Ruhin Jarumtaka littafin yaki

Ruhin Jarumtaka littafin yaki Gawurtattun littatafan Hausa novel masu dogon zango daga Umar Muhammad da Zahra A. Adamu
(3)

RAMIN MUGUNTA!* DUWATSUN ANISHIYÓS!*Babi na 181: *Ɗan kuka, mai ja wa uwarsa jifa** *Wannan littafin sadaukarwa ne ga F...
25/09/2026

RAMIN MUGUNTA!

*

DUWATSUN ANISHIYÓS!

*

Babi na 181: *Ɗan kuka, mai ja wa uwarsa jifa*

*

*Wannan littafin sadaukarwa ne ga Fatima Umar Muhammad*

*

Marubucin ✍️ RUHIN JARUMTAKA ✍️
*

✍️✍️✍️ Muhammad Umar Sangaru ✍️✍️✍️

*
*

~Doron ƙasa ta biyar.

*

Muwafa ta samu nasarar zuwa doron ƙasa ta huɗu kuma ta karanta saƙon Yarima Barunzar na wannan gasa ta zama Ambahà. Tuni Muwafa ta karɓi wannan gasa hannu bibbiyu kuma ta ƙudurce a ranta, ta kowanne hali sai ta samu nasara a wannan gasa.

Lokacin da Muwafa ta bar doron ƙasa ta huɗu ne sai ta umarci Urwà ya kaita doron ƙasa ta biyar domin ta ɗau fansa akan yarima Haihan.

Nan take wannan fasaha ta ɓace tare da ita, basu bayyana a ko'ina ba sai a cikin birnin su yarima Haihan.

Muwafa ta gyara zaman takobinta sa'annan ta fara tafiya a cikin wannan birni ta tunkari gidan sarautar su Haihan. Urwà ya take mata baya.

A wannan lokaci duk wanda yayi arba da Muwafa da Urwà sai kaga ya razana, ya juya da baya ya gudu saboda tsabagen kwarjini da tsoron Urwà.

Koda Muwafa taga idan ta ci gaba da tafiya da wannan fasaha a haka, mutanen wannan gari zasu watse gaba ɗaya kuma labari zai iya riskar yarima Haihan ya guda, sai ta tsaya ta fara shawara a cikin ranta.

Bayan ɗan lokaci ta juya ta dubi Urwa ta ce, “Wai shin kai babu wajen da zan ajiye ka, sai dai kayi ta bina a baya haka kenan?” Fasahar Urwà ta risina a gaban Muwafa ta ce, “Kina da zaɓi guda biyu, Shugaba ta. Ina juyewa na koma takobin R'Jezar idan har kin buƙaci hakan...”

“Ina umartar ka da ka koma R'Jezar!” inji Muwafa. Kafun ta rufe bakinta tuni Urwà ya juye ya koma wannan takobi. Takobin ta taho a hankali cikin iska, ta ɗaure kanta a gadon bayan Muwafa.

Muwafa tayi ajiyar zuciya ta ci gaba da tafiya a cikin wannan birni. A wannan lokaci idanu sun bar kanta saboda an daina kallon Urwà a tattare da ita.

Bayan dogon lokaci Muwafa ta iso fadar mahaifin Haihan. Dakarun dake tsaron fadar s**a sha gabanta, “Ke wace ce ke?” wani badakare ya daka mata tsawa.

“Hmm,” Muwafa tayi guntun murmushi. “Tambaya guda ɗaya ce dani, idan aka amsa min ita, zan tafi... INA ZAN SAMU YARIMA HAIHAN?”

Koda badakaren yaji wannan taƙama daga bakin Muwafa sai ya ɗaga hannunsa guda zai zabge ta da mari. Hannun ya taho da gudu cikin iska zai dira akan kuncin Muwafa.

“Arrgghh!” Sauran dakaru dake gefe guda s**a ji ɗan uwansu ya fashe da kuka. Lamarin da yasa s**a juyo domin ganin abinda yake faruwa kenan.

Nan take s**a gan shi riƙe da dungulmin hannu, ga tafin hannun sa a kasa yana ta wutsil-wutsil. Wato, wannan budurwa ta sare hannunsa wanda yayi ƙoƙarin marin ta dashi.

Waɗannan dakaru s**a zaro takubbansu zasu afkowa Muwafa da yaƙi, amma sai ta daka musu tsawa. R'Jezar yana jin sautin muryar Muwafa ya ɗan motsa, take wani ƙarfin iko ya baje a cikin iska ya durkusar da waɗannan dakaru gaba ɗayan su.

Muwafa ta nuna dakarun da hannunta guda cikin gargaɗi, kafun ta wuce zuwa cikin wannan fada.

Mahaifin yarima Haihan yana zaune akan karagar mulkinsa yaga shigowar mace riƙe da zabgegiyar takobi wadda a wannan lokaci take ta ɗigar da jini.

Dakaru na musamman dake tsaron lafiyar mahaifin yarima Haihan s**a zaro mak**an yaƙin su, s**a rugo da gudu zuwa kan Muwafa.

Sai dai kafun su ƙaraso gaban ta, tuni ta ɗaga takobin dake hannunta ta sari iska da takobin. Wani lafcecen sara ya bayyana a cikin iska yayi kan waɗannan dakaru guda uku.

Kafun ta ɗaga takobinta tayi wannan sara fuskar su a cike take da kafiya da rashin tsoro. Amma daga lokacin da tayi wannan sara, daga lokacin tsoro ya bayyana akan fuskar su. Kai biyu daga cikin su tuni sun ci birki. Gudan wanda ya kasance akan gaba, tuni kansa ya tsinke sak**akon saran wannan takobi.

Jinin da yayi tsartuwa daga wuyan wannan sadauki, ya ɓata sauran dake bayan sa. Tuni sun juya da baya domin tsira da rayukansu. Sai dai hakan bai hana wannan takobi sare kan su a tare ba.

Gangunan jikin su s**a bingire a ƙasa, dungulmin kansu yai tsalle zuwa gaban karagar mulkin mahaifin yarima Haihan.

Muwafa ta gyara tsayuwa gami da ɗora takobin ta akan kafaɗar ta, cikin tsananin yarda da kai. Al'amarin da ya baƙantawa mahaifin yarima Haihan rai kenan, zuciyar sa ta fara tafarfasa, idanun sa s**a kaɗa s**a yi jajawur.

Koma meye wannan yarinya take taƙama dashi tazo maƙura tunda har tazo gaban karagar mulkin sa, ta kashe dakarun sa. Babu abinda ya rage masa a wannan lokaci da ya wuce ya nuna wane ne shi.

Sarkin ya dako wani uban tsalle daga kan karagar mulkinsa, ya kawowa Muwafa wawan cafka. Cikin zafin nama Muwafa ta goce, ya cafki iska. Kafun ya juyo tuni Muwafa tasa ƙotar takobinta tayi masa wawan duka a gadon baya.

