https://youtube.com/@jbdasilvatv

Jb Da Silva Usman, Ikeja (2025)

18/12/2025

Omo I sufa for relationship before I marry o. That year wey I still dey single and I dey look for girlfriend, I went on a date with one girl am crushing on one evening.

I carry her go one cool spot and I asked her what she wanted and she said fish barbeque. I buy am for her. I later buy Hollandia yoghurt for her make she use am take step down. As she dey chop, I dey look her like nama.

After she chop finish, I say make we go my house so that I go know her well well, she say no. She say next time.

As a gentle man wey I be na, I agree, but the agreement is not from my mind o. Infact, cry has already started forming in my eyes, because na only the fish eyes and onions I chop.

Na she chop the whole fish finish. Follow me go house after you don chop my Money make me self chop you small, she no gree.

Upon say cry is worrying me, I still maintain myself, because dem say man no dey cry. She come later tell me say she want dey go house, naim I say make I do the boy is good make I es**rt her reach house o.

When we reach her house gate, I come carry her go one small dark corner make I collect small goodnight kixx or make I press brex small.

At all at all naim bad pass. If I no see congo shine, at least make I prex brexx small. I never even do anything o, naim I no just know where this evul dog come from.

If una see as the dog take pursue me ehn? Una go pity me. Una want try the way I take run? Even me seff, I no know say I sabi run like that before o. Una want try Mario speed wey I use?

Since dem born me, I never run like dat before for my life.

The one wey even pain me is the shoe that I borrowed from my friend. Na only one leg remain for my leg as I look my leg, I no know where I fling the second leg put as I dey run.

As I reach one corner wey dark and I see say the dog don go, I just burst cry because I see shege banza that time wey I never marry o.

That time girls chop my money o. After dem chop me finish if I say make I use even though na only cap of my gbola take rub their photocopy machine, dem no go gree.

But I thank God now say I don marry and I don born.

18/12/2025

From my inbox……

How many of una want join sugar mummy business? 😆😆😆😆

18/12/2025

Thank you 30k Facebook followers. Congratulations to us all.

Below are story titles that I have written and completed on this page so far.

1. The Male Olosho
2. Aisha
3. The Blind Beggar
4. Tears of a Widow
5. The Single Mother
6. The Housemaid’s Child
7. The Housewife & The Side Chick
8. Enemy Within
9. The wedding Gift
10. Tears Beneath The Mango Tree
11. Tears of a Sister
12. The Call
13. Ogbanje
14. Oko Orun - Spiritual Husband
15. Powers of Old
16. The Keke Driver
17. A Mermaid Love Story
18. The Orange Girl
19. Olosho No Be Work

If you have read all these stories, which one(s) is(are) your favorite so far?

If you are new on my page, you might want to check out all these stories because you be glad you did

Please drop a comment!!!

18/12/2025

My Daughter Fatima was around 6 Months Old when I featured her in this Episode of Oga Landlord

18/12/2025

Sugar Mummy Business - Episode 1

To survive for this Lagos no be small task at all o. Person go finish school come drop certificates dey hustle like drop out.

My name na Alex, I be 35 year old man and dis na my story.

You see dis Lagos ehn, everything about am just worwor anyhow. To survive for Lagos you go nearly turn to mad person. Wetin I never do to make am for Lagos?

I don do contract staff work for bank. I don do dispatch rider. I don even work for where dem dey sell coffin. Na me dey sleep inside coffin so that people wey dey come buy coffin go know whether the coffin go fit their dead body or not.

If dem talk say person don suffer for this Lagos, omo I don suffer o. I don even take job to dey bath one Oyinbo woman dog before. Every morning I go go her house go bath her dog. In the evening I go go her house again go bath dem the dog. I dey baff dogs like say na children I dey bath.

One day when I enter compound, naim I summon courage meet one of my neighbor wey dem dey call fresh. The boy dey very cautious of him skin. Him na very skinny calabar man wey don bleach tire.

I tell am say weda I fit follow am align one matter? Him say sure, why not. I look left and right and then I ask am say “everybody for area dey talk say na sugar mummy business you dey do, shey na true?”

Him say yes, say na sugar mummies dey pay him bills o. I tell am say how him come dey do am? Him say to tell me the truth the business no dey easy but if you get big preeq and you get stamina to fawk well well, say the business go go smoothly.

I come tell am say, abeg make him link me up na. Say make me self try my luck weda luck self go shine for me.

Him look me from head to toe, him tell me say make I stand up. As I stand up him say make I bring my gbola come outside make him see, I say which kind rubbish be that one, him say no vex, dey go. See who I want help.

