Ruhin Jarumtaka littafin yaki, Sangaru Street, Gombe (2026)

25/08/2026

RAMIN MUGUNTA!

*

DUWATSUN ANISHIYÓS!

*

Babi na 172: *Abokan Gaba ne…*

*

*Wannan littafin sadaukarwa ne ga Fatima Umar Muhammad*

*

Marubucin ✍️ RUHIN JARUMTAKA ✍️
*

✍️✍️✍️ Muhammad Umar Sangaru ✍️✍️✍️

*
*

~Ɓangaren Yarima Barunzar.

*

Yarima Barunzar da sauran Manya sun gama ƙaddamar da Kamfe na Biyu a doron ƙasashe tara. Waɗanda s**a yi musu mubaya'a sun tsira, waɗanda s**a bijire musu kuwa, Yarima Barunzar ya hallaka su.

Sai dai tun kafin su fito wannan Kamfe ɗin an jiyo shi yana cewa, wannan Kamfe ɗin ba iya doron ƙasashe tara zai tsaya ba. A wannan lokaci zasu faɗaɗa ƙarfin mulkin su har zuwa daulolin ƙarƙashin ƙasa. Kuma idan ma ba za'a manta ba, har Yarima Barunzar ya tura wasika zuwa ƙarƙashin ƙasa wadda ya buƙaci sarauniya Jazwirà da sauran sarakunan ta, su zube ƙasa suyi musu biyayya.

To, a daidai wannan lokaci Yarima Barunzar ne tsaye a gaban waɗannan baƙaƙen ramuka waɗanda ake amfani dasu wajen shiga daulolin ƙarƙashin ƙasa. Sauran Manya guda takwas suna jere a bayan sa, sun yi wata irin tsayuwa ta musamman.

Yarima Barunzar yana tsaye a cikin lissafi da tunani. Zaka iya cewa hakan ya samo asali ne saboda sanin cewa wannan Kamfe ɗin da suke yafi na farko wahala da kuma yawa.

A cikin ɓangarorin wannan Kamfe, zaka iya cewa ɓangare ɗaya kawai s**a kammala. Akwai sauran ɓangarori da dama waɗanda s**a haɗa da; ladabtar da daulolin ƙarƙashin ƙasa, farauto Sauraban mai rigar Baihindír da kuma tarwatsa tasirin Erengalós.

To, a daidai wannan lokaci ne ɗaya daga cikin Manya ya kawowa Barunzar wata wasiƙa, wadda ta fito daga ƙarƙashin ƙasa.

Yarima Barunzar ya warware wannan wasiƙa ya karanta ta daga farko har ƙarshe. Babu komai a cikin wannan wasiƙa sai raddi mai zafi wanda yake shaidawa su Yarima, mutanen daulolin ƙarƙashin ƙasa basu shirya miƙa wuya ba.

Wannan labari ya yiwa Yarima daɗi saboda shi a kullum yafi so ya ƙwaci mulki da ƙarfi daga hannun masu mulki. Kamar yadda s**a yi a Kamfe na Farko. Idan ka ƙwaci mulki da ƙarfi sai an fi jin tsoron ka gami da yi maka biyayya.

Yarima Barunzar ya juyo ya dubi Manya dake tsaitsaye a bayan sa ya ce, “Ina bayar da umarnin kowa ya fiddo rukunin dake ƙarƙashin sa. Mun samu waɗanda s**a yi taurin kai ga tsarin mulkin mu da addinin mu...”

Yarima Barunzar yana gama faɗin haka ya tafa hannayensa sau uku, kuma ya ambaci kalmar, “Ashuray!”

Take iska ta tsage waɗansu mutane guda goma s**a bayyana a bayan sa. Haka sauran Manya ma kowanne daga cikin su saida ya kirawo nasa Ashuran.

Idan ka lissafa goma-goma sau tara, zaka casa’in daidai kenan. Idan ka ƙara lissafin da Manya (har da Barunzar) lissafin zai baka casa’in da tara kenan.

“TAFIYAR - ƘABILAR JORASH!” inji Yarima Barunzar.

Nan take gaban sa yai duhu, ya taka a hankali ya shige cikin wannan duhu. Gaba ɗaya mayaƙan dake bayansa suke take masa baya s**a shige cikin wannan duhu.

Wannan kenan.

***

~Haɗaɗɗiyar Daular Jazwirà.
~Dajin Zumbis.

***

A daidai wannan lokaci da Yarima Barunzar da sauran Manya s**a samar da Ashura ɗin su kuma s**a yanke shawarar afkawa daular Ƙarƙashin Ƙasa da yaƙi domin ƙaddamar da Kamfe.

Jazwirà, Milisà da Danjur ne a tafe a cikin iska k**ar tsuntsaye suna ta gudu. Tuni sun baiwa daulolin mutane baya, a halin yanzu gudu suke a saman wata busasshiyar ƙasa.

Bayan dogon lokaci suna gudu sai s**a tsaya a saman wani tafkeken daji wanda ƙasar sa ta bushe kuma tayi baƙi ƙirim.

“Mun iso!” inji Jazwirà.

Milisà da Danjur s**a gyaɗa mata kai cikin amincewa. Nan take s**a sauƙo ƙasa a cikin wannan daji.

Babu komai a cikin wannan daji sai ƙatoton fili wanda iyakacin hangen mutum shi ne, hakan zai sa kayi mamakin mene ne abinda ya kawo su Jazwirà wannan daji, a lokacin da yaƙi yake daf da ɓarkewa tsakanin su da mutanen ƙabilar Jorash?

Jazwirà ta tsaya a hannun dama, Milisà ta tsaya a gefenta, ita kuwa Danjur ya tsaya a gefenta.

Jazwirà, Milisà da Danjur s**a miƙar da hannun su akan iska. A lokaci guda kuma s**a fara kiran waɗansu ɗalasimai.

“Ku amsa kiran Kwamandan Na Ɗaya, Na Biyu da Uku.

“Lokaci yayi da zamu nunawa duniya, Ƙarƙashin Ƙasa ba kanwar lasa bane.

“Tawagar Matattu, ku amsa kira!”

Lokacin da su Jazwirà s**a zo nan a kalaman su, sai wata irin iska mai ƙarfin gaske ta fara kaɗawa a cikin wannan daji. Kafun kace me wannan wannan iska ta samar da gagarumar guguwa wadda ta turnuƙe ko'ina a cikin wannan daji.

Wata irin ƙara mai ratsa dodon kunne ta soma kaɗawa. Jazwirà, Milisà da Danjur s**a gyara tsayuwa suna jiran abinda zai faru bayan wannan guguwa.

Wannan guguwa tana gama bajewa, wasu runduna har guda uku na mayaƙa s**a bayyana.

Kai inda ace gimbiya Zonar tana wannan waje da ta gano, su wane ne waɗannan runduna. Ana kiran su da suna TAWAGAR MATATTU.

Zaka gan su a tsaitsaye tamkar mayaƙa rayayyu amma a zahiri babu guda daga cikin su dake numfashi. Kawai wani ƙarfin iko ne na musamman yake sarrafa su.

Ƙarfin ikon da hatta su Jazwirà basu san tak**aiman mai shi ba. Saboda idan zaka tuna, matsayin kwamandan suke akan wannan runduna. Saboda haka umarni kawai suke baiwa Tawagar Matattu, ba wai su suke sarrafa su ba.