Nan take wannan sarki ya baje a ƙasa, Muwafa ta nuna shi da wannan zabgegiyar takobi nata ta ce, “Duk wannan zubar da jini da kaga ina yi, ɗan ka ya janyo muku. Ina son ka amsa min tambaya guda ɗaya, ni kuma zan tafi salin-alim ba tare da na sake cutar da kowa ba”.

Sarkin ya ɗan taso a hankali, ya ja jikinsa yaje ya jingina da karagar mulkinsa ya kalli Muwafa ya haɗe gira.

Mahaifin yarima Haihan mutum ne mai son zaman lafiya da kaucewa rikici ammafa idan ba'a taɓa shi ba. Duk wanda yayi kuskuren taɓa shi kuwa, sai inda ƙarfin sa ya ƙare.

To, amma karon sa na farko da Muwafa bai ji dad'i ba. Lallai ya tabbata wannan yarinya akwai abinda ta taka wanda ya bata damar samun nasara akansa cikin ruwan sanyi. Saboda wannan dalili sai ya ajiye batun fafatawa da Muwafa gaba da gaba, ya fara tunanin matakin da ya k**ata ya ɗauka akan ta.

Abinka da tsohon hannu wanda ya san tuggun duniya da mak**ar yaƙi sai ya yanke shawarar ba zai yiwa Muwafa komai ba. Ta gama cin mutuncin sa ta tafi. Daga baya zai yi tunanin yadda zai ɗau mummunan mataki akan ta.

Sai dai a daidai wannan lokaci da yake wannan tunani ne, takobin dake saƙale a ƙugun Muwafa ta faɗo ƙasa.

Takobin tana taɓa ƙasa ta juye daga takobi ta koma siffar Urwà. Mutum-mutumin ya gyara tsayuwar sa a bayan Muwafa.

Koda wannan sarki yai arba da Urwà sai idanunsa s**a zazzaro, ya fara karkarwa gami da ja da baya, yana nuna Urwà da hannun sa guda.

“Ina ɗanka Yarima?!” Muwafa ta daka masa tsawa.

Bakin sarkin yana karkarwa ya ce, “Ban sani ba, ku gafarce ni!”

Tuni idanun Muwafa sun makance babu abinda take gani sai ɗaukar fansa akan Haihan. Muwafa tana tuno lokaci na ƙarshe da Haihan ya lalata mata rayuwa. Haihan ya yaudare ta, ya yi mata fyaɗe.

Hakan ya sa tana matsayin gimbiya 'yar Ambahà guda, ta zamo 'yar fashi. Zuciyar Muwafa ba zata taɓa mantawa da wannan mummunan tabo da Haihan yayi mata ba.

A hankali Muwafa ta taka ta ƙarasa gaban wannan sarki ta durƙusa. Daga wajen da yake kwance yana ganin idanun Muwafa cike da hawaye masu ban tausayi. Al'amarin da ya girgiza wannan sarki kuma ya bashi mamaki kenan.

Shin waɗannan hawaye na mene ne? Tausayin sa take ji ko kuma tausayin mutanen sa?

Zuwan Muwafa karon farko cikin wannan fada, kallon gagarumar 'yar fashi wannan sarki yake mata. Su kuwa 'yan fashi basu san mene ne tausayi ba. Abu guda s**a sani, ka basu dukiya ko kuma su kashe ka!

“Ban zo cikin wannan birni da niyyar cutar da koda mutum guda daga cikin ku ba... Taurin kanku da baƙin cikin abinda Yarima yayi min, yasa na hallaka fiye da mutum goma...

“Ya kai wannan sarki, ka fi kowa sanin wajen da ɗanka Yarima yake. Ka faɗa min naje na same shi ko kuma na hau dokin zuciya na aikata abinda baka yi zato ba...

“Kayi sani cewa, Yarima ya cutar da rayuwata, ya ƙunsa min baƙin cikin da ba zai taɓa goguwa ba. Hankali na ba zai kwanta ba, har sai na ga Yarima a gabana, yana mai wulaƙanta.

“Ina daraja manyan mutane matuƙar basu kaucewa iyaka ta ba... Amma idan kayi min taurin kai, zan sa ka faɗa min wajen da yake ta ƙarfi da yaji!”

Muwafa tana zuwa nan a zancenta hawaye ya suɓuto daga cikin idanun ta. Ta rintse idanun gami da ƙurawa wannan sarki idanu tana jiran amsar sa.

Mahaifin yarima Haihan yasan labarin Urwà ƙwarai da gaske. Fasahar Urwà tana daga cikin fasahohi na gaba gaba da wannan sarki yake burin mallaka.

Sarkin ya san cewa, yin taurin kai a gare shi a wannan lokaci bai da wani amfani. Wannan yarinya tafi ƙarfinsa kuma tafi ƙarfin sojojin yaƙin sa. Babbar matsalar dake damunsa ita ce, shi kansa bai san taƙamaiman wajen da Haihan yake ba.

“Zan faɗa miki wajen da Yarima yake, amma ina son ki faɗa min laifin da yayi miki... Sa'annan idan da hali, ki faɗa min wace ce ke?”

Duk da idanun Muwafa a cike suke da hawayen baƙin ciki amma sai da murmushin takaici ya bayyana akan fuskar ta.

“Ya kai wannan sarki, idan kayi mini ƙarya. Ka faɗa min wajen da yarima yake, naje ban tarar dashi ba. Zan kashe ka, na batar da gawarka! Kada kayi min kallon ƙaramar yarinya, duk wani tuggun duniya na san shi, saboda na gwabza yaƙi da mazaje waɗanda s**a shallake tunanin ka.

“Tabbas ya k**ata ace mummunan hukunci ya hau kanka, saboda ka gagara baiwa ɗanka Yarima kyakkyawar tarbiyya.

“Yarima ya cuce ni, ya raba ni da abinda yafi komai kima da daraja a rayuwa ta!”

Wannan sarki ya fahimci abinda Muwafa take nufi, tabbas maganar ta tana nufin Yarima yayi mata fyaɗe. Wani abu guda da ya ɗagawa wannan sarki hankali shi ne, gargadin da Muwafa tayi masa na kada ya kuskura yayi mata ƙarya.

Tabbas k**ar ta gano shirin wannan sarki ne, ya shirya yi mata ƙarya domin ta tafi ta bar shi. Har a wannan lokaci bai sauya shawara ba.

“Yarima yana cikin doron ƙasa ta uku. Ban san abinda ya kai shi cikin ta ba.” inji Sarkin.

Canka kawai yayi, bai san wajen da yarima Haihan yake ba. Burinsa shi ne, Muwafa ta tafi ta bar shi. Shi kuwa sai yayi tunanin irin shirin da zai yi mata kafun ta dawo.

Muwafa tayi guntun murmushi ta miƙe tsaye ta juya ta dubi Urwà ta ce, “Ina son ka kaini doron ƙasa ta uku, kuma ka kintaci daidai wajen da Yarima Haihan yake...”

Urwà ya durƙusa a gaban Muwafa cikin biyayya ya ce, “Babu ƙamshin gaskiya a cikin kalaman wannan sarkin... Amma ban isa nayi jayayya da umarnin ki ba, Shugaba”.