You want make I send you go work when you no qualify. Ogbeni dey go. I vex comot because I no fit show my fellow man my preeq.

As I dey comot I come dey talk say abi him be agaygay ni? I no just reason him matter. I no come dey greet am again. I dey avoid am. I come dey regret wetin even make me go ask am.

Omo after like 6 months, this my neighbor catch one sugar mummy wey be senator wife. That one come go rent house for am for Lekki. Him buy car for am too.

One day wey him drive come our compound base on say him no dey live with us again, naim I summon courage go meet am again o. Poverty don turn man to ewu finish. I hail am. Him say hope no problem? I tell am say Bross abeg no vex, show me the way. Bross abeg cut soap for me.

Him say shebi him want show me way back then say I no gree. Him say the reason why him say make I show am my gbola that time na because him want see how big e be because all these sugar mummies dey like big gbola. Say him no want send me go somewhere when him no know wetin I carry.

I enter him car, omo I pull boxer show my fellow man my preeq o. Him collect my number say him go call me. I thank am comot from him car.

After two weeks, him say make I come meet am for one address for Lekki. I tell am say I no too guide for transport, him press me 10k.

Him say make I shave clean. I enter barbing salon go barb my hair. When I reach house, I shave all the bush wey full my brocus. My preeq come be gorimakpa like say na small pikin own. The only difference na the size and thick thick veins like electric wire wey dey ontop my own.

When I reach him house, omo Fresh don turn to big boy o. You want try interior decor? The guy house too fine. Him come shake me. Him say make I sit down, I sit down, him come give me one hotel address and the room number. Him say na my first job be dis.

Him tell me say weda I dey okay and weda I don prepare well, I say yes. Him come give me one pill say make I enter baffroom swallow am once I reach there and show want start. I say okay.

Him talk say make I no follow the women discuss price say na him dey go pay to and him go pay me. I say no problem. Him come say make I come dey go because the woman go dey wait.

I say no problem, my Facebook people, na so I start sugar mummy business o…

👉 To be continued in Episode 2

👉 If I get 500 SHARES now, I will drop Episode 2 Immediately

👉 Please support us by COMMENTING, SHARING and LIKING our stories

👉 Please drop a Positive Review on my Page

👉 Please follow this page Jb Da Silva Usman for more interesting new episodes and stories

fans

18/12/2025

O God of increase, release uncommon favor upon my life this December. Let my name be remembered for good in every rooms of opportunities. Drive away fear, confusion, and defeat from my life. Establish me financially, emotionally, and spiritually. Protect me and my family from accidents, evil plots, and misfortunes. Let my days be marked for victory. Amen

17/12/2025

The Male Olosho - Episode 12

Throughout my journey from warri to Lagos, na so I sit down inside bus dey cry like small pikin. Even passengers inside bus dey tell me sorry, as dem see me dey cry.

I no tell dem wetin dey make me dey cry but dem feel my pains. For a matured man to sit down in a public transport and tears go dey trowey for him eyes like tap, e mean say him dey seriously emotionally damaged.

When I enter Lagos, from park I buy enough loud and shayo. As I reach house, Sammy and my other roommates don go hustle.

I start to Dey smoke, dey drink dey cry Dey high only me. I drink so tey my blood mix with alcohol. When dem Sammy enter inside house the following day, I don mess up everywhere. Everywhere for inside house just dey smell.

Three days I still Dey weak and I just Dey sleep. Na one doctor wey dey our street dem call wey come house come give me drip.

Na as I take four drips before I begin start to Dey get my body. Sammy come dey para for me say wetin go make me come high like that? Him sha just Dey shout. As him Dey para for me, I remember my mama and brothers again, tears start to Dey flow from my eyes.

Him see say the tears just Dey flow uncontrollably. Him come say na dat small thing wey I tell you Dey make you cry? Oya no cry again. Na so him come put hand for my head Dey tell me sorry.

The following day, I resume my olosho work, because to carry dead body from Lagos to warri no be small money. I don get like 2 million for my account.

I Dey work so that when I die, at least dem no go bury me like fowl. At least make dem bury me like normal human being.

E get one day wey me and Sammy dey talk. I come shift the talk go death and burial. As we Dey talk about how dem dey bury people for their side, me I tell am my own too.

I come tell am say anytime wey I die, I go like make dem bury me beside where dem burry my mama and twin brothers. Him say your mama and brothers don die? I tell am yes o. Him say ayah, say him no know. Him come tell me sorry o, May their souls Rest In Peace. I tell am thank you.

