Dass TBalewa Bogoro TV

20/08/2026

20 ga Agusta, 2026 — Dass, Jihar Bauchi

Shugaban Ƙaramar Hukumar Dass, Hon. Mohammed Jibo, ya karɓi tawagar Malamin addinin Musulunci, Malam Usman Bello Dass, wadda Malam Usman Bello Bunjan ya jagoranta, a wata ziyarar taya murna bisa nasarar da ya samu na sake zaɓe a matsayin Shugaban Ƙaramar Hukumar Dass.

Da yake magana a yayin ziyarar, jagoran tawagar, Malam Usman Bello Bunjan, ya taya Hon. Mohammed Jibo murnar sake zaɓensa, tare da bayyana farin cikin al'umma kan ci gaba da jagorancinsa a Ƙaramar Hukumar.

Ya roƙi Allah Maɗaukakin Sarki Ya bai wa Shugaban hikima, ƙarfi da shiriya domin ya ci gaba da samar da ingantaccen shugabanci, da kuma ƙarfafa zaman lafiya, haɗin kai da ci gaba mai ma'ana a Dass.

A nasa jawabin, Hon. Mohammed Jibo ya nuna godiyarsa ga Ƙungiyar Shi'a bisa ziyarar da saƙon taya murnar da s**a kawo masa.

Ya tabbatar musu da cewa gwamnatinsa za ta ci gaba da gudanar da shugabanci mai haɗa kowa, tare da tabbatar da adalci da wakilcin dukkan al'ummomi da ke cikin Ƙaramar Hukumar Dass.

Shugaban ya kuma jaddada muhimmancin haɗin kai, zaman lafiya da zaman tare, da kuma haɗa ƙarfi wajen samun ci gaba mai ɗorewa a Dass.

Ya gode wa tawagar bisa addu'o'insu, goyon baya da fatan alheri, tare da tabbatar da cewa gwamnatinsa za ta ci gaba da aiki tare da dukkan al'ummomi domin ci gaba da bunƙasa Ƙaramar Hukumar Dass.

Sadiq Munkaila Dass
AMP Media/Publicity, Dass LGA

20/08/2026

A Dass, Tafawa Balewa da Bogoro, har cikin garin Bauchi, muna alfahari da irin jagoranci da kishin al’umma da kake nunawa. Muna tare da kai, kuma muna roƙon Allah Ya ƙara maka hikima, basira da ƙarfin guiwa wajen gudanar da abubuwan da s**a fi ƙarfinmu.

Muna roƙon Allah Ya taimake ka a dukkan al’amuranka, Ya sa jagorancinka ya zama sanadin ci gaba da haɗin kan al’ummarmu.

Allah Ya ba mu nasara a ƙarƙashin jam’iyyar APC a zaɓen 2027. Allah Ya tabbatar da alheri, Ya ba mu nasara da abin da muke fata.

Alfari ne muke da kai, Alh. Ummar Anas Hassan. ✊💪

2027 — Insha Allah, nasara ce!

—Sakon Amanar Mandi Bogoro

20/08/2026

Shugaban Ƙaramar Hukumar Bogoro, PST (Dr.) Zakka Luka Magaji, JP, ya kai ziyarar ta’aziyya ga Mai Shari’a Haruna Tsammani, Alƙalin Kotun Ƙoli ta Najeriya, da matarsa, Dr. Lydia Tsammani, bisa rasuwar ƙanin Mai Shari’ar, Shuka Yakubu Tsammani, JP.

Marigayin ya rasu ne a ranar 7 ga Agusta 2026, yana da shekaru 65, bayan gajeriyar rashin lafiya.

A yayin ziyarar, Shugaban Ƙaramar Hukumar ya isar da saƙon ta’aziyya a madadin Majalisar Ƙaramar Hukumar Bogoro da ɗaukacin al’ummar Bogoro, tare da tabbatar wa iyalan marigayin cewa suna tare da su cikin addu’a da goyon baya a wannan lokaci na babban rashi.

PST (Dr.) Zakka Luka Magaji ya bayyana cewa rashin ɗan uwa na kusa babban ciwo ne, yana mai roƙon Allah Ya bai wa Mai Shari’a Haruna Tsammani, Dr. Lydia Tsammani, iyalan marigayin, ’yan uwa, abokai da sauran waɗanda wannan rashi ya shafa ƙarfin jurewa.

Ya kuma roƙi Allah Maɗaukakin Sarki Ya gafarta wa marigayin kurakuransa, Ya karɓi kyawawan ayyukansa, Ya sa Aljanna ta zama makomarsa, kuma Ya ba shi hutu na har abada.

Shugaban Ƙaramar Hukumar ya gode wa iyalan Tsammani bisa tarbar da s**a yi masa da tawagarsa, yana mai jaddada muhimmancin haɗin kai, zumunci da tausayi musamman a lokacin da ake fuskantar rashin.

Shugaban ya samu rakiyar wasu daga cikin jami’an tawagarsa yayin ziyarar.

RICE ELIJAH DAVID
Director of Media and Publicity to the Executive Chairman,
Bogoro Local Government Area, Bauchi State.
20 ga Agusta, 2026

20/08/2026

19/08/2026

Bogoro, Bauchi: Hon. Halan Mantu Gwaya ta nuna cikakken goyon baya da jajircewa ga Hon. Dr. Yakubu Adamu, PhD, da tafiyar KAURASIYA a Boi B Ward, Ƙaramar Hukumar Bogoro.

