A.N.T online tv

  • Home
  • A.N.T online tv

A.N.T online tv ANT TV CIKE GABAR SAHIHAN RAHOTANNI

DA DUMI-DUMI: Mabiyan Shiekh Musa Lukwa sun kashe mutumin da ya yanke shi da wuka a SokotoAn kashe wani matashi da ake z...
11/09/2026

DA DUMI-DUMI: Mabiyan Shiekh Musa Lukwa sun kashe mutumin da ya yanke shi da wuka a Sokoto

An kashe wani matashi da ake zargi da daba wa wani malamin addinin Musulunci, Malam Musa Lukwa, wuka jim kaɗan bayan kammala sallar Juma’a a masallacinsa da ke yankin Mabera, cikin birnin Sakkwato.

Jaridar Daily Trust ta rawaito cewa, lamarin ya faru ne a ranar Juma’a, inda rahotanni s**a ce matashin, wanda ake kira Mai Barewa, ya kasance cikin masu ibada a masallacin, kafin ya farmaki malamin tare da daba masa wuka sau biyu a wuya bayan kammala sallar.

Majiyoyi sun ce masu ibadar da ke wurin sun yi nasarar cafke wanda ake zargin, inda daga bisani s**a yi masa duka har ya mutu.

Rahotanni sun danganta harin da wata huduba da Lukwa ya gabatar a baya, inda ya ambaci wani Hadisi da wasu malaman addini, musamman masu alaƙa da ɗariƙar Sufaye s**a ce ya ɓata sunan iyayen Annabi Muhammad (SAW).

Bayan wannan cece-ku-ce, an ce Mai Barewa ya yi barazanar kashe Malam Lukwa da babban ɗalibinsa, Malam Murtala Assada.

Malamin da mabiyansa sun kai rahoton barazanar ga ’yan sanda, lamarin da ya kai ga k**a matashin da kuma gurfanar da shi a gaban kotu. Kotun ta bayar da umarnin a tsare shi a gidan gyaran hali na wani lokaci, yayin da shari’ar ke ci gaba.

Kwanaki huɗu kafin harin na Juma’a, Malaman sun kuma ziyarci fadar gwamnatin jihar Sakkwato, inda s**a gabatar da rubutacciyar ƙorafi kan lamarin.

Da yake tabbatar da faruwar harin, kakakin rundunar ’yan sandan jihar Sakkwato, DSP Ahmad Rufa’i, ya ce Malam Lukwa na karɓar magani a Asibitin Kwararru na Sakkwato.

Ya ce mabiyan malamin ne s**a kashe wanda ake zargin bayan sun cafke shi.

Kakakin ’yan sandan ya ƙara da cewa kawo yanzu ba a k**a wani mutum dangane da tashin hankalin ba, sai dai rundunar ta ɗauki matakan da s**a dace domin hana lamarin ƙara ta’azzara.

Ya ce ’yan sanda na gudanar da bincike domin gano ainihin abin da ya haddasa harin da kuma gano duk mutanen da ka iya kasancewa da hannu a lamarin.

11/09/2026

Siyasar bana: Ni wannan malamin mutumina ne amma harkar kuɗin nan tazo ta hargitsa komai ..

KCPC ta rufe shagon maganin gargajiya na Kashiful Alim dake Zoo RoadHukumar kare haƙƙin masu saye ta Jihar Kano (KCPC) t...
11/09/2026

KCPC ta rufe shagon maganin gargajiya na Kashiful Alim dake Zoo Road

Hukumar kare haƙƙin masu saye ta Jihar Kano (KCPC) ta rufe wani shagon maganin gargajiya mai suna Kashiful Alim, da ke kan titin Zoo Road a Kano.

Bayanin haka na ɗauke ne cikin sanarwar da Jamilu Mustapha Yakasai, jami'in hukumar ya fitar kuma aka wallafa a shafin Facebook na hukumar.

Hukumar ta ce ta ɗauki matakin ne biyo bayan wani ƙorafi da wani ɗan ƙasa ya shigar.

A halin yanzu, jami’an KCPC na gudanar da cikakken bincike domin gano gaskiyar lamarin da ya jawo ƙorafin.

Hukumar ta kuma ce za ta sanar da jama’a sak**akon binciken da halin da ake ciki da zarar an kammala binciken.