Muwafa ta juyo ta kalli wannan sarki tayi murmushi ta ce, “Kana tunanin zan tafi doron ƙasa ta uku, ba tare da na bar maka alama wadda Yarima zai kalle ka da ita yaji haushi ba?

“Dole zan bar maka wata alama wadda a duk lokacin da ka kalleta sai ka ji takaici kuma sai ka tuna wannan karin maganar...

“ƊAN KUKA MAI JA WA UWAR SA JIFA!”

Muwafa tana gama faɗin haka ta dubi Urwà ta ce, “Ina son ka cire masa hannunsa guda!”

Rufe bakinta keda wuya, Urwà yayi tafiya a cikin wani irin sauri. Kawai sai gani tayi hannun wannan sarki guda ya tarwatse izuwa baƙin hayaƙi, hayaƙin ya baje a cikin iska.

Sarkin ya baje a ƙasa, ya fashe da kuka.

Duk da cewa zuciyar Muwafa a fusace take amma sai da ta ɗan ji tausayin wannan sarki. Amma koda ta tuna duk wannan iskanci da yarima Haihan yake aikatawa laifinsa ne, sai tayi ajiyar zuciya ta dubi Urwà ta ce, “Mu tafi!”

Urwà ya sure ta s**a cilla da gudu a cikin iska, s**a kyale wannan sarki a kwance, yana ta baƙin ciki da takaici.

***

A daidai wannan lokaci da Muwafa ta gama cin mutuncin mahaifin yarima Haihan, a cikin wani ƙatoton daji dake can nesa kuwa, yarima Haihan ne tafe tare da gimbiya Jalsin akan ingarmun dawakai guda biyu.

Jalsin tana kwance akan dokinta, kanta akan wuyan dokin saboda lalurar da take fama da ita na amfani da fasahar da tafi ƙarfin gangar jikin ta.

Haihan shi yake mata komai, tun daga lokacin da ya kawo mata ɗauki. Saboda halin da ta shiga, bata ma san Haihan bane. Kawai tafiya take, ba tare da sanin inda kanta yake ba.

Suna cikin tafiya a cikin wannan daji kenan, Haihan yaji gaba ɗaya tsigar jikin sa ta mimmiƙe. Lamarin da yasa ya tsayar da waɗannan dawakai kenan.

Ƙirjin sa ya soma dukan uku-uku. Al'amarin da ya sake bashi tsoro kuma ya jefa shi cikin wasu-wasi kenan.

Haihan ya cije bakinsa, ya zaro zabgegiyar takobin dake saƙale a ƙugun sa, ya caka takobin a cikin iska. Take zanen Maciji ya bayyana akan ƙarfen takobin. Idanun yarima Haihan s**a juye s**a koma irin na maciji.

Siffar wani gabjejen aljani ta bayyana a gabansa cikin k**annin maciji.

“Me yake faruwa?”

Aljanin ya fashe da mahaukaciyar dariya ya ce, “An kaiwa mahaifinka hari kuma an ci mutumcin sa!”

“Arrgghh!” Haihan yayi ƙara. Ya fiddo wani ƙaramin mudubi daga aljihunsa ya shafe shi. Nan take hotunan duk abinda ya faru tsakanin Muwafa da mahaifinsa ya bayyana.

Tun daga lokacin da Haihan ya ƙyallara idonsa ya kalli Muwafa ƙirjinsa ya buga da ƙarfi. Tabbas ya tuno wace ce ita. Ita ce budurwar da shugabarsa ta bashi umarnin ya kawo jinin budurcin ta.

Haihan ya cije haƙora cikin takaici, mai yasa bai kashe ta a wancan lokacin ba?

Daga ƙarshe ya mayar da takobinsa cikin kufenta, yayi murmushin mugunta. Koma meye wannan budurwa take taƙama dashi a shirye yake kuma yana jiran ta.

Tabbas duk kuskuren da ya kawo ta wajen da yake zata gane ME AKE KIRA MICIJI!

Yarima Haihan ya koma kan dokinsa ya ci gaba da tafiya, tamkar babu sharrin dake tunkaro shi.

****

THANKS 4 READING...

RAMIN MUGUNTA!* DUWATSUN ANISHIYÓS!*Babi na 180: *Zama jami'ar Askandan** *Wannan littafin sadaukarwa ne ga Fatima Umar...
25/09/2026

RAMIN MUGUNTA!

*

DUWATSUN ANISHIYÓS!

*

Babi na 180: *Zama jami'ar Askandan*

*

*Wannan littafin sadaukarwa ne ga Fatima Umar Muhammad*

*

Marubucin ✍️ RUHIN JARUMTAKA ✍️
*

✍️✍️✍️ Muhammad Umar Sangaru ✍️✍️✍️

*
*

~Ɓangaren gimbiya Tairiy.

*

Tun sa'adda yarima Barunzar ya saka sunan Tairiy a cikin mutanen da zasu gudanar da wannan gasa, daga wannan lokaci ta rasa sukunin ta. Tairiy taji nan duniya babu abinda take buƙata k**ar kamo Suwaina Nozól a hannu sa'annan ta ɗauko makamin Munàr E. Zogó ta damƙawa shi Yarima.

Ya ɗauki Suwaina Nozól tsahon sa'a uku tana cikin wannan hali, kafun ta dawo hayyacin ta. Gimbiyar ta fara tunani akan abinda yake faruwa.

Ta halarci filin yaƙi a doron ƙasa ta takwas wajen da ake gwabza yaƙi tsakanin sarakunan Ambahà. Zuwanta wannan filin yaƙi bai yi mata da daɗi ba. Abu na farko mutumin da taje kashewa a wannan filin yaƙi, ba ta samu nasarar kashe shi ba. Abu na biyu mafi muni ta tsinci gawar mahaifinta a wannan filin yaƙi.

Tairiy ta tuno yadda ta ɗauko wannan gawa a cikin jirgin ruwa, ta dawo da ita birnin Suzam aka binne ta.

Tairiy ta tuno irin kisan gillar da aka yiwa 'yar uwarta, ta tuno irin kisan gillar da aka yiwa yayanta akan soyayya, ta sake tuno yadda ta tsinci gawar mahaifinta. Take wasu hawaye masu zafi s**a fara zubowa daga cikin idanun ta.

Tairiy ta ayyana a ranta, zama a gida ba nata bane. Dole ne ta shiga duniya, ta ɗaukar wa 'yan uwanta fansa bisa wannan mummunan kisa da aka yi musu.

Tairiy ta juya ta kalli karagar mulkin birnin Suzam, take kawai taji karagar mulkin ta fita a kanta. Ta ya ya zata zauna akan wannan karagar mulki, bayan wanda ya kashe mahaifinta yana numfashi a duniya?

Wannan zai iya zama abun kunya a gare ta kuma zai iya zama abun gori ko a wajen 'ya'yan ta ace ta zauna akan karagar mulki, lokacin da mutumin da ya kashe mahafinta yake rayuwa abun sa. Ba komai hakan yake nufi ba, sai fitar kwaɗayin mulki daga kanta.

