https://kasarkanojiyadayau.blogspot.com/?m=1

Kasar Kano Jiya Da Yau, airport Road, Fagge (2025)

04/12/2025

Labaran Yammacin Alhamis,
13/06/1447AH - 04/12/2025CE.

Ga Takaitattun labaran.

Shugaba Bola Ahmed Tinubu ya rantsar da Jana ɗin Christopher Musa a matsayin Ministan Tsaro, sa’o’i kaɗan bayan Majalisar Dattawa ta tabbatar da nadinsa.

A Abuja, Tinubu ya amince da naɗin tsohon Kwamishinan Ribas da kuma Dambazau a matsayin jakadu, domin inganta hulɗar diflomasiyyar Najeriya.

Rundunar Sojin Najeriya ta ce ta kai samame a Plateau, inda ta cafke wani mutum da ake zargi da kera da sayar da mak**ai ga ‘yan bindiga.

Kakakin Majalisar Wakilai, Tajudeen Abbas, ya taya sabon Ministan Tsaro, Janar Musa, murnar rantsuwar sa, yana mai kiran a yi aiki tukuru wajen tabbatar da tsaro.

Hukumar NAPTIP reshen Kano ta k**a wani mutum da ya yi yunƙurin safarar mata bakwai zuwa Saudiyya.

Akalla mutum shida sun mutu, wasu 13 sun jikkata, bayan wata bas mai ɗauke da nakasassu ta yi hatsari a hanyar Lokoja–Okene.

Rundunar ‘Yan Sanda ta kubutar da dalibai biyar na Jami’ar Rivers da aka yi garkuwa da su.

A Jihar Imo, an k**a wata mace mai shekaru 38, Juliet Igwe, bisa zargin kona sassan jikin yarinya mai shekaru shida da ke yi mata aikin gida.

INEC ta bayyana cewa daga cikin ’yan Najeriya miliyan 9.89 da s**a fara yin rijistar PVC ta intanet, miliyan 2.57 ne kacal s**a kammala cikakken rijista.

Gwamnan Abia, Alex Otti, ya ce ziyarar sa zuwa fadar Shugaba Tinubu ba ta da nasaba da sauya sheƙa zuwa APC, illa tattaunawa kan batun Nnamdi Kanu.

Gwamnan Zamfara, Dauda Lawal, ya gabatar da kasafin kuɗin N861.337bn na shekarar 2026 ga Majalisar Dokokin jihar.

Kotu ta fara sauraron roƙon Nnamdi Kanu na neman a mayar da shi daga kurkukun Sokoto zuwa wuri dabam.

A Abuja, rundunar ’yan sanda ta tabbatar da rasuwar jami’i ɗaya bayan hatsari a kan hanyar Sani Abacha Expressway.

Yan majalisar Jihar Zamfara biyu daga jam’iyyar APC sun sauya sheƙa zuwa PDP.

Ma’aikatan Shari’a na Jihar Kogi sun fara yajin aiki, saboda biyan ba su bashin albashi da kuɗin hutun shekara.

Bishop Matthew Kukah ya ce koyar da kai kariya ba zai magance matsalar tsaro ba, har sai gwamnati ta gyara tsarin tsaron ƙasa.

Hukumar NDLEA ta k**a mutum 44 tare da kwace kilo 2,059 na miyagun ƙwayoyi a Jihar Edo.

Ma’aikatar Lafiyar Bauchi ta ce mutum 2,246 masu dauke da cutar HIV ne ke ci gaba da karɓar kulawa kyauta a jihar.

Rundunar ’yan sanda ta k**a mutum 20 da ake zargi da kai hari ga yan banga a Jihar Delta.

’Yan bindiga sun yi garkuwa da wani jigon APC, Oriade, a Ibadan.

Google ta fitar da rahoton Year in Search 2025, inda aka nuna cewa Sen. Natasha Akpoti-Uduaghan da Eberechi Eze s**a fi bincike a Najeriya.

Gwamnati ta ce China za ta tallafa wa Najeriya wajen yaki da ta’addanci da farfado da harkokin kasuwanci.

Shugaban Faransa, Emmanuel Macron, ya isa China domin neman tsagaita wuta a yakin Ukraine.

Shugaban Rasha, Vladimir Putin, ya ce Rasha ba za ta janye daga Donbas ba, sai ta tabbatar da karɓe ikon yankin gaba ɗaya.

Kungiyar Amnesty International ta ce yarjejeniyar zaman lafiya a DR Congo ba ta dakatar da cin zarafin bil’adama ba.

A Senegal, daliban Jami’ar Cheikh Anta Diop sun yi arangama da ‘yan sanda saboda tsaikon biyan su tallafin karatu.

Putin ya isa Indiya domin tattaunawa kan faɗaɗa harkokin tsaro da kasuwanci tsakanin kasashen biyu.

Tarayyar Turai ta fara tattauna amfani da kadarorin Rasha domin taimakawa Ukraine.

Wani jirgin saman sojin Amurka nau’in F-16C ya yi hatsari yayin atisaye a kusa da San Bernardino, California.

A Australia, Meta ta fara cire yara daga Facebook, Instagram da TikTok, bisa manufofin tsaro na intanet.