Sokoto: Mazauna Tambuwal sun yi zanga-zanga kan rashin tsaroMazauna karamar hukumar Tambuwal ta jihar Sokoto sun gudanar...
11/09/2026

Sokoto: Mazauna Tambuwal sun yi zanga-zanga kan rashin tsaro

Mazauna karamar hukumar Tambuwal ta jihar Sokoto sun gudanar da zanga-zanga a ranar Juma’a, domin nuna adawa da yawaitar hare-hare da garkuwa da mutane a yankin.

Masu zanga-zangar sun bukaci gwamnatin tarayya da ta jihar Sokoto da su dauki matakan gaggawa wajen kare rayuka da dukiyoyin jama’a.

Sun kuma nemi a kara yawan jami’an tsaro da kayan aiki, tare da inganta sintiri, sa ido da tattara bayanan sirri domin dakile hare-haren.

Mazauna yankin sun ce rashin tsaron na haifar da fargaba tsakanin manoma da ’yan kasuwa, tare da barazana ga noma da sauran harkokin tattalin arziki.

Jami’in hulda da jama’a na rundunar ’yan sandan jihar Sokoto, DSP Ahmad Rufai, ya tabbatar da faruwar lamarin, yana mai cewa jami’an tsaro na sane da halin da ake ciki kuma suna daukar matakan da s**a dace domin kare rayuka da dukiyoyi.

Gumi ya maka mutumin da ya zarge shi da sace masa mata a kotuMalamin addinin Musulunci da ke Kaduna, Sheikh Ahmad Gumi, ...
11/09/2026

Gumi ya maka mutumin da ya zarge shi da sace masa mata a kotu

Malamin addinin Musulunci da ke Kaduna, Sheikh Ahmad Gumi, ya kai karar wani ɗan kasuwa, Nasiru Idris, a gaban Babbar Kotun Shari’ar Jihar Kaduna, bisa zargin ɓata masa suna.

A cikin ƙarar, Gumi ya zargi Idris da yaɗa zarge-zargen ƙarya a kafafen yaɗa labarai, ciki har da cewa ya sace matarsa ‘yar ƙasar Morocco, ya tsare ta na tsawon watanni 11, ya ƙirƙiri hatimin hukuma, tare da satar wasu kayansa.

Lauyan Gumi, M.T. Mohammed, ya nemi kotun ta bayar da sammacin k**a wanda ake ƙarar, yana mai cewa zarge-zargen sun saɓa wa dokar hukunta ɓata suna ta Shari’ar Jihar Kaduna.

Rikicin ya samo asali ne daga matsalar aure tsakanin Nasiru Idris da matarsa ‘yar Morocco, Khadija Diab.

Idris ya yi zargin cewa bayan ya kai matarsa wurin Gumi domin neman shawarwarin aure, an hana shi ganinta na kusan watanni 11, lamarin da Gumi ya musanta.

Sai dai bayanan kotu sun nuna cewa Khadija ta bar gidan aurenta ne tare da neman mafaka wajen matar Gumi, wadda ita ma ‘yar Morocco ce, tana zargin mijinta da cin zarafi a gida, muzanta mata, rashin kula da ita da kuma damfara.

Khadija ta kuma shigar da karar neman a raba aurensu, yayin da lauyanta ya ce daga baya ta koma ƙasar Morocco domin kasancewa tare da iyalanta.

Kwastam ta k**a miyagun ƙwayoyi da kayayyakin da wa'adin amfanin su ya ƙare na N43.58bnHukumar kwastam ta Najeriya, resh...
11/09/2026

Kwastam ta k**a miyagun ƙwayoyi da kayayyakin da wa'adin amfanin su ya ƙare na N43.58bn

Hukumar kwastam ta Najeriya, reshen Apapa, ta ce ta k**a kwantena 13 ɗauke da miyagun ƙwayoyi, magunguna da kayayyakin wa'adin amfanin su ya ƙare , waɗanda darajarsu ta kai N43.58bn.

Kwanturola Janar na hukumar, Adewale Adeniyi, ya ce kayayyakin da aka k**a sun haɗa da kilogram 7,624 na wiwi, kwalabe 169,998 na maganin tari mai ɗauke da codeine, da jirage marasa matuƙa (drones) 108.