Tairiy ta tuno mutumin da ya kashe mata yaya kuma wanda take zargin yana da hannu a mutuwar mahaifinta. Ba kowa bane illa Mazurus ko kuma Erengalós. Tairiy ta tuno yadda Erengalós yayi gaba da gaba da Manya a yaƙin da ya gabata kuma ya gagare su. Ta sake tuno yadda halitta mai cikakken ƙarfin iko ta bayyana a sama ta tsine masa.

Tairiy tayi ajiyar zuciya kawai a wannan lokaci. Saboda ta tabbatar da cewa, mutumin da take son kashewa na farko ba ƙaramin hatsabibi bane. Tabbas idan tana son kashe shi da hannunta sai ta shirya matuƙar shiryawa.

Tairiy ta sake tuno mutumi na biyu wanda take son sare kansa da hannun ta. Ba wani take tunani ba sai Ra'alin.

Tairiy ta tuno ainihin ƙabilar Ra'alin ta Tauri da yadda yaso ya gagare ta a fafatawar da s**a yi ta ƙarshe. Ra'alin da ƙafar sa ya take ya gudu, sai dai hakan bata nuna ya gaza. Hasalima idan kaga zaki ya ja baya, to, tsalle zai daka.

Tairiy bata son ta sake haduwa da Ra'alin ba tare da ta sare kansa da hannun ta ba. Bayan haka ta san cewa, Ra'alin Ambahà ne. Kai daga cikin Ambahà yana daga cikin mafiya sharri.

Tairiy bata manta labarin da Amuru mai makaranta ya bata akan sharrin da Ra'alin ya shiryawa ɗan uwansa ba, har ya raba shi da karagar mulki kuma ya ɗane kanta. Idan har sharrinsa ya kai, ya samu nasara akan ɗan uwansa Ambahà, ya ya abun zai kasance akan ta?

Haka kuma Tairiy bata manta labarin da Amuru mai makaranta ya bata akan sharrin da Ra'alin ya shiryawa gimbiya Dani ba. Abinda bai haifar da komai ba sai azababben yaƙi wanda ya janyo asarar rayuka da dukiya mai ɗumbin yawa.

Tairiy tana gama tuno waɗannan abubuwa dangane da Ra'alin sai tasha jinin jikin ta. Tabbas tun da ta bayyana a gabansa, a matsayin abokiyar gabar sa. Hankalinsa ba zai taɓa kwanciya ba, har sai ya tabbatar ya kai ta ƙasa.

Tairiy ba zata yafewa kanta ba, idan aka ce ta mutu ba tare da ta ɗaukarwa ɗaya daga cikin waɗannan makusanta nata fansa ba. Saboda haka ya zamo mata dole tayi tunani akan hanyar samun nasara.

Zuwan ta wannan filin yaƙi a lokacin da ake tsaka da gwabza yaƙi, babbar dama ce wadda taso tayi amfani da ita wajen kashe Ambahà Ra'alin. Sai dai haƙanta bai cimma ruwa ba saboda matsalar da aka samu.

Zaka iya cewa, Tairiy bata da tabbacin wanne lokaci zata sake samun wannan dama. Saboda haka sai ta daina tunanin kashe Ra'alin a wannan lokaci kuma ta daina tunanin kashe Mazurus ma a wannan lokaci.

Abu na farko da yasa ta yanke hakan a cikin ranta shi ne, bata isa ta tayar da yaƙi ita kaɗai ba tace, zata gwabza da Ra'alin. Hakan ba zai taɓa yiwuwa ba. Idan kuwa ta tunkare shi da yaƙi gaba da gaba za'a ayyana ta a matsayin maciya amana kuma a zartar mata da hukunci mai tsauri daga Sama.

Abu na biyu kuwa shi ne, ganin matakin da Mazurus yake kansa a wancan lokaci. Manya, Yarima da duk wani hatsabibi dake wannan filin yaƙi sun gagara hallaka Mazurus saboda fasahar sa. Idan har manyan mutane k**ar waɗannan zasu gagara yiwa Mazurus komai, waye ce ita da zata yi tunanin tunkarar sa?

Gama ayyana waɗannan guda biyu keda wuya, Tairiy ta maye gurbinsu da burin samun nasara a wannan gasa. Gasar da Yarima Barunzar ya kirata da suna, Gasar Zama Ambahà.

Tabbas idan ta samu nasara a wannan gasa, zata zamo Ambahà. Zamowar ta Ambahà zai yi matuƙar taimaka mata wajen cika burikan rayuwar ta.

Idan tana matsayin Ambahà zata iya shiga ta fita, ta haddasa yaƙi tsakanin ta da sarki Ra'alin. Yaƙin ba zai shafe ta ita kaɗai ba, hasalima zai shafi doron ƙasashen ne. Hakan yana nufin zata samu agajin sojojin yaƙi da runduna masu yawan gaske.

Tuni ƙabilar Jorash ta ayyana Mazurus (Erengalós) a matsayin tsinanne. Tabbas idan ta taka muƙamin Ambahà kuma ta fiddo ƙudurin yaƙar Erengalós, lallai zata samu cikakken taimako daga Sama.

Tairiy tana gama ayyana hakan a ranta, ƙudirinta na zama zakara a wannan gasa ya sake cika zuciyar ta. Gimbiyar ta ji ta kowanne hali sai ta lashe wannan gasa kuma ta zama Ambahà.

A wannan lokaci sai ta fara tunani akan abubuwan da zata yi domin zama zakara a wannan gasa.

A hankali ta ɗaga idanunta ta kalli bangon wannan fada. Hoton Suwaina Nozól ta gani, a jikin hoton jarumar tana riƙe da zabgegiyar takobin ta. Ɗayan hoton kuwa, kwari da bakan Munàr E. Zogó a jikin sa.

Kibiyoyin dake jikin hoton suna matuƙar k**a da kibiyar da tayi ajalin sarki Kurzami, mahaifinta. Lamarin da ya tabbatar mata da cewa, koma wane ne ma'abocin wannan kwari da baka akwai yiwuwar shi ne yai ajalin mahaifin ta.

A hankali idanun Tairiy s**a sake dawowa kan hoton Suwaina Nozól. Gimbiyar tana tuno wace ce SUWAINA NOZÓL da wajen da s**a fara haɗuwa.

A bakin sarki Amuru mai makaranta ta fara samun labarin Suwaina Nozól kuma shi ya bata labarin wajen da Suwaina Nozól take. Tairiy da sadauki Dariyó s**a shiga cikin wannan kurkuku domin ɗauko Suwaina Nozól.

A ƙoƙarin tserewa daga cikin wannan kurkuku ne, sadauki Dariyó ya rasa rayuwar sa. Tairiy ba zata taɓa mantawa da wannan sadauki ba kuma ba zata manta wasiyyar da ya bar mata ba.

Tabbas da taimakon Suwaina Nozól ta mallaki wannan makami dake hannunta, na Munàr E. Bozó.