*Daga Harisata dan Wahb (R) Manzon Allah (ﷺ) ya ce: ((Shin ba na ba ku labari game da 'Yan wuta ba? Duk mai halin tashin hankali, mai mummunar dabi'a, mai girman kai))*
📚 Bukhárí da Muslim.

01/12/2025

Ko an taba goya ka a kan kasangalalin keke? Ba shakka wadanda aka taba goyawa sun ce babu dadi, domin in aka sauke ka sai ka sake koyon tafiya. Elisofon, shekaru sittin da motsi ya dauki wannan hoton, a wani gari wai shi Yalwa.

01/12/2025

Labaran Yammacin Litinin,
10/06/1447AH - 01/12/2025CE.

Ga Takaitattun labaran.

Mai ba shugaban ƙasa shawara kan harkokin tsaro, Mallam Nuhu Ribadu, ya ziyarci jihar Neja, inda ya gana da shugaban ƙungiyar Kiristoci ta Najeriya (CAN) na jihar, Bishop Bulus Dauwa Yohanna.

Rundunar ’yan sanda ta miƙa wa wata mata zinare da kuɗin su kimanin Naira miliyan 23, da s**a ɓace tun lokacin harin Boko Haram a Borno shekaru 12 da s**a gabata.

Gwamnatin tarayya ta tabbatar da cewa daliban makarantar da aka sace a Neja suna cikin koshin lafiya, kuma za a mayar da su gida nan ba da jimawa ba — in ji NSA Nuhu Ribadu.

Ƙungiyar gwamnonin Arewa tare da sarakunan Arewa suna taro a Kaduna, domin tattaunawa kan yadda tsaro ke taɓarɓarewa a yankin.

An k**a mutum huɗu da ake zargin ’yan bindiga ne a tashar mota ta Ƙofar Ruwa, Kano, dauke da mak**ai da ake zaton bindigogi ne.

’Yan sanda sun hana sace mutane a babban birnin tarayya Abuja, inda s**a kashe ’yan bindiga uku tare da kwato mak**ai.

Hukumar EFCC za ta riƙa gurfanar da tsohon ministan shari’a, Abubakar Malami, gaban kwamiti a kowace rana a watan Disamba, kan binciken $499m – Abacha loot.

Sarkin Musulmi Sa’ad Abubakar III, ya shawarci gwamnonin jihohin Arewa su saurari korafe korafe da shawarwarin jama’a don inganta mulki.

Jam’iyyar PDP ta Jihar Osun ta dage zaben fid-da-gwanin gwamna da aka shirya yau gobe, saboda rikicin shugabanci da shari’o’i da s**a dabaibaye jam’iyyar a Abuja.

Rundunar ’yan sanda ta jihar Kano ta umarci cikakken aiwatar da dokar haramta goyo akan babura, da kuma takaita zirga zirga tare da gargadin cewa duk mai karya dokar za a damƙe shi.

Yanzu sati fiye da ɗaya ke nan bayan sace ɗaruruwan ɗalibai a wata makarantar Katolika a jihar Neja, lamarin da ya bar jama’a cikin fargaba.

’Yan sanda sun ƙaryata bude shafin daukar ma’aikata, tare da gargadin matasa su guji fadawa cikin yaudaran yanar gizo.

Wani mutum zai sha kisa ta hanyar rataya bayan kotu ta tabbatar da laifinsa na kashe maƙwabcinsa a jihar Kano.

Rundunar ’yan sandan Jihar Kebbi ta kashe wani ɗan kungiyar Lakurawa a samamen safiyar yau a kauyen Malan Yaro, Dandi LGA.

Shugaban kungiyar Iyaye ta Jami’ar MAAUN, Alhaji Mustapha Balarabe, ya musanta jita-jitar cewa jami’ar ta ƙara kuɗi masu yawa ga ɗalibai masu kammala karatu.

Lamarin ya jawo cece-kuce a jihar Kwara, bayan rahoton cewa wani sarki da aka sace ya tsere yayin musayar wuta tsakanin ’yan bindiga da jami’an tsaro.

’Yan sanda sun bankado mabuyar wasu hijirarru a jihar Nasarawa, inda s**a k**a mutum 39 da ake zargi suna shirin wani aiki ba a fayyace ba.

A jihar Rivers, Gwamna Siminalayi Fubara da shugaban majalisa sun rikice kan halin da sakandare da makarantun firamare ke ciki — musamman lalacewar gine-gine.

Wani taron al’ada ya rikide zuwa tashin hankali a jihar Ebonyi, inda wani matashi ya rasa rayuwarsa a rikicin al’umma.

Adadin mutanen da s**a mutu a ambaliyar ruwa a Indonesia ya haura 500, yayin da ake ci gaba da ceto waɗanda s**a tsira.

Sojin Amurka sun lalata wuraren boye mak**an kungiyoyin ISIS a Kudancin Syria.

Jakadan MDD ya gana da shugaban Sudan, domin tattauna batun tsaro da halin jin ƙai a ƙasar.

Fargaba ta ƙara tsananta a Cameroon, bayan mutuwar fitaccen ɗan adawa Anicet Ekane, wanda ya mutu bayan wata guda da k**a shi.