After about one week wey I comot from village, my papa call me for phone. Him come dey beg me say make I come back house say him go show me where him mama ofor dey so that I go answer my call.

Him say na only me be the family wey him get now. Say make I forgive am. Make I no allow am burry all him family.

As him talk finish, I tell am say Papa you are a very wicked, stubborn and self centered man. You no want burry me abi? Him say yes. Say Abeg make I come answer my call. Say him go support me.

I tell am say papa I don Dey save my money for my burial already. So just be ready. Because you fit sit down one day and dem go carry my dead body come give you make you burry.

You Kukuma like to Dey burry your family members na. So no be new thing to you. You don burry your wife, you don burry your daughter, you don burry your two sons. Very soon you go burry me too and then your case go be like snake wey waka ontop rock wey no leave any trace.

I tell am say papa I beg you, I cry beg you tire you no gree. Na now wey e don late Naim you say make I come answer my call abi?

If I answer the call now, Shey mama, Esther and twins go come back? Papa just leave me alone Abeg. My own be say make you no die before dem go bring my dead body for you.

Since you have caused me this too much of pains, papa I go return the pains back to you.

I am your only family member and once you burry me and you too don die, that is the end of your linage. I still tell am again say, Papa I no go ever forgive you even in death.

I end the call, I remove my SIM card. I break am, so that nobody go fit call me from village again.

The following day, I go buy another new sim, I give only Sammy the new number. I save my papa and uncle number inside the new sim, so that when e go happen, Sammy go fit call any of them.

So as I Dey now, I just Dey do my olosho work Dey go small small till I go die, so that dem go carry my dead body go give my papa for village make him burry.

The End…….

Don’t forget to FOLLOW page Jb Da Silva Usman for more interesting stories

17/12/2025

Dem want scam Oga Landlord o 🤣🤣🤣

17/12/2025

You see dis baba God ehn, Miracle no Dey tire am to do. Most times too e good make you Dey listen to your wife as a husband.

After Dog pursue me yesterday wey I go sell puff puff for one compound, as I come house I tell my wife, she com console me say na like that life dey be atimes. Say no be every time life go sweet for person no matter how close the person dey to God.

This morning as I wake up, I don make up my mind say I no Dey go sell any puff puff today.

My wife ask me whether I no go go market today as she no see me Dey prepare, I tell her say I want rest today. I tell her say that dog wey pursue me yesterday still Dey worry me.

She come tell me say, everything wey happen yesterday don follow yesterday go and today na another day. She come remind me of one of our daily prayer points wey be “May all the bad things that happened to us yesterday never happen to us today”.

She say today own market go better pass yesterday own. Say make I no give up. My wife know my weak point sha. Too much good motivations from her Dey always move me.

Na so I get up go baff wear clot. I come tell my wife say even if I go collect the puff puff, the rubber wey we Dey use take sell the puff puff Naim I trowey yesterday wey Dog pursue me. She say make I no worry, make I go collect the puff puff come first.

Na so I go that Igala woman place go count the puff puff come o.

E get one clean rubber wey we Dey use take fetch water wey we Dey drink for house. Before I reach house, my wife don pour the water comot, clean am keep for me.

As I reach, she say make I use that one for today. Say if we sell, we go Dey save small small to buy another rubber. I look my wife, I hug her. I tell God say make God bless am for giving me this kind of wife.

As I pour the puff puff inside the rubber, me and my wife pray ontop the puff puff make God bring better market come.

Na so I do my oshuka put for my head, my wife help me carry the puff puff put for my head. She come tell me say “You go sell” I say amen o. Na so I comot for house.

As I reach road. Traffic Dey early this morning. As I Dey waka with my puff puff for head. I hear some children Dey shout “Puff Puff, Puff puff”, I turn towards the direction wey dem Dey shout puff puff. Na some students wey Dey inside school bus dey call me for the other lane.

I look left and right. I cross go the school bus side. One woman wey dey inside the school bus come ask me “How do you sell your puff puff”? I tell her “ten ten naira”. She say how much is everything? I say “ehn”?

Then she said “I mean how much be the whole puff puff? I say everything na five thousand. She say I will give you eight thousand naira for the puff puff and the plastic rubber. I like the color of the plastic rubber, you can buy another one.

Like play like play, she bring out her purse, she count 8k give me for hand. I count the money three times, then I carry the rubber of puff puff give her.

As I give her, the traffic begin Dey move, na so dem drive go.

As I Dey look dem Dey go, big big cry started worrying me. Cry of joy started coming down from my face because I no expect God to do this kind of miracle for me early this morning.

