22/07/2026
GWAMNA LAWAL YA SA HANNU KAN WASU MUHIMMAN DOKOKIN GYARAN ILIMI, YA ƘADDAMAR DA RABA TSARIN MANHAJAR KARATU TA ƘASA GA MAKARANTUN ZAMFARA
Gwamna Dauda Lawal ya sanya hannu kan wasu muhimman dokoki (Executive Orders) domin kafa ingantaccen tsarin gudanarwa da zai haÉ—a hanyoyin samar da kuÉ—aÉ—en ilimi, kare makarantu, rarraba su bisa matakai, tabbatar da inganci, kula da lafiya da kuma tsaro a fannin ilimi.
A ranar Talata, gwamnan ya kuma ƙaddamar da rabon Manhajar Karatu ta Ƙasa ga makarantun gwamnati yayin wata ganawa da masu ruwa da tsaki a harkar ilimi da aka gudanar a Fadar Gwamnati da ke Gusau.
A cikin wata sanarwa da mai magana da yawun gwamnan, Sulaiman Bala Idris, ya fitar, ya bayyana cewa waÉ—annan sauye-sauyen sun shafi tsarin gudanarwa da ayyukan makarantu, ciyar da É—alibai da jin daÉ—insu, tsaro, da kuma tsara dokokin gudanar da bukukuwan yaye É—alibai.
Ya ƙara da cewa sauran gyare-gyaren sun haɗa da haɗa tsarin jarrabawa wuri guda, inganta ayyukan kula da lafiyar ɗalibai a makarantu, naɗa shugabannin makarantu bisa cancanta, bunƙasa ilimi mai bai wa kowa dama, tare da ƙarfafa ilimin fasahar zamani.
A jawabinsa, Gwamna Lawal ya ce ilimi ya fi zama kawai hidimar jin ƙai ta al'umma.
Ya ce:
"Ilimi shi ne mafi ƙarfi daga cikin hanyoyin rage talauci, samar da zaman lafiya, ƙarfafa tsaro, bunƙasa tattalin arziki da kuma shirya al'ummomin gobe domin su iya fafatawa a duniya mai dogaro da ilimi da fasaha.
"A yau muna mayar da wannan ƙuduri zuwa ainihin gyare-gyaren hukumomi ta hanyar sanya hannu da kuma ƙaddamar da waɗannan Umarnin Zartarwa.
"Waɗannan Umarnin Zartarwa ba umarni ne daban-daban kawai ba. A tare, sun zama cikakken tsarin gudanarwa da aka tsara domin ƙarfafa shugabancin makarantu, inganta ɗaukar alhaki, kare kadarorin ilimi na gwamnati, ƙarfafa tsarin samar da kuɗi, bunƙasa tsaro, ɗaga matsayin ilimi, inganta sakamakon koyo da kuma shirya 'ya'yanmu domin biyan buƙatun ƙarni na ashirin da ɗaya."
Gwamna Lawal ya jaddada cewa tsawon shekaru ana mayar da hankali wajen gyaran ilimi ne kan gina kayayyakin more rayuwa kawai. Duk da cewa azuzuwa, dakunan gwaje-gwaje da sauran cibiyoyin koyo suna da matuƙar muhimmanci, ƙwarewar da aka samu ta nuna cewa gine-gine kaɗai ba su isa su tabbatar da ingantaccen ilimi ba.
Tun da farko, Kwamishinan Ilimi, Kimiyya da Fasaha na Jihar Zamfara, Abdulmalik Abubakar Gajam, ya bayyana cewa nasarar tsarin ilimi tana dogara ne kan haÉ—in gwiwa tsakanin gwamnati, malamai, iyaye, al'umma, cibiyoyin gargajiya, abokan hulÉ—ar ci gaba da kuma kamfanoni masu zaman kansu.
Ya ce:
"Waɗannan gyare-gyare ba za su tsaya a takardun manufofi kawai ba. Za su bayyana a zahiri ta hanyar samar da makarantu mafi aminci, ingantaccen tsarin gudanarwa, ɗalibai masu ƙoshin lafiya, ingantaccen koyarwa, kyakkyawan sakamakon ilimi da kuma ƙarin amincewar jama'a da tsarin iliminmu.
SULAIMAN BALA IDRIS
Mai Magana da Yawun Gwamnan Jihar Zamfara
22 ga Yuli, 2026