Gwamnatin Masar ta ce an saki ’yan ƙasarta uku da aka yi garkuwa da su a Mali.

Zubar dusar ƙanƙara ya mamaye yankin Yamma ta Tsakiyar Amurka, inda ya haddasa haɗurran da s**a haɗa da karo tsakanin motoci 45 a Indiana.

Shugaban ƙasar Afirka ta Kudu Cyril Ramaphosa ya yi watsi da barazanar Donald Trump game da taron G20, yana mai cewa ƙasarsa za ta halarta saboda kasancewarta a cikin ƙasashen da s**a kafa ƙungiyar.

Ana zargin tsoffin manyan sojojin Birtaniya da boye shaidun aikata laifukan yaƙi a Afghanistan.

Harin makami mai linzami na Rasha a birnin Dnipro ya kashe mutane hudu, ya raunata 40.

Tawagar kungiyar ECOWAS ta isa Guinea-Bissau domin tantance halin da ake ciki bayan juyin mulki.

Kamfanonin kera mak**ai sun samu ribar dala biliyan 679, yayin da rikice-rikice da yaƙe-yaƙe ke ci gaba a sassan duniya.

*🕊️Ma’anar Riya Nuna Ibada ga Mutane🕊️*

*Riya na nufin yin ibada domin a gan ka ko a yaba maka ba don neman yardar Allah ba Wannan aiki baya da tsarki shi yasa Allah ba ya karɓar irin wannan ibada*

*Illolin Riya Cutar zuciya ce wadda ke lalata ayyukan alheri Mai riya yana bayyana k**ar mai ibada amma babu niyyar gaskiya Sak**akon haka yana samu yabo daga mutane amma ba yardar Allah ba*

*Muhimmancin Ikhlasi Gaskiya a Niyya Ba a karɓar wani aiki sai idan an yi shi don Allah kaɗai Dukkan ibada ya zama saboda neman yardar Allah*

*Yadda za a guji riya Daidaita niyya kafin kowanne aiki Ka tambayi kanka Wanene nake yiwa wannan aikin?*

*Allah Ya kare mu daga riya Yasa mu cikin masu gaskiya a ayyukanmu..🤲🏻*

01/12/2025

Birnin Kano malam, 5 ga watan Mayu na shekarar 1974.

01/12/2025

Labaran Safiyar Litinin,
10/06/1447AH - 01/12/2025CE.

Ga Takaitattun labaran.

Fadar Shugaban Najeriya ta mayar da martani ga Obasanjo, tana cewa ba za a taɓa miƙa harkar tsaro ga wani ba, tare da zarginsa da sauran masu son takara da rashin da'a da siyasa ta son zuciya.

Jam’iyyar adawa ta ADC ta roƙi tsohon shugaban INEC, Farfesa Mahmood Yakubu, da kada ya karɓi kujerar jakada da Shugaban Ƙasa ya ba shi.

Shugabannin Delta North sun yi watsi da shirin ƙara Anioma State a yankin Kudu maso Gabas, suna jaddada cewa yankinsu na nan a Kudu maso Kudu.

Wani gungun ’yan siyasa ya gargadi gwamnatin Jihar Kwara kan siyasar banbanci a gab da zaɓen 2027.

Jam’iyyar PDP ta bukaci Sule Lamido da ya zubar da mak**ansa, tana zarginsa da yin magana fiye da iko.

Gwamnan Abia ya ziyarci Nnamdi Kanu a gidan yari na Sokoto.

Akalla ma’aikata 300 na FAAN na iya fuskantar sauya matsayi a sabon shirin sake tsarawa.

Tsohon mai magana da yawun PDP, Olisa Metuh, ya koma jam’iyyar APC mai mulki.

An k**a wani ɗan sanda a Taraba bisa zargin haɗin gwiwa da ƙungiyar makiyaya masu yaƙi da dakarun tsaro sun hallaka mutum huɗu daga cikin ’yan bindigar.

’Yan sanda sun cafke wani ɓarawo da ya sace wayar lantarki da aka shigo da ita don aikin gyaran wutar Taura dake jihar Jigawa bayan shekaru 16 ana ci gaba da duhu.

Hukumar NDLEA ta gano miyagun kwayoyi da aka lullube a cikin kayan alatu na Christmas cookies, ta k**a masu rarrabawa.

Iyaye na ɗaliban da aka sace a Jihar Niger sun yi zanga-zanga, suna zargin gwamnati da jinkiri wajen ceto yaran.

Rahotanni sun ce har yanzu sashen lafiya na Kaduna na fama da ƙalubale duk da ikirarin gwamnati na ƙarin kuɗaɗen kula da lafiya.

Jami'in majalisa ya bayyana cewa barayin da aka kore daga jihohin makwabta yanzu suna gudanar da hare-hare a Kano.

Gwamnatin Kano ta fara matakan dakile dawowar masu babura a wasu yankuna saboda matsalar tsaro.

Daga Kogi zuwa Kano, Sokoto zuwa Kwara – rahotanni sun tabbatar da sabon tasowar ’yan bindiga suna kai hare-hare a jihohin.