As I Dey waka dey go house with joy for my face, I come see that stewpid man wey him dog pursue me yesterday dey jug Dey come for my front.

I put the 8k inside the purse wey I hang around my waist. I zip am. As the man Dey jug come, I stand for him front.

Him say “are you okay young man” I tell am say na your mama for house no Dey okay. Him come slap me with “Is something wrong with you? Are you normal? How dare you insult my mother? Do you know who I am?

As him Dey vibrate people don dey gather for road o. After him rant finish, him come dey go. Na so I turn, I pack him two legs from ground, I raise am up, na so I roll am for air, I hit am for ground. As I hit am for ground na so everybody begin shout haaaaaay. Some people Dey even laugh self.

As I hit am for ground, na so I sit down ontop of am, I use my two legs pin am for ground. I start to Dey use slap and punch rearrange him face.

Me, Igala man, you cheat me yesterday, you want still cheat me today again “Ojo ki kor “ (God forbid)

Na so people gather me, pull me ontop the man. Dem come dey ask the man say oga wetin happen?

Na so him dey breath Iike hippopotamus. Him come manage say I don’t freaking know this mad man. I don’t know him. You, him start to dey point me. I will make sure you rot in jail. How can you just assault me like this. Him come dey snap him face wey swell up as evidence. Him come dey make phone calls.

People come face me come dey ask me wetin happen? I come narrate all the thing wey happen yesterday give them. I tell them how I loose both my puff puff and rubber yesterday because him dog pursue me. I come still tell dem say, as I meet am dis morning, him still slap me join, Naim make me rush am with ogidigbo.

People come face the man Dey blame am say why him go do like that na. Na by this time the man come remember say na me be the puff puff guy wey him dog pursue yesterday. The man come dey talk say no be him fault.

I tell the man say make him give me my money for puff puff and rubber yesterday, if not, any day I jam am for road, me with am go Dey fight. If him no beat me, me I go Dey beat am.

People ask me say how much I loose yesterday, I tell dem say na 8k. My puff na 5k and the rubber na 3k.

Dem come tell the man say make him Kukuma give me my money to avoid embarrassment.

As people don too gather and some people don dey use their phone dey camera me and the man, the man just draw him face cap cover him face well well. Him come bring him wallet out.

Him count 5k give me, him say the remaining 3k, him go use am treat him face and him come warn me say any time I see am for road make I avoid am. Na so him jug comot.

I dust my self, I begin look for the second leg of my slippers. I see am for inside bush. I wear am. I come comot.

As I enter my street, e get one woman wey Dey sell plastic rubbers for my street. I use the 5k wey that man give me buy two rubbers. I need to replace the drinking water rubber and I need to buy another rubber for my puff puff business.

I branch one shop wey dem Dey sell frozen food. I buy chicken 1 kilo. I branch the Aboki wey Dey my street, I buy 1 hollandia yoghurt. Na so I come house.

When I enter inside house, my wife dey surprise. I come narrate every thing wey happens to her but I no tell her say I fight o. Na only the school bus miracle I tell her. If I tell my wife say I go fight for street, she go vex for me.

Even though my wife knows everything about me, one thing wey she no know about me and I no want make she ever know about me be say “I no get shame, I am a very shameless human being”

I give her the chicken make she use am cook better Egusi soup and Oje Abacha (Tuwo) in the afternoon. A typical Igala man doesn’t joke with oje abacha.

I tell her say make she bring two cups come, I pour the hollandia yoghurt full the two cups. I start to Dey play zikiri music from my phone because we no get light, we come dey dance Dey drink our hollandia yoghurt small small.

After we drink am finish, I come go baff, I tie only towel I come go lie down ontop bed. I tell my wife say make she come ontop bed make I show her something.

She say she no Dey come. She say e too early for me to show her something ontop bed.

Like I don’t understand, as a married man, are you not entitled to show your wife something on top of bed anytime you want?

Please follow Jb Da Silva Usman for more interesting stories and episodes

17/12/2025

Eternal God, I ask for your divine intervention in every stagnant area of my life. Let chains break, delays dissolve, and progress begin in my life today. Position me where my gifts are rewarded and my labor is fruitful. Place a hedge of protection around me and my family and grant me peace, stability, and unstoppable advancement. Amen

16/12/2025

The Male Olosho - Episode 11

Him come tell me say this one wey you Dey share your ATM pin with me so, na so you trust me reach? I tell am say him trust me too na. Say after all him no know me and him help me. Him put me for house, clean me up and him still show me way to make money. I no tell am say spirit of death dey after my family o.

I just continue my olosho work and I Dey wait for when e go reach my turn to die.