Waɗannan runduna sun kasance mutane amma fatar su tayi fari, ta yadda idan kace babu jini a cikin fatar kayi daidai. Bayan wannan akwai muggan raunika a jikinsu waɗanda ga dukkan alamu su ne s**a yi ajalin su.

Sai dai dukkan su suna riƙe da mak**an yaƙi masu ban tsoro da barazana ga rayukan bil'adama.

Wata irin iska mai ɗauke da yanayi na mutuwa da kabari tana kaɗawa a kewayen waɗannan mutane waɗanda ake kira Tawagar Matattu.

Jazwirà ta taka a hankali tazo gaban waɗannan tawaga, ta tafa hannayenta ta ambaci wata fasaha.

“Ƙofar Kayan Yaƙi guda uku!”

Wasu ƙofofi guda uku s**a bayyana a gaban waɗannan tawaga. Ƙofofin suna haske gami da kewayawa.

“Mu haɗu a fada ta domin tafiya wannan yaƙi...” inji Jazwirà.

Nan take Jazwirà, Milisà da Danjur s**a sake cillawa da gudu cikin iska s**a bar wannan daji.

Tawagar Matattu s**a fara shiga cikin waɗannan ƙofofi da ɗaiɗaya. Duk wanda ya shiga cikin wannan ƙofa sai kaga wasu tufafin yaƙi na sulke irin na masarautar Jazwirà ya bayyan a jikinsa.

Ɗaya bayan ɗaya sai da s**a gama shigewa cikin waɗannan ƙofofi. Faruwar hakan keda wuya, dukkan su s**a ɓace ɓat!

***

~Harabar gidan sarautar Jazwirà.

***

Tawaga-tawaga ce ta dakaru har guda uku tsaitsaye a cikin wannan haraba. Duk da cewa tsari da zubin da aka yiwa kayan yaƙin su iri ɗaya ne amma launin ya ɗan bambanta.

Inda ace mutum ya kalli lokacin da Tawagar Matattu s**a saka waɗannan kayan yaƙi waɗanda sarauniya Jazwirà ta basu da ya fuskanci cewa, waɗannan tawaga ba wasu bane illa Tawagar Matattu.

Jazwirà tana tsaye a saman wani dogon gini, Milisà tana tsaye a hannun damanta. Ya yin da shi kuwa Danjur yake tsaye a hannunta na hagu.

Daga wannan waje da suke tsaye suna hango abinda yake faruwa a cikin wannan haraba. Tawagar Matattu sun yi tsayuwa ta musamman, babu mai motsi a cikin su saboda yadda s**a ƙame tamkar gumaka.

Bayan ɗan lokaci suna ta kallon wannan tawaga sai Milisà ta matso kusa da Jazwirà tace, “Shin Tawagar Matattu kaɗai ta isa a wannan yaƙi da zamu fafata?”

Jazwirà ta ɗan karkato da kanta ta dubi Milisà ta ce, “A wannan yaƙi ba zamu salwantar da rayuwar ko mutum ɗaya daga cikin mu ba. Kamar yadda umarni yazo mini, ana so ayi amfani da wannan yaƙi wajen jarraba ƙarfin rukunan mu. Tun kafun lokacin da za'ai amfani da su yazo.

“Ni, ke da Danjur ne zamu jagoranci wannan yaƙi. Tawagar Matattu kaɗai ta ishe mu, saboda na yarda da ƙarfin ta.”

Sarauniya Jazwirà tana gama faɗin haka ta sauƙo daga kan wannan dogon gini ta nufi fadarta. Kai-tsaye ta zauna akan karagar mulkin ta.

Jazwirà ta ci gaba da tafiyar da harkokin mulki tamkar babu wani muhimmin abu da yake tasowa.

Bayan k**ar sa'a guda ne, wata ƙofa ta buɗe a cikin wannan fada. Wata kyakkyawar jaruma ta fito daga cikin wannan ƙofa

Tun da jarumar ta fito daga cikin wannan ƙofa, idanun Jazwirà s**a kafe akan ta.

Ga waɗanda s**a san SUWAINA NOZÓL zasu fuskanci ita ce a wannan waje kuma ba wata ba.

Wani abun mamaki shiga tayi ta yaƙi mai nuna a shirye take domin fita wannan yaƙi wanda su Jazwirà suke ta shiryawa.

A ƙugunta ta ɗaura wannan zabgegiyar takobi mai tsaho da faɗi. Duk inda ake neman jaruma da an kalli Suwaina Nozól anzo ƙarshe.

Ɗaya daga cikin kwamandan dake tsaye a bayan karagar sarauniya Jazwirà ya fara yi mata bayanin Suwaina Nozól.

“Wannan ita ce jarumar da muka tsinto a dajin sahara wanda yayi iyaka da wannan birni. Bamu san sunanta da ainihin ta ba. Amma idan kina buƙata yanzu zamu tambaye ta...”

Jazwirà ta ɗaga hannunta guda ta dakatar da wannan kwamandan daga magana.

Lokacin da ya rage saura taku arba'in Suwaina Nozól ta ƙaraso gaban karagar Jazwirà sai ta zube ƙasa kan gwiwowin ta tayi gaisuwa.

“…ina son ɗaukar wa Mahaifina fansa akan kisan gillar da aka yi masa, a lokacin Kamfe na Farko.

“Saboda haka ina neman alfarmar ayi mini izini, a saka ni a cikin rundunar da zata gwabza wannan yaƙi…” inji Suwaina Nozól.

Lokacin da sarauniya Jazwirà taji wannan batu daga bakin Suwaina Nozól sai tsananin tausayin Suwaina Nozól ya k**a ta.

Jazwirà ta fara tuno wani tsohon al'amari wanda ya faru kimanin shekaru ɗari da arba'in baya.

***

Hayaƙi ne yake ta tashi tsubi-tsubi a wani ɓangare na doron ƙasa ta farko. Saboda yamutsewar wannan ɓangare, tuni wajen yayi duhu tamkar hadari ne ya gangamo.

Ƙarar rugugin zubowar fasahohi da walƙiya sai tashi take tayi a nesa da kusan wannan waje.

Wani sadauki ne guda ɗaya jal ya addabi dakarun ƙabilar Jorash da kisa. Yana ta kashe su gami da ƙone gawarwakin su.

A gefe guda kuwa, wani mutum ne ya bayyana nan take. Nan take wannan mutumi ya zaro takobinsa yayi waɗansu TAKU-BAKWAI masu cike da sirri da nufaƙa.

A takun sa na ƙarshe ne ya samu nasarar kashe wannan sadauki wanda yake ta kashe mutanen ƙabilar Jorash.

Bayan ya yiwa mutumin kisan wulaƙanci sai ya juya ya kalli can nesa daga wajen da gawar mutumin take kwance.

Wata 'yar ƙaramar yarinya aka nuno, tana ta kuka gami da ambaton “Baba!” “Baba!!”

Sadaukin yai murmushi ya ce, “Mata da ƙananun yara dukkan su FURSUNONI ne!”

Yana gama faɗin haka ya take ya fice daga cikin wannan waje gaba ɗaya.

***

Lokacin da Jazwirà ta gama tuno wannan dan gajeren al'amari sai idanunta s**a ciko da ƙwalla. Saboda wannan ƙaramar yarinya ba wata bace illa Suwaina Nozól.

Shi kuwa wannan mutumi da aka kashe ba wani bane illa mahaifinta. An kashe shi a lokacin Kamfe na Farko. Bayan nan aka k**a Suwaina Nozól da sauran yaran ƙabilar a matsayin fursunoni ne aka cilla su kurkukun doron ƙasa ta farko.