Gwamnatin Kogi ta shawarci majami’u da su canja wurin ibada bayan wani sabon farmakin ’yan bindiga.

’Yan bindiga sun yi awon gaba da ’yan kasuwar harkar gidaje guda shida a Jihar Ogun.

Cocin Katolika ta tabbatar da cewa yara huɗu na mai kula da cocin sun shiga cikin waɗanda aka sace a Niger.

Shugaban Sri Lanka, Anura Kumara, ya bayyana cewa ƙasarsa na fuskantar mafi munin annoba ta ambaliya da zaftarewar ƙasa a tarihin ta.

Shugaban Afirka ta Kudu, Cyril Ramaphosa, ya soki Amurka bisa "ƙarya da yada jita-jita" kan zargin kisan fararen fata.

Amurka ta ce bukatar ita dai ita ce zaman lafiya mai ɗorewa a Ukraine, ba kawai tsagaita wuta ba.

Peter Obi ya zargi ECOWAS da rashin adalci kan yadda ta mu’amala da juyin mulkin Guinea-Bissau.

Dangote Refinery na fitar da lita miliyan 18 na fetur a kullum, in ji kungiyar NMDPRA.

Ƴan sandan jihar Legas mata sun yi bikin cika shekaru 70 da samun horo kan yaki da cin zarafin mata.

Hukumar FRSC ta tabbatar da mutuwar mutane shida a hatsarin Awka–Onitsha Expressway.

Liverpool ta amince ta biya £52.5m (€60m) don ɗauko matashin ɗan wasan Real Madrid mai shekaru 23, Eduardo Camavinga.

Manchester United ta ce tana da gaske wajen samun Federico Valverde, tare da maraba da ra’ayin ɗan wasan idan yana son komawa Old Trafford.

Jurgen Klopp zai cigaba da zama a kungiyar Red Bull duk da rade-radin komawarsa Liverpool, lamarin da ya sa Arne Slot ya riga ya bar Anfield.

EPL: Brighton ta doke Nottingham Forest 2:0.

La Liga: Girona da Real Madrid sun tashi 1:1.

Serie A: Napoli ta doke Roma 1:0.

Serie A: Atalanta ta doke Fiorentina 2:0.

Serie A: Inter ta doke Pisa 2:0.

*Falalar karanta kulhuwallahu (suratul iklas) sau goma A kowace rana inji annabi.*

*Annabi Muhammad (ﷺ) Yace : wanda ya karanta kulhuwallahu (suratul iklas) sau goma A kowa ce rana ajere lokaci guda, za a gina mai wani katafaren gidan bene a Aljannah .*

*Gaskiya yan uwa munayin asara batare da munsani ba, Allah yabamu ikon karantawa a kowane rana amin.*

30/11/2025

Labaran Safiyar Lahadi,
09/06/1447AH - 30/11/2025CE.

Ga takaitattun labaran.

Mataimakin Shugaban Ƙasa, Kashim Shettima, ya ce gwamnatin Tinubu na kokarin ƙarfafa haɗin kai tsakanin bangaren zartarwa da na majalisa, tare da tabbatar da cewa ba za a taɓa raina ‘yan majalisa ba.

Maigari, Mahmoud Yakubu, Femi Fani-Kayode, Jimoh Ibrahim, Gambari da wasu mutane 27 sun shiga cikin jerin sabbin jakadu da gwamnati ta ware.

Gwamnatin Kano ta bukaci hukumomi su k**a tsohon gwamna Abdullahi Ganduje kan zargin ƙoƙarin kirkirar rundunar matasa 12,000 a matsayin wata militia.

Fadar shugabancin ƙasa ta fitar da ƙarin sunayen jakadu 32, amma jam’iyyar PDP ta soki jerin, tana kiran wasu daga cikinsu “propagandists” da kuma “masu ƙarancin ɗabi’a” a idon ƴan Najeriya da al’ummar duniya.

Kungiyar Likitocin Resident sun dakatar da yajin-aikin da ya ɗauki kwanaki 29.

NUJ reshen Kano ta dakatar da sakatarenta bisa zargin aikata almundahana da kuɗi.

Rundunar Sojin Najeriya ta ceto ƴan mata 12 da aka sace a Askira/Uba, Jihar Borno.

Yan sanda sun hallaka wasu barayi a Kebbi tare da kwato dabbobi da aka sace.

FRSC ta ce ta ɗaura damarar kare rayuka a lokacin bukukuwan ƙarshen shekara.

Rahoton bincike ya nuna cewa duk da umarnin Shugaba Tinubu na matsa kaimi ta sama, har yanzu ana samun sabbin sace-sace a arewa, lamarin da ke janyo ruɗani wajen ceto mutane.

Iyalan ɗaliban St Mary da aka sace a jihar Neja sun ce har yanzu yaransu basu dawo ba.

Taron tsaron Arewa maso Yamma ya bayar da shawarar samar da sabon tsarin tsaro na yanki.

Hukumar DSS ta yi wa Datti Baba-Ahmad tambayoyi kan zargin yin maganganu masu tayar da hankali.

Jami’ar Legas ta nesanta kanta daga wani malamin ƙarya da ya yi wa ɗaliba fyade a cikin jami’ar.