Five months after I comot from warri, my papa call me say make I come down house say him want tell me something.

I begin happy well well, because for him to tell me to come down, definitely him go don gree to hand over my grandmother ofor to me make I answer my spiritual call.

I say at least now wey I want start my calling, everything go calm down now for my family.

Early morning the following day, I don baff rush go park. I just Dey greet, joke and play with anybody wey I see for road. Me wey I no Dey like eat anytime wen I Dey travel, I eat this time around because I dey in a very happy mood.

As I eat food dey come outside, na so I see one guy wey dey sell football boots.

The last time wey I go warri, my younger brothers wey be twins, dem tell me say make I buy football boot for dem when next I Dey come back home.

Dem say anytime wey dem go play ball, all their mates Dey wear boot. Dem say na only dem no Dey wear boot because dem no get and other children dey use am laugh dem. So dem beg me make I buy boot for dem.

E no Dey my budget to buy the boot now o, but since I dey in a very happy mood, I close eye buy two boot for my twin brothers. I put am inside my bag and after every body don eat finish, we continue our journey to warri.

When I reach Warri. As I Dey waka the road wey lead to my papa house, everywhere just dry somehow. I no too see people for street like that. As road dry like dis, Naim be say dem don Dey do one party somewhere and everybody don go there.

Because that time wey I dey village, na so e dey always be. Once one big party dey happen like this, na so all of us go go there.

When I reach our compound, I see people plenty. As dem see me, dem begin dey hide their face because some of dem eyes don red. I just dey look dem dey wonder wetin plenty people gather for our compound for.

As I reach passage like this, I see my father sit down ontop bench with him hand for jaw. I see two of him uncles by him side. I see three dead body wey dem cover with white cloth for ground.

I say “papa! wetin Dey happen for here? Why people full our compound like dis? Him no answer me.

I waka go where the dead body dey for ground. I open the first clothe, na my mama I see with cotton wool for her nose, my leg weak me I fall down. I rush open the second and third cloth na my sweet, jovial and friendly brothers I see lie down with cotton wool for their nose too.

I ask wetin happen, dem say my mama, papa and twins sleep last night and dis morning, my mama and two brothers no wake up. I shout noooooooooooooooo.

I begin cry. As in I cry like small pikin. As I Dey cry, na so cattarh Dey comot from my nose. As I Dey cry na so I Dey shake my mama body dey tell her make she get up say I never build the house wey I say I go build for her when I grow up.

I shake my junior brothers too, I tell dem say make dem get up say I don buy the football boot wey dem say make I buy for them.

I open my bag bring the boot come outside show dem say Abeg make dem get up make dem wear the boot to check whether na their size. I Dey cry Dey beg dem make dem get up.

I cry so tey my eyes swell up. I cry like say I be baby. If to say person dey cry blood, I for cry blood that day.

As I Dey cry people wey gather for compound too dey cry.

All of a sudden this anger and hatred just enter my body. I go where my father sit down.

I tell am say “Papa, you don do your worst abi? Papa I begged you. Papa I cry beg you say make you let me answer this call. You say no. Say you be deacon for church. Now mama don die. Twins too don die. Now wey dem don die, your mind don calm down abi? Tears start to Dey drop from my father eyes.

Papa where your Pastors Dey? Wetin be the gains of all the deliverance? Tell dem make dem come wake mama and twins up. Papa I beg you tire say danger Dey road Dey come make you hand over grandma ofor to me, you say over your dead body, say you be Christian.

Papa where has your Christianity led you? You burry your daughter, now you Dey burry your wife and two children at once. Three people at once. I cry sotey tears no gree come down for my eyes. As I Dey cry Dey call my mama and twins, na so people Dey hold me Dey console me say make I take heart.

I pack sand from the compound and I say Papa even in death, I will never ever forgive you. I pour the sand back for ground. I turn my back, I begin waka comot from the compound. As I Dey waka dey comot, my father and uncles and people wey come mourn with us begin dey call me, I no answer dem.

👉 To be continued in Episode 12

👉 If I get 100 SHARES now, I will drop Episode 12 Immediately

👉 Please support us by COMMENTING, SHARING and LIKING our stories

👉 Please drop a Positive Review on my Page

👉 Please follow this page Jb Da Silva Usman for more interesting new episodes and stories

fans

Jb Da Silva Usman

18/12/2025

18/12/2025

18/12/2025

18/12/2025

18/12/2025

18/12/2025

17/12/2025

17/12/2025

17/12/2025

17/12/2025

16/12/2025

Address

Telephone

Website

Alerts

Contact The Business

Shortcuts

Share

Category