29/11/2025
Ayyukan Biliyoyin Kuɗi Na Gwamna Dauda Lawal a Karamar Hukumar Anka: Rahoto na Musamman
Shugaban Karamar Hukumar Anka, Hon. Bashir Musa Anka, ya bayyana manyan ayyukan raya kasa da gwamnatin Gwamna Dauda Lawal ta aiwatar a karamar hukumar, yana mai cewa “Anka na cikin jerin yankuna da ke samun gagarumar kulawa daga gwamnatin jihar tun bayan hawansa karagar mulki.”
A wata tattaunawa da ya yi da manema labarai a garin Anka, shugaban ya yi karin haske kan yadda wadannan ayyuka s**a sauya rayuwar al’umma, s**a kuma farfaɗo da sassan da ke da matuƙar muhimmanci ga ci gaban yankin.
1. Tsaro: Dorewar Zaman Lafiya da Kafuwar CPG
Hon. Bashir ya bayyana tsaro a matsayin fannin da gwamnatin Dauda Lawal ta fi mayar da hankali a kai saboda abubuwan da yankin ya taba fuskanta. Ya ce tun bayan hawansa mulki, gwamnan ya shigo da tsare-tsaren da s**a hada da:
• Karin jami’an tsaro daga hukumomi daban-daban
An karfafa hedikwatar tsaro a Anka, an inganta hanyar isar da bayanai, tare da sabunta kayan aiki domin samun ingantaccen aiki tsakanin rundunonin soji, ‘yan sanda da NSCDC.
• Daukar jami’an tsaron al’umma CPG (Community Protection Guards)
Hon. Bashir ya ce gwamnatin jihar ta dauki matasa daga cikin al’umma domin su zama Community Protection Guards (CPG) tsaro na kusa da jama’a, wanda ke aiki kai tsaye da hukumomin tsaro.
CPG na taka muhimmiyar rawa wajen:
Kula da tsaron kauyuka da yankunan da ke nesa da gari,
Taimakawa wajen gano barazanar tsaro da wuri,
Hada bayanai da hukumomin tsaro cikin gaggawa,
Tabbatar da tsaro ga manoma, 'Yan kasuwa, da makiyaya.
Shugaban ya ce wannan tsarin ya taimaka wajen rage harin 'yan bindiga, ya kuma dawo da manoma ga gonakinsu bayan dogon lokaci suna gudun hijira.
A cewarsa, ingancin wadannan matakai ya sa mutane s**a fara komawa gidajensu, kasuwanci ya fara murmurewa, sannan al’umma sun dawo harkokin yau da kullum.
Ya ce: “Idan tsaro ya daidaita, komai na daidaituwa.”
2. Gyaran Masarautar Anka: Ƙarfafa Tarihi da Al’ada
A fannin al’adu, gwamnatin Dauda Lawal ta gyara Masarautar Mai Martaba Sarkin Zamfara Anka wacce ke da dogon tarihi.
Hon. Bashir ya bayyana cewa aikin ya haɗa da:
Sabunta ginin fada,
Gyaran majalisar masarauta,
Inganta wuraren taro,
Shigar da fitilu masu aiki da hasken rana a gine-gine,
Tsabtace muhimman wuraren masarauta da ke karbar baƙi daga sassa daban-daban.
Ya ce gyaran masarautar ya kara mata martaba, ya kuma baiwa sarauta da mutanen Anka kwarin gwiwa, kasancewar masarautu su ne ginshikan zaman lafiya da zumunci a jihar Zamfara.
3. Lafiya: Kula da Marasa Lafiya
A bangaren lafiya kuwa, Gwamna Dauda Lawal ya saka gagarumar kulawa, musamman ganin cewa tsarin kiwon lafiya ya yi rauni tsawon shekaru.
Shugaban karamar hukumar ya bayyana cewa:
• Babbar Asibitin Anka ta samu sabbin kayan aiki
An inganta dakunan kwana, an sabunta dakin haihuwa, dakunan gwaje-gwaje, da dakin ɗawainiyar yara, haɗi da gidan ma'aikata.