Rundunar ‘yan sanda ta gano wata kungiyar Sai Malam a Sokoto wacce take samun mambobi ta WhatsApp.

‘Yan bindiga sun kai hari a Yank**aye, Tsanyawa (Kano), sun kashe mace daya tare da sace mutane uku.

Ba a san inda akayi da shi ba bayan da wasu garkuwa da mutane s**a sace Sarkin Bayagan, Alhaji Kamilu Salami, a jihar Kwara.

Tsohon Shugaban Najeriya, Goodluck Jonathan, ya ce abin da ya faru a Guinea-Bissau bikin karɓar mulki ne, ba juyin mulki ba k**ar yadda wasu ke zargi.

A cewar Jonathan, ana ganin cewa harin da aka yi a bangaren gwamnati na iya zama aikin ‘yan siyasar cikin gida ne.

Tsohon shugaban Guinea-Bissau, Umaro Embaló, ya isa ƙasar Congo bayan rikicin siyasar da ya faru.

Sojojin Guinea-Bissau sun nada kusancin tsohon shugaban a matsayin firaminista.

Ukraine ta kai hari kan jiragen ruwan Rasha.

Congo da Rwanda za su rattaba hannu kan yarjejeniyar zaman lafiya a Amurka cikin makon nan.

An samu sauƙin ƙarancin man fetur a Bamako, babban birnin Mali.

EPL: Newcastle ta doke Everton 4:1 a wasan jiya.

EPL: Fulham ta samu nasara kan Tottenham 2:1.

La Liga: Atletico Madrid ta lallasa Real Oviedo 2:0.

La Liga: Athletic Club ta doke Levante 2:0.

Serie A: Juventus ta doke Cagliari 2:1.

Serie A: AC Milan ta lallasa Lazio 1:0.

Bundesliga: Dortmund ta samu nasara a kan Leverkusen 2:1.

Ligue 1: Monaco ta doke PSG 1:0.

*Ya Ubangijina komai rintsi komai walaha Ka tabbatar da zuciyar mu akan hanyar addinin ka musulunci amin🤲.*

27/11/2025

Hajiya Gambo Sawaba: ‘Yar Asalin Arewacin Najeriya Mace Wacce Tayi Suna a Fagen Gwagwarmayar Yanci...

Hoton Hajiya Gambo Sawaba ne tana tsaye a gefen mijinta na huɗu, Abubakar, yana nuna hoton Auren su ne. Yana bayyana rayuwarta ta sirri da ta haɗu da gwagwarmayarta ta bainar jama’a wadda ta sauya yadda ake shiga siyasa da kuma ’yancin mata a Arewacin Najeriya. An haifi Hajaratu Gambo a 1933 a Zariya, Jihar Kaduna. Mahaifinta, Isaac Dakwada, dan asalin Ghana ne, yayin da mahaifiyarta Fatima ta fito daga kabilar Nupe. Yarintarta ta cika da nauyin da ya yi mata yawa tun da wuri, bayan rasuwar mahaifinta tana ƙarama, sannan kuma da mutuwar mahaifiyarta ba da jimawa ba.

Tun tana yarinya, Gambo ta nuna ƙarfin hali da ’yanci. Ta yi karatu a Makarantar Native Authority da ke Tudun Wada, Zariya, amma iliminta ya tsaya sak**akon aurar da ita tun tana kusan shekara 13—wani abu da ya zama ruwan dare a Arewacin Najeriya a wancan lokaci. Ko da yake aurenta ya kare da wuri, wannan ne ya bude mata ido kan bukatar cewa mata suna da ’yancin zaɓi, dama, da wakilci a harkar siyasa.

Rayuwarta ta sirri ta shahara da aure-aure da dama inda ta yi aure guda biyar baki ɗaya kuma mijinta na huɗu, Abubakar, shine wanda ake gani a hoton da ke yawo a tarihin hotunan ta, Duk da cewa aurenta ya kasance da kalubale, ita ce ginshiƙin ɗaukacin yaran ta, tana kula da su tare da ɗaukar nauyin gida, a lokaci guda da ke gwagwarmayar siyasa mai haɗari.

Gambo Sawaba ta shiga siyasa tun tana balaga, inda ta shiga jam’iyyar Northern Elements Progressive Union (NEPU), jam’iyyar adawa mai tsattsauran ra’ayi wadda ta kalubalanci ikonsu masu mulki a Arewa a shekarun 1950. Ta zama ɗaya daga cikin muryoyin mata mafi ƙarfi a jam’iyyar, tana yaɗa manufofin ba wa mata ’yancin zaɓe, shiga siyasa, ilimi da kuma kariya daga munanan al’adu. Gwagwarmayarta ta fito fili ta sa ta sami girmamawar manyan shugabanni na ƙasa, ciki har da jagoran kudu Nnamdi Azikiwe, wanda ake cewa shi ne ya ba ta laƙabin “Sawaba”—wanda ke nufin ’yanci a Hausa.

