JIYA DA YAU

12/09/2025

Marigayi Hassan Sarkin Dogarai...

Takaitaccen Tarihin Marigayi Hassan Sarkin Dogarai Shahararren Dogarin Sarkin a Tarihin Najeriya na Wancan Zamani

An haifi Hassan Adamu a garin Kano a shekarar 1925, wanda aka fi sani da Hassan Sarkin Dogarai, shi ne Sarkin Dogarai na uku a zamanin Marigayi Sarkin Kano, Alhaji Ado Bayero.

Ana kiran sa da suna “Bishiya” saboda tsayin sa, Girman jikin sa, karfi, da kuma kallo mai ban tsoro, wanda hakan ya sanya ya jagoranci rundunar Dogarai masu rawani da bulalai a kan dawakai.

Marigayi Alhaji Hassan Adamu ya samu wannan mukami ne a shekarar 1990, lokacin da Marigayi Sarkin Kano Alhaji Ado Bayero ya naɗa shi a matsayin Sarkin Dogarai.

Kafin naɗin Hassan, Sarki Ado Bayero ya naɗa wasu mutum biyu a wannan mukami Na Sarkin Dogarai, wato Marigayi Sarkin Dogarai Dan Wudil, da kuma Marigayi Sarkin Dogarai Adamu.

Amma banbancin su dashi shi ne, Hassan bai fito daga gidan sarauta ba.
A hakikanin gaskiya ma shi asalin sa Direba ne, daga bisani ya zama bawa ga Galadiman Kano, Marigayi Alhaji Tijjani Hashim.

Tijjani Hashim ya fara naɗa Hassan a matsayin Shamaki, kuma wannan ne ya bashi damar fara shiga fada da mukami a gidan sarauta.

A shekarar 1990, bayan rasuwar Sarkin Dogarai na lokacin, Galadiman Kano Tijjani Hashim ya bukaci Sarki Ado Bayero da ya naɗa Hassan a matsayin Sarkin Dogarai, kuma Sarki ya amince.

Hassan ya shahara sosai wajen jarumtaka, ƙarfi da kuma Aminci marar misaltuwa ga Marigayi Sarkin Kano Ado Bayero

Shahararren mawakin Hausa Alhaji Mamman Shata Katsina, ya kwarzanta Hassan da wasu kirari masu ratsa zukatan jaruman maza a cikin wata waƙarsa daya rera masa a cikin shekarun 90s, mai suna "Hassan Sarkin Dogarai", wadda ta ƙara masa suna a ko’ina cikin Kasar nan.

Alhaji Hassan ya rasu a shekarar 2007, kuma iyalansa sun koma gidansa da ke unguwar Sagagi a Kano, inda s**a ci gaba da rayuwar su.

Allah Ya jikansa da rahama, Ya sanya Aljannah Firdausi ta zama makomar sa. Ameen

~Arewajiyadayau

31/08/2024

Kamfanin BUA ya ce yana sayar da buhun siminti a #3,500 ga 'yan kasuwa don mutane su samu da sauki, sannan su kuma suke ninka farashin zuwa #7,000 ko fiye a kan kowane buhu.

Cewa kamfanin yake yi, ina ma dillalan su kara kudi kadan ta yadda mutane za su iya samu da sauki.

Laifi waye ke nan, jama'a?

31/08/2024

17/07/2022

17/07/2022

KARIN HOTUNA: Yadda Gagarumin Taron Ƙarawa Juna Sani "National Seminar" Na Kwanaki Biyu Ya Gudana Tare Da Bikin Cikar Ƙungiyar Shekaru Biyu Ya Kasance A Jiya Asabar

A yayin gudanar da taron, an gabatar da maƙaloli masu muhimmanci kamar haka:-

1, Hanyoyin yaƙi da labaran ƙarya a kafofin sada zumunta, wanda shahararran ƙwararran ɗan Jarida Isma'il Karatu Abdullahi ya gabatar da maƙalar.

2, Yadda ake rubutu da aikin Jarida, na yaɗa labarai a kafofin sada zumunta, wanda shahararran ƙwararran dan jarida Shu'aibu Abdullahi Dimokuraɗiyya ya gabatar da maƙalar.

3, Yadda ake neman kuɗi, aiki a kafofin sada zumunta, shahararran gogaggen ɗan jarida Haji Shehu ya gabatar da maƙalar.

Wurin taro; Babban ɗakin taro mai suna Banquet Hall, dake babban masaukin baƙi na ƙasa da ƙasa Zaranda Hotel, cikin kwaryar jihar Bauchi.

17/07/2022

Wannan bawan Allah sunan sa Sheikh Adil Al-Kalbani, yana ɗaya daga cikin limaman Harami. Kamar yadda Marigayi Sheikh Dr. Ahmad Bamba ya faɗa, idan yana karatun Qur'ani sai ya sa ka yi kuka. (Tabbas na saurari karatunsa, kuma karatun ya tsumani).

A ƙarshe ya zama ɗan casu. Annabi ﷺ Ya gama magana da Ya ce zira'i kan ragewa mutum ya shiga Aljannah ko Wuta, sai ƙaddara ta yi aiki a kansa; ya zama ya sami sauyin makoma. Saboda hakan ne ma Annabi ﷺ Ya koyar da mu addu'o'in neman shiriya da tabbata a kan biyayya ga Allah (S.W.T), kamar:

اللهم يامصرف القلوب صرف قلوبنا على طاعتک

Ma'ana: Ya Ubangiji, Mai jujjuya zukata, Ka tabbatar da zukatanmu a kan biyayya a gare Ka.

Ko kuma:
اللهم يامقلب القلوب ثبت قلبي على دينك

Ma'ana: Ya Ubangiji, Mai jujjuya zukata, Ka tabbatar da zuciyata a kan Addininka.

Ya Allah Ka tabbatar da mu bisa Addininka da biyayyarka, shi kuma wannan bawan Allah, muna roƙon Allah (S.W.T) Ya shirye shi. Amin

©️ Aly A. Idreess

17/07/2022