Gagarumar fitowar da ta yi da kuma dimbin goyon bayan da ta nuna sun ƙara bayyana yadda tafiyar KAURASIYA ke samun ƙarfi da karɓuwa a sassa daban-daban na ƙananan hukumomin Bogoro.

Wannan ci gaba na ƙara nuna haɗin kai da ƙudurin magoya bayan tafiyar wajen ganin an samu ci gaba da kyakkyawan shugabanci a jihar Bauchi.

Tare domin ci gaba. Tare domin KAURASIYA!

Hon. Dr. Yakubu Adamu, PhD — KAURASIYA AKIDA
Hon. Dr. Yakubu Adamu, PhD — Naɗin Gwamnan Bauchi
Sanata Bala Abdulkadir Mohammed, Kauran Daular Usmaniyya — Naɗin Sanata
Hon. Engr. Noah Dallaji — Ɗan Majalisar Dass/Tafawa Balewa/Bogoro
Hon. Musa Wakili Nakwada Gida-Gida — Naɗin Baha

19/08/2026

Jam'iyyar APC a Bauchi Ta Kori Hon. Bilyaminu Usman

Jam’iyyar APC ta Burra/Kyata Ward a ƙaramar hukumar Ningi ta jihar Bauchi, ta sanar da korar ɗaya daga cikin ’ya’yanta, Hon. Bilyaminu Usman na Burra, daga jam’iyyar.

A cikin wata sanarwa mai ɗauke da kwanan watan 17 ga Agusta, 2026, shugabannin jam’iyyar sun bayyana cewa matakin ya biyo bayan wasu matsaloli da s**a taso tsakaninsa da wasu ’yan jam’iyyar a ward ɗin.

Sanarwar ta ce an samu korafe-korafe daga wasu ’yan jam’iyyar dangane da wasu kalamai da ayyukan da ake zargin sun haifar da rashin jituwa da rashin zaman lafiya a tsakanin mambobin jam’iyyar.

A cewar sanarwar, shugabannin jam’iyyar sun gudanar da tattaunawa tare da wasu masu ruwa da tsaki domin ganin an shawo kan matsalar, amma daga ƙarshe aka yanke shawarar ɗaukar matakin ladabtarwa.

Jam’iyyar ta bayyana cewa matakin ya samu amincewar shugabanninta, tare da sanar da Hon. Bilyaminu Usman cewa an kore shi daga jam’iyyar, kuma daga wannan lokaci ba shi da wata alaƙa da APC a matakin ward.

A ƙarshe, shugabannin jam’iyyar sun jaddada cewa an ɗauki matakin ne domin kare martabar jam’iyyar, ƙarfafa haɗin kai da tabbatar da zaman lafiya tsakanin ’ya’yan APC a Burra/Kyata Ward.

-Zamani TV

18/08/2026

Shugabannin Jam’iyyar African Democratic Congress (ADC) na ƙananan hukumomin Dass, Tafawa Balewa da Bogoro, sun mayar da martani kan kalaman wani ɗan takara da ya sha kaye a zaɓen fidda gwani na neman tikitin takarar Majalisar Tarayya mai wakiltar mazabar Dass, Tafawa Balewa da Bogoro.

Shugabannin sun gudanar da wani taro a Ƙaramar Hukumar Tafawa Balewa, inda s**a yi watsi da ikirarin ɗ cewa za'a saya shugabannin jam’iyyar domin su fice daga ADC zuwa wata jam’iyya.

Sun bayyana cewa suna nan daram kan goyon bayansu ga shugabancin Jam’iyyar ADC, tare da jaddada cewa waɗanda s**a fice daga jam’iyyar tsiraru ne, kuma a cewarsu, ba su da wani gagarumin tasiri a tafiyar jam’iyyar.

Shugabannin sun kuma tabbatar da cewa ADC na ci gaba da tafiya bisa manufofinta na kawo sauyi da inganta rayuwar al’umma, ba tare da la’akari da kalaman wasu mutane ba.
A cewarsu, babban burin jam’iyyar shi ne kawo canji mai ma’ana ga al’ummar Jihar Bauchi da Najeriya baki ɗaya, tare da tabbatar da kyakkyawan shugabanci da samar da damammaki ga al’umma.

Sun yi kira ga mambobin jam’iyyar da magoya bayanta da su ci gaba da kasancewa masu haɗin kai, tare da kauce wa jita-jita da kalaman da ka iya haifar da rabuwar kai a tsakanin ‘ya’yan jam’iyyar.
Shugabannin sun jaddada cewa za su ci gaba da aiki tare domin ƙarfafa jam’iyyar da cimma manufofinta na siyasa da ci gaban al’umma.

17/08/2026

Dass Local Government Election Results 2026

Chairmanship Result:

Hon. Mohammed Abubakar Jibo — APM
Votes: 35,264

He emerged victorious in the Dass Local Government Chairmanship Election held on 17 August 2026.

BASIEC had scheduled the Bauchi State local government elections for 17 August 2026.

Congratulations to Hon. Mohammed Abubakar Jibo and the people of Dass LGA!

—Daga Kabiru Babaji

16/08/2026

Tsohon shugaban karamar hukumar Dass Alhaji Ado Danladi Maigoro, ya fice a jam'iyyar APC.