Albarka Radio

Albarka Radio Albarka Radio 97.5 FM is a Nigerian English and Hausa Radio Station based in and broadcasting from Bauchi, Bauchi State, Nigeria.

Catch us Live on TuneIn, Radio Garden or visit live.albarkaradio.com to Listen to us Live Online. Albarka Radio 97.5 FM Bauchi is a Nigerian English and Hausa radio station based in Bauchi, Bauchi State. It was founded and owned by Arrowhead Global Communication services Limited. Renowned for its humorous approach to broadcasting, the station broadcast a mixture of news, features, sport, entertainments, talk shows, topical issues and interviews. and also promote businesses through advertisement. Mission
As an independent broadcast station, Albarka radio shall reflect and promote all sides of issues and opinions and build a tradition of trust and credibility with our audience. Vision
To be a reference point in quality radio broadcasting in Nigeria using the professional ethics of balance and fairness to motivate the listeners.

01/09/2026

Sponsored

Ga yadda aikin hanyar Abuja–Kaduna da ake yi da kankare ke ci gaba da gudana.

Sponsored Gwamnatin Tarayya ta ƙaddamar da shirin sama wa ƙwararrun ’yan Nijeriya aiki a ƙasashen wajeGwamnatin Tarayya ...
01/09/2026

Sponsored

Gwamnatin Tarayya ta ƙaddamar da shirin sama wa ƙwararrun ’yan Nijeriya aiki a ƙasashen waje
Gwamnatin Tarayya ta ƙaddamar da wani shiri mai suna “Hire from Nigeria” (wato 'A ɗauki ma'aikata daga Nijeriya') domin bai wa ’yan ƙasar nan damar yi wa kamfanoni da masu ɗaukar ma’aikata na ƙasashen waje aiki.

Ministan Yaɗa Labarai da Wayar da Kai, Alhaji Mohammed Idris, shi ne ya bayyana hakan a ranar Litinin a wani taron manema labarai da aka yi a ofishin sa a Abuja.

Ya ce: “Ƙaddamar da wannan shiri wani muhimmin mataki ne a ƙoƙarin da Nijeriya take yi na sanya ɗaya daga cikin manyan kadarorin ƙasar mu, wato mutanen mu, a sahun gaba wajen hulɗar tattalin arzikin mu da duniya.”

Ya ce yawan matasan Nijeriya, da ɗimbin ƙwararrun ma’aikatan ta da kuma bunƙasar fasahar zamani sun ba ƙasar damar yin gogayya da sauran ƙasashe a fagen tattalin arzikin duniya.

Idris ya ce: “Makomar tattalin arzikin Nijeriya za ta ƙara dogara ne kan ƙwarewa, ƙirƙire-ƙirƙire, fasaha da kuma ƙwazon jama’ar mu. A shirye Nijeriya take ta yi gogayya a fagen duniya. A shirye ƙwararrun ’yan Nijeriya suke su yi aiki, kuma ya kamata duniya ta mayar da hankali kan Nijeriya."

Ya ƙara da cewa gangamin ya haɗa ma’aikatun tarayya na Masana’antu, Kasuwanci da Zuba Jari da na Ilimi, NATEP, iDICE da kamfanoni masu zaman kan su domin haɗa ƙwararrun ’yan Nijeriya da masu neman ƙwararrun ma’aikata a duniya.

Ya ce shirin ya yi daidai da Ajandar Sabunta Fata ta Shugaban Ƙasa Bola Ahmed Tinubu da kuma burin Gwamnatin Tarayya na samar da guraben aiki miliyan ɗaya ta hanyar fitar da ayyuka zuwa ƙasashen waje.

“Ba sai matashi ɗan Nijeriya ya bar ƙasar ba kafin ya samu damar shiga harkokin tattalin arzikin duniya. Idan aka ba shi ƙwarewar da ta dace, ababen more rayuwa, ƙa’idojin sana’a da damar shiga kasuwanni, ’yan Nijeriya za su iya rayuwa, su yi aiki kuma su samu kuɗi a nan gida, yayin da suke samar da ayyuka ga abokan ciniki da masu ɗaukar ma’aikata a faɗin duniya,” inji shi.

Shi kuma Ministan Ilimi, Dakta Maruf Tunji Alausa, ya ce ma’aikatar sa tana inganta ƙwarewar ’yan Nijeriya ta hanyar inganta tsarin koyarwa, koyar da sana’o’i da dabarun fasahar zamani, da kuma horar da su bisa buƙatun masana’antu.