• Gyaran wuraren shan magani a mazabu
Wuraren sun hada da Wuya Yarsabaya, Barayar Zaki, da sauran kauyuka.
Hon. Bashir ya ce marasa galihu na samun magunguna kyauta don kula da su, musamman:
Mata masu juna biyu
Yara ‘yan shekara kasa da biyar
Tsofaffi
Mutanen da ke fama da cututtukan da ke bukatar kulawa kai tsaye, k**ar irin kwalara amai da gudawa.
Ya ce hakan ya yi amfani sosai wajen rage mace-macen da ke faruwa saboda rashin kula da rashin iya biyan kudin magani.
4. Tituna da Gine-gine: Samar da Hanyoyin Ci Gaba
Tsarin gine-ginen hanya ya zama wani muhimmin bangare na farfaɗo da tattalin arzikin Anka.
Gwamnatin Dauda Lawal ta aiwatar da:
• Titin kauyen Abare, zai sauƙaƙa zirga-zirga tsakanin kauyen da cikin garin Anka
• Gadar Gangar Ruwa – gata da ta magance matsalar ratsa ruwa a lokutan damina
• Gadar Gulbi – ta bude hanyar safarar kayan amfanin gona
• Titin Anka–Mayanchi – babbar hanya da ke sauƙaƙa hulɗar kasuwanci
Hon. Bashir ya ce hanyoyin da aka gyara sun rage kudin sufuri, sun inganta kasuwanci, suna kuma kare rayuka musamman a lokacin damina.
5. Ilimi: Inganta Yanayin Makarantu
A fannin ilimi, gwamnatin jihar ta aiwatar da muhimman matakai don kara inganta rayuwar ɗalibai.
• Tsarkake ruwa da samar da rijiyoyi a makarantun Anka
Dalibai ba sa wahalar samun ruwan sha yayin karatu.
• Raba kayayyakin rubutu da littattafai kyauta
Wannan ya rage yawan yara masu barin makaranta saboda rashin kayan aiki.
• Raba uniform ga ɗalibai
Hakan ya saukaka nauyin da iyaye ke fama da shi.
Shugaban karamar hukumar ya ce waɗannan matakai sun inganta sha’awar karatu, sun kuma dawo da mutuncin tsarin makarantun firamare da sakandare.
6. Noma: Tallafin Da Ya Dawo da Murmushi
Manoma sun samu wani sabon salo na tallafi a Anka.
• Rarraba takin zamani kyauta
Wannan ya karawa gonaki inganci, ya kuma inganta yawan amfanin gona.
• Magungunan feshi kyauta
Manoma sun samu kariya ga shuka daga kwari da cututtuka masu kawo cikas ga amfanin gona.
• Samar da injinan noma kyauta
Domin rage wahala da kara inganci, musamman a fanin:
Noman shinkafa
Noman gero
Noman wake da masara
Hon. Bashir ya ce: “Manoma sun koma filayensu cikin kwanciyar hankali, kuma amfanin gona na karuwa.”
7. Walwala da Jin Dadin Al’umma
A bangaren jin dadin al’umma, gwamnatin Dauda Lawal ta aiwatar da:
• Raba tallafin shirin NG-CARES
Daruruwan iyalai, ‘yan kasuwa da matasa masu ƙaramin karfi sun amfana.
• Daukar sababbin ma’aikata
A sassa daban-daban, domin farfaɗo da ayyukan gwamnati da rage zaman kashe wando.
Shugaban ya ce wannan ya kara habaka tattalin arziki da samun kwarin gwiwa a tsakanin al’umma.
---
Kammalawa
Bisa bayanan da Hon. Bashir Musa Anka ya gabatar, ayyukan Gwamna Dauda Lawal a Karamar Hukumar Anka sun shafi tsaro, lafiya, ilimi, noma, gine-gine da walwalar al’umma, fannonin da ke da tasiri kai tsaye ga ci gaban jama’a.
Ya ce al’ummar Anka na jin tasirin wannan sauyi a zahiri, kuma suna ganin yadda gwamnati ke mayar da hankali kan farfaɗo da jihar Zamfara daga tushe.