Ya ƙara da cewa an kuma k**a buhunan tufafin hannu guda 1,282, tare da wasu kayayyakin abinci da magunguna da wa'adin su ya ƙare na amfani.

Adeniyi ya ce k**a miyagun ƙwayoyin ya samo asali ne daga haɗin gwiwar hukumomin tsaro, ciki har da Hukumar Hana Sha da Fataucin Miyagun Ƙwayoyi ta Ƙasa (NDLEA), da bayanan sirri daga abokan hulɗar tsaro na ƙasa da ƙasa.

Ya gargadi masu shigo da kayan aikin da za su iya zama barazana ga tsaron ƙasa, yana mai cewa ba za a bari tashoshin jiragen ruwa su zama hanyar isar da irin waɗannan kayayyaki ga masu aikata laifuka ba.

Ƙungiyar ASUU ta yi barazanar shiga yajin aiki Kungiyar Malaman Jami’o’in Najeriya (ASUU) ta yi barazanar shiga yajin ai...
11/09/2026

Ƙungiyar ASUU ta yi barazanar shiga yajin aiki

Kungiyar Malaman Jami’o’in Najeriya (ASUU) ta yi barazanar shiga yajin aikin gama-gari saboda zargin rashin tura wasu kudaden da ake cirewa daga albashin mambobinta da kuma gazawar gwamnati wajen cikakken aiwatar da yarjejeniyar da aka cimma a 2025.

Shugaban ASUU na ƙasa, Farfesa Chris Piwuna, ya bayyana hakan a wata sanarwa da ya fitar ranar Juma’a, bayan taron gaggawa na Majalisar Zartarwa ta Ƙasa (NEC) ta ƙungiyar da aka gudanar a Jami’ar Abuja.

Piwuna ya zargi gwamnatin tarayya da na jihohi da rashin cikakken aiwatar da yarjejeniyar FGN-ASUU ta Disamba 2025.

Ya ce malamai na fuskantar rashin tabbas kan lokacin da za a biya albashinsu da kuma adadin abin da za a biya a kowane wata.

Ya yi gargadin cewa idan ba a ɗauki matakan gaggawa da za su magance matsalolin jin daɗin malaman jami’o’i ba, ASUU ba za ta ɗauki alhakin matakin kiran mambobinta zuwa yajin aikin ƙasa baki ɗaya cikin kankanin lokaci ba.

A cewar Piwuna, wasu jihohi da s**a haɗa da Abia, Bauchi, Ekiti, Ogun, Benue, Yobe, Adamawa, Kebbi, Katsina da Borno sun fara aiwatar da yarjejeniyar 2025, yayin da wasu s**a yi alkawarin fara aiwatar da ita a watan Satumba ko Oktoba.

Shugaban ASUU ya kuma bayyana damuwa kan albashin watanni uku da rabi da har yanzu ba a biya malaman jami’o’i ba, daga cikin watanni bakwai da rabi da aka riƙe a lokacin gwamnatin tsohon Shugaba Muhammadu Buhari.

Ya ce gwamnatin Shugaba Bola Ahmed Tinubu ta biya albashin watanni huɗu daga cikin bashin, amma rashin biyan sauran kuɗin na ci gaba da jefa malaman cikin matsalar kuɗi da taɓarɓarewar tunani.

ASUU ta kuma nuna damuwa kan kudaden fansho, ƙungiyoyin haɗin gwiwar ma’aikata da kuma kuɗaɗen rajistar ƙungiyar da ake cirewa daga albashin mambobinta, waɗanda ta ce ba a tura su yadda ya k**ata tsawon watanni.

Piwuna ya ce ƙungiyar ba za ta ci gaba da kallon yadda tsaiko na ofisoshin gwamnati ke raunana harkar ilimi da jami’o’in ƙasar ba.

An yi jana'izar hadimin Gwamnan Kano da ya rasu a hadarin tirelaAn yi jana'izar Alhaji Sani Muhammad Hotoro, wanda aka f...
11/09/2026

An yi jana'izar hadimin Gwamnan Kano da ya rasu a hadarin tirela

An yi jana'izar Alhaji Sani Muhammad Hotoro, wanda aka fi sani da Dan Sani, Mataimaki na Musamman ga Gwamnan Kano, Abba Kabir Yusuf kan ƙungiyoyi, bayan ya rasu a wani hatsarin tirela.