Rayuwar Suwaina Nozól abar tausayawa ce kuma a cike take da burin ɗaukar fansa.

Jazwirà ta miƙe tsaye ta tako har gaban Suwaina Nozól ta tashe ta tsaye sa'annan ta rungume ta a ƙirjin ta.

“Kada ki damu, Suwaina.

“Da sannu zamu ladabtar da ƙabilar Jorash, zamu nuna musu kuskuren su wanda s**a daɗe suna aikatawa.

“Kafun na amince miki, ki fita wannan yaƙi. Ina son ki faɗa min fasahohin da kika mallaka da kuma matakin da kike...”

Suwaina Nozól tayi ajiyar zuciya kafun ta fara mayar da jawabi.

“A sirrance na koyi fasahohi masu tarin yawa lokacin da nake kulle a kurkuku... Bayan na fito daga cikin kurkukun na sake mayar da hankali akan koyon fasahohi kuma na taka babban mataki.

“Na kasance daga cikin 'ya'yan Dahasàm ZAƁAƁƁU waɗanda suke iya amfani/aro da fasahohin Ajamen…!”

“Magana ta ƙare,” inji sarauniya Jazwirà.

“Idan dai kina cikin ZAƁAƁƁU, kin samu babban dalili na fita wannan yaƙi. Saboda haka zamuje tare dake kuma zan baki muƙamin ƙaramar kyaftin a wannan yaƙi.”

Koda Suwaina Nozól taji wannan batu sai ta cika da tsananin farin ciki. Ta daɗa rungume Jazwirà a ƙirjin ta.

Daga wannan rana Suwaina Nozól ta sake zare takobinta ta ci gaba da wasa takobin, tana wasa da ita domin shiryawa wannan gagarumin yaƙi dake tahowa.

Bayan kwanaki uku da faruwar wannan al'amari, wata rana da sassafe labari da ɗumi-ɗumin sa yazo fadar sarauniya Jazwirà.

“Rahoto ya bayyana cewa, an hango waɗansu mutane guda casa’in da tara waɗanda suke da'awar yaɗa addinin su da wani sabon tsarin mulki wanda babu shi a Ƙarƙashin Ƙasa.

“Ance duk wanda yai musu biyayya kuma yai imani da addinin su, suna ƙyale shi. Duk wanda ya butulce musu kuma, ance suna kashe shi...”

Sarauniya Jazwirà tana gama sauraron wannan rahoto, ta zaro takobin ta sa'annan ta bayar da umarnin a tunkari waɗannan mutane guda casa’in da tara.

Jazwirà, Milisà, Danjur da Suwaina Nozól s**a jagoranci Tawagar Matattu s**a tunkari wajen da aka ce anyi arba da waɗannan mutane.

“ABOKAN GABA ne...” inji sarauniya Jazwirà.

****

Wannan chapter jiya ce, a yi hakuri jiya ina makaranta ban samu na turo ta ba.

***
Allah Ya kaimu Thursday

20/08/2026

RAMIN MUGUNTA!

*

DUWATSUN ANISHIYÓS!

*

Babi na 171: *Ɓoyayyiyar Fursuna*

*

*Wannan littafin sadaukarwa ne ga Fatima Umar Muhammad*

*

Marubucin ✍️ RUHIN JARUMTAKA ✍️
*

✍️✍️✍️ Muhammad Umar Sangaru ✍️✍️✍️

*
*

Waziri yana fitowa daga cikin fadar sarki Dur'hamu ya wuce kai-tsaye izuwa cikin wani tsohon ɗaki na ƙarƙashin ƙasa. Babu komai a cikin wannan ɗaki sai rantsatstsun mak**an yaƙi waɗanda suke cike da ƙarfin iko da kuma barazana ga rayukan bil'adama.

Waziri ya fidda tufafin dake jikin sa, ya ɗauko wata doguwar alkyabba ya saka. Ya ɗauko wata hular yaƙi mai k**a da kambun sarauta ya saka a kansa. Bayan ya gama kimtsawa saiya ɗauko wata zabgegiyar takobi ya saƙala ta a ƙugun sa.

Yana gama shiri ya tafa hannayensa wata ƙofa mai k**a da intaka ta bayyana akan iska. Waziri ya shige cikin wannan ƙofa ya ɓace ɓat!

***

Arshan yana tsaye cikin jin daɗi da samun nutsuwa bisa mubayar da mutanen sa s**a yi masa. A wannan lokaci gaba ɗayan su suna risine akan gwiwowin su, suna yi masa gaisuwa irin wadda ake yiwa manyan sarakuna.

Ba zato ba tsammani wata irin iska mai sanyi ta fara kaɗawa a cikin wannan kurkuku. Kai inda ace Sauraban yana wannan waje da ya gano abinda wannan iska take nufi.

Iska ce wadda take fassara ɗaya daga cikin mutanen kabilar Jorash maɗaukaka waɗanda ake ji dasu.

Gaba ɗaya fursunonin dake cikin wannan kurkuku sai da s**a dawo taitayin su. Ba iya mutanen Babban Gari ba hatta sauran mutanen garuruwan sai da s**a dawo taitayin su.

Zaka iya cewa, al'ummar dake cikin wannan kurkuku sun shafe dogon lokaci suna rayuwa a cikin ta amma basu taɓa jin ƙarfin iko mak**ancin wannan yana shigowa ba.

Lamarin da yasa shuwagabannin waɗannan garuruwa s**a fara tattaunawa akan abinda yake faruwa kenan. Babu jimawa aka gano cewa, ai an samu wani hatsabibin jarumi ne wanda ya hana ƙabilar Jorash kashe fursunonin da s**a saba kashewa a kowacce ƙarshen wata.

Koda samun wannan labari sai sauran mutanen dake cikin wannan kurkuku s**a yi gangami s**a tunkari Babban Gari domin basu shawara akan kada su kuskura su juyawa Jorashawa baya.

Sai dai a daidai wannan lokaci ne, inuwar Waziri ta fara bayyana a cikin sararin samaniya. Kallon inuwar sa kaɗai tasa da dama daga cikin fursunoni firgicewa. Bisa dole s**a fara gudu suna shigewa cikin gidajen su.

A hankali wannan inuwa ta samar da siffar Waziri. Siffar da mutanen dake cikin wannan kurkuku basu taɓa gani ba.

Waziri gabjejen ƙato ne domin kuwa ya yiwa Arshan inuwa kuma ya fishi kauri da murɗewa nesa ba kusa ba.

Jajayen idanun Waziri suna kafe akan Arshan, yana yi masa wani irin kallo na raini.

A ɓangaren sauran al'ummar wannan kurkuku kuwa, tuni sun tsure tsoro ya baibaye su. Koda yake basu taɓa kallon wannan siffa ta Waziri ba amma sun san ma'anar ta.

Waziri shiga yayi ta yaƙi kuma har da takobi a jikin sa. Su mutanen ƙabilar Jorash ko babu takobi a jikin su, ababen tsoro da shakku ne. Ina kuma ace sun ɗauko takobi?

Bayan Waziri ya yiwa Arshan kallo na tsahon daƙiƙa goma cir sai ya ce, “Kayi haƙuri Asén, ban so na saka hannu a al'amarin ka ba. To, amma babu yadda na iya saboda Yarima da Manya basa nan.

“A halin yanzu suna ƙaddamar da Kamfe na Biyu saboda haka ya zamo mini dole nayi maka ladabi da kaina.”