“Manufar Ma’aikatar Ilimi ita ce, a duk inda ake neman ma’aikata a duniya, muna son ’yan Nijeriya su samu horo, su samu takardar shaidar ƙwarewa kuma su kasance a shirye don a ɗauke su aiki,” inji shi.

A nata ɓangaren, Ministar Masana’antu, Kasuwanci da Zuba Jari, Dakta Jumoke Oduwole, ta ce gangamin zai taimaka wajen samar da ayyukan yi ga matasan Nijeriya, da ƙara fitar da ayyuka zuwa ƙasashen waje da jawo zuba jari.

“Shirin ‘Hire from Nigeria’ ya wuce kamfen na wayar da kai kawai; shiri ne na ƙasa da aka tsara domin bunƙasa tattalin arziki,” inji Oduwole.

Ta ce za a gabatar da kamfen ɗin a taron Majalisar Ɗinkin Duniya karo na 81, inda Nijeriya za ta bayyana fa’idar ɗaukar ’yan Nijeriya aiki ga masu ɗaukar ma’aikata na duniya.

Tun da farko, Babbar Mataimakiya ta Musamman kan Sadarwa ta Dabaru da NATEP, Misis Olajumoke Dan-Okayi, ta ce shirin zai magance matsalolin da ke hana ƙwararrun ’yan Nijeriya samun damar aiki a duniya.

Ta ce: “Ba ƙwarewa ce matsalar ba, kuma ba buri ba ne. Matsalar ita ce yadda za a gano ƙwararrun ’yan Nijeriya, amincewa da su da kuma samun damar shiga kasuwannin duniya. Don haka, shirin ‘Hire from Nigeria’ yana da ayyuka uku masu sauƙi: ya sauƙaƙa wa duniya gano Nijeriya, ya sauƙaƙa amincewa da ƙwararrun ’yan Nijeriya, sannan ya sauƙaƙa ɗaukar ’yan Nijeriya aiki.”

Ana sa ran kamfen ɗin zai haɗa ƙwararrun ’yan Nijeriya da masu ɗaukar ma’aikata, kamfanoni masu neman ma’aikata, masu zuba jari da kasuwannin ƙasashen waje.

Sponsored Gwamnatin Tarayya ta goyi bayan tsarin cigaban Taraba, ta yi alƙawarin ƙarfafa haɗin gwiwaGwamnatin Tarayya ta...
01/09/2026

Sponsored

Gwamnatin Tarayya ta goyi bayan tsarin cigaban Taraba, ta yi alƙawarin ƙarfafa haɗin gwiwa

Gwamnatin Tarayya ta sake jaddada aniyar ta ta yin aiki tare da Gwamnatin Jihar Taraba wajen amfani da damar da jihar take da ita a fannonin noma, makamashi, yawon buɗe ido, ababen more rayuwa da albarkatun ma’adinai.

Ministan Yaɗa Labarai da Wayar da Kai, Alhaji Mohammed Idris, shi ne ya bayyana hakan a ranar Alhamis a Jalingo, a wurin bikin cika shekara 35 da kafa Jihar Taraba da kuma ƙaddamar da Babban Tsarin Cigaban Yankin Taraba.

Idris, wanda ya isar da gaisuwar Shugaban Ƙasa Bola Ahmed Tinubu da Majalisar Zartarwa ta Tarayya ga gwamnati da al’ummar Taraba, ya bayyana Babban Tsarin a matsayin muhimmin tsari na cigaban jihar mai ɗorewa.

Ya yaba wa Gwamna Agbu Kefas kan ɗaukar tsarin cigaba na dogon lokaci, yana mai cewa nasarar tsarin za ta dogara ne da ci gaba da aiwatar da shi da kuma irin tasirin da zai yi ga rayuwar jama’a.

Ya ce: “Ba za a auna nasarar wannan Babban Tsari da bikin ƙaddamar da shi ba, sai dai da hanyoyin da aka gina, sana’o’in da aka samar, ayyukan yi da aka samar, al’ummomin da aka haɗa da juna da kuma rayukan jama’a da aka inganta.”

Idris ya bayyana Taraba a matsayin ɗaya daga cikin jihohin Nijeriya da ke da babbar damar bunƙasa tattalin arziki, yana mai nuni da damar da jihar ke da ita a noma da sarrafa amfanin gona, kiwo, samar da wutar lantarki daga ruwa, yawon buɗe ido, masana’antu da albarkatun ma’adinai.

Ya yi nuni da yarjejeniyoyin samar da kuɗaɗen ayyuka da s**a kai kusan dala miliyan 268 da Jihar Taraba ta ƙulla da Bankin Zuba Jari da Bunƙasa Tattalin Arzikin ECOWAS domin gina wani katafaren yankin masana’antu, noman shinkafa ta hanyar ban-ruwa da sarrafa ta a fili mai girman hekta 10,000, da kuma gina tashar samar da wutar lantarki ta hasken rana mai ƙarfin megawat 50 a Jalingo.