Sai dai hakan bashi yake nufin, ba zata iya kamo Suwaina Nozól ta miƙa ta a hannu ba matuƙar Suwaina Nozól ta kasance fursunar da ta gudu k**ar yadda su Yarima suke faɗa.

Abu na biyu, Tairiy ta shirya yin komai akan samun nasarar ta akan su Ra'alin da Mazurus saboda rayukan mahaifinta, yayanta da ƙanwar ta ya fiye mata komai muhimmanci.

Saboda haka duk ma wanda yake tunanin Tairiy zata tausayawa Suwaina Nozól ko kuma wani abu, to, ya ajiye wannan tunani a gefe guda.

Babu abinda Tairiy take hangowa a wannan lokaci sai mutuwar Ra'alin, Mazurus da duk wanda yake riƙe da makamin Munàr E. Zogó. Duk wani abu da zai zo daga baya ne kawai.

Tairiy ta sake ɗaga idanunta ta ƙurawa Suwaina Nozól idanu. Gimbiyar ta fara tuno lokaci na ƙarshe da ta kalli wannan jaruma. Tabbas a doron ƙasa ta takwas ne, bayan da tayi gaba da gaba da Yarima Barunzar.

Lokuta da dama Tairiy tasha tambayar kanta, anya Suwaina Nozól bata mutu ba? Saboda babu yadda za'a yi ayi irin wannan jifa da ita, ba tare da gangar jikin ta ta tarwatse ba.

Sai dai kuma zaka iya cewa a wannan lokaci Tairiy ta samu amsar wannan tambaya da take yawan yiwa kanta. Tabbas Suwaina Nozól tana nan a raye kuma ta cika hatsabibiya wadda Yarima Barunzar da kansa yake neman ta ruwa a jallo.

Wannan ɗan gajeren lakabi da ake yiwa Suwaina Nozól ya isa ya ja hankalin Tairiy da duk wanda yake farautar ta. ‘Fursunar da ta gudu’. Tabbas duk fursunar da zata iya guduwa daga kurkuku, ta cancanci ayi mata kallo na musamman.

Tairiy tayi ajiyar zuciya, a ajiye duk wannan a gefe. A halin yanzu, ina Suwaina Nozól take? Tambaya ta biyu, a ina zata samu mutumin da yake riƙe da makamin Munàr E. Zogó?

Waɗannan tambayoyi ne masu muhimmanci a wajen Tairiy, kuma zaka iya cewa, gano amsar waɗannan tambayoyi yana nufin ta fara da ƙafar dama a ƙoƙarin da take na ɗaukar fansa akan Ra'alin, Mazurus da duk ma wanda yake riƙe da makamin Munàr E. Zogó.

A wajen wanda yasan amsar waɗannan tambayoyi, tambayoyi ne masu sauƙin gaske waɗanda amsar su, ba zata wuce jimla biyu zuwa uku ba. To, amma a wajen Tairiy tambayoyi ne masu wahalar gaske waɗanda amsar su zai canja rayuwar ta gaba ɗaya.

A ganin Tairiy, a halin yanzu Suwaina Nozól da mutumin da yake riƙe da makamin Munàr E. Zogó manyan masu laifi ne waɗanda labarinsu ya k**ata ace ya karaɗe doron ƙasashe tara. Saboda sun kasance masu laifi waɗanda kamo su yazo da babbar lada wadda ba'a taɓa samun k**ar ta ba.

Duk mai laifin da za'a ce maka, k**a shi da mika shi a hannu zai sa, ka zamo Ambahà, ba ƙaramin mai laifi bane.

Idan kuwa har abinda Tairiy take gani ya kasance gaskiya, to, ya k**ata a halin yanzu ace Suwaina Nozól da mutumin da ke riƙe da makamin Munàr E. Zogó sun fi kowa ɓuya.

Komai ƙarfin mutum da taurin kansa, k**a shi ba zai yi wahala ba, matukar aka ce ya bayyana kansa. Amma ga mai laifin da ya ƙware wajen ɓuya da ɓatar da sahu sai yafi kowa bayar da wahalar k**awa. Babban misalin da Tairiy take gani a wannan lokaci shi ne, yarinya Silmà.

Tabbas yarinya Silmà tana da tsananin ƙarfi, to, amma ɓuyar da tayi yana daga cikin dalilan da s**a sa bata shiga hannu ba tsahon lokaci.

Saboda wannan dalili Tairiy ta fara tunanin hanyar da zata bi ta kamo Suwaina Nozól da mutumin da yake riƙe da makamin Munàr E. Zogó cikin ruwan sanyi.

A wannan lokaci tunanin Aisina mai kashe manyan mutane ya faɗo mata. Tairiy ta tuno yadda jarumar ta gallabe su da kisa a wancan lokaci, s**a gagara gano wace ce ita b***e su samu nasara akan ta.

Tairiy ta tuno yadda ita kanta saida wannan jaruma ta kawo mata hari, ba don taimakon wannan saurayin ba da yanzu ba wannan labarin ake ba.

Tairiy ta ci gaba da tuno wannan al'amari wanda ya faru kimanin shekaru biyu baya. Tabbas ba zata manta da fuskar wannan saurayi da ya ceci rayuwar ta ba. Ba zata manta yadda ya gagari Aisina wanda a ƙarshe ya kamo ta kuma ya damƙawa mahaifinta.

A tsammanin Tairiy, mahaifinta ya daɗe da sare kan Aisina. Saboda haka ko kaɗan bata kawo a ranta, Aisina tana raye ba.

Abinda yasa ma ta tuno wannan al'amari shi ne, bajintar da Majanun ya nuna wajen kamo Aisina da damƙa ta a hannu.

Majanun jami'in ƙungiyar Askandan ne. Tairiy ta nemi da ya zauna a wajen su amma sai ya ƙi yarda saboda ayyukan da yake yiwa wannan ƙungiya.

Tairiy tayi ajiyar numfashi, idan har bajintar Majanun ta kasance haka. Kuma ya same ta ne da taimakon ƙungiyar Askandan, meye zai hana ta shiga wannan ƙungiya domin ta haɗa kai da Majanun wajen kamo Suwaina Nozól da mutumin da yake riƙe da makamin Munàr E. Zogó?

Lokacin da Tairiy tazo nan a tunaninta sai tayi guntun murmushi. Wannan ita ce hanya mafi sauƙi da zata yi amfani da ita wajen kamo Suwaina Nozól da ma'abocin Munàr E. Zogó cikin ruwan sanyi.

A daidai wannan lokaci ne hankalin 'yan majalisar dake zaune a gabanta ya dawo jikinsu, guda daga cikin su ya miƙe tsaye ya karanto mata bayanan ƙudirin son ta zamo sarauniya a birnin Suzam.

Fuskar Tairiy ta cika da murmushi wanda s**a gagara gane na mene ne.

“Abun kunya ne a gare ni, na zauna akan karagar mulkin mahaifina. Alhalin wanda ya kashe shi, yana raye...

“Ba zan taɓa jin daɗin mulki ba, har sai naga kan abokan gaba ta yana gare-gare a ƙasa.”