Jin wannan batu daga bakin Waziri ya baiwa Arshan haske akan abinda yake faruwa a waje. Wato, a halin yanzu mutanen ƙabilar Jorash suna ƙaddamar da Kamfe na Biyu wanda Yarima Barunzar da sauran Manya suke jagoranta.

Ko meye zai faru a yayin da suke ƙaddamar da wannan Kamfe? Arshan ya yiwa kansa wannan tambaya.

A lokaci guda Arshan ya dawo taitayin sa, wato, akwai raini da ƙasƙantarwa a cikin kalaman Waziri. Kamar yana nufin yafi ƙarfin ya fafata da Arshan.

Ɗan guntun murmushi kawai Arshan yayi, a har kullum zai kasance mai nunawa maƙiyansa. Ɗan hakin da ka raina wataran zai tsone maka idanu.

Waziri ya ɗora hannunsa guda akan takobin sa ya fara shafa ta ya ce, “Asén na so na sare kanka amma sai aka dakatar dani. Wannan adalcin da aka yi maka yasa naji ɗan tausayinka a raina. Meye zai hana kayi min biyayya, ka karɓi hukuncin da nazo na zartar maka?”

Arshan yana jin wannan batu ya ƙaddamar da fasahar Walƙiya dake jikin sa. Nan take jikinsa ya sake juyewa izuwa walƙiya. Arshan ya buɗe tafin hannun sa guda, nan take dunƙulen walƙiya s**a bayyana akan hannun nasa, suna ta juyawa gami da tartsatsi.

“Shin wannan ya ishe ka a matsayin amsa ko kuma na ƙara maka bayani...” Arshan ya mayar wa Waziri amsa.

Waziri ya fashe da dariya ya sake ɗora hannunsa guda akan takobin sa yana shafa ta ya ce, “Wannan takobin tawa da kake kallo, ta shafe kusan shekaru arba'in da uku a cikin kufe. Tun zamanin da Yarima Ƙamr na duniya ta musamman ya buwaye mu, naje nayi maganin sa. Tun daga wancan lokaci ban san fiddo wannan takobi ba.

“Ka san dalilin da yasa nake baka wannan gajeren tarihin? Saboda ina so na saka ka alfahari idan har wannan takobi ta zamanto sanadin ajalin ka...”

Waziri ya cije haƙora, “Kash! Ashe ba zan kashe ka yanzu ba. Amma nayi maka alƙawari wannan takobi, ita ce zata zamanto sanadin ajalin ka!”

“Saboda wanne dalili kuke kashe min mutane duk ƙarshen wata? Shin akwai wani laifi da kuka riƙa wanda kuke kafa hujja dashi wajen yi musu wannan mugun ta'addanci?”

Koda jin wannan tambaya sai Waziri ya fashe da dariya ya ce, “Ta ya ya zamu huce takaicin da Dahasàm da Lasirina Ajamen s**a ƙunsa mana tsahon shekara da shekaru, idan ba muna kashe mutanen su da ɗaiɗaya ba?

“A duk lokacin da jinin 'ya'yan Dahasàm ya kwarara, muna kasancewa cikin tsananin farin ciki da jin daɗi.”

Arshan yana jin wannan batu ya kwarara uban ihu, zaluncin yayi yawa. Tayaya za'a ringa kashe rayukan mutanen su a matsayin abun farin ciki da jin daɗi.

Arshan ya girgiza kai ya ce, “Wannan mummunan ta'addanci naku yazo ƙarshe. Da sannu zan magance dukkanin ire-iren ku.”

Waziri ya fashe da dariya ya ce, “Idan ka kuɓucewa kamu na a yau, nayi maka alƙawarin ni da kaina, zan durƙusa a gaban ka kuma na takobina ka sare kaina!”

Yana gama faɗin haka ya ɗaga hannunsa guda sama, ya nuna wasu fursunoni guda goma dake bayan Arshan.

Ƙarfin ikon Waziri ya sauƙa akan waɗannan fursunoni guda goma. Take s**a yi kukan kura s**a rugo da gudu zuwa kan Arshan.

Lokacin da ya rage saura ƙiris su iso wajen da yake sai wasu zabga-zabgan takubba s**a bayyana akan hannayen su.

Suna ƙarasowa gaban Arshan s**a rufe shi da sara da s**a. Kusan ta kowanne kaiwa Arshan sara da s**a suke.

Lamarin da ya gigita Arshan kuma ya bashi tsoro kenan. Idan ya ce zai yaƙe su, zai kashe mutanen sa da hannun sa. Idan kuwa ya ce zai ƙyale su, to, lallai akwai yiwuwar zasu cutar dashi.

Saboda haka take Arshan ya fara shawarar abinda ya k**ata yayi a cikin ran sa.

Arshan yana kaucewa waɗannan fursunoni cikin zafin nama, ɗaya daga cikin su ya samu nasarar caka masa takobi a gadon baya.

Duk da cewa Arshan a cikin siffar walƙiya yake amma sai da jini yayi feshi daga bakinsa saboda sharrin wannan takobi.

Koda Lashana ta fuskanci abinda yake faruwa sai ta fara baiwa Arshan shawarar ya hallaka waɗannan fursunoni, tun kafun su cutar da shi.

Sai dai a daidai wannan lokaci kan Arshan ƙasa yake kallo, yana kallon wajen da jini yake zuba daga bakinsa yake taɓa ƙasa.

“Ka ce *Amincin Babban Sarki*” Muryar allon ruhin Arshan ta shiga cikin kunnuwan sa.

“[Amincin Babban Sarki]” inji Arshan.

Wata irin iskar Aminci ta fara kaɗawa a kewayen Arshan, dukkan waɗannan fursunoni dake ƙoƙarin afko masa s**a dakata.

Na tsahon daƙiƙa sittin s**a tsinci kansu a cikin halin ruɗani. Su ka rasa umarnin waye zasu bi, tsakanin na Arshan da Waziri.

Umarnin Arshan ƙoƙarin kwantar da wannan tarzoma yake, ya yin da umarnin Waziri kuwa yake ƙoƙarin tunzura su, su afkawa Arshan.

Koda abubuwan guda biyu s**a yi karo da juna sai kan waɗannan fursunoni yayi tsawa. Dukkan su s**a zube ƙasa sumammu.

Waziri yana ganin wannan abu da ya faru ya cika da tsananin farin ciki. A daƙiƙa ta gaba ya sa hannunsa ya zaro wannan zabgegiyar takobi dake saƙale a ƙugun sa.

Takobin tana fitowa daga cikin kufenta, wata irin ƙara ta fara tashi. Kai kace ihun mazaje ne a filin yaƙi a yayin da suke gaɓar mutuwa.

“Yauwa, yanzu ne na tabbatar da zan iya fafatawa da kai...” inji Waziri.

Waziri yana gama faɗin haka ya gyara tsayuwa ya fuskanci Arshan. Bayan ya gama daidaita kuma ya riƙe takobin sa a cikin wani irin salo, sai ya ambaci sunan wata fasaha.

“Waidàl Dishú - Takun Sarki!” inji Waziri.

Ambaton wannan fasaha keda wuya, gaɓɓan jikinsa s**a daidaita kuma s**a fuskanci Arshan gaba da gaba.

Waziri ya ɗaga ƙafarsa guda yayi taku ɗaya gaba. Taku ɗaya a wajen gama-garin mutane ba wani abu bane amma ga bijimin sadauki wanda yake kan Fasahar Takun Sarki babban al'amari ne.

