12/07/2026
Ya zama dole masu ruwa da tsaki su binciko wannan al'amari kuma su hukunta masu wannan aika-aika.
KIRA GA SHUGABAN KASA DA GOBNONIN AREWA KAN ABINDA YAKE FARUWA A IKKO JIHAR LAGOS
Lallai muna kira ga shugaban kasa da gwamnoninmu musamman na Arewa su dauki mataki a kan abin da yake faruwa a kwanakin nan da s**a wuce a birnin Ikko jahar Lagos, Samari ne maza majiya karfi masu sana'a ba masu bara ba an tattara su an je an kulle su a wani waje da aka maida shi kamar kurkuku, 'concentration camp' kamar yadda Hi**er ya yi wa Yàhudawa, an tattara su menene laifinsu? Shi ne kawai don su ba daga bangaren can suke ba, don su daga bangaren arewacin Najeriya suke.
An karya masana'antun arewacin Najeriya tun daga lokacin Obasanjo aka fara har izuwa yanzu, abin da zai farfado da masana'antun na bututun gas da tun shekarar bara ake mana alkawarin a cikin watan June zai iso Kano ya wuce funtuwa, wanda da shi ne ake fatan za'a sami makamashi masana'antun mu su tashi.
Mutanen bangaren nan(Arewacin Nigeria) ba masu kasala bane suna da karfin halin ba masu kasala bane, kokarinsu wajen kasuwanci da shi aka gina wannan kasa tun kafin a samu fetur.
Masana'antun nan kowa ya san yanda BAMPAI da DAKATA da CHALAWA suke a wannan kasarhekaru kusan ashirin da yan kai da s**a wuce.
To mutanen mu suna da karfinsu suna sana'a, inda aka je aka gina da dukiyar kasavsun je suna neman arziki amma kamar yanda ake yiwa bakin haure da yan gudun hijira da suke tsallaka teku su shiga kasashen Turai haka yanzu ya zamanto ake yi ma wadannan yan Najeriya da s**a shiga da s**a je suke neman arziki, kuma wannna arziki na kasa ne suna da hakki a kan wannan arziki, kuma rashin adalci shi ne yasa ake fifita wani bangare akan wani bangare to lallai shugaban kasa ya tsawatarwa hukumar Lagos a kan wannan abin da suke yi.
Abinda Peter Obi yayi a Anambra muna gani har yanzu wannan fatalwar tana binsa duk da kokarin da yake yanzu yana nuna nadama, Da ya dauki Najeriya al'umma daya, yace duk wanda zai zauna a Kasar sai an yi masa alama wato ID Card.
To yan yanzu hukumar Legas ta zo tayi wannan abu na zalunci.
To Shugaban Kasa Shugaban Kasa ne baki daya kuma bangaren arewa wanda ake musu zalunci su ne s**a ba shi kashi 65% na kuri'arsu wajen zaben sa.
Saboda haka idan ba su tsawatar ba wannan al'amari yana daga cikin abinda zai kawo tabarbarewar zaman lafiya a cikin wannan kasa tamu, Kuma hakkin shugaba ne ya tsare Al'umma kamar yadda muka gani a fi'ilin Annabi (SAW).