Tairiy ta zaro mashin Munàr E. Bozó take wata iska mai cike da tsini ta fara kaɗawa a cikin wannan fada. Lamarin da yasa dukkan 'yan majalisar shiga taitayin su kenan.

“Waziri Raitara. Ka zauna akan karagar mulkin a matsayin riƙon-ƙwarya. Zan kawo muku sarkin da ya dace kuma a lokacin da ya dace.

“Idan naji labarin wata rigima a cikin wannan masarauta, sai na sare kan duk wanda ya haddasa ta kuma a gaban Suzama...”

Kalaman Tairiy a cike suke da nauyi wanda hakan yasa yan majalisar zubewa ƙasa suyi biyayya.

Tairiy ta tunkari ƙofar fita daga cikin wannan fada, saura kaɗan ta iso bakin ƙofa sai ta tsaya. A hankali Tairiy ta juyo ta fuskanci Waziri Raitara ta ce.

“Daga yau, ina son kula da rayuwar Alyaya ɗan sadauki Dariyó ya dawo hannun wannan masarauta. A bashi horon yaƙi, a saka shi a makaranta sa'annan a koya al'amuran mulk....” Tairiy ta hadiye kalmar ƙarshe, ba tare da ta furta ta ba.

Idan mai saurare zai tuna, Alyaya shi ne ɗan sadauki Dariyó wanda ya roki Tairiy ta kula dashi lokacin da yake bankwana da duniya.

Tairiy tana gama faɗin haka ta fice daga cikin wannan fada. Daga wannan rana Raitara ya fara zama akan karagar mulki.

Bayan kwanaki uku da faruwar wannan al'amari, ƙungiyar Askandan ta turo jami'an ta guda biyar s**a riski Tairiy a wajen da take sa'annan s**a ɗauke ta s**a kaita kan wannan tsibiri.

A saman wannan tsibiri ne, Baelisa ta tattauna da Tairiy. Tairiy ta gabatar mata da ƙudirinta na son shiga wannan ƙungiya domin ta haɗa kai da Majanun.

“Kina nufin Mafarauci?” inji Baelisa.

Tairiy ta ce, “Ban san da wanne suna kuke kiransa ba, amma dai, wanda ya kamo Aisina a birnin Suzam…”

“Mafarauci ne!” inji Baelisa.

“Ina son a haɗa ni dashi...” Tairiy ta ce.

Baelisa ta dafa kafaɗar Tairiy ta ce, “Haɗuwa da Mafarauci k**e so kiyi, ko kuma shiga wannan ƙungiya?”

A wannan lokaci sai Tairiy ta ji tsoron kada ta ce, haɗuwa da Mafarauci kaɗai take so tayi, su ƙi yarda su haɗa ta dashi. Saboda haka sai ta ce, “Dukkan biyu,”.

“Daga cikin dokokin wannan ƙungiya, akwai SIRRI. Ba za ki taɓa haɗuwa da jami'in wannan ƙungiya ba, har sai kin kasance jami'a.

“Tuni mun yanke shawarar mayar da ke ɗaya daga cikin jami'an mu. Amma kafun ki zamo jami'a sai kin nuna bajintar ki k**ar yadda Mafarauci ya nuna mana tasa. Ki sani cewa, kamo Aisina, ɗan fashi Zargas, dodo Nazaga da Kalmaru duk a cikin gwajin da muka yiwa Mafarauci ne.”

“Na fahimta...” inji Tairiy.

Baelisa ta fiddo wani ɗan ƙaramin littafi ta ajiye a gaban Tairiy ta ce, “Wannan littafi yana ɗauke da hotunan masu laifi guda biyu - MUWAFA DA LARIM DARA.

“Masu laifin da s**a jagoranci tarwatsa jirgin Mikiya Mai Hangen Nesa da birnin Umansh. Attajiri Abdun Yalwa yayi alƙawarin bayar da dukiya har miliyan goma ga duk wanda ya kamo waɗannan masu laifi guda biyu. Haka kuma majalisar doron ƙasa ta huɗu tana neman su ruwa a jallo.

“Muna son ki kamo koda guda daga cikin su ne. Tabbas idan kika aikata hakan, kin ci jarrabawar da muka miki, kuma kin zamo jami'ar mu…”

***

THANKS 4 READING..

RAMIN MUGUNTA!* DUWATSUN ANISHIYÓS!*Babi na 179: *Garin La Sirin** *Wannan littafin sadaukarwa ne ga Fatima Umar Muhamm...
17/09/2026

RAMIN MUGUNTA!

*

DUWATSUN ANISHIYÓS!

*

Babi na 179: *Garin La Sirin*

*

*Wannan littafin sadaukarwa ne ga Fatima Umar Muhammad*

*

Marubucin ✍️ RUHIN JARUMTAKA ✍️
*

✍️✍️✍️ Muhammad Umar Sangaru ✍️✍️✍️

*
*

Arshan yana gama jin bayanai akan Isiníym, babu abinda ya fado ransa sai tattaunawar da ta taɓa gudana tsakanin sa da Awarsu a wannan sansanin. Lokacin da ya samu labarin hukuncin da aka yankewa Dani.

Tabbas Isiníym ta kasance 'yar ƙabilar Kyawawa wadda aka haifa, ba tare da tazo a irin siffar waɗannan jarirai masu ban tsoro ba. Tabbas Awarsu ya shaidawa Arshan cewa, duk wani mai neman duwatsun Anishiyós yana farautar Isiníym. Arshan bai san mene ne dalilin ba, sai a yanzu da yake tattaunawa da Lasirina Ajamen.

A hankali Arshan ya gyaɗa kai cikin fahimta, “Ina Isiníym take?”

Lasirina Ajamen ta ce, “Zaka samu amsar wannan tambaya amma sai bayan ka fita daga wannan kurkukun... Kada ka damu.

“Sirri na biyu da ke tattare da kai shi ne, RUHIN KA.

“Shin ko ka san cewa, kowanne ruhi yana da iyaka? Akwai mataki-mataki na ruhi. Wasu matakan sai dai ruhi yayi mafarkin kaiwa kawai amma ba zai taɓa kaiwa ba.

“Misalin matakan su ne Debà, Jailórd, Wanted da sauran su.

“Shi matakin Jailórd mataki ne dake baiwa ruhi damar samar da addini nasa na kansa. Amma Zulaika mai fasahar rubutu tace min, ba wai ruhin ne yake samar da addinin ba. Abubuwan al'ajabin da ake gani tattare dashi, shi ne yake jan hankalin mutane har su fara bauta masa.

“Shi kansa Dur'hamu, Zulaika ta ce min, da Jailórd ɗin Baí yake amfani shiyasa ma ake haɗa sunansa da sunan Baí.

“Bayan an haife ka da kimanin kwana tara, mun gudanar da bincike akan ruhinka. Sak**akon da bincike ya bamu yayi matuƙar girgiza mu.”

Sai da Lasirina Ajamen tayi ajiyar zuciya a daidai wannan waje sa'annan ta sake dafa kafaɗar Arshan ta ce.