Zaka gaskata zancen, idan ka lura da abubuwan da s**a a cikin wannan taku guda ɗaya rak!

Abu na farko iskar dake kewaye Arshan da Waziri ta fara sauya launi. Daga tsakiyar rana zuwa bayan la'asar.

Waziri ya sake ɗaga ƙafarsa guda yayi taku na biyu. A wannan taku na biyu iskar dake kewaye dasu ta sake yin duhu zuwa bayan magariba. Kuma wani zazzafan yanayi ya shigo cikin ta.

Lokacin da Waziri yayi taku na uku sai duhun dake kewaye dasu yayi kauri ainun, ya zamana cewa mutanen dake tsaye acan nesa irin su Lashana, ba sa kallon abinda yake faruwa tar-tar.

Waziri yana ajiye ƙafar sa a taku na huɗu, hucin zafi ya cika idanun masu kallon wannan baƙin shinge da ya kewaye su. Bisa dole mutane s**a ɗauke idanun su.

Cikin lissafi da nutsuwa Waziri yayi taku na biyar, a daidai wannan lokaci ne yayi motsi guda biyu rak da gangar jikin sa saɓanin sawayen sa.

Motsi na farko sara ya kai da takobin sa zuwa kan Arshan, motsi na biyu kuwa ɗan karkatar da kafaɗar sa yayi cikin wani salo wanda zai ƙarawa takobinsa ƙarfi ya tsarge Arshan gida biyu.

A hankali takobin Waziri ta tafi kan Arshan zata raba shi gida biyu. Tana tafe tana tsaga iska gami da samarwa kanta hanya.

Kafun takobin ta dira akan kafaɗar sa, shima sai ya motsa gami da ambaton sabuwar fasahar sa wadda tunda ya fito daga gida, bai taɓa amfani da ita ba.

“[Asén X. Etamà!]”

Kiran wannan fasaha yasa gangar jikin Arshan juyewa izuwa walƙiya daga tsoka da jini. Ginannen jikin walƙiya wanda yake ta tartsatsi ya cika jikin Arshan.

A daidai wannan lokaci ne, wannan takobi ta Waziri ta dira akan kafaɗar sa. Faruwar hakan keda wuya, takobin ta nutse ta cikin jikin kuma ta fito ta gefen ƙugunsa.

Wani abun mamaki dukda wannan takobi jikin walƙiya ta sara amma tuni ta rine da jini. Lamarin da zai baiwa dukkan mai kallon wannan fafatawa mamaki kenan.

A daƙiƙa daidai wajen da wannan takobi ta sara ya juye ya koma tsoka da jini a jikin Arshan.

Wani jini baƙi ƙirim ya fara zubowa daga bakin Arshan zuwa ƙasa. Lamarin da ya tayar wa su Lashana hankali kenan s**a rasa abinda ya k**ata su yi.

Sai dai a daidai wannan lokaci ne, Waziri yayi taku na shida wanda yasa ya iso gaban Arshan kusa da kusa. Ya zamana cewa, yana jin numfashin Arshan, shima Arshan yana jin nasa.

A wannan lokaci wannan duhu wanda ya samu nan take, ya gama ɗaukar zafi ta yadda halitta bata isa ta rayu a cikin sa, ba tare da ta rasa numfashi kuma ta mutu nan take ba.

Fuskar Waziri cike da murmushin mugunta yayi taku na bakwai gaban Arshan. A wannan lokaci ne wannan baƙar iska ta fara curewa a waje guda. Cikin ƙiftawar ido ta juye izuwa wata ankwa ta baƙin ƙarfe mai ban tsoro.

Waziri ya kawowa Arshan cafka zai damke hannunsa domin ya ɗaure shi da wannan ankwa.

Arshan ya goce cikin baƙin zafin nama, Waziri ya cafki iska. Kafun Waziri ya juyo tuni Arshan ya daki iska da hannun sa guda.

Wani basamuden hannun walƙiya ya bayyana akan iska, yaje ya daki gadon bayan Waziri.

Wata irin ƙara gami da fallatsi na walƙiya s**a cika dodon kunne da idanu. Lamarin da yasa kowa ya rude aka daina kallon abinda yake faruwa kenan.

Lokacin da komai ya lafa sai aka hango alkyabbar Waziri ta ƙone ta baya, har fatar gadon bayan sa ta fito fili.

Wohoho! Waziri ya fusata irin fusatar da ya daɗe bai yi irin ta ba.

Wannan alkyabba dake jikinsa tana da dumbin tarihi. Ya shafe fiye da shekaru aru-aru yana yaƙe-yaƙen sa da ita.

A tsahon wannan lokaci wannan alkyabba taga masifa da bala'i iri daban-daban amma ko ƙwarzane babu wanda ya taɓa yi mata.

Yau wacce rana ce ace an ƙone wannan alkyabba kuma abun haushi ga yaro wanda ko matakin Otaki bai kai ba? Babban abin takaicin wanda yasa Waziri cije haƙora shi ne, a cikin doron ƙasa ta farko fa.

Ai indai da kara bai k**ata ace doron ƙasa ta farko ta bari an ci musu mutunci ba.

Bayan ɗan lokaci yana cikin wannan hali saiya yanke shawarar hukunta Arshan. Hukuncin da zai bashi damar k**a Arshan a hannu kuma ya damƙawa Ƙassai.

Yana gama yanke wannan shawara ya ɗaga hannunsa guda sama, ya nuna dukkan fursunonin dake tsaitsaye acan bayan Arshan suna kallon abinda ke faruwa.

A wannan lokaci ba iya fursunonin ba, hatta ita kanta Lashana sai da karfin ikon yayi tasiri akanta. Dukkan su basu san lokacin da s**a rugo da gudu zuwa kan Arshan ba.

Hankalin Arshan ya rabe gida biyu. Shin ya juya yaji da waɗannan fursunoni dake tunkaro shi kuma ya fuskanci Waziri?

Take zuciyar Arshan ta bashi shawarar ya juya ya fuskanci waɗannan fursunoni. Ba don komai ba sai don Arshan yasan cewa, duk kuskuren da ya kawo su cikin wannan baƙar iska sai dai wasu basu ba. Don azababben zafin dake cikin wannan iska ce zai yi ajalin su nan take.

Saboda haka Arshan yana ji kuma yana gani ya juyawa Waziri ya fuskanci waɗannan fursunoni.

Idanun Waziri s**a ciko da hawayen takaici. Karo na farko a rayuwar sa yana zubar da hawaye a gaban abokin gaba.

“Kai naso ace hukuncin kisa aka yankewa wannan yaron, da yanzun zan sare kansa...”

Shi kuwa Arshan a wannan lokaci tuni ya kirawo fasahar Amincin Babban Sarki domin kwantar da tarzomar da mutanensa suke son tayarwa. Ƙarƙashin ikon Waziri.

Cikin takaici Waziri ya ƙarasa bayan Arshan yasa wannan ankwa ya yiwa Arshan wawan duka da ita. Take kan Arshan yayi duhu, ya daina ganin komai. Yana dawowa hayyacinsa kuwa, ya tsinci kansa ɗaɗɗaure da ankwa.

Waziri ya cafi Arshan da hannun sa guda sa'annan ya nutse ƙarƙashin ƙasa tare da Arshan.

A gaban waɗansu ɗakuna jerarru guda uku Arshan ya tsinci kansa. Saboda matsewar da waɗannan ɗakuna s**a yi zakai tsammanin ɗaki guda ne.

