Arewatalk Tv

Website

Arewatalk Tv Contact information, map and directions, contact form, opening hours, services, ratings, photos, videos and announcements from Arewatalk Tv, TV Channel, No13 Albarka Plaza Adjacent Ministry of Finance Gombe, Gombe.

"Arewatalk TV" is a modern media platform focused on news storytelling to reveal the realities of Arewa communities, Nigeria, Africa and the world entirely especially through the Hausa language.

29/09/2026

Shugaban kasar Nigeria Bola Ahmed Tinubu ya isa gida Nigeria bayan shafe makonni yana hutu a kasar waje.

Credit NTA

IRAN TAYI WATSI DA RAHOTON DAKE CEWA TEHRAN TA AMINCE TA DAKATA DA INGANTA URANIUM DOMIN MUSAN YASHI DA RAGE TAKUNKUMIN ...
29/09/2026

IRAN TAYI WATSI DA RAHOTON DAKE CEWA TEHRAN TA AMINCE TA DAKATA DA INGANTA URANIUM DOMIN MUSAN YASHI DA RAGE TAKUNKUMIN AMURKA.

Iran ta yi watsi da rahotannin kai tsaye cewa ta amince ta dakatar da habaka uranium don a rage takunkumin Amurka.
Wani jami'in Iran ya shaida wa Press TV cewa rahotannin da ke nuna sassauci kan batun nukiliya na Tehran ba daidai ba ne, yana mai cewa matsayin Iran bai canza ba kuma babu wata tattaunawa da ake yi a kan lamarin a halin yanzu.

Jami'in ya zargi Washington da tayar da batun Nukiliya don karkatar da hankali daga rikicin da ke kewaye da mashigar Hormuz, yana mai cewa: Amurka ta makale a mashigar Hormuz kuma tana tayar da batun nukiliya don karkatar da hankali daga wannan matsalar."

Iran ta kuma yi watsi da rangwame kan habaka uranium da kuma canja wurin uranium dinta mai wadataccen arziki a wajen kasar. A halin yanzu, huldar kai tsaye tsakanin Iran da Amurka na ci gaba ta hanyar masu shiga tsakani, amma Tehran ta ce matsayinta na nukiliya bai canza ba. Har yanzu ba a warware takaddamar nukiliya ba yayin da rikicin Hormuz ke ci gaba.

Tsohon Ministan Sadarwa da Tattalin Arzikin Zamani, Farfesa Isa Ali Ibrahim Pantami, ya lashe zaben fidda gwani na jam’i...
29/09/2026

Tsohon Ministan Sadarwa da Tattalin Arzikin Zamani, Farfesa Isa Ali Ibrahim Pantami, ya lashe zaben fidda gwani na jam’iyyar PDP, inda ya samu tikitin tsayawa takarar Gwamnan Jihar Gombe a babban zaben 2027.

An gudanar da zaben fidda gwamin ne a yau, Talata 29 ga Satumba, 2026, inda Pantami ya samu gagarumar nasara a kan sauran ’yan takarar da s**a fafata.

Sakamakon zaben ya nuna cewa:

- Farfesa Isa Ali Ibrahim Pantami — kuri’u 2,054
- Khamisu Mailantarki — kuri’u 389
- Usman Garry — kuri’u 112

Jimillar mambobin jam’iyyar PDP da s**a kada kuri’a a zaben fidda gwamin sun kai 2,555.

Da wannan sakamakon, Farfesa Isa Ali Ibrahim Pantami ya zama ɗan takarar PDP na Gwamnan Jihar Gombe a zaben 2027, kamar yadda sakamakon zaben fidda gwamin ya nuna.

Babban Hafsan Sojan Iran yace:Mika wuya ba ya cikin kamus din Iran Rear Admiral Habibollah Sayyari ya bayyana cewa, duk ...
29/09/2026

Babban Hafsan Sojan Iran yace:

Mika wuya ba ya cikin kamus din Iran Rear Admiral Habibollah Sayyari ya bayyana cewa, duk irin matsalolin cikin gida ko karancin kayan da Iran ke fuskanta, baza ta bari baki su shigo cikin kasarta su kuma yanke hukunci kan makomarta ba.

Abu ne da ya saba wa tsauraran ka'idojinta (wato 'jan layi' da ba za a ketare ba). "Wannan kasa ba za ta taba karyewa ba.
Wannan kasa baza ta mika wuya ba. Hakika mika wuya ba ya cikin kamus din al'ummarmu."

Ya kara da cewa Iran ba ta taba neman zaluntar wasu ba, amma kuma ba za ta taba mika wuya ga zalunci ba.

28/09/2026

Jawabin Sen. Danjuma Goje kenan wadda yayi kira ga magoya bayan sa da su kauracewa zaben yan takaran jam'iyyar APC

Gwamnan Jihar Kano, Abba Kabir Yusuf, ya yi kira ga ’yan Najeriya da su sake zaɓar Shugaba Bola Ahmed Tinubu a zaɓen 202...
28/09/2026

Gwamnan Jihar Kano, Abba Kabir Yusuf, ya yi kira ga ’yan Najeriya da su sake zaɓar Shugaba Bola Ahmed Tinubu a zaɓen 2027, domin ya kammala abin da ya bayyana a matsayin tsarin rabon mulki na shekaru takwas tsakanin Arewa da Kudu.