“Girman ruhinka zai iya kaiwa matakin Jailórd. Matakin da Lutyu, Bai, Balahú da Rutu suke taƙama dashi.

“Bamu tashi gaskata zancen ba, sai da muka ga waɗansu ma'abota addini a ƙarƙashin ƙasa waɗanda ake kira, 'yan addinin Hauzan.

“Bincike ya nuna mutanen wannan addini taurari suke bautawa. Taurari guda uku. Waɗannan taurari kuwa bincike ya nuna a jikin ka suke. Kaga kai-tsaye zamu iya cewa, Addinin Hauzan naka ne.”

Arshan yana jin wannan batu yayi shuru yana tunani. Tabbas maganar tana nan akan layi. Duba da yadda Awarsu ya zube ƙasa yayi ta masa mubaya'a lokacin da yaga miyurar sa. Uwa-uba ga abinda ya faru kwanaki, na baiwa wata 'yar addinin damar amfani da fasahar da tafi ƙarfin ta.

Arshan yana buƙatar cikakken bayani akan addinin Hauzan da yadda addinin zai taimaka masa har ya kai matakin su ACÀNA.

Wannan duk bai ja hankalin Arshan a wannan lokaci ba, babban abinda ya ja hankalin sa shi ne, WACE CE WADDA TAI AMFANI DA FASAHAR DA TAFI ƘARFIN TA?

A daidai wannan lokaci ne, Lasirina Ajamen ta sa hannu ta fidda wannan sarƙa dake wuyanta. Idanun Arshan s**a kafe akan wannan sarƙa ya ƙura mata idanu.

Sarƙar tana tsananin k**a da wanda ya karbo a hannun Aiyini. Kai babu bambanci a tsakanin su. Ba don Arshan da kansa ya damƙawa Mazurus wannan sarƙa ba, da ya yi tunanin ita sarƙar Lasirina Ajamen ta sake ƙwatowa.

Idanun Lasirina Ajamen s**a sake sauya launi zuwa Aiyds Blu-horizon. Silmà tasa hannunta guda akan wannan sarƙa, take wani haske ya fito daga cikin hannunta, ya tarwatsa kan wannan sarƙa. Faruwar hakan keda wuya, dutse ruwan ƙasa ya bayyana akan tafin hannun ta a matsayin haske.

Arshan yana ganin wannan dutse, ya fara karkarwa wanda shi kansa ya gagara gane me hakan yake nufi.

“BABA, YAU NA CIKA ƊAYA DAGA CIKIN AYYUKAN DA KA BAR MINI - NA SAMO ƊAYA DAGA CIKIN ARBA'AH WAƊANDA KA MUTU KANA NEMAN SU...” Lasirina Ajamen ta ce.

Arshan yayi shuru yana sauraron ta gami da ƙura mata idanu.

Lasirina Ajamen ta kamo kan Arshan da hannunta guda sa'annan ta yi amfani da hannunta wanda take riƙe da wannan dutse dashi ta danna dutsen a cikin miyurar Arshan.

Kasancewar wannan dutse yana matsayin haske ne yasa take ya shige cikin miyurar Arshan kai-tsaye.

“ANISHIYÓS - X!” Kakkausar muryar nan da take baiwa Arshan umarnin tarwatsa wannan dutse sa'adda zai baiwa shi Mazurus ta daki kansa.

Miyurar Arshan ta kawo wani irin haske, gangar jikin Arshan ta fara tsatstsagewa tamkar zata tarwatse. Wani irin zogi, raɗaɗi da zafi ya fara zarya a jikin Arshan. Lamarin da yasa ya ci gaba da karkarwa kenan.

Wannan sauyin yanayi ya ɗauki tsahon daƙiƙa sittin kacal, kafun al'amura su fara daidaita. Lasirina Ajamen ta dafa gashin kan Arshan da hannunta guda sa'annan ta durƙusa akan gwiwar ta guda a gaban sa.

A wannan lokaci da take wannan abu, wani azababben ƙarfi, ƙarfin iko da aminci ne yake ta ratsa jikin Arshan.

Gaɓa ta fara motsawa a jikin Arshan bayan bashi dutsen Anishiyós X, ita ce, idanun sa. A hankali Arshan ya buɗe idanunsa.

Hohoho! Idanun sun sauya launi sun koma ruwan ƙasa. Ƙwayar idanun tana nan k**an yadda take amma a bayanta akwai alamun tauraro wanda yake matsayin inuwa.

Waɗannan idanu na Arshan suna dira akan Lasirina Ajamen yaga wata tauraruwa ta bayyana a saman kanta. Allon ruhin Arshan ya ɗan ɗauki zafi, lamarin da yasa dolensa ya leƙa cikin allon ruhin kenan.

“X- (matsakaicin launi)” inji allon ruhin Arshan. Wato tauraruwar Lasirina Ajamen bata yi fari ba kuma batai baƙi ba. Lamarin da zai baiwa ma'abocin karatun taurari wahalar gano abinda hakan yake nufi kenan.

A jikin miyurar Arshan kuwa, tauraro Sairanàm da Andilàm suna ta kewaye wannan lamba ɗayar, yayin da tauraro Etamà yake tsaye a saman girar sa guda.

Gashin kan Arshan ya koma irin na Lasirina Ajamen. Idanun sa sun koma ruwan ƙasa (maimakon ruwan toka) hakan ya samo asali ne sak**akon Anishiyós ɗin dake jikin sa.

“Ina taya ka farin cikin mallakar Fasahar Karatun Taurari (maras iyaka.) A halin yanzu duk mutumin da ka kalli fuskar sa, zaka iya karanta tauraruwar sa, kayi Hasashe akan sa.

“Fasahar Hasashe zata baka damar kaucewa harin abokin gaba cikin sauƙi kuma ta baka damar hallaka abokin gaba, cikin ƙifta ido”.

Lasirina Ajamen ta kamo hannun Arshan ta zaunar dashi dirshan a gabanta, s**a fuskanci juna sa'annan ta fara masa bayani.

“Bari nayi maka cikakken bayani akan Fasahar garin La Sirin. Daga nan sai na tafi, naje na jira ka a wajen da zamu ci gaba da gudanar da shirye-shiryen mu”.

Arshan ya kasa kunne da kyau yana sauraron yayar tasa.

“Kamar yadda na faɗa maka daga farko, wannan fasaha wadda na kirata da suna Garin La Sirin, ita ce fasahar da zamu yi amfani da ita wajen tseratar da fursunonin mu daga wannan kurkukun.

“Wannan kurkuku ta doron ƙasa ta farko tana da tsananin girma da faɗi wanda ya wuce misali. Wasu da dama suna ganin cewa wannan kurkuku zata kai girman birni guda.

“Hakan yasa muka kakkafa garuruwa da gidaje a cikinta kuma muke rayuwa tamkar 'yantattun mutane.