Wasu dakarun aljanu masu sanye da tufafi ruwan-ƙasa s**a bayyana a gaban Waziri cikin biyayya.

“Ni, Waziri ina bada umarnin a yiwa wannan fursuna Azaba Goma...”

Waɗannan dakaru s**a amshi Arshan s**a cilla shi cikin ɗaya daga cikin waɗannan ɗakuna guda uku.

Arshan yana faɗowa cikin wannan ɗaki sai ya fuskanci cewa, ashe ɗaki ne guda ɗaya daga wajene yake guda uku.

Wasu irin macizai da kunaman da Arshan ya gani a cikin wannan ɗaki ne s**a bashi tsoro. Kafun yace me wannan tuni sun rufe shi da sara da s**a.

Cikin daƙiƙa goma kacal Arshan ya sake sumewa.

Lokacin da ya farfaɗo daga wannan suma da yayi sai ya tsinci kansa ɗaɗɗaure a jikin bango. An yiwa bangon hudoji waɗanda aka zira sarƙoƙin da aka ɗaɗɗaure Arshan dasu.

Arshan yai arba da wata fursuna a gefen sa. Anyi mata irin wannan ɗauri da aka yi masa. Saboda tsabagen azaba, fatar wannan fursuna ta koɗe tayi baƙi. Idanunta sun yi ɓulu-ɓulu tamkar zasu faɗo ƙasa.

A hakan ta ɗago kanta da ƙyar ta dubi Arshan ta ce.

“Suna na.... Ɓoyayyiyar Fursuna!”

Arshan yana jin muryar wannan fursuna ya haɗe gira, mamaki da kwakwanto s**a cika zuciyar sa.

***

Allah Ya kaimu Monday.

17/08/2026

RAMIN MUGUNTA!

*

DUWATSUN ANISHIYÓS!

*

Babi na 170: *Fasahar Ma'abota Addini*

*

*Wannan littafin sadaukarwa ne ga Fatima Umar Muhammad*

*

Marubucin ✍️ RUHIN JARUMTAKA ✍️
*

✍️✍️✍️ Muhammad Umar Sangaru ✍️✍️✍️

*
*

To, a cikin wannan daji kuwa, Jalsin ce ta gama wanke jikinta da tufafin ta a cikin wannan ƙorama. Tana kammala wanke jikinta ta fiddo wasu tufafin dagan daga cikin wannan jakarta ta saka, sa'annan ta shanƴa waɗannan akan wata ƙaramar bishiya.

Na tsahon daƙiƙa sittin Jalsin ta nemi waje ta zauna gami da tunani akan makomar rayuwar ta.

Ɗan zaman da tayi a makarantar addinin Hauzan, ta koyi fasahohi da dama waɗanda suke da alaƙa ta kai-tsaye da wannan addini. Kuma a lokacin da zata fito wannan tafiya, Laman Juz Hauzan ya bata kyautar fasahohi guda uku waɗanda yace tayi amfani dasu, a lokacin da ta haɗu da babban abokin gaba wanda yafi ƙarfin ta.

A yadda Jalsin ta fahimci addinin Hauzan, ta fuskanci cewa lallai ta samu babban makami wanda zatayi amfani dashi wajen samun nasara akan Baí.

Baí? Tana tuno sunan Baí ta tuno lokacin da taji dariyar sa a wannan lokaci.

Shin me dariyar gunkin Baí take nufi a wannan lokaci?

Shin hakan yana nufin, gunkin Baí ya gano ta kenan?

Kafun Jalsin ta gama tunani akan amsar waɗannan tambayoyi, tuni daidai wannan waje da take zaune ya juye ya koma baƙi ƙirim. Kai kace baƙin hadari ne ya taso wanda ya rufe rana kuma ya samar da baƙin girgije mai ban tsoro.

Ƙamshin mutuwa da sautin muryar matattu ta fara dukan kunnuwan Jalsin. Lamarin da yasa ta fara karkarwa kenan gami da tsuma tamkar za'a ce ƙyat ta sume.

A hankali wani baƙin aljani mummunan gaske ya bayyana a ƙarƙashin wannan hadari. Saboda munin wannan aljani da baƙar fatar sa, sai Jalsin tayi da gaske take iya ganin siffar sa.

Dogo ne na kwatance saboda tsahon sa har ya kusan ya taɓo wannan hadari dake saman kansa. Idanun sa jajazur tamkar wuta suna kafe akan Jalsin.

“Jalsin, lokaci yayi... Dole ne ki amsa kiran Maigirma Baí.” aljani Arunúw ya yiwa Jalsin magana cikin kakkausar muryar sa.

Yana gama faɗin haka ya miƙo wannan makami dake hannun sa, zai hallaka Jalsin.

Jalsin ta tsinci kanta a cikin wani irin yanayi. Yanayi na waɗanda suke daf da mutuwar su suke fuskanta.

Allon ruhin Jalsin ya fara mata gargaɗi gami da shaida mata cewa, lokacin mutuwar ta yayi.

Kafun wannan makami na aljani Arunúw ya iso kan Jalsin, tuni ta zaro wani ƙaramin littafi daga cikin wannan jaka tata.

Jalsin ta buɗe shafin farko na wannan littafi, wasu rubutu s**a bayyana akan shafin wannan littafi.

“Da sunan Hauzan, mai taurari guda uku da ƙololuwar iko...” inji Jalsin.

Wasu taurari guda uku s**a bayyana a saman kanta, Jalsin ta ci gaba da karatu.

“Ka bani kariyar ka daga sharrin wannan shaiɗani...”

Waɗannan taurari guda uku s**a yi feshin wuta, wutar ta k**a wannan aljani ta babbake shi. Tsahon lokaci yana ta ƙonewa amma bai ƙone ba.

Lamarin da ya baiwa Jalsin tsoro kenan, saboda a yau taga aljanin da ya gagari ikon Hauzan (a ganin ta).

Duk da cewa Arunúw yana ƙonewa amma makamin sa, bai tsaya wajen ci gaba da tunkarar Jalsin ba.

Cikin gaggawa Jalsin ta buɗo shafi na sittin da bakwai dake cikin wannan littafi. A zahirin gaskiya ba wannan shafi tayi niyyar buɗowa ba.

Wannan littafi dai, yana ɗauke da tarin fasahohi na ma'abota addinin Hauzan. Iya ilimin mutum da matakinsa a wannan addini, iya fasahohin da zai mora.

Jalsin tana da ƙarancin ilimi da ƙaramin mataki a wannan addini. Wannan shi ne dalilin da yasa ta tsaya iya fasahohi guda uku kawai. Wato, a tsarin wannan littafi kowanne shafi ɗaya fasaha ɗaya. An baiwa Jalsin damar amfani da fasahohi guda uku kacal. Shafuka kenan.

Saboda haka zaka ce, Jalsin tayi kuskure da ta buɗo shafi na sittin da bakwai, saboda matakin da take da iliminta bai kai tayi amfani da wannan fasaha ta sittin da bakwai ba.

Abun zai iya zuwa da sauƙi, inda ace Jalsin tana da lokaci na yin tunani ko shawara akan abinda ya dace. To, amma babu lokacin, makamin Arunúw yana daf da taɓa jikin ta.

A jikin wannan shafi na sittin da bakwai, hoton wani tauraro ne wanda duk da cewa, zana shi aka yi a cikin wannan littafi amma hakan bai hana shi tartsatsi da haske ba. Kai kace wannan tauraro da sinadarin mudubi akayi amfani wajen zana shi.