Ministan ya ce Gwamnatin Tarayya tana tallafa wa ƙoƙarin jihar na samun cigaba ta hanyar manyan ayyukan ababen more rayuwa da take gudanarwa, ciki har da hanyar Gembu–Mbamnga–Yang (Lip), hanyar Bali–Serti–Gashaka–Gembu, ayyuka a kan hanyar Jalingo–Mutum Biyu–Tella–Wukari, da kuma aikin hanyoyin Mayo Selbe–Gembu, Mutum Biyu–Garba Chede da Jalingo–Numan.

“Waɗannan ba hanyoyi kawai ba ne. Zuba jari ne a haɗa al’ummomi, kasuwanci, yawon buɗe ido, noma, tsaro da zirga-zirgar mutane da kayayyaki,” inji shi.

Dangane da tsaro, Idris ya ce Gwamnatin Tarayya tana ci gaba da sauye-sauye domin kafa rundunar ’yan sandan jihohi, da nufin kusantar da aikin ’yan sanda ga al’umma, tare da tabbatar da ƙwarewa, ɗaukar alhaki da kuma kare jama’a daga cin zarafi.

Ya kuma ambaci kafa Rundunar Sojojin Nijeriya ta 10 da ke da hedikwata a Jalingo kuma yake da alhakin gudanar da ayyukan tsaro a Taraba da Adamawa, a matsayin wata shaida ta ƙudirin Gwamnatin Tarayya na ƙarfafa tsaro a yankin.

“Dole ne tsaro da cigaba su tafi tare. Mutane ba za su zuba jari ba, manoma ba za su kai amfanin gonakin su kasuwa ba, masu yawon buɗe ido ba za su zo ba, sannan kasuwanci ba zai bunƙasa ba idan al’umma ba ta da tsaro,” inji Idris.

Ministan ya ce sauye-sauyen tattalin arzikin Gwamnatin Tarayya na ƙarfafa tushen kuɗaɗen gwamnati, yana mai cewa cire tallafin man fetur ya samar wa Tarayya ƙarin kuɗi har naira tiriliyan 15.8 tsakanin Yuni 2023 da Disamba 2025.

A cewar sa, kusan ₦5.4 tiriliyan ne Gwamnatin Tarayya ta samu, yayin da kusan ₦10.4 tiriliyan s**a tafi jihohi da ƙananan hukumomi, lamarin da ya samar da ƙarin kuɗaɗen gudanar da ayyukan ababen more rayuwa, ilimi, kiwon lafiya, tsaro da bunƙasa ƙwarewar jama’a.

Idris ya yi alƙawarin ƙara haɗin gwiwa tsakanin Ma’aikatar Yaɗa Labarai da Wayar da Kai da Ma’aikatar Yaɗa Labarai da Sake Wayar da Kai ta Jihar Taraba, domin tabbatar da cewa jama’a sun fahimci manufofin Babban Tsarin kuma sun rungume su.

“Dole ne hangen nesan da ke cikin wannan Babban Tsari ya wuce ofisoshin gwamnati. Dole ne ya isa ga manomi, ɗan kasuwa, ɗalibi, mai saye da sayarwa da al’ummomi a faɗin Taraba, domin tsarin cigaban Taraba dole ne ya zama tsari ne na dukkan mutanen Taraba,” inji shi.

Gwamna Kefas, a nasa jawabin, ya yi kira da a tabbatar da ci gaba da tafiyar da gwamnati ba tare da katsewa ba, yana mai cewa gwamnatin sa za ta gina kan nasarorin da aka samu a baya, ta gyara abubuwan da ke buƙatar gyara, ta kammala ayyukan da s**a dace kuma ta buɗe sababbin hanyoyin cigaba ga al’ummomin da za su zo nan gaba.

“Gwamnati tafiya ce da ba ta yankewa. Cigaba kuma yana ginuwa ne a kan abin da aka riga aka samu. Taraba ta fi kowace gwamnati, kowace hukuma, kowace jam’iyyar siyasa, kowace ƙabila ko mutum ɗaya girma,” inji shi.

Kefas ya yi kira ga tsofaffin shugabannin jihar da su ci gaba da bayar da gudunmawar su ta hanyar amfani da ƙwarewar su da ilimin da s**a samu a harkokin gwamnati wajen samar da zaman lafiya, haɗin kai da cigaban jihar.