“Akwai wani babban bango da ya kewaye wannan kurkuku, ta gabas da yamma, kudu da arewa. Wannan bango ya kasance iyaka da wannan kurkuku. Komai hatsabibancin mutum da taurin kansa, bai isa ya fasa wannan bango ya tsere ba.

“Daga wannan gari da muke, kafun mutum ya riski wannan bango sai ya shafe tafiyar sa'a goma akan ingarman doki. Wannan wajen da muke babu ingarman doki, kaga maganar zuwa jikin wannan bango a ajiye ta a gefe.

“Wannan dalilin ne yasa tun ziyarar da na kawowa fursunonin wannan kurkuku ta farko, na fara tunani akan hanyar da ta k**ata na bi domin tseratar dasu. Ya ɗauke ni tsahon lokaci ina ta tunani amma ban samu mafita sai fa abu guda.

“Wannan abu kuwa ba komai bane illa samar da gari, Garin La Sirin.

“Fasahar Garin La Sirin, fasaha wadda ta ƙunshi samar da gari daga matsayin haske zuwa duwatsu da ƙarafu.

“Bari na nuna maka misali...”

Lasirina Ajamen tana zuwa nan a zancenta, ta sa yatsanta guda akan ƙasa ta fara zane. Bayan ɗan lokaci ta zana taswirar ɗaki.

Arshan yana gefe guda yana kallo cikin mamaki. Bayan ta gama zana wannan ɗaki, sai ta fiddo wata 'yar ƙaramar takarda daga cikin aljihunta, ta gutsuri takardar ta shuka a daidai wannan zane nata.

Faruwar hakan keda wuya, wannan zane ya fara haske. A hankali hasken ya samar da ɗaki, Arshan yayi kasake yana kallon abun mamaki.

Lasirina Ajamen ta dunƙule hannunta guda sa'annan ta sake hannun cikin lissafi da ƙwarewa. Aikata hakan keda wuya, hasken ya baje ya daki bangwayen wannan ɗaki, take s**a rushe.

Waɗansu bangwaye masu kyawun gaske s**a maye gurbinsu. Yanzu-yanzu suna cikin ɗakin kurkuku mai muni da rashin gani, amma gashi cikin ƙiftawar ido sun koma cikin ƙasaitaccen ɗaki irin na sarakuna.

Shi kansa Asén X. Ajamen sai da ya wangame baki cikin tsananin mamaki. Ko a labari bai taɓa jin labarin fasaha irin wannan ba.

A cikin wannan ƙasaitaccen ɗaki akwai kujeru na kasaita da tebura waɗanda aka cika da abinci iri daban-daban. Asén da Lasirina Ajamen s**a zauna akan teburi guda s**a ci abinci.

“Wannan kaɗan ne daga cikin samfurin fasahar Garin La Sirin. Ina son muyi amfani da wannan fasaha wajen ɗauke fursunonin mu gaba ɗaya, mu fitar da su daga wannan kurkuku.

“Ina son ka saurare ni dakyau domin ka ji bayanan wannan fasaha da yadda zaka yi aiki da ita wajen tseratar da fursunonin mu, ba tare da an samu wata matsala ba”.

Lasirina Ajamen tana zuwa nan a zancenta ta ɗauki lemo ta kurba sa'annan ta yi ajiyar zuciya, ta fara magana cikin nutsuwa.

“Na tsara Garin La Sirin ta yadda ba zai karɓi kowa ba, sai jinin Dahasàm. Nayi hakan ne saboda hana abokan gabar mu shigowa cikin wannan gari, a lokacin da zamuyi aiki da garin.

“Sai dai hakan bashi yake nufin abokan gaba ba zasu shigo cikin garin ba. Hasalima zasu iya shigowa amma garin ba zai basu haɗin kai yadda ya dace ba.

“Wannan dalilin ne yasa muke son dawo da Rukunin Munàr. Amfanin Rukunin Munàr shi ne, baiwa Garin La Sirin kariya daga harin abokan gaba.

“A halin yanzu Munàr E. Zogó da Munàr E. Bozó sun bayyana.

“Ƴar uwa Suwaina Nozól ta samu nasarar gano Munàr 101, saura Munàr 100 wadda zata sarrafa Munàr E. Zogó. Daga nan zata ci gaba da nemo Munàr, tun daga kan Munàr 99 har zuwa 001.

“Lokacin da Suwaina Nozól ta nemo Munàr 001 a lokacin zamuyi amfani da wannan gari wajen tserewa daga cikin wannan kurkuku.”

Asén X. Ajamen yana gama jin wannan bayani ya sake yin shuru yana tunani. Tabbas ya fahimci wannan fasaha yadda ya dace, sai dai akwai tambayoyi ɗaya biyu haka da ba za'a rasa ba.

Fasahar Garin La Sirin - Fasaha ce ta kiran gari daga matsayin haske zuwa duwatsu da ƙarafu da sauran abubuwan da ba za'a rasa ba. A duk lokacin da aka kirawo wannan fasaha, tana mamaye fili, birni, gari, duwatsu da komai ta maye gurbin sa da wannan gari.

Lasirina Ajamen ta ce ta tsara wannan gari ta yadda iya mutanen su kawai zai karɓa, ma'ana mutanen su ne kaɗai zasu ji daɗin zama a cikin wannan gari.

Ƙarin bayanin da tayi masa akan haka, bai wani jan hankalin sa sosai ba. Asén yasan cewa, k**ar yadda duk wani mutum a duniya yake da rauni. Haka fasahohi suke da rauni. Saboda haka ba abun mamaki bane don an samu hatsabiban da s**a shigo garin kuma s**a kawo musu hari.

Rukunin Munàr, su ne waɗanda zasu baiwa wannan gari kariya.

Lasirina Ajamen ta zaro wannan takarda mai ɗauke da taswirar Garin La Sirin ta damƙawa Arshan ta ce.

“A duk lokacin da Suwaina Nozól ta gama haɗo kan Rukunin Munàr wannan takarda zata fara haske. Kana ganin haka, ka zana hoton wannan gari akan ƙasa sa'annan ka shuka takardar a cikin sa.

“Da zarar kayi haka, wannan gari zai bayyana ya maye gurbin Babban Gari.

“Suwaina Nozól da rukunin Munàr zasu bayyana a cikin sa. Daga nan sai a fara maganar ɗaukewar wannan gari daga cikin wannan kurkuku, zuwa doron ƙasa ta tara.”

Lasirina Ajamen tana zuwa nan a zancenta ta disashe a cikin hasken wannan ɗaki, ta bar Arshan zaune shi kadai.

“Zan dawo gare ka, ASÉN X. AJAMEN!” muryar ta tayi magana.

Ɓacewar ta keda wuya wannan ɗaki wanda ta samar shima ya ɓace ɓat! Arshan ya sake bayyana a cikin wannan ɗaki na kurkuku.

****

THANKS 4 readinG.

Address

Sangaru Street
Gombe

Telephone

+2348136093283

Website

Alerts

Be the first to know and let us send you an email when Ruhin Jarumtaka littafin yaki posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ruhin Jarumtaka littafin yaki:

Shortcuts

Share

Category