A ƙasan wannan tauraro anyi gajeren rubutu wanda ake kira ɗalasimi. Amfanin waɗannan rubutu shi ne, a duk lokacin da ɗan addinin Hauzan ya karanta su, zai yi amfani da wannan fasaha.

“Dós Hauzan ús er Etamà!” Jalsin ta karanta wannan ɗalasimi.

Abinda Jalsin ta aikata shi ake kira ‘kuskure’, ko kuma amfani da matakin da baka kai ba, a matsayin ka na ƙaramin mai ƙarfin iko.

A duk lokacin da ma'abocin fasaha ya aikata irin wannan kuskure, yana shiga mawuyacin hali. Idan ma yayi sa'a bai rasa rayuwar sa ba. Wasu s**an yi doguwar jiyya ta tsahon shekaru, wasu kuma ruhin su ne yake bindiga saboda an ɗora masa abinda yafi ƙarfin shi.

Shin mene ne abinda zai faru da Jalsin, bisa wannan gagarumin kuskure da ta aikata?

***

A daidai wannan lokaci da Jalsin take jiran sak**akon kuskuren da ta aikata, a cikin kurkukun doron ƙasa ta farko kuwa. Wani saƙo ne mai muhimmanci ya shigo cikin allon ruhin Arshan.

Duk da cewa Arshan yana tsaka da fafatawa da kyaftin Sitú amma sai da wannan saƙo ya ja hankalin sa, ƙwarai da gaske.

“Ɗaya daga cikin mabiya ta aikata babban kuskure na ketare iyaka... A matsayin ka na Shugaba, wanne hukunci ka yanke mata;

“Shin a tarwatsa allon ruhin ta?

“Shin a bata dama tayi amfani da wannan fasaha domin ta ceci rayuwar ta, amma ka sani bayan tayi amfani da wannan fasaha sai tayi jiyya ta tsahon shekaru uku. Saboda fasahar tafi ƙarfin ruhin ta...”

Arshan yana jin wannan tambaya, ya haɗe gira. Bai da ilimi akan wannan sako da allon ruhi yake isar masa a wannan lokaci.

Ɗaya daga cikin mabiya? Wadanne mabiya kenan? Arshan ya yiwa kansa tambaya.

Kafun ya samu amsar wannan tambaya, tuni kyaftin Sitú ya sake yin kururuwa zai afko masa. Saboda haka Arshan bai samu isasshen lokaci na yanke shawara bisa abinda ya dace ba. Kawai zaɓi na biyun ya zaɓa. Wato a bar wannan mabiya tayi amfani da fasahar, sai dai sak**akon hakan zatayi jiyya ta tsahon shekaru uku.

***

Jalsin tana tsaye cikin jiran tsammani, taji hannun ta ya fara ɗaukar zafi tamkar ana tsire shi da tarin allurai.

Kafun Jalsin tayi duba izuwa hannun tuni ya tarwatse ya juye izuwa na walƙiya. Hannun ya fara yin nauyi yana faman rinjayar Jalsin izuwa ƙasa.

A hakan Jalsin ta daddage ta ɗago wannan hannu sama sa'annan ta kare harin makamin Arunúw dake tunkaro ta.

Wannan walƙiya ta tarwatsa makamin Arunúw, sa'annan shima kansa ta tarwatsa shi. Babu abinda ya rage daga jikin Arunúw sai baƙin hayaƙi wanda yake ta raguwa a cikin iska.

Wannan abu zai iya ɗaukar lokaci wajen bayani amma a zahiri cikin ƙiftawar ido komai ya faru.

Saboda amincewar mai fasahar Etamà, Jalsin ta samu damar amfani da fasahar wajen baiwa kanta kariya da kuma samun nasara akan shaiɗani Arunúw.

Sai dai a daƙiƙa ta gaba da faruwar wannan al'amari, wani irin nauyi mai ƙarfin gaske ya danne Jalsin ƙasa. Sai da sawayenta s**a nutse a cikin ƙasa har zuwa gwiwowin ta.

Wasu irin hawayen wahala s**a fara zubowa daga idanunta, kanta ya fara juyawa, kafun kace me wannan ta daina kallon komai sai duhu. Take ta sulale ƙasa sumammiya.

Bayan daƙiƙa goma kacal da faruwar wannan al'amari, wani bijimin saurayi ya saƙƙo ƙasa daga cikin iska a wannan lokaci.

Wannan saurayi dai, ba wani bane illa Haihan - sabon shugaban ƙungiyar Miciji. Lokaci na ƙarshe da aka nuno Haihan, an ga yadda bakinsa ya cece shi daga hukuncin kisa wanda Miciji ya yanke masa.

Haihan ya ci alwashin dawo da Ebalós izuwa ɓangaren su, saboda a yanzu Ebalós ya saka rigar Baihindír, kuma raba shi da rigar ba zai taɓa yiwuwa ba. Saboda shi Ebalós, rigar Baihindír da Anishiyós abubuwa guda uku ne kuma masu alaƙa da juna.

Na daga cikin shirye-shiryen da Haihan ya zayyano su ne, zai yi wannan tafiya mai hatsarin gaske tare da Jalsin. A cewar sa, Sauraban ko kuma Ebalós ya kamu da soyayyar Jalsin. Saboda soyayyar da yake yi mata akwai yiwuwar zai nemeta kafun ta gama wannan tafiya da take.

Idan Sauraban yazo wajen Jalsin bayan shi kuma Haihan ya samu yarda ɗari bisa ɗari a wajenta, samun nasarar sa akan Sauraban zata iya yiwuwa. Wannan shi ne shirin Yarima Haihan shugaban Miciji.

Haihan ya ƙarasa kan Jalsin wadda take kwance tana kallon sama, idanun ta a kafe. Ba don wasu jijiyoyi dake bugawa a wuyanta da goshinta ba, da tuni zai ɗauka ta mutu.

Haihan ya zaro ta daga ƙarƙashin ƙasa sa'annan ya fiddo wani magani mai ƙarfin gaske ya bata tasha. Faruwar hakan keda wuya ta ja dogon numfashi kafun ta fara wani irin barci mai nauyin gaske.

Haihan yana ganin wannan al'amari ya cika da tsananin farin ciki, ya dafa kan Jalsin da hannun sa guda. Nan take ƙarfin iko irin na Miciji ya sauƙo ƙasa kuma ya yi tasiri akan ta.

Haihan ya fashe da dariya kafun ya goya Jalsin a gadon bayansa, ya tashi sama tamkar tsuntsu ya fara gudu a cikin gajimare.

Wannan kenan.

***

To, a can cikin wannan kurkuku kuwa, goshin Arshan ne ya fara yi masa zafi tamkar zai tsage kwakwalwar sa ta zubo. Wani irin ciwon kai mai tsananin ƙarfi ya fara dukan Arshan. Kansa ya fara sara da ƙarfi tamkar zai tsage gida biyu.

Wannan mawuyacin hali da Arshan ya shiga ya baiwa kyaftin Sitú damar sauƙar masa da wannan takobi a karo na farko tun bayan da s**a fara wannan fafatawa.

Gangar jikin Arshan ta k**a da wuta tana ƙonewa a hankali. Abun sai ya fara daga sawayen Arshan, kafun ya iso gwiwowin sa da ƙugun sa.

Dukkan jama'ar dake cikin wannan kurkuku su Lashana kenan, suna can nesa suna kallon abun mamaki. Tuni da dama daga cikin su sun tsorata bisa ganin yau abun dogaron nasu, yana gaɓar mutuwa.