Rayuwarta a siyasa ta cika da fafatawa da hukumomin mulkin mallaka da na yankin Arewa. An daure ta fiye da sau 16 saboda gwagwarmayarta, kuma ta sha azaba ta jiki da nufin tsoratar da ita. Amma duk da haka ta ƙi ja da baya. Jawabanta a kasuwanni, zauren ƙungiyoyi da tarukan kauyuka sun motsa daruruwan mata a Arewa a wani zamani da shiga siyasa ga mata ke da hadari sosai.

Baya ga siyasa, Gambo Sawaba ta yi aiki ba dare ba rana wajen taimakon al’umma a matakin ƙasa. Ta tallafa wa mata masu fama da matsalolin gida, ta nemi a ba wa ’yan mata ilimi, sannan ta karfafa wa zawarawa da mata da aka sake gwiwa su nemi ’yancin kai da dogaro da kansu. Rayuwarta ta nuna jajircewa wajen ɗaga matsayin mata waɗanda aka fi barin su a baya a harkokin yanke hukunci.

Hajiya Gambo Sawaba ta rasu a ranar 14 ga Oktoba 2001 tana da shekaru 68, kuma aka binne ta a Zariya. Gadar tata ta ci gaba bayan rasuwarta: Asibitin Gambo Sawaba General Hospital da ke Jihar Kaduna an sa wa suna saboda girmamawa gare ta, haka kuma da cibiyar Gambo Sawaba Memorial Centre. Har yanzu tana zama alamar jarunta, jajircewa da adalci a tarihin siyasar Najeriya—mace wadda ta kalubalanci iyakokin da aka dora mata, ta kuma bude ƙofa ga mata da dama bayan ta.

Tushen Bayani

“Gambo Sawaba: A Northern Female Freedom Fighter,” Premium Times, 2013.

27/11/2025

Labaran Alhamis

Ga takaitattun labaran.

Shugaba Bola Tinubu ya tura sunayen mutane uku zuwa Majalisar Dattawa domin tantance su a matsayin sabbin jakadan Najeriya

Shugaba Tinubu ya bayar da umarnin yi wa dazukan Jihar Kwara da Neja ƙawanya, domin rage hare-haren ’yan ta’adda.

Gwamnan Neja Umar Bago ya ce ya sanya alamar tambaya kan adadin daliban da aka sace daga makarantar St. Mary’s Papiri.

Majalisar Sarkin Musulmi da Ma’aikatar Masana’antu ta Tarayya sun amince da shirya fim kan rayuwar Nana Asma’u ’yar Shehu Usman Dan Fodiyo.

Ministan Noma ya ce Najeriya na iya asara har dala biliyan 3 duk shekara saboda rashin bin ka’idojin EUDR.

Gwamnatin Jihar Kogi ta karyata zargin karkatar da kudin kananan hukumomi.

Gwamnan Delta, Sheriff Oborevwori, ya gabatar da kasafin 2026 na N1.664tr a gaban majalisar dokokin jihar.

Gwamnan Neja Umar Bago ya tabbatar cewa jami’an tsaro sun ceto karin dalibai 11 na makarantar St. Mary da aka sace.

DSS ta ce ba ta taɓa naɗa Tukur Mamu domin tattaunawa da ’yan ta’addan harin jirgin kasa ba — Shaidar DSS.

Wani dan majalisa ya bayyana cewa ’yan ta’adda da sauran miyagu sun taba samun shiga cikin jerin daukar sojoji da ’yan sanda.

Rundunar ’Yan Sandan Kaduna ta k**a mutum 34 da ake zargi da laifuka daban-daban.

Kano Dep. Governor ya yi gargadi kan karuwar fasahohin miyagu a jihar.

An fara farautar wani mutum da ya watsa wa budurwarsa acid a Jihar Edo.

Gwamnatin Kebbi ta ce babu alamar cin zarafin jima’i a tsakanin daliban da aka ceto.

Alburusai sun zube daga cikin wata motar fasinja a ABU Zaria, abin da ya tayar da hankula.

Gobara ta cinye kayan masana’anta masu darajar biliyoyi a wani kamfani a Anambra.

’Yan sanda sun k**a mutum 12 saboda gudanar da Egungun ba bisa ka’ida ba a Legas.

’Yan sanda sun karyata bidiyon Fulani da ake cewa sun kai hari a Rivers.

Gobara ta ƙone gidaje a Ebonyi da darajar su ya kai ₦40m, iyali s**a tsira.

Wasu tubabbun ’yan kungiyar asiri sun mika mak**ai a Ondo.

Jami’an Niger sun k**a ’yan safarar miyagun kwayoyi a Tahoua a samame uku.

Kotun Nijar ta daure wani dan jarida bisa laifin bai wa sojan Burkina Faso masauki.

Taiwan ta yi gargadi cewa China na ƙara shirin ƙwace ta da karfin tsiya.

Ambaliya ta kashe mutum 19 a Indonesia.

Sojoji a Guinea-Bissau sun yi juyin mulki sun karɓe ragamar mulki gaba ɗaya.

Mutum 13 sun mutu a gobara a Hong Kong.

Kungiyar dillalan iskar gas ta Nijar ta dakatar da ayyukanta na ɗan lokaci.

’Ya’yan tsohon shugaban Nijar Bazoum sun bukaci kasashe su tilasta sojojin mulkin Niger su sake shi.