Taron ya samu halartar tsohon Gwamnan Taraba, Rev. Jolly Nyame; Sakataren Gwamnatin Jihar, Cif G.T. Kataps; Darakta-Janar na Hukumar Talbijin ta Nijeriya (NTA), Salihu Abdulhamid Dembos; Darakta-Janar na Hukumar Rediyon Tarayya ta Nijeriya (FRCN), Dakta Mohammed Bulama; Manajan Darakta na Hukumar Tashoshin Jiragen Ruwa ta Nijeriya (NPA), Dakta Abubakar Dantsoho; da sauran manyan baƙi.

Ana cikiyar iyayen wannan yaron da aka tsince shi a cikin garin Bauchi. Baya magana amma yana ji.A don haka ake sanar da...
01/09/2026

Ana cikiyar iyayen wannan yaron da aka tsince shi a cikin garin Bauchi. Baya magana amma yana ji.

A don haka ake sanar da iyayensa ko wanda ya gane shi da ya kira lambar waya da ke sashin comment.

01/09/2026

KAI TSAYE: Ƙungiyar Masu Ɗaukar Hoton Jikin Marassa Lafiya Ke Aikin Duba Marassa Lafiya Domin Ƙarfafa Tafiyar Ɗan Takarar Gwamnan jihar Bauchi a Ƙarƙashin Jam'iyyar APM, Dakta Yakubu Adamu.

Wasu mata ‘yan siyasa daga Jam’iyyar APM a Jihar Bauchi sun yi kira ga wani ɗan gwagwarmayar siyasa, Aliyu Muhammad Muka...
01/09/2026

Wasu mata ‘yan siyasa daga Jam’iyyar APM a Jihar Bauchi sun yi kira ga wani ɗan gwagwarmayar siyasa, Aliyu Muhammad Mukaddas, da ya dawo cikin Jam’iyyar APM domin ci gaba da bayar da gudummawarsa wajen ƙarfafa jam’iyyar a jihar.

Matan sun bayyana hakan ne yayin da suke nuna goyon baya ga Aliyu Muhammad Mukaddas, inda s**a bayyana shi a matsayin ɗan gwagwarmayar siyasa da ya kasance mai ƙwazo wajen kare muradun al’umma da kuma shiga harkokin siyasa.

Daga cikin waɗanda s**a yi wannan kira akwai Hajiya Halima Andubu, Shugabar Matan Jam’iyyar APM daga Dankade Ward, da Hajiya Bebi daga Dawaki Ward, tare da wasu ƙungiyoyin mata da magoya bayan jam’iyyar.

Hajiya Halima Andubu ta ce dawowar Aliyu Muhammad Mukaddas cikin APM za ta ƙara ƙarfi da kuzari ga jam’iyyar, musamman wajen haɗa kan magoya baya da kuma shirya jam’iyyar domin tunkarar zaɓe mai zuwa.

“Muna kira ga Aliyu Muhammad Mukaddas da ya dawo cikin Jam’iyyar APM. Muna da buƙatar gudummawarsa da ƙwarewarsa wajen ƙarfafa jam’iyyar da kuma tafiyar da harkokin siyasa.”

Ita ma Hajiya Bebi daga Dawaki Ward ta bayyana cewa matan APM da sauran ƙungiyoyin da ke goyon bayan jam’iyyar suna fatan ganin Aliyu Muhammad Mukaddas ya amsa wannan kira tare da dawowa cikin jam’iyyar.

Sun ce dawowarsa ba za ta kasance wata nasara ga jam’iyyar kaɗai ba, har ma za ta ƙara ƙarfafa haɗin kai tsakanin ‘yan siyasa da magoya bayan APM a faɗin Jihar Bauchi.

A nasu ɓangaren, sauran ƙungiyoyin da s**a shiga kiran sun jaddada cewa suna fatan Aliyu Muhammad Mukaddas zai yi la’akari da buƙatar magoya bayansa tare da komawa Jam’iyyar APM domin ci gaba da tafiyar siyasar sa a ƙarƙashin jam’iyyar.

Kafar Albarka Radio ta rubuta muku wannan labarin ne da taimakon fasahar AI.

Malam Alhassan, yana cikiyar ƴar sa mai suna Sha'awanatu, wanda ta ɓata a ranar Asabar 29 ga watan Agusta na shekarar 20...
01/09/2026

Malam Alhassan, yana cikiyar ƴar sa mai suna Sha'awanatu, wanda ta ɓata a ranar Asabar 29 ga watan Agusta na shekarar 2026 daga
Unguwar bayan Nitel, kusa da gidan biredi na IBB, a cikin garin Bauchi amma har yanzu babu labarinta.