Bayan daƙiƙa goma kan Arshan nata ciwo sai Arshan ya fara ihu, saboda tsananin zogin da yake ji.

A wannan lokaci ne muryar allon ruhinsa ta sake shiga jikin sa.

“Amincewa da kayi ayi amfani da wannan fasaha, yasa kaima sai ka farkar da tauraro Etamà. Saboda haka ka saurari amfani da bayyanar wannan tauraro!”

Muryar wannan allo tana zuwa nan a zancenta, goshin Arshan ya fashe. Wani dunƙulen jini ya fito daga cikin sa. A hankali dunƙulen jinin ya dira akan ƙasa.

Hakan yayi daidai da ƙonewar Arshan ƙurmus izuwa toka daga sharrin takobin kyaftin Sitú.

Kyaftin Sitú yai dariya ya ɗaga takobin sa sama cikin jinjina. Har zuwa wannan lokaci wannan gida a kewaye yake da walƙiya da kuma itace. Hakan babbar alama ce dake nuna Arshan bai faɗi ƙasa ba.

Saboda idan mutum ya faɗi ai komai nasa daina tasiri yake.

Sai dai hakan ko kaɗan ba matsala bace a wajen kyaftin Sitú. Shi da ya gama da mai fasahar, ta ya ya fasahar zata bashi tsoro?

Kyaftin Sitú ya taka a hankali ya tunkari wannan gida zai tarwatsa shi domin ya fiddo fursunonin da za'a kashe.

Taku ɗaya... Taku biyu... Taku uku... A lokacin daidai inda wannan dunƙulen jini ya dira ya fara haske. Kalmar farko da zaka kira abun dashi shi ne, haske. Amma bayan daƙiƙa uku rak saiya koma walƙiya.

Walƙiya ta fara sukuwa da rugugi tamkar hadari ne ya gangamo. Bisa dole kyaftin Sitú ya dakata da tafiyar da yake kuma ya juyo domin ganin abinda yake faruwa.

Juyowar sa ta ɗau lokaci, domin kuwa kafun ya juyo tuni wannan walƙiya ta cure a waje guda ta bayar da siffar wani bijimin saurayi kuma sadauki.

Tsahon sa ba zai wuce ƙafa shida cif-cif ba. Yana da matsakaicin kaurin jiki da zaratan hannaye. Gashin kansa ya kasance ruwan ƙasa wanda yake ta sheƙi da kaɗawa a cikin iska. Idanun sa dara-dara ne kuma su ma launin ruwan-toka ne dasu.

Ganin wannan saurayi a wannan lokaci, zai tuna maka Lasirina Ajamen wadda ake nema ruwa a jallo. Kai idan ma kace wannan saurayi da Lasirina Ajamen ya da ƙani suke, baka yi laifin komai ba.

Bayan wannan siffar wannan saurayi abar tsoratarwa ce saboda yadda walƙiya take ta katantawa akansa tamkar wani ɗan aiken mutuwa.

Ɗamfare a goshin wannan saurayi, wani tauraro ne ƙwaya ɗaya yake juyawa. Idan ka kwatanta k**annin wannan saurayi da bayyanar wannan tauraro, zaka fuskanci cewa, lallai wannan saurayi ya cika abun tsoro.

Sai dai duk wannan ababen tsoratarwa dake tattare dashi, hakan bai hana shi samun kyakkyawar fuska wadda ta dace da kowanne matashin saurayi mai neman aure a wajen 'yan mata ba. Kai kallon farko budurwa zata yi masa, idan ta san abinda ake kira cancanta zata ji ya kwanta mata a rai.

Wannan saurayi ba wani bane illa ARSHAN.

Koda yake kafun Arshan yayi ido-huɗu da Dur'hamu Jailórd Bai yana da miyura mai ɗauke da irin waɗannan taurari har guda uku. Amma wannan sabon tauraro da ya bayyana a goshin sa yanzu, fasalin sa da tsayuwarsa yasha bamban da na baya.

“Sai nake ganin k**ar kayi gaggawa da kake tunanin buɗe wancan gida, ba tare da ka kashe wanda yake gadin gidan ba...” inji Arshan.

Kyaftin Sitú yana jin haka ya kwarara uban ihu ya taso haiƙan zai afkawa Arshan, sai dai a wannan lokaci Arshan bai zo da wasa ba.

Arshan ya nuna shi da ɗan yatsan sa guda. Take wata walƙiya wadda babu wanda daga inda ta bayyana ta k**a gangar jikin kyaftin Sitú ta ƙone shi ƙurmus. Tokar sa ce kawai tayi saura.

A wannan lokaci Arshan ya juyo ya fuskanci wajen da su Lashana da sauran fursunoni suke. Kai koda s**a hango wannan tauraro na Etamà dake goshin Arshan sai dukkansu s**a zube ƙasa s**a yi mubaya'a.

“AMINCIN ASÉN X. AJAMEN YA TABBATA GA 'YA'YAN DAHASÀM!”

***

A daidai wannan lokaci da Arshan ya farkar da ɗaya daga cikin taurarin sa guda uku, kuma ya babbake kyaftin Sitú izuwa toka. A wani babban ɗaki dake tsakiyar doron ƙasa ta biyu, Waziri ne zaune ya murtuƙe fuska.

A hannun sa yana riƙe da wata takarda wadda take ɗauke da rahoton abinda yake faruwa a wannan kurkuku. A duk lokacin da ya karanta layi guda na wannan takarda saiya haɗe gira cikin fusata.

Yana gama karanta wannan takarda, ya miƙe tsaye ya tafa hannayensa. Take iska ta tsage wata ƙofa ta bayyana. Waziri ya taka ya shige cikin wannan ƙofa.

A cikin wani ƙaramin ɗaki mai matsakaicin haske ya bayyana. Zaune a cikin wannan ɗaki bisa wata tsohuwar karaga ta mulki kuwa, Dur'hamu J. Baí ne.

Waziri ya ɗan sunkuyar da kansa cikin risinawa ya ce, “Karo na farko an samu wanda yayi fito-na-fito da kai kuma a cikin kurkukun ka...

“Shin wanne hukunci zan yanke masa?

“Na sare kansa na kawo maka ko kuma na haɗa shi da Ƙassai?”

Sarki Dur'hamu J. Baí ya ɗago hannunsa guda yayi nuni da yatsun sa biyu.

“A YI DUKKAN BIYUN...”

Waziri ya risina cikin biyayya.

“A haɗa shi da Ƙassai a yanzu... Bayan sun gama yi masa azabobi goma, sai a sare kansa a kawo min...” inji sarki Dur'hamu J. Baí.

“Umarnin ka cikakke ne,” inji Waziri.

Yana gama faɗin haka ya sake shigewa cikin wannan ƙofa, ya fice daga cikin wannan ɗaki.

Abu na ƙarshe da ya faru a wannan waje shi ne, kalmar ƙarshe da Dur'hamu J. Baí ya faɗa.

“AJAMEN NA ƊAYA!!!”

****

Thanks for READING

Address

Sangaru Street
Gombe

Telephone

+2348136093283

Website

http://Www.ruhinjarumtakalittafinyaki.com/

Alerts

Be the first to know and let us send you an email when Ruhin Jarumtaka littafin yaki posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ruhin Jarumtaka littafin yaki:

Ruhin Jarumtaka littafin yaki

25/08/2026

20/08/2026

17/08/2026

Address

Telephone

Website

Alerts

Contact The Business

Shortcuts

Share

Category

Listing takedown request