Gwamnan ya ce tsohon Shugaba Muhammadu Buhari ya shafe shekaru takwas yana mulki daga 2015 zuwa 2023, don haka a cewarsa, ya kamata Kudu ta samu damar kammala nata shekaru takwas ta hannun Tinubu kafin mulki ya koma Arewa a 2031.

Ya bayyana hakan ne a ranar Lahadi a Gidan Gwamnatin Kano, yayin bikin ƙaddamar da rabon motoci 50 da High Chief Government Ekpemupolo, wanda aka fi sani da Tompolo, ya bayar domin tallafa wa harkar wayar da kan jama'a ta APC gabanin zaɓen 2027.

Gwamna Yusuf ya kuma yi kira da a gudanar da yaƙin neman zaɓen 2027 cikin zaman lafiya, tare da mayar da hankali kan manufofi da abubuwan da ’yan takara s**a cimma, maimakon kai wa juna hari ko ɓata suna.

26/09/2026

Shirin SANA'A SA'A daga Arewatalk Tv

Daliban Kano Sun Ƙaddamar da Gangamin Makarantu 25 Domin Goyan Bayan Tazarcen Tinubu Da Abba A 2027Dalibai daga manyan m...
26/09/2026

Daliban Kano Sun Ƙaddamar da Gangamin Makarantu 25 Domin Goyan Bayan Tazarcen Tinubu Da Abba A 2027

Dalibai daga manyan makarantu 25 a Jihar Kano sun ƙaddamar da wani sabon tsarin gangami na siyasa ƙarƙashin JAGABA/ABBA Students Mandate 2027, inda aka naɗa jakadun makarantu (Campus Ambassadors) domin gudanar da wayar da kan ɗalibai a faɗin jihar.

A wajen ƙaddamar da shirin, Convener ɗin ƙungiyar, Comr. Nafiu Yunusa, ya ce an samar da tsarin ne domin bai wa ɗalibai damar tattaunawa kan harkokin ilimi tare da isar da bayanan da ƙungiyar ta ce sun shafi nasarorin Gwamnatin Tarayya da ta Jihar Kano a fannin ilimi.

Ƙungiyar ta bayyana cewa goyon bayanta ga Shugaba Bola Ahmed Tinubu ya samo asali ne daga matakan da ta danganta da gwamnatin tarayya, ciki har da NELFUND, inda ta ce sama da aikace-aikace miliyan 1.6 aka sarrafa, yayin da sama da ₦322 biliyan aka raba ga ɗalibai har zuwa Agusta 2026.

Haka kuma, ta ambaci shirin TVET, tallafin karatu, ayyukan TETFund, tallafin bincike da kirkire-kirkire, da wasu sauye-sauye a manyan makarantun Kano.

A bangaren gwamnatin Kano, ƙungiyar ta ce gwamnatin Abba Kabir Yusuf ta ware tsakanin kashi 30 zuwa 31 cikin 100 na kasafin kuɗin jihar ga ilimi a shekarun 2024, 2025 da 2026.

Daga cikin matakan da ta ambata akwai ilimi kyauta daga firamare zuwa sakandare, rage kuɗaɗen karatu a manyan makarantun jihar, biyan kuɗin NECO da NABTEB, ɗaukar malamai sama da 14,000, gyaran ajujuwa da samar da kujerun ɗalibai 80,000.

Ƙungiyar ta kuma ambaci sake buɗe makarantun kwana na ’yan mata, samar da motocin sufuri, da farfaɗo da tallafin karatun Master’s da PhD a ƙasashen waje, inda ta ce sama da ɗalibai 2,000 s**a ci gajiyar shirin.

Rahoton ya ce sabbin Campus Ambassadors za su mayar da hankali kan wayar da kan ɗalibai, gudanar da tattaunawa da kuma isar da bayanai ga ɗaliban manyan makarantu a Kano.

YANZU-YANZU| Mai Martaba Sarkin Gombe Alh. (Dr) Abubakar Shehu Abubakar III CFR ya zama Chancellor na Greenland Universi...
25/09/2026

YANZU-YANZU| Mai Martaba Sarkin Gombe Alh. (Dr) Abubakar Shehu Abubakar III CFR ya zama Chancellor na Greenland University dake Jalingo, Taraba State.

Dangote ya haɗa gwiwa da Habasha da Djibouti wajen gina bututun man fetur na dala miliyan 660Kamfanin Dangote Group ya c...
25/09/2026

Dangote ya haɗa gwiwa da Habasha da Djibouti wajen gina bututun man fetur na dala miliyan 660

Kamfanin Dangote Group ya ce ya haɗa gwiwa da ƙasashen Habasha da Djibouti domin haɓaka wani aikin bututun jigilar kayayyakin man fetur da aka tace, wanda zai haɗa ƙasashen biyu na Gabashin Afirka. An kiyasta aikin da kuɗinsa zai kai dala miliyan 660.

A cewar wata sanarwa da kamfanin ya fitar ranar Alhamis, an gudanar da bikin aza harsashin ginin tashar man Damarjog-Dewele da aikin bututun mai a ƙasar Djibouti.

Address

No13 Albarka Plaza Adjacent Ministry Of Finance Gombe
Gombe
760001

Website

Alerts

Be the first to know and let us send you an email when Arewatalk Tv posts news and promotions. Your email address will not be used for any other purpose, and you can unsubscribe at any time.

Shortcuts

Share

Category