13/04/2026
Idan aka Raba Nigeria, wacce kabila ce zata fi Shan Wahala?
Tattaunawa akan rarrabuwar Najeriya tana zama tamkar wasan yara, inda kowa yake tsoron wanene zai fi shan wahala idan hakan ta faru. Amma idan Ka cire bangaranci, ka sanya idon basira da ilimin tattalin arziki, zaka ga cewa babu kabilar da aka halitta don ta zauna a talauci; matsalar kowa ɗaya ce rashin jagoranci da jagorori masu hangen nesa.
Idan har Najeriya ta rabu yau, kowace nahiya da yanki suna zaune ne akan taskar zinare wadda ba ta bukatar tallafin kowa, muddin aka sami shugabancin da zai iya sauya albarkatun zuwa arzikin aljihun talaka.
Idan ka kalli Arewa da HAUSAWA, ba wai iya filin noma kawai suke dashi ba; kana kallon cibiyar abinci ne ta Afirka da kuma rumbun ma'adinai dake karkashin kasa. Maimakon zaman jiran kason wata (monthly budget), idan aka sami shugaba mai dabarar juya fannin noma (Agricultural Revolution), Arewa zata iya zama tamkar kasashen Larabawa ta fuskar arzikin ma'adinai da samar da abinci ga duniya baki daya. Arewa ba ta bukatar kowa muddin ta gane cewa dukiyarta tana cikin kasa, ba a cikin birane ba.
A ɓangaren Inyamurai (Igbos), babban albarkatun su ba man fetur ba ne kawai; babban arzikinsu shine Human Resources wato kwakwalwa da fasahar kirkira. Tare da man fetur da iskar gas dake yankinsu, idan s**a hada hakan da dabarar kasuwancin da duniya ta shaida musu, babu abin da zai hana su zama Japan din Afirka. Ilimin su na sarrafa kudi da kirkira shine zai sanya su zama gidan sarautar tattalin arziki dake kunshe da masana'antu da fasahar zamani.
Shi kuma yankin Yarbawa (Yoruba), sun riga kowa k**a kafar dukiya ta hanyar mallakar manyan tashoshin jiragen ruwa (Seaports) na Lagos. Tare da arzikin koko da wasu kayan amfanin gona, idan s**a sarrafa ikon da suke da shi na sadarwar duniya da kasuwancin teku, zasu zama tamkar Singapore. Ikon shigo da kaya da fitarwa, hade da ilimin sarrafa tsarin kudi, zai sanya su zama cibiyar kasuwancin duniya wadda kowa zai rinka neman izinin wucewa ta cikinta.
Gaskiyar ita ce babu kabilar da zata talauce, muddin aka zabi gwarzo a cikinsu. Matsalar Najeriya ba rarrabuwa bace, matsalar Najeriya ita ce muna tafiya ne akan zinare amma muna rokon abinci. Lokaci ya yi da zamu daina kallon juna a matsayin makiya, mu fara kallon juna a matsayin abokan huldar arziki. Kowacce kabila tana da mabuɗin aljannar duniya, mabuɗin ne kawai ba a ba wa wanda ya san yadda ake amfani da shi ba.
Domin kasancewa a sahun gaba wajen gano sirrin arzikin dake boye a cikin kowace kabila ba tare da rarraba kan mutane ba, AREWA TOPUP sune mabuɗinka a yanzu. Ilimi makami ne, kuma hadin kai akan turbar arziki shine asalin nasara.