An koma jigilar man fetur zuwa Mali bayan dan tsaiko.

Iran za ta kara farashin man fetur sama da ninki uku ga masu yawan amfani.

Pep Guardiola ya ce ya dauki laifi kan rashin nasara da s**a yi a hannun Leverkusen.

*Falalar karanta kulhuwallahu (suratul iklas) sau goma A kowace rana inji annabi.*

*Annabi Muhammad (ﷺ) Yace : wanda ya karanta kulhuwallahu (suratul iklas) sau goma A kowa ce rana ajere lokaci guda, za a gina mai wani katafaren gidan bene a Aljannah .*

*Gaskiya yan uwa munayin asara batare da munsani ba, Allah yabamu ikon karantawa a kowane rana amin.*

26/11/2025

Labaran safiyar Laraba 05/06/1447AH - 26/11/2025CE.

Ga takaitattun labaran.

Gwamnatin Tarayya ta musanta cewa ta haramta kiwon-daji gaba ɗaya, tana cewa tana matakin sauyawa zuwa kiwon zamani (ranching) a hankali — in ji Ministan noma.

Gwamnan Jihar Kebbi ya bayyana cewa ba a biya kuɗin fansa ba kafin a saki ɗaliban da aka yi garkuwa da su.

Wani dan majalisa ya nemi a rufe majalisar dokoki, yana cewa "Nigeria na gudu cikin jini da hawaye" sak**akon tabarbarewar tsaro.

Majalisar Dokokin Najeriya ta fara zaman musamman domin tattauna matsalar tsaron ƙasar bayan ƙarin barazana.

Gwamna Sanwo-Olu ya gabatar da kasafin 2026 na N4.237 tiriliyan ga Majalisar Legas, inda N700bn+ aka ware wa biyan bashi.

Gwamna Soludo ya gabatar da kasafin N757bn ga majalisar Anambra.

Gwamna Nwifuru ya gabatar da kasafin N884bn ga majalisar Ebonyi.

Babbar Kotun Oyo ta yanke hukuncin kisa ta rataya ga mutum biyar bisa laifin kashe direban tasi.

Kotun Najeriya ta ci tarar masu gabatar da ƙara N50,000 saboda jinkirta zaman beli na ɗan jarida da ke tsare.

A Kano, wani hadimin gwamna ya ce tsohon gwamna Ganduje zai fuskanci hukunci irinsa ba a taɓa yi ba, idan ya nace da kafa Hisba ta sa-kai.

Shari’ar Chidinma Ojukwu kan kisan Shugaban Super TV, Ataga, ta ci gaba a kotun Lagos.

Ministan Abuja, Nyesom Wike, ya umurci a Ƙarfafa tsaron Abuja, tare da tsaurara bincike a iyakoki don dakile laifuka.

Rundunar Sojin Najeriya ta gaza tarkon ‘yan ta’adda, ta kubutar da mutum guda a Jihar Kogi.

Gwamnatin Tanzaniya ta soke bikin ranar samun ‘yancin kai na watan gobe.

Venezuela ta bai wa kamfanonin jirgin sama na ƙasashen waje sa’o’i 48 su dawo da tashi ko kuma a soke lasisin su.

Sojojin Vietnam sun yi agajin helikwafta bayan ambaliya da zaftarewar ƙasa da ta kashe akalla mutane 20.

Majalisar Ɗinkin Duniya ta yi kira ga ƙasashen duniya da su tallafa wajen sake gina Gaza.

Ƙungiyoyin da ke adawa da Hamas sun nemi shiga sabuwar gwamnatin Gaza da ake ƙoƙarin kafa ta.

Hukumar MDCN ta ɗauki likitoci da likitocin haƙori 349 da s**a kammala karatu a waje.

Paris Saint-Germain (PSG) na ci gaba da farautar Victor Osimhen, duk da rashin goyon bayan kocin Luis Enrique.

Bodo/Glimt 2:3 Juventus

Chelsea 3:0 Barcelona

Dortmund 4:0 Villarreal

Man City 0:2 Leverkusen

Marseille 2:1 Newcastle

Napoli 2:0 Qarabag.

*Wasu lokutan mace idan tana tsananin ƙaunar namiji, sai ta riƙa jin za ta iya rayuwa da shi a kowane yanayi. Za ta iya jure talauci in dai tare da masoyinta ne. Sai an fara zaman sai lissafi ya canja, ta fara nuna ai ita ba ta san haka abin yake ba. Idan kuka ga ƴar'uwarku ta fara irin wannan soyayyar mara kan gado, to ku daƙile ta, duk da a lokacin za ta yi muku kallon maƙiya, amma idan ta yi hankali za ta gane aikin ceton rai s**a yi.*

26/11/2025

Ku bayyana mana ra'ayoyinku?

25/11/2025

Labaran Safiyar Talata,
04/06/1447AH - 25/11/2025CE.

Ga takaitattun labaran.

Shugaba Bola Ahmed Tinubu ya taya tsohon GMD na NNPC, Dr. Jackson Gaius-Obaseki, murnar cikarsa shekaru 80, yana mai yaba masa kan rawar da ya taka wajen gina harkar man fetur a Najeriya.