Rahotanni sun ce hatsarin ya faru ne ranar Alhamis a kan titin Hotoro Eastern Bypass, kusa da gidan man Gade-Gade.

An ce Dan Sani ya rasu tare da ɗaya daga cikin ma’aikatansa, inda shaidu s**a bayyana cewa ya mutu ne a wurin da hatsarin ya afku.

Zan dora kan manufar Tinubu game da canjin kuɗin Naira idan na zama shugaban ƙasa - ObiDan takarar shugaban ƙasa na jam’...
11/09/2026

Zan dora kan manufar Tinubu game da canjin kuɗin Naira idan na zama shugaban ƙasa - Obi

Dan takarar shugaban ƙasa na jam’iyyar NDC a zaɓen 2027, Peter Obi, ya ce zai ci gaba da tsarin bai wa kasuwa dama ta fayyace darajar Naira da gwamnatin Shugaba Bola Tinubu ta bullo da shi, idan aka zaɓe shi.

Obi ya bayyana hakan ne a ranar Alhamis yayin wata hira da Arise TV, lokacin da aka tambaye shi wace manufa daga gwamnatin Tinubu zai ci gaba da ita idan ya zama shugaban ƙasa.

Ya ce: “An bar Naira tana yi wa kanta farashi. Ba zan kare ta ba, amma zan ƙara samar da abubuwa da za su sa ta ƙara daraja ga jama’a.”

A ranar 14 ga Yuni, 2023, Babban Bankin Najeriya (CBN) ya ƙaddamar da tsarin “mai saye a shirye, mai sayarwa a shirye”, wanda ya bai wa buƙata da wadata damar taka muhimmiyar rawa wajen ƙayyade darajar Naira a kasuwar canjin kuɗi.

CBN ya ce matakin na da nufin kawar da matsalolin da s**a samo asali daga amfani da farashin canjin kuɗi daban-daban, tare da ƙara gaskiya da jawo hankalin masu zuba jari.

Bayan aiwatar da tsarin, Naira ta fuskanci faɗuwar daraja, inda farashinta ya kai N770.88 kan dala ɗaya a ƙarshen Yuni 2023, daga N460 a ƙarshen Disamba 2022, a cewar bayanan CBN.

A wani labarin mak**ancin haka, Obi ya bayyana cewa yana goyon bayan cire tallafin man fetur, sai dai ya ce idan shi ne shugaban ƙasa, zai cire tallafin cikin tsari tare da amfani da kuɗin da aka samu wajen ayyukan da za su amfanar da talakawa.

Gwamnan Kaduna ya naɗa sabbin Kwamishinoni ukuGwamnan Jihar Kaduna, Uba Sani, ya naɗa sabbin kwamishinoni uku da wasu ma...
11/09/2026

Gwamnan Kaduna ya naɗa sabbin Kwamishinoni uku

Gwamnan Jihar Kaduna, Uba Sani, ya naɗa sabbin kwamishinoni uku da wasu masu taimaka masa da shugabannin hukumomin gwamnati, domin ƙarfafa ayyukan gwamnatinsa.

A cewar sanarwar Kakakinsa, Ibraheem Musa, gwamnan ya naɗa Ben Kure a matsayin Kwamishinan Bunƙasa Wasanni, yayin da Amina Akilu Dalhat da Abdullahi Garba Abbas s**a zama Kwamishinonin Ayyuka na Musamman na ɗaya da na biyu.

Haka kuma, an naɗa Dr Haliru Soba, wanda shi ne Babban Sakataren Ma’aikatar Ilimi, a matsayin Mataimakin Shugaban Ma’aikata mai kula da harkokin gudanarwa.

Gwamnan ya kuma naɗa shugabanni da mambobin wasu hukumomi, ciki har da Munir Jafaru a matsayin Shugaban Hukumar Lafiya ta Jihar Kaduna da mai ritaya AVM Bashir Saidu a matsayin Shugaban Hukumar Vigilance ta jihar.

Uba Sani ya taya waɗanda aka naɗa murna, yana mai cewa an zaɓe su ne bisa kwarewa, gaskiya da jajircewa wajen yi wa al’umma hidima.

Address

Birnin Ruwa Area Tsafe

Website

Alerts

Be the first to know and let us send you an email when A.N.T online tv posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed media company?

Share