Sha'awanatu ta fita da misalin karfe 5 na yamma tana sanye da eiga da zani da hijabi ruwan kasa da takalmin soso.

Ana roƙon duk wanda Allah yasa ya samu labarin inda take ya taimaka ya kira ɗaya daga cikin lambobin da ke comment section.

Allah ya sa a dace.

Shugaban ƙungiyar Kaura Independent Communication, Daure David, ya bayyana cewa duk da irin cin amana, kage, yarfe da wu...
01/09/2026

Shugaban ƙungiyar Kaura Independent Communication, Daure David, ya bayyana cewa duk da irin cin amana, kage, yarfe da wulakancin da ya ce ya fuskanta a lokacin da yake gudanar da harkokin siyasar Gwamnan Jihar Bauchi, Bala Abdulkadir Mohammed, hakan bai sauya ra’ayinsa da soyayyarsa ga gwamnan ba.

Daure David ya ce ya fuskanci kalubale da dama, ciki har da gori na siyasa, cin fuska, danne masa hakkinsa da kuma abin da ya bayyana a matsayin sharri daga wasu mutanen da ke kusa da Gwamna Bala Mohammed da iyalansa.

Ya ce wasu daga cikin waɗannan abubuwa sun faru ne musamman bayan ya daina ko kuma ya rage shiga harkokin siyasar gwamnan.

Sai dai ya bayyana cewa duk da waɗannan ƙalubale, har yanzu yana ganin akwai kyakkyawar alaƙa tsakaninsa da Gwamna Bala Mohammed da wasu daga cikin iyalansa.

Daure David ya ce wannan alaƙa ce ta sa ba zai bari abin da wasu mutane s**a aikata ya sa ya ci amanar mutanen da yake ganin sun nuna masa ƙauna da mutuntawa ba.

“Babu wani abu da wasu tsirarrun mutane s**a yi ko za su yi da zai canza soyayya da ladabi na gare shi, daga yanzu har bayan barinsa gwamnati. Baba Kaura da Yakubu Adamu suna so na fiye da yadda wasu ke tunani,” in ji Daure David.

Ya ƙara jaddada cewa shi mutum ne mai mutunta alaƙar da ta kafu tsakanin mutane, yana mai cewa ba ya manta alherin da aka yi masa duk da matsalolin da s**a taso a baya.

“Ni ɗan halak ne, don haka ba na manta halacci,” in ji Daure David.

Kafar Albarka Radio ta rubuta muku wannan labarin ne da taimakon fasahar AI.

Ƙungiyar Tinubu Kashim MA Elders Mobilization Cycle ta kai ziyarar ban girma ga matashin ɗan siyasa, Comrade Haruna Usma...
01/09/2026

Ƙungiyar Tinubu Kashim MA Elders Mobilization Cycle ta kai ziyarar ban girma ga matashin ɗan siyasa, Comrade Haruna Usman Muhammad Modibbo, inda ta yi kira gare shi da ya koma jam’iyyar APC.

Ƙungiyar ta bayyana cewa tana matuƙar buƙatar kasancewar Comrade Haruna Usman Muhammad Modibbo a cikin APC, duba da irin tasirin da yake da shi a tsakanin al’umma, musamman a ƙaramar hukumar Bauchi.

A yayin ziyarar, mambobin ƙungiyar sun bayyana cewa sun san ƙwarewa, jajircewa da tasirin Comrade Haruna a harkokin siyasa, tare da jaddada cewa dawowarsa APC zai ƙara wa jam’iyyar ƙarfi da haɗin kai.

Sun ce kasancewar sa cikin jam’iyyar zai taimaka wajen haɗa kan magoya baya da kuma ƙara mata tagomashi a siyasar jihar Bauchi.

A nasa jawabin, Comrade Haruna Usman Muhammad Modibbo ya nuna farin ciki da godiya bisa ziyarar, yana mai cewa ya ɗauki mambobin ƙungiyar a matsayin mutane masu daraja a wajensa da kuma jihar Bauchi baki ɗaya.

Ya tabbatar musu da cewa nan ba da jimawa ba za su ji matsayinsa a siyasance, yana mai neman su kasance masu haƙuri da fahimta yayin da yake nazarin matakin da ya dace da shi.

Kafar Albarka Radio ta rubuta muku wannan labarin ne da taimakon fasahar AI.

Address

NO. 22 MAMBILA Avenue, OFF SUNDAY AWONIYI STREET, NEW GRA
Bauchi
740271

Telephone

+2348134012120

Website

Alerts

Be the first to know and let us send you an email when Albarka Radio posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Albarka Radio:

Shortcuts

Share

Category