Fadar shugaban ƙasa ta bayyana cewa Amurka ta yi alkawarin ƙarfafa dangantakar tsaro da Najeriya, domin tallafa wa yaki da matsalolin tsaro a cikin ƙasar.

Majalisar Wakilai ta sanar da shirinta na gudanar da taron gaggawa kan tsaron ƙasa a yau Talata.

Gwamnan Jihar Kebbi ya bukaci Majalisar Tarayya da ta binciki zargin janyewar sojoji kafin sace ’yan makaranta, lamarin da ya jawo cece-kuce.

Hukumar DSS ta saki wani da ake zargin mamba ne na IPOB da ke tsare tun daga shekarar 2022.

Mai magana da yawun Shugaban Ƙasa, Bayo Onanuga, ya zargi shugaban CAN na Jihar Neja da “wasan siyasa” game da batun sace daliban makaranta.

Gwamnonin Kudu maso Yammacin Najeriya sun ce samar da ’yan sandan jihohi ya zama tilas domin magance matsalar tsaro a yankin.

Lauyoyi sun bai wa ’yan sanda awanni 24 su sake buɗe sakatariyar PDP da aka rufe.

Akwai fargaba daga manyan mutane (VIPs) yayin da rundunar ’yan sanda ke tsara yadda za a aiwatar da umarnin janye jami’an tsaro daga rakiyar fitattun mutane.

Gwamnatin Jihar Kogi ta karyata zargin karkatar da kudaden kananan hukumomi da ake tuhumarta da su gaban EFCC.

Sanata Shehu Sani da jam’iyyar ADC sun bukaci aiwatar da umarnin janye jami’an tsaro daga rakiyar VIP nan take.

Wata tankar mai ta k**a da wuta a wani gidan mai a Tungan-Bunu, Rijau – Jihar Neja, lamarin da ya jawo ƙonewar gidajen maƙwabta.

Kungiyoyin farar hula sun ce sace daliban makaranta a Kebbi ƙoƙari ne na dakile ci gaban ilimi a yankin.

Wasu ’yan majalisar wakilai daga Kudu maso Gabas sun nemi a ba wa Nnamdi Kanu afuwar shugaban ƙasa.

An ƙaddamar da sabon tsarin tsaro a makarantun Gombe bayan tattaunawa tsakanin kwamishinan ’yan sanda da ƙungiyar malamai na sakandare.

TETFUND ta ce ta kuduri niyyar mayar da makarantu na gaba da sakandare (tertiary institutions) cibiyoyin samar da mafita ga matsalolin ƙasa.

Najeriya da Brazil’s EMS sun sanya hannu kan yarjejeniya ta samar da magunguna a cikin gida, wanda zai samar da ayyuka 1,200.

Kotu ta yi watsi da tuhumar da ake yi wa tsohon shugaban FBI, ta kuma wanke shi daga baki ɗaya zarge-zargen.

A Pakistan, mutum biyar sun rasu sak**akon harin kunar bakin wake.

Wani tsauni a yankin arewa maso gabashin Habasha ya yi aman wuta karo na farko cikin shekaru dubun 12.

Shugaba Volodymyr Zelensky na Ukraine ya yi gargadi kan duk wani yunkuri na kwace yankinsu a matsayin hanyar warware rikici, yana mai cewa bai yarda da hakan ba.

Kano Pillars ta samu nasara ta farko cikin wasanninta 8 da ta buga a lig.

Dan wasan Brazil na Real Madrid, Vinicius Junior (25), ya sanar da kulob ɗin cewa ba zai sabunta kwantiraginsa ba saboda rashin jituwa da koci Xabi Alonso.

Kungiyoyin Premier League na harin Conor Gallagher na Atletico Madrid, yayin da ake sa ran kulob ɗin zai iya sayar da shi ko ya bayar aro a watan Janairu.

Liverpool da Manchester United na bibiyar halin da Vinicius ke ciki, muddin ya bar Real Madrid.

EPL: Everton ta doke Manchester United da 1:0.

La Liga: Espanyol ta doke Sevilla da 2:1.

*Indai kasan bazaka iya daukar nauyin yar mutane ba to dan Allah ka nemi daidai dakai*
*Kowa yasa takalimi* *daidai kafarsa.*

24/11/2025

Ga tarihin kwarya a takaice:

Kwarya kayan amfani ne da Hausawa s**a dade suna yi daga itace, tun kafin zuwan zamani. Ana sarrafa ta ne ta hanyar hako katako, a yi ta da siffa mai k**a da kwano. An yi amfani da ita wajen auna hatsi, zuba abinci, shan kunu, da bukin gargajiya. A yau ana samun ta a roba, amma ta gargajiya ta ci gaba da zama alamar al’ada da tarihin Hausawa.

Kasar Kano Jiya da Yau

Kasar Kano Jiya Da Yau

04/12/2025

01/12/2025

01/12/2025

01/12/2025

01/12/2025

30/11/2025

27/11/2025

27/11/2025

26/11/2025

26/11/2025

25/11/2025

24/11/2025

Address

Telephone

Website

Alerts

Contact The Business

Shortcuts

Share

Category