fafatawa ta kwana 500.

PDP TA SAKE RINCABEWA DA FITINAR CIKIN GIDA YAYIN DA A KA KORI SHUGABAN KWAMITIN AMINTATTUBabbar jam’iyyar adawa PDP ta ...
08/11/2025

PDP TA SAKE RINCABEWA DA FITINAR CIKIN GIDA YAYIN DA A KA KORI SHUGABAN KWAMITIN AMINTATTU

Babbar jam’iyyar adawa PDP ta sake rincabewa da rikicin cikin gida yayin da kwamitin gudanarwa na bangare ya dakatar da shugaban kwamitin amintattu Adolphus Wabara.

In za a tuna Abdulrahman Muhammed ya ayyana kan sa a matsayin shugaban riko na jam’iyyar da mara bayan dakataccen sakatare Anyanwu da kuma ministtan Abuja Nyesom Wike.

Yayin da jam’iyyar ta nada Ohuabunwa a matsayin sabon shugaban kwamitin amintattu, kazalika ta nada Isa Nasidi a matsayin sakatare ya maye gurbin Ahmed Makarfi da a ka kwabe.

A na jiran martanin asalin shugaban jam’iyyar Umar Iliya Damagun da kungiyar gwamnonin jam’iyyar karkashin gwamna Bala Muhammad na Bauchi.

BABBAR KOTUN TARAYYA TA AYYANA RANAR 20 GA WATAN NAN TA ZAMA RANAR YANKE HUKUNCI KAN SHARI’AR NANMADI KANUBabbar kotun t...
08/11/2025

BABBAR KOTUN TARAYYA TA AYYANA RANAR 20 GA WATAN NAN TA ZAMA RANAR YANKE HUKUNCI KAN SHARI’AR NANMADI KANU

Babbar kotun tarayyar Najeriya a Abuja ta ayyana ranar 20 ga watan nan ta zama ranar yanke hukunci kan tuhumar ta’addanci da a ke yi wa shugaban kungiyar ‘yan awaren Biyafara ta IPOB Nnamdi Kanu.

Alkalin kotun Jostis James Omotosho ne ya ayyana ranar bayan ba da dama ga kanu ta ya bude babin kariya amma ya ki amincewa.

Ta kai ga kotun ta ba wa Kanu sa’a daya ya bude kariyarsa amma ya ce sam ba zai yi hakan ba a karkashin dokar da a ka soke ko a ka sauya.

James Omotosho ya ce ya ba wa Kanu dammar kare kan sa karkashin sashe na 36 na tsarin mulki amma ya sarayar da damarsa.

Alkalin ya ce ba zai cigaba da barin wannan yanayi ya cigaba ba don haka zai yanke hukunci kan shari’ar.

Sashen kariya karkashin babban lauya Adegboyega Awomolo tun farko ya bukaci a rufe bahasin shari’ar don shiga babin yanke hukunci.

MAI ALFARMA SARKIN MUSULMI MUHAMMAD SA’AD YA GANA DA SHUGABA TINUBUMai alfarma Sarkin musulmi Muhammad Sa’ad Abubakar ya...
08/11/2025

MAI ALFARMA SARKIN MUSULMI MUHAMMAD SA’AD YA GANA DA SHUGABA TINUBU

Mai alfarma Sarkin musulmi Muhammad Sa’ad Abubakar ya gana da shugaba Bola Ahmed Tinubu a fadar A*o Rock.

An ga kakakin majalisar wakilai Tajudeen Abbas tare mai Sultan Muhammad Sa’ad a lokacin ganawar.

Duk da ba cikakkun bayanai kan ganawar, amma ta zo ne daidai lokacin da shugaban Amurka Donald Trump ke barazanar daukar matakai kan Najeriya don zargin yi wa mabiya addinin kirista kisan kare dangi.

Limamai a masallatan Jumma’a daban-daban sun gabatar da addu’ar neman taimakon Allah wajen kade duk wata fitina da za ta taso a sanadiyyar barazanar ta Trump.

06/11/2025

Shugaban kungiyar Izalatul Bidi’a Wa Ikamatussunnah na Najeriya Sheikh Abdullahi Bala Lau ya ce kasar Amurka ta na da ajandar da ta ke son cimmawa shi ya sa take son yin amfani da zargin kisan kiyashi da ta yi da’awar a na yi wa kiristoci a Najeriya.

Sheikh Bala lau ya bayyana haka ne a wata tattaunawa ta musamman da TRT Afirka, yayin wata ziyara a birnin Istanbul na Turkiyya 👇👇👇

05/11/2025

HUKUMAR ZABEN JIHAR NEJAN NIGERIA TA MIKA TAKARDUN SHEDAR LASHE ZABE GA ZABBABUN SHUGABAN NIN KANANAN HUKUMOMIN JIHAR 25 DA MATAIMAKANSU.

Shugaban Hukumar Zaben Jihar Nejan Injiniya Muhammad Imam shine ya Jagoranci Mika Takardun Shedar yin Nasara a zaben da Yaguda a Karshen Makon Jiya,

Hukumar Zaben dai tace Yan Takara na jam,iyyar APC Mai Mulki sune s**ayi Nasarar cinye dukkanin Kujeru 25 dake fadin Jihar a zaben da ya gamu da rigingimu da Kuma zarge zarge tabka Magudi.

Sai dai Wani Abu Mai Jan Hankali shine Dukkanin Mataimakan Shugaban nin kananan Hukumomin da aka zaba a karkashin jam,iyyar ta APC Mata ne.

Wakilinmu Sani Muhammad Sani ya zanta da Wasu da S**a hada Barista Lawal Yusuf Daga karamar Hukumar Kontagora da Mataimakiyarshi Hon.Aisha Ahmed Machedi da Kuma Dr.Mustapha Jibirin Daga karamar Hukumar Chanchaga Ga yadda zantawar ta Kasance 👇👇

MUMMUNAN HARI A YANKIN KORDOFAN NA SUDAN YA YI SANADIYYAR MUTUWAR MUTUM 40Mummunan harin da a ke kai kan fararen hula a ...
05/11/2025

MUMMUNAN HARI A YANKIN KORDOFAN NA SUDAN YA YI SANADIYYAR MUTUWAR MUTUM 40

Mummunan harin da a ke kai kan fararen hula a El-Obeid da ke yankin Kordofan a kasar Sudan ya yi sanadiyyar mutuwar mutum 40.

Ofishin jinkai na majalisar dinkin duniya bai tantance yanda farmakin ya auku ba da ma wanda ke da alhakin kai harin.

Tun 2023 a ke samun dauki ba dadi tsakanin gwamnatin mulkin soja ta Sudan karkashin Janar Abdelfatah Burhan da na ‘yan sa kai Janar Hamdan Hameti Daglo.

Harin ya biyo bayan farmaki da ‘yan sa kai su kai garin El-Fasher da ke zaman tungar karshe ta gwamnatin soja a yammacin yankin Darfur.

A na faragabar cigaba da samun hare-hare don neman mamaye madafun iko tsakanin sassa biyu masu fafatawa da juna.

BABBAR KOTUN TARAYYA TA BA WA NNAMDI KANU DAMAR KARSHE TA BUDE BABIN SHAIDUN KARE KAN SA DAGA TUHUMAR TA’ADDANCIBabbar k...
05/11/2025

BABBAR KOTUN TARAYYA TA BA WA NNAMDI KANU DAMAR KARSHE TA BUDE BABIN SHAIDUN KARE KAN SA DAGA TUHUMAR TA’ADDANCI

Babbar kotun tarayya ta ba dama ta karshe ga shugaban ‘yan awaren Biyafara Nnamdi Kanu ya bude babin kariyarsa kan shari’ar cin amanar kasa da ta’addanci da a ke yi ma sa.

A Larabar nan alkalin babbar kotun tarayya James Omotosho ya ba da wannan dama ta karshe ga Kanu wa imma ya bude babin kare kan sa ko kuma a rufe ba da shaida don yanke hukunci.

Lauyan shaigar da kara Adegboyega Awomolo ya bukaci kotu ta rufe bahasi kan shari’ar don sa lokacin yanke hukunci tun da an kammala sauraron shaidu da bayanai.

Nnamdi Kanu ya tsaya kai da fata cewa shi ba laifin da ya aikata don haka ba wata shaida da zai bayar kan abun da bai aikata ba.

Alkali Omotosho ya ce ya san Kanu kawai ya na amfani da bacin rai ne don shi ba lauya ba ne, don haka ya ke kara bude ma sa kofar damar kare kan sa.

Omotosho ya dage zaman shari’ar zuwa Jumma’ar nan 7 ga watan nan na Oktoba don zama dammar karshe ga Kanu.

SHUGABA TINUBU YA NADA JOHN NWABUEZE A MATSAYIN JAMI’IN KULA DA ADALCI NA TARA HARAJIShugaban Najeriya Bola Ahmed Tinubu...
05/11/2025

SHUGABA TINUBU YA NADA JOHN NWABUEZE A MATSAYIN JAMI’IN KULA DA ADALCI NA TARA HARAJI

Shugaban Najeriya Bola Ahmed Tinubu ya nada Dokta John Nwabueze a matsayin jami’i na musamman na kula da adalci a harkar tara haraji.

A sanarwa daga ofishin kakakin shugaban Bayo Onanuga, ta tabbatar da nadin Nwabueze daga jihar Delta kan wannan mukami na kulawa da adalcin tara kudin haraji tsakanin hukumomin gwamnati da jama’a.

Nwabueze ya rike mukamai da daman a lamuran tara haraji tun a zamanin tsohon shugaba Obasanjo.

Ofishin Nwabueze zai rika bita da shiga tsakani wajen magance duk wani korafi na masu ba da haraji da jami’an tara harajin da kuma yanda za a tafiyar da harkokin harajin bisa ka’idar doka.

Hakika a Najeriya a kan samu korafi na karbar haraji ta hanyoyi daban-daban da mutane ke neman bahasi don ganin su kan biya wasu kudin da su ka wuce g***d a iri.

PHOTO CR_DAILY COMMERCE

BABBAR KOTUN TARAYYA ZA TA CIGABA DA SHARI’AR MANYAN WADANDA A KE TUHUMA DA TA’ADDANCI NA KUNGIYAR ANSARUBabbar kotun ta...
05/11/2025

BABBAR KOTUN TARAYYA ZA TA CIGABA DA SHARI’AR MANYAN WADANDA A KE TUHUMA DA TA’ADDANCI NA KUNGIYAR ANSARU

Babbar kotun tarayyar Najeriya a Abuja za ya cigaba da gudanar da shari’ar manyan mutum biyu da a ke tuhuma da ta’addanci a kungiyar nan ta ANSARU.

Alkalin kotun tarayya Emeka Nwite ne zai cigaba da shari’ar daga ranar 19 ga watan nan na Oktoba.

Mataimakin daraktan labaru na rundunar tsaron farin kaya Favour Dozie ya fitar da sanarwar don karin bayani kan halin da a ke ciki a kan mutanen biyu.

Mutanen biyu sun hada da Abu Bara’a da kuma Mahmud Al-Najeriy na fuskantar tuhumar ta’addanci guda 32.

An ba da labarin mutanen sun aikata aiyukan ta’addanci da ma satar mutane da amfani da kudin fansa wajen daukar nauyin aiyukan ta’addanci.

PHOTO_FAVOR DOZIE

04/11/2025

*LABARIN YADDA WANI KARAMIN SOJA YA BINCIKI MOTAR ABACHA A WANI SHINGEN BINCIKEN MOTOCI DAKE GARIN FATAKWAL.*

Babu ko tantama Idan aka baka Labarin cewa Akwai Banbanci Wajan Duba Kima da Kuma Daraja ta aikin Soja a Tsakanin lokuttan baya da Kuma Wannan Lokaci na yanzu.

Acikin Wata Hira ta kasa da Mintuna takwas 8 da Mukayi da Wani tsohon Jami,in sojan Nigeria da ya Bukaci a sakaya sunanshi ya bayyana yadda Darajar aikin Soja take a shekarun Musamman yadda ake kula da hakkokinsu na aiki da kuma yadda manyansu Ke kula dasu a duk lokacin da s**a s**a tura su wani Aiki Wato Duty.

Inda har ya Bada Misalin yadda Wani Soja Mai igiya 2 ya fito da Janar Sani Abacha Alokacin Abachan Yana conel Daga cikin motarsa ana zabga Ruwan sama a Garin Fatakwal Kuma har Sani Abachan ya yabawa Wannan karamin sojan.ga yadda zantawarmu ta Kasance,
Amma da farko Sai da yayi Tsokaci akan tsanzawa Wasu Manyan hafsoshin Soja wurin Aiki👇👇👇.

SHUGABA AOUN NA LEBANON YA KASARSA BA TA DA ZABI DA YA FI TATTAUNAWA DA ISRA’ILA Shugaban Lebanon Joseph Aoun ya ce kas...
04/11/2025

SHUGABA AOUN NA LEBANON YA KASARSA BA TA DA ZABI DA YA FI TATTAUNAWA DA ISRA’ILA



Shugaban Lebanon Joseph Aoun ya ce kasarsa ba ta da zabi da ya wuce tattaunawa da Isra’ila don dakatar da hare-hare da Isra’ila ke kawowa kasar.

Aoun ya ce tattaunawar ta amfani da harshen diflomasiyya ba ya nufin magana da kawaye ko abokan hulda sai dai da kasar da ta ke abokiyar gaba.

Joseph Aoun ya ce bisar aminxewar kakakin majalisa Nabih Berry da Firaminista Nawaf Salam, za a yi amfani da tsarin sulhu na Amurka don tattaunawa da Isra’ila.

Hakika Isra’ila na matsa kaimi wajen hare-hare kan kudancin Lebanon da zummar lallai sai kungiyar Hezbollah ta kwance damarar yaki.

In za a tuna nuna goyon baya ga Hamas a yakin Gaza ya haddasa fafatawa tsakanin Isra’ila da Hezbollah inda har Isra’ila ta kai mummunan harin da ya yi sanadiyyar kisan gilla ga shugaban Hezbollah Hassan Nasrallah da mukarrabansa.

Address

No 32 Dennis Osadebey Apo Legislative Quarters
Abuja

Website

Alerts

Be the first to know and let us send you an email when VOA Hausa Reporters posts news and promotions. Your email address will not be used for any other purpose, and you can unsubscribe at any time.

Shortcuts

